Morgunblaðið - 21.07.1985, Blaðsíða 25

MORGUNBLAÐIÐ, SUNNUDAGUR 21. JÚLÍ1985
25
Kurt Russell bl*s f trompetinn (Swing Shift
Þau sem
heima sátu
Þau sem að
heiman fóru ...
Kvikmyndlr
Árni Þórarinsson
Austurbsjarbíó: Sveifluvaktin —
Swing ShiftAA'/i
Bandari.sk. Árgerð 1984. Handrit:
Rob Morton. Leikstjóri: Jonathan
Demme. Aðalhlutverk: Goldie
Hawn, Cristina Lahti, Kurt Russell,
Ed Harris, Fred Ward.
Þetta er sagan um þau sem
heima sátu á meðan bandarískir
hermenn voru útí heimi að vinna
striöið. Fram til þessa hafa
bandarískir kvikmyndagerðar-
menn ekki að ráði beint sjónum
sinum að hlutskipti þeirra kvenna,
karla og barna sem biðu þess
heima fyrir að stríðsaðilar í ann-
arri heimsstyrjöldinni lyku sér af.
Afturámóti hafa þeir margoft og
með ýmsum hætti lýst lífi og
starfi hermannanna á vígvellin-
um. Swing Shift er stríðsmynd
sem heldur sig utan við striðið
sjálft. Samt fer það með aðalhlut-
verkið, nærvera stríðsins er í
hverju atriði, skuggi þess hvílir á
hverjum myndramma.
Swing Shift er engu að síður
ekki tiltakanlega dapurleg mynd.
Þegar allir vopnfærir menn eru
kvaddir í herinn við árás Japana á
Pearl Harbor árið 1941 fara konur
og karlar, sem eftir verða, að
vinna í verksmiðjum við að búa til
hergögnin handa þeim. Myndin
segir sögu nokkurra slikra sem
starfa í herflugvélasmiðju. Hún
segir þá sögu með samúð og skiln-
ingi á því að lífsgleði og lífslöngun
var ekki síður haldreipi þessa
fólks en hinna sem börðust á blóð-
völlunum. Aðalpersónan Kay vill
vinna þjóð sinni gagn á meðan eig-
inmaðurinn er að striða en hún
þarf líka á nýjum vinum og nýrri
ást að halda á meðan hún bfður.
Stríðið breytir öllu, en samt er
eins og fátt hafi breytst þegar því
er lokið. Þetta segir a.m.k. sagan
af Kay og vinum hennar, Hazel og
Lucky, sem áður en yfir lýkur
verða ástarþríhyrningur í skugga
fjarlægrar styrjaldar.
Myndin er á flestan hátt heið-
arleg lýsing á þessu fólki og að-
stæðum þess, en heldur stöðluð,
átakalitil og einföld. Veikasti
hlekkurinn er sjálf aðalpersónan,
Kay, sem skortir blæbrigði og
verður í túlkun Goldie Hawn frek-
ar grunnfærnisleg „kjútípæ“ með
kunnuglegum geiflum leikkonunn-
ar. Miklu meira púður er í vinkon-
unni Hazel sem Christina Lahti
leikur með ágætum og Kurt Russ-
ell fer þokkalega með hlutverk
Lucky, verkstjórans, sem vill
verða trompetleikari og gerist
elskhugi beggja kvenna.
En handritið er of rýrt og Jon-
athan Demme, sem lengi hefur
verið í hópi efnilegustu leikstjóra
Bandaríkjanna verður trúlega
efnilegur eitthvað lengur. Hann
myndgerir margt fallega með
mjúkum ljóssíuðum tökum þótt
verkið sé í heild of dauflegt. Swing
Shift er vönduð mynd og vel mein-
andi, en efnið kallar á skarpari
úrvinnslu og meiri kraft.
Kvikmyndir
Árni Þórarinsson
Purpurahjörtun — Purple Hearts
★★
Bandarísk. Árgerð 1984. Handrit og
leikstjórn: Sidney J. Furie. Aðalhlut-
verk: Ken Wahl, Cheryl Ladd.
Purpurahjörtu eru heiðurs-
merki sem bandarískir hermenn
fá fyrir frækilega frammistöðu í
Víetnamstríðinu. Kvikmyndin
með sama nafni þjónar sumpart
sama tilgangi. En það heiðurs-
merki er ansi blóði drifið.
Þetta er önnur Víetnammynd
Sidney J. Furie sem gegnum tíðina
hefur gert margar æsilegar að
maður segi ekki æstar, afþrey-
ingarmyndir, öflugar en oft hallar
undir ódýrar aðferðir og fiff. Fyrri
mynd hans af þessu tagi, The Boys
in Company C. frá 1978 var þó til-
tölulega vel heppnuð, harðneskju-
leg lýsing á lífi og dauða innan
Ken Wahl sem ástfanginn herlæknir
i vígvellinum í Purple Hearts.
bandarískrar herdeildar í Víetn-
am. Purple Hearts snýr aftur til
sama sögusviðs og svipaðra per-
sóna, nema hvað Furie gróðurset-
ur litla ástarsögu herlæknis og
hjúkrunarkonu í hrjóstrugum
jarðvegi vígvallarins. Fá þau að
njótast? Það er spurningin. Þrátt
fyrir það að böl styrjaldarinnar sé
útmálað í löngum blóðsúthellinga-
og spítalaatriðum sem einna helst
minna á alvarlega útgáfu af
MASH með kaldhæðnum gálga-
húmor hinna tilfinningalega
brynjuðu dáta þá heldur Purple
Hearts stíft fram hetjuímynd
þeirra. Myndin er í eðli sínu heið-
ursmerki.
Allt í lagi með það. Það væri
einfaldlega að henni meiri heiður
ef hún væri betri. Furie leikstjóri
gerir sitthvað all vel en ekkert þó
betur en áður hefur verið gert í
svipuðum myndum. Furie hand-
ritshöfundur hefði getað hjálpað
honum ef hann hefði hugað meira
að persónusköpun og minna skeytt
um að hlaða samtölin blótsyrðum
og klúrheitum. Og ekki hjálpar
sviplítill leikhópur upp á sakirnar
og síst af öllu Ken Wahl í aðal-
hlutverkinu. Hann er einn af þess-
um stæltit? þykku ungu leikurum
sem engan persónuleika hafa og
alveg er vonlaust að trúa á sem
fyrsta flokks skurðlækni. Fyrsta
flokks slátrari væri nær lagi.
SUZUKI
FOX PICKUP
Bíll sem býður upp á marga möguleika

Aflmikill og lipur jeppi og umfram allt ótrúlega spameytinn.
ísparaksturskeppni BIKR ogDV9. júní sl. eyddi Suzuki Fox 413 aðeins 6.2 Itr. pr. 100 km.
Nú getum við boðið upp á vönduð trefjaplasthús á Suzuki Fox pickup.
Þar sem Fox pickupinn er 57 cm lengri en Fox jeppinn, þá hentar hann mjög vel fyrir
alla þá sem þurfa á miklu farangursrými að halda.
Verð: Suzuki Fox 410 pickup 4 gira kr. 339.000.-
Suzuki Fox 413 pickup 5 gíra kr. 395.000.-
Trefjaplasthús kr. 64.700.-
Því meira sem þú ekur SUZUKI - því meira sparar þú
SVEINN EGILSSON HF.
Skeifunni 17. Sími 685100.
PÁV ■ Premsmédfa Ama VaUemmrssomarhf.
Idrmarsumar hf I