Morgunblaðið - 31.10.1985, Blaðsíða 24

24
MORGUNBLAÐIÐ, FIMMTUDAGUR 31. OKTÓBER1985
Utanríkisráðherra Sovétríkjanna á íslandi:
Stefnt að viðskipta-
jöfnuði á næsta ári
EDUARD A. Shevardnadze, utan-
ríkisráðherra Sovétríkjanna, lýsti
því yfir í viðræðum sínum við
Halldór Ásgrímsson, starfandi for-
sætisráðherra, og Geir Hallgríms-
son, utanríkisráðherra, í Ráðherra-
bústaðnum í Reykjavík í gær, að
það væri vilji Sovétmanna að jöfn-
uður næðist í viðskiptum íslands
og Sovétríkjanna á næsta ári.
Halldór Ásgrímsson sagði, að þetta
þýddi að Sovétmenn mundu leggja
sig fram um að uppfylla fimm ára
viðskiptasamning landanna, sem
nýlega var undirritaður.
Shevardnadze hafði tæplega
þriggja stunda viðdvöl á íslandi
á leiö sinni frá Kúbu til Sovét-
ríkjanna. Hann kom með einka-
þotu sovéska ríkisflugfélagsins,
sem lenti í Keflavík rétt fyrir
klukkan átta í gærmorgun. Geir
Hallgrímsson, utanríkisráð-
herra, tók á móti honum á vellin-
um og ræddu þeir síðan saman
á leiðinni til Reykjavíkur. Fund-
urinn í Ráðherrabústaðnum stóð
í rúma klukkustund, nokkru
lengur en ráðgert hafði verið.
Að honum loknum ávarpaði
Shevardnadze fréttamenn og
lýsti yfir ánægju með komuna
til íslands og viðræðurnar, sem
snerust um samskipti landanna
almennt og viðskipti sérstaklega,
auk alþjóðamála. Hann sagði, að
íslensk og sovésk stjórnvöld væru
sammála um mörg málefni, en
greindi á um önnur og þyrfti það
ekki að koma á óvart. „Ég fæ
ekki betur séð en að bæði ríkin
séu reiðubúin að eiga með sér
samstarf í þágu friðar," sagði
sovéski utanríkisráðherrann.
Shevardnadze var spurður
hvort mál sovéska kvikmynda-
leikstjórans Andreis Tarkovskí
hefði borið á góma á fundinum,
en hann færðist undan að svara
því og kvaðst ekki vita nógu
mikið um það mál. Vísaði hann
Frá viðræöufundinum í Ráöherrabústaónum í gærmorgun: Halldór Ásgrímsson, starfandi forsætisráöherra, Eduard Shevardnadze, utanrfkisráðherra
Sovétríkjanna, túlkur hans og Geir Hallgrímsson, utanríkisráóherra.
á sovéska sendiherrann um frek-
ari svör. Halldór Ásgrímsson
greindi hins vegar frá því að
fundinum loknum að ósk Tar-
kovskí-hjónanna um að fá ungan
son sinn úr landi hefði borið á
góma, en Shevardnadze svaraði
því til að um væri að ræða so-
véskt innanríkismál.
Eduard Shevardnadze bauð af
sér góðan þokka og var heims-
mannslegur í fasi. Hann var
öruggur með sig og brosmildur.
Halldór Ásgrímsson sagði, að
hann hefði verkað vel á sig og
verið fljótur til svara. Hann hefði
virst mjög vel að sér um þau mál
sem til umræðu voru.
Eiginkona sovéska utanríkis-
ráðherrans, frú Nanulia Raj-
denovna Shevardnadze, var í för
með manni sfnum og á meðan á
viðræðum hans við forsætisráð-
herra og utanríkisráðherra stóð
skoðaði hún Kjarvalssýninguna
á Kjarvalsstöðum í fylgd eigin-
kvenna ráðherranna. Hún kvaðst
hafa orðið mjög hrifin af verkum
Kjarvals, sem væru í senn klass-
ísk og nútímaleg.
Morgunblaðið/Bjarni
Frú Erna Finnsdóttir, eiginkona Geirs Hallgrímssonar, og frú Nanulia
Rajdenovna Shevardnadze, eiginkona sovéska utanrikisráðherrans, koma
í Ráöherrabústaöinn í Reykjavík eftir aö hafa skoöað málverkasýningu
á Kjarvalsstöönm.
Atvinnumálafundur í Ólafsvík:
Flestir ræðumenn andvígir
núverandi fiskveiðistefnu
Mjög dökkar at-
vinnuhorfur á utan-
verðu Snæfellsnesi
Ólafsyfk, 28. október.
SÍÐASTLIÐINN laugardag var
haldin í Ólafsvík atvinnumálaráð-
stefna með margþættri dagskrá.
Kjarni ráðstefnunnar var þó ræöa
Halldórs Ásgrímssonar sjávarút-
vegsráöherra um stjórnun fiskveiða
og framtíðarhorfur í sjávarútvegi og
almennar umræður og fyrirspurnir
um þau mál.
Ráðstefna þessi var haldin á
vegum Bæjarstjórnar ólafsvíkur,
atvinnumálanefndar og Samtaka
sveitarfélaga á Vesturlandi. Fund-
arstaður var Safnaðarheimili
Ólafsvíkurkirkju. Var þar húsfyll-
ir því auk heimamanna komu all-
margir menn úr nærliggjandi
byggðarlögum. Auk þess fylgdust
allflestir íbúar bæjarins með ráð-
stefnunni f beinni sjónvarpsút-
sendingu í boðveitu ólsara, „Villa
Vídeói".
Allir þingmenn kjördæmisins
komu á ráðstefnuna og stigu flest-
ir í ræðustól en auk Halldórs Ás-
Frá atvinnumálafundinum í Ólafsvík. Halldór Ásgrímsson f ræöustól.
Morgunblaðið/Ævar Guðmundsson
grímsson höfðu eftirtaldir fram-
)lafur Einarsson sjávarútvegs-
fræðingur um nýjungar í veiðum
og vinnslu sjávarafla, Ragnar
Hjörleifsson iðnráðgjafi um stöðu
iðnaðar og framtíðarhorfur, óli
Jón Ólason ferðamálafuíltrúi
ræddi svo um uppbyggingu og
gildi ferðaþjónustu.
Stefán Jóhann Sigurðsson for-
seti bæjarstjórnar setti fundinn
kl. 9. Fundarstjórar voru: Kristján
Pálsson og Kristófer Þorleifsson.
Halldór Ásgrímsson sjávarút-
vegsráðherra ræddi þá stjórnun
fiskveiðanna og framtíðarhorfur.
Ræddi hann um aðdraganda þess
að núverandi stjórnarfyrirkomu-
lag var sett á, skýrði í máli og
myndum framgang stjórnunar-
innar og ræddi frumvarp til laga
um stjórnun fiskveiða. Ráðherr-
ann hefur það oft skýrt stefnu
sína fyrir þjóðinni að hér verður
mál hans ekki rakið í smáatriðum.
Niðurstaða hans var sem fyrr sú
að aflamark á hvert skip, kvóta-
leiðin svonefnda, virtist eina færa
leiðin til stjórnunar við núverandi
aðstæður.
Ráðherrann svaraði síðan i tvi-
gang ræðum og fyrirspumum
fundarmanna. Var honum vel tek-
ið og þökkuð koman.
Ekki verður hið sama sagt um
undirtektir fundarmanna við mál-
flutning ráðherrans því ræðu-
menn voru um tuttugu sem töluðu
undir þessum dagskrárlið og voru
einungis þrír þeirra sáttir við nú-
verandi fyrirkomulag á stjórnun
fiskveiða og enginn þeirra lýsti af-
dráttarlausum stuðningi við vænt-
anlegt frumvarp. í stuttu máli
voru skoðanir meirihluta ræðum-
anna þær að í núverandi fyrir-
komulagi hefði flest úr lagi geng-
ið. Alla sveigju sögðu menn vanta
í þessa stjórnunarleið. Hún væri í
raun og veru ekki fær því auk þess
að ekki hefði tekist eins og ætlað
var að stjórna lágmarki þorskafl-
ans byöi þessi leið upp á marg-
skonar misrétti milli skipa eftir
stærð og veiðarfæranotkun og
milli landshluta eftir því hve sér-
veiðar væru miklar og mögulegar.