Morgunblaðið - 28.07.1985, Blaðsíða 27

MORGUNBLAÐIÐ, SUNNUDAGUR 28. JÚLÍ 1985
BH27
Frá Náttúrugripasafninu á Neskaupstað.
Safnahúsið á Húsavík.
Úr fjörunni við Hvassahraun. Rauðmagi að vakta eggjabú.
Safnið er geysimikið sótt og hef-
ur fengið mikið hrós erlendra
ferðamanna. Elnnig má geta þess,
að náttúrufræðikennsla skólanna í
Eyjum fer mikið fram í safninu,
sem sagt lifandi starfsemi í orðs-
ins fyllstu merkingu. Safnið er vel
einnar siglingar virði!
Forstöðumaður er Friðrik Jes-
son.
Hugmyndir um náttúru-
fræðisafn þjóðarinnar
í framtíðinni
Öflugt safn sem væri okkur öll-
um til sóma þarf að vera í stöðugu
og nánu samstarfi við ýmsa utan-
aðkomandi aðila sem búa yfir sér-
þekkingu á ýmsum sviðum og nýta
sér hana í starfsemi sinni. Það
myndi, auk þess sem venjulega er
nefnt náttúrufræði, einnig spanna
yfir eðlis- og efnafræði, en þær
greinar eru undirstaða „náttúr-
unnar“ eins og við þekkjum hana.
Og safnið sjálft þarf að geta
staðið að rannsóknum á ákveðnum
sviðum. Það myndi t.d. grasa-
fræðideildin gera. Hins vegar er
ekki endilega sjálfgefið að á sýn-
ingum sé best að hafa grasafræð-
ina algerlega sér, gróður og dýra-
líf er jú svo nátengt, og jarðfræði
landsins er líka forsendan fyrir
mismunandi gróðri. Sýning ætti
að gefa heildstæða mynd af öllu
kerfinu en ekki að slíta hina ýmsu
hluta náttúrunnar of mikið í sund-
ur. En í stuttu máli ætti að vera
hægt að sjá lifandi íslenskar
plöntur og flestar á sínum vaxt-
arstað. Síðan byggingu þeirra og
þroskaferil, á myndum, í textum
og í smásjám sem gestir gætu not-
að, starfsemi plantna yrði skýrt og
fleira.
Þetta yrði allt sett upp á for-
vitnilegan hátt og okkur gæfist
jafnframt tækifæri til að gera eig-
in athuganir. Þarna væru mynd-
bönd og skyggnur, tölvur með for-
rit fyrir alls konar upplýsingar og
kennslu. Við gætum fengið svör
við alls konar spurningum. Okkur
yrði leiðbeint við nýtt áhugasvið
okkar og hjálpað til að hjálpa
okkur sjálf.
Safnið myndi sjá um fyrirlestra,
námskeið og fræðsluferðir og að
sjálfsögðu væri til bókasafn með
úrvali bóka og tímarita um grasa-
fræði.
Grasafræðideildin gæti sett upp
skyndisýningar af ýmsu tilefni
með stuttum fyrirvara, t.d. sam-
spil skordýra og gróðurs og áhrif
ýmissa varnaraðferða á lífríkið og
um orsakirnar fyrir þvi að sumir
þjást af heymæði á sumrin.
Auk fræðslu yrði koman á safn-
ið skemmtileg og vekti löngun til
að koma aftur og aftur enda alltaf
eitthvað nýtt að gerast.
Safnið myndi skiptast á sýning-
um og annarri starfsemi við söfn
úti á landi svo að allir aðilar nytu
góðs af.
Við hvetjum alla sem vettlingi
geta valdið að skreppa nú og skoða
safnið sitt, ef þið eruð með gesti,
innlenda eða erlenda er tilvalið að
sýna þeim það, eða börnunum, eða
bara að fara upp á eigin spýtur.
Þið getið fengið svör við ótal
spurningum. Vitið þið t.d. hver
munurinn er á bergtegund og
steintegund?
Eða hver er munurinn á brenni-
sóley og holtasóley?
Eða hvernig hægt er að sjá ald-
ur hvala?
Svörin fáið þið á náttúrugripa-
söfnunum! Góða skemmtun.
Áhugahópur um byggingu
náttúrufmdisafns.
Ferðir að Gullfossi
og Geysi vinsælar
Selfossi 24. júlí.
FRÁ Selfossi er haldið uppi reglulegum
ferðum að Gullfossi og Geysi. Sérleyf-
isbílar Selfoss halda uppi áa tlunarferð-
um frá Reykjavík að Selfossi og þaðan
að þessum vinsælu ferðamannastöðum.
Aðsóknin að þessum ferðum hefur
verið mjög mikil á þessu sumri,
30—40 manns daglega, enda hér um
að ræða afskaplega hentugar ferðir.
Þessi ferðamöguleiki hefur verið
fyrir hendi síðan 1977 og alltaf gefist
vel að því er Þórir Jónsson fram-
kvæmdastjóri Sérleyfisbíla Selfoss
sagði.
Ferð þessari er þannig hagað að
farið er frá Reykjavík kl. 9 á hverjum
morgni og komið við í Hveragerði.
Frá Selfossi er síðan lagt upp kl.
10.15 og ekið að Geysi þar sem teknir
eru upp farþegar sem ætla að Gull-
fossi. Við Gullfoss er höfð viðdvöl í
tæpan klukkutíma. I góðu veðri hafa
bílstjórar boðið fólkinu upp á „fótó-
stopp“ þar sem eru góð mótíf til
myndatöku s.s. við Kerið.
Þegar komið er frá Gullfossi og
Geysi getur fólk bætt við dagsferðina
með því að fara niður að ströndinni,
að Eyrarbakka og Stokkseyri, en
þangað eru daglegar áætlunarferðir.
Þetta sagði Þórir Jónsson að margir
nýttu sér og fengju þannig góða og
fjölbreytta dagsferð.
Sig. Jóns.
Þórir Jónsson framkvæmdastjóri við
rútuna sem flytur farþega að Gull-
fossi og Geysi.
TORÐ

iiKUI lltrMl
AUSTURSTRÆTIÍO SÍMI 27211
Líttu við um leið og þú lítur í bæinn
Það eru einmitt bílarnir frá MITSUBISHI
sem njóta mestra vinsælda hérlendis.
Verð frá kr. 527.100
jv * - -
JVUTSUBISHI
GALANT
framhjóladrifinn
kjörgrípur