Morgunblaðið - 31.10.1985, Blaðsíða 3

MORGUNBLAÐIÐ, FIMMTUDAGUR 31. OKTÓBER1985
3
Starfshópur um boðveitu skilar áliti:
Nýtt þráðlaust kapalkerfi
hentar best í Reykjavík
STTARFSHÓPUR á vegum Reykja-
víkurborgar hefur að undanförnu
unnið að gagnasöfnun um hvaða
boðveitukerfí henti best aðstæðum á
höfuðborgarsvæðinu. Valið stendur
milli venjulegra kapalkerfa eða svo-
kallaðs þráðlauss kapals, MMDS,
sem er bandarísk nýjung og hefur
verið að ryðja sér til rúms að undan-
förnu.
Að sögn Björns Friðfinnssonar,
sem er í starfshópnum ásamt þeim
Þórði Þorbjarnarsyni borgarverk-
fræðingi og Birni L. Halldórssyni
forstöðumanni skólaskrifstofu,
hafa kostir og gallar þessara kerfa
verið ræddir að undanförnu og í
fljótu bragði væri ekki annað sjá
en að MMDS kerfið hentaði
Reykjavíkursvæðinu vel. Kerfið
hefði það fram yfir önnur kapal-
kerfi að það væri þráðlaust og
sendingarnar væru á sérstökum
lág bylgjum, sem væru nær radar-
bylgjum og hægt væri að dreifa
efni á allt að 32 rásum. Vandamál
í útsendingu vegna fyrirstöðu í
landslagi eða vegna hárra bygg-
inga yrði að leysa með sérstökum
sendum eða kapallögnum. Stofn-
kostnaður við sendibúnað MMDS
kerfisins er mun minni heldur en
við venjulegt kapalkerfi og er
kostnaður við átta rása kerfi til
dæmis, kr. 10 millj. fob. á verðlagi
í dag. Hins vegar þarf að huga
betur að kostnaði móttakenda, sem
þurfa sérstakt loftnet og tæki
tengt því, til að geta náð útsend-
ingum en verð á þeim búnaði hefur
farið lækkandi að undanförnu.
„Hugmyndin er að borgin leigi
út rásir til fyrirtækja, sem þess
æskja auk þess sem borgin mun
sjálf standa að útsendingum á
ýmsu fræðslu- og upplýsingaefni,
það er skjárit og dagskrá islenska
sjónvarpsins verði endurvarpað
um rás eitt,“ sagði Björn. „Þá
skapast möguleikar á móttöku
sendinga frá gerfihnetti, sem síðan
væri sjónvarpað um kerfið auk
þess sem hægt væri að útvarpa
um rásirnar." Boðveitan er hugsuð,
sem þjónustuveita við borgarbúa
rétt eins og hitaveita og rafmagns-
veita og verða þeir sem vilja not-
færa sér þess þjónustu að greiða
sérstaklega fyrir hana. Þeir sem
kaupa þjónustuna fá sérstakt
spjald sem gengur í búnaðinn sem
fylgir loftnetinu og hafi menn ekki
staðið í skilum þá er hægt að loka
fyrir móttöku með sendingu i gegn
um kerfið.
Starfshópurinn mun skila áliti
sínu til borgarstjórnar í lok nóv-
ember þar sem endanleg ákvörðun
verður tekin um hvort ráðist verð-
ur í að stofna boðveitu og hvaða
leið verði farin. Nefnd á vegum
bæjarstjórnar Seltjarnarness hef-
ur þegar skilað áliti um þetta sama
efni þar sem komist var að sömu
niðurstöðu um MMDS kerfið. Þá
er Samband sveitafélaga á höfuð-
borgarsvæðinu að kanna hvernig
hægt sé að koma á samstarfi sveit-
arfélaganna um sameiginlegt boð-
veitukerfi. Áður en hægt er að
koma MMDS á fót þarf að breyta
fjarskiptalögunum þar sem Póstur
og simi hefur einkarétt á slíkum
rekstri, sem hér um ræðir.
Hrottaleg
árás í
Þórscafé
RLR lýsir eftir
vitnum
MAÐUR varó fyrir hrottalegri árás
í veitingahúsinu Þórscafé fyrir
nokkru. Hann var á leið inn á salerni
karla þegar hann rakst utan í stúlku
og kom til orðaskipta þeirra á millL
Skyndilega réðst einhver aftan að
manninum og sló þannig að hann
féll. Árásarmaðurinn sparkaði síðan
í andlit mannsins þar sem hann lá
á gólfínu með þeim afíeiðingum, að
hann hlaut alvarlega áverka á höfði.
Atburðurinn varð aðfaranótt sunnu-
dagsins 20. október síðastliðinn milli
klukkan hálfþrjú og þrjú.
Margir voru á ganginum þegar
ráðist var á manninn og óskar
Rannsóknarlögregla ríkisins eftir
því, að þeir sem urðu vitni að
atburðinum vinsamlega gefi sig
fram.
Sjóvogin frá Marel um
borð í Hólmadrang:
Getur sparað
verulegt fé
- segir Þorsteinn
Ingason, fram-
kvæmdastjóri
Hólmadrangs
FYRIRTÆKIÐ Marel hefur nú geng-
ið frá uppsctningu sjóvoga í þrjú fa-
lenzk fiskiskip. Tvö þeirra héldu til
veiða á miðvikudag, en eitt þeirra
hefur verið með vogina um borð í
nokkurn tíma og hefur hún reynzt vel
að sögn útgerðar skipsins.
Þorsteinn Ingason, fram-
kvæmdastjóri útgerðar togarans
Hólmadrangs, sem stundar rækju-
veiðar, sagði í samtali við Morgun-
blaðið, að vogin hefði reynzt mjög
vel. Hún sparaði verulegar fjár-
hæðir og virtist geta borgað sig upp
í tveimur túrum. Mestu skekkju-
mörk hennar væru 5 grömm í verstu
veðrum og nákvæmni fullkomin í
góðum sjó. Með þessu þyrfti ekki
lengur að vigta ríflega til að vera
viss um að vera með rétta þyngd í
pakkningum.
Höskuldur Ásgeirsson, sölustjóri
Marel, segir, að framleiðsla vog-
anna sé komin í fullan gang, en svo
mikil eftirspurn sé eftir þeim að
nokkurn tíma taki að anna henni.
Hann segir þetta einu sjóvogina á
markaðnum með 5 gramma ná-
kvæmni, sem skipti verulegu máli,
þegar verið sé að vigta í fremur
íitíar pakkningar dýra vöru eins og
rækju, sem seljist fyrir 300 til 350
krónur hvert kíló.
KOMIÐ
OGSKOÐIÐ
'NABÆR
Austurstræti22 — Laugavegi66 — Glæsibæ,
slmi fra skiptiboröi45800.
OG UMBODSMENN UMLANDALLT.