Morgunblaðið - 21.07.1985, Blaðsíða 31

MORGUNBLAÐIÐ, SUNNUDAGUR 21. JÚLÍ 1985
31
Björgvin Jörgens-
son kennari 70 ára
Sjötíu er ekki lengur talin há
tala lífsára þegar varla þykir
fréttnæmt þótt hundrað ára aldri
sé náð. En árin, fá eða mörg, segja
heldur ekki endilega alla söguna:
Jí skammri ævi margur meira hefir lifað
en annar á öld ... “
Stundum fer þó saman, allmörg
ár og innihaldsrík ævi. Þannig er
þessu farið með vin okkar, Björgvin
Jörgensson, sem í dag fyllir sjö-
unda tug æviára. Ævistarf hans er
nú þegar mikið að vöxtum og á ef-
laust enn eftir að vaxa, því engum
sem til þekkir, dettur í hug að hann
setjist niður með hendur í skauti,
þótt einhverjum sérstökum ára-
fjölda sé náð. Við vinir Björgvins,
sem í dag erum það sem kallast
miðaldra menn, minnumst þess
þegar þessi ungi og röski kennari
kom til Akureyrar „að sunnan",
fyrir hartnær fjörutíu árum. Hann
var þó ekki með öllu óþekktur, því
nafn hans hafði oft heyrst í sam-
bandi við stjórn barnakóra, en á
þeim vettvangi hafði hann getið sér
gott orð fyrir færni og vandvirkni.
Eftir að norður var komið jók
Björgvin enn á hróður sinn og
stjórnaði Barnakór Akureyrar um
árabil með miklum sóma. En
Björgvin var ekki einungis söng-
kennari heldur einnig mjög fær al-
hliða kennari, sem hafði og hefur
enn, mikinn metnað fyrir hönd
nemenda sinna. Þrátt fyrir góðan
og mikinn árangur á starfsvett-
vangi, er þó annað sem á enn frek-
ar hug og hjarta Björgvins: Málefni
Drottins. Ungur að árum kynntist
hann séra Friðrik Friðrikssyni og
KFUM. Boðskapur og hugsjónir sr.
Friðriks voru honum hvati til þess
að fara sjálfur af stað. Strax eftir
komuna norður fór Björgvin að
kalla saman unga drengi til fundar.
Var það vísirinn að KFUM á Akur-
eyri. Brátt varð heimili Björgvins
og hans ágætu konu, Bryndísar
Böðvarsdóttur, samkomustaður, —
opið hús, þar sem komið var saman
seint og snemma, spjaliað, sungið,
beðið og hugleitt Guðs orð. Oft var
býsna áliðið kvölds, þegar siðasti
gesturinn yfirgaf Lækjargötu 2. En
húsráðendur virtust alltaf hafa
nægilegt húsrúm og nægan tíma.
Bryndís lést fyrir allmörgum árum,
langt um aldur fram. Áður hafði
Björgvin slasast alvarlega í bygg-
ingarvinnu suður á Akranesi. Var
honum vart hugað líf, hvað þá
heilsa eftir það áfall. En með dugn-
aði og viljastyrk, hjálp konu sinnar
og fyrir Guðs náð, komst Björgvin
aftur á fætur og náði undursamleg-
um bata. Og þrátt fyrir ágjöf og
áföll, stendur Björgvin enn upp-
réttur, yngri og vaskari en margur
sá sem alheill er og yngri að árum.
Hann getur á þessum tímamótum
horft glaður um öxl þrátt fyrir allt.
Hann hefur komið miklu í verk.
Draumur hans um framtíð KFUM
á Akureyri hefur ræst. Glæsilegt
félagsheimili, sumarbúðir við
Hólavatn og helgarskáli á Fagra-
nesi, allt eru þetta áþreifanleg
dæmi um ávöxt vegna hlýðni og
trúmennsku upphafsmannsins. En
mest er þó um vert um þann ávöxt,
sem ekki verður höndum á komið,
ávöxt andans, — þær sálir sem
lifnað hafa við og fundið lífi sínu
farveg í trúnni á Guð fyrir starf
KFUM eða K. Þennan ávöxt metur
Björgvin eflaust meira en allt ann-
að. Og í dag senda yngri og eldri
félagar og vinir hlýjar kveðjur og
þakkir til Björgvins. Hann hefur
ekki fengið heiðursmerki eða nafn-
bætur um dagana, en hann hefur
unnið til þess með sóma að fá
æðstu nafnbót, sem hægt er að
bera: Þjónn Guðs.
„Gamlir“ KFUM-drengir,
Akureyri.
Mel Smith sem foringi Stjörnuglópanna — hefði betur haldið sig heima.
Glópaólán
Kvikmyndir
Árni Þórarinsson
Regnboginn: Stjörnuglópar — Mor-
ons From Outer Space
Bresk. Árgerð 1985. Handrit: Gryff
Rhys Jones, Mel Smith. Leikstjóri:
Mike Hodges. Aðalhlutverk: Mel
Smith, Gryff Rhys Jones, James B.
Sikking, Dinsdale Landen, Joanne
Pearce.
Not The Nine O’Clock News er
bresk sjónvarpsrevía sem sýnd var
um hríð í íslenska sjónvarpinu.
Fjórmenningarnir sem léku og
skrifuðu þessa syrpu, Rowan
Atkinson, Pamela Stephenson, Mel
Smith og Gryff Rhys Jones urðu
eins konar arftakar Monty Pyth-
on-hópsins í bresku sjónvarpsgríni
og voru vel að því komnir. Eftir að
syrpan rann sitt skeið hefur frami
fjórmenninganna flust yfir á
kvikmyndir og leikhús, en því mið-
ur verður ekki séð að Morons From
Outer Space, sem tveir hinir síð-
astnefndu standa að, muni auka
hróður þeirra. Hugmyndin virðist
vera að skrumskæla Close En-
counters of The Third Kind með
ívafi úr Gaukshreiðrinu og alhliða
galskapshúmor. Og einhver virðist
hafa trúað á þessa hugmynd ein-
hvern tíma fyrst allnokkrum fjár-
munum hefur augljóslega verið
varið í framkvæmdina. En frá
hugmynd til framkvæmdar hefur
það gerst að svo til öll fyndnin hef-
ur skolast burt. Sagan um fjóra
róna utan úr geimnum sem lenda á
jörðinni í óhrjálegu geimfari sínu
og verða þrír þeirra poppstjörnur
en leiðtoginn er lokaður inná vit-
lausraspítala, — þessi saga hefur
hafnað í andhúmorslegri skilvindu
og eftir stendur viðamikil umgjörð,
fimlega hönnuð af Mike Hodges
leikstjóra, en alveg innantóm.

SPA RISKIRTEINI RIKISSJOÐS
ERU EKKI ÖLL EINS
Ein gerðin er innleysanleg strax 10. júlí á næsta ári og samt með háu vöxtunum
og fullkomlega verðtryggð.
Vextirnir eru meðaltal vaxta 6 mánaða verðtryggðra reikninga viðskiptabankanna
og 50% vaxtaauki þar á ofan.
___________________DÆMl UM ÁVÖXTUN:
10. jan - 10. aprfl
voru vextír og verðtrygging af 100 þús. kr. spariskírteini m/hreyfanlegum vöxtum
kr. 11.292.-
sem gerði á ári
_____________________ kr. 53.747,-________________________________
♦Miðað er við sömu vísitölubreytingar og voru jan.-apríl 1985.
semvexogvex
Sölustadir eru:
Sedlabanki íslands, vidskiptabankamir, sparisjóðir, nokkrir verdbréfasalar og pósthús um land allt.
RÍKISSJÓÐUR ÍSLANDS