Morgunblaðið - 04.05.1985, Qupperneq 15

15
MORGUNBLAÐID, LAUGARDAGUR 4. MAÍ1985
Szymon Kuran
Kristján Þ. Stephensen
Pétur Þorvaldsson
Sigurður Markússon
tókst þó ekki að laða nægilega
sannfærandi fram, enda hrifning
viðstaddra i lágmarki ef marka
má undirtektir.
Betur gekk í „Symphonie conc-
ertante" fyrir fiðlu, óbó, selló, fag-
ott og hljómsveit. Þetta verk er
einskonar kokteill af konsert og
sinfóníu og leyna sér hvergi meist-
araleg tök höfundar á verkefni
sínu. Einleikarar voru þeir Szym-
on Kuran fiðla, Kristján Þ.
Stephensen óbó, Pétur Þorvaldson
selló og Sigurður Markússon fag-
ott, þar sem mest bar á Szymon
Kuran, sem er góður fiðlari. Víða
brá fyrir dágóðum leik hjá þeim
félögum, þó hnökralaus væri hann
ekki með öllu. Lokaþátturinn var
fjörlega leikinn. Að sfðustu heyrð-
um við svo 5. sinfóníu Schuberts.
Þetta er bjart og gleðiríkt verk,
sem býr yfir mikilli fegurð. Ef
haft er í huga að höfundur var enn
innan við tvítugt er hann samdi
verkið, hljótum við að undrast
þroska hans. 5. sinfónía Schuberts
er hvorki gædd tröllauknum átök-
um Beethovens né glitrandi léí’t-
leika Mozarts, en lifir samt góðu
lífi á ljúfum laglínum og hljóm-
auðgi. Hljómsveitinni tókst sæmi-
lega upp í glímunni við þetta verk,
þó viðkvæmur annar þátturinn
væri að mínu mati í heild of sterkt
leikinn.
henni langt að baki, ekki síst
vegna veikinda Theodórs Júlí-
ussonar, sem leikur köttinn. En
Theodór var raunar ágætur og
vel slóttugur köttur, þrátt fyrir
veikindin. Pétur Eggerz var eÖli-
lega hvimpinn foli og bar fæt-
urna í samræmi við það. Sunna
Borg var óþarflega glansleg í
hlutverki Ljómalindar, en Mar-
inó Þorsteinsson túlkaði hund-
inn á sannferðugan og hóflega
kímilegan hátt. Þórey Aðal-
steinsdóttir lék konuna afbragðs
vel. Var leikur hennar vandaður
og samleikur hennar og Þráins
Karlssonar mjög góður. Renni-
lásinn á síðu mannsins var
skemmtileg hugmynd. Fæð-
ingaratriðið kom á réttu augna-
bliki, þegar full mikil deyfð var
að byrja að trufla athyglina, og
var útfærsla þess sérlega góð.
Rósberg Snædal var skondinn
hvítvoðungur, sem lét að sér
kveða með áhrifamiklum
gráthviðum.
Þótt hér hafi verið fundið að
einu og öðru, þá er óhætt að
hvetja bæði börn og fullorðna til
þess að sjá Köttinn þeirra Kipl-
ings og Ólafs Hauks.
Endurvarp
Myndlist
Valtýr Pétursson
Endurvarp er nafn á ljós-
myndasýningu, sem sett hefur
verið á veggi menningarstöðvar-
innar Gerðubergs; undirtitill
sýningar þessarar er: Lífið er
list — ljósið leikur. Hér er um að
ræða áhugavinnu nemenda úr
framhaldsskólum, og er sér-
staklega ánægjulegt að sjá þann
árangur sem náðst hefur. Það er
jafnan minnzt á ungt fólk, þegar
okkur öldungunum þykja hlut-
irnir fara úr böndunum, en
sjaldnar talað um það sem betur
fer hjá ungdómnum. Þessi sýn-
ing er mjög skemmtileg í öllu
tilliti.
Ekki vil ég gera upp á milli
þeirra mynda, sem valdar hafa
verið til sýningar. Þær eru flest-
ar í ágætum gæðaflokki og
miklu betri en ég bjóst við, er
mér barst boðskort frá Fram-
kvæmdanefnd endurvarps. Ég
vil fullyrða, að mín kynslóð hefði
á æskuárunum ekki getað sýnt
jafn ágæta sýningu sem þá, sem
nú er í Menningarmiðstöðinni í
Gerðubergi, en á þeim tíma voru
þeir unglingar, sem áttu kassa-
vélarnar gömlu, uppteknir af, að
eitthvæð kæmi á pappírinn. Öll
listræn átök voru langt undan,
og maður þakkaði sínum sæla
fyrir, ef filman varð ekki ónýt.
Nú er öldin önnur; þetta unga
fólk hefur ágætar vélar og alls
konar apparöt til að gera mynd-
ir. Það er einnig sjáanlegt á
þessari sýningu, að myndrænn
þroski er á allt öðru stigi í dag
en áður var. Spilar þar margt
inn í, og í stuttu máli má segja,
að heimurinn í heild sé miklu
myndrænni en áður var.
Ekki þekki ég þá aðstöðu, sem
þessir strákar hafa til að taka
myndir, framkalla og stækka, en
það er furðulegt, að engin stelpa
er með í þessum félagsskap, ef
marka má sýningarskrá. Hvað
veldur? Spyr sá sem ekki veit.
Hér mun vera að rætast marg-
þráður draumur áhugamanna
um ljósmyndun. Hann er orðinn
að veruleika, og vonandi á þessi
sýning eftir að verða örvandi
fyrir þá, sem sinnt hafa þessum
málum i framhaldsskólunum.
Þessi hópur á allt gott skilið og
miklar þakkir fyrir að hafa kom-
ið þessari sýningu á framfæri.
Það er ekki lítils virði að vita um
aðra eins kappa og þá, sem hér
eru á ferð, og segi menn svo, að
æska landsins sé til fárra hluta
dugandi. Hér er um mikinn heið-
ur fyrir framhaldsskólana að
ræða, og ég er sannfærður um að
betur hefði ekki getað tekizt.
Opið
tii ú. 16
laugandag
í MJÓDDINNI
& STARMÝRI en til
“13 í AUSTURSTRÆTI
GlæsUegt úrval
í matvöru!
- Góð verð og
góð þjónusta.
Fjolbreyttar
Vörukynningar

AUSTURSTRÆT117 — STARMÝRI 2
— MJODDINNI