Morgunblaðið - 10.11.1985, Blaðsíða 8
8 B
MORGUNBLAÐIÐ, SUNNUDAGUR10. NÓVEMBER1985
Chicago-blús á fslandi:
Á fyrstu árum Buddy Guy í Chicago hitti hann Junior Weils og tókst með
þeim slfk vinátta að þeir hafa verið nsr óaðskiljanlegir sfðan.
Loksins gefst íslensku blúsáhuga-
fólki kostur á að hlýða á nokkra af
bestu blúsmönnum Chicagoblúsins,
þegar sextett munnhörpuleikarans
Junior Wells og gítaristans Buddy
Guy heldur tónleika í Broadway nk.
miðvikudagskvöld, 13. nóvember, á
vegum Jazzvakningar.
Þessir tveir kappar eru í fremsta
flokki höfuðsnillinga blúsins i dag.
Þeir eyddu æskuárunum í Chicago,
þar sem þeir kynntust meisturum
á borð við Muddy Waters, Willie
Dixon, Little Walter, Elmore
James, Otis Rush og Myers-bræðr-
um svo nokkrir séu nefndir. Af
þessum mönnum námu þeir meira
og minna. í dag eru svo aðrir yngri
blúsleikarar önnum kafnir við að
nema fræðin af þessum tveimur
heiðursmönnum. Eftir að Muddy
Waters lést eru Junior Welles og
Buddy Guy einskonar ókrýndir
konungar Chicago-blúsins og segja
má að engin rafmögnuð blússveit
standi sveit þeirra á sporði nema
hljómsveit B.B. King.
Blúsinn í vöggugjöf
Junior Wells fæddist árið 1934
í tónlistarborginni Memphis í
Tennessee-fylki og var skírður
Amos Wells Jr. í Memphis
blómstraði blúsinn og lítill snáði
með tónlistarhæfileika komst ekki
hjá þvf að smitast, þegar karlar á
borð við B.B. King og Howlin’
Wolf bjuggu og störfuðu í næsta
nágrenni við stráksa. t sömu götu
bjó munnhörpuleikarinn Junior
Parker, sem smitaði Wells endan-
lega með því að kenna honum
nokkur undirstöðuatriði munn-
hörpuleiks.
Þegar foreldrar Junior Wells
skildu árið 1946, fluttist móðirin
með soninn til stórborgarinnar
Chicago. Ekki minnkaði blúsáhug-
inn við það því Chicago-blúsinn
var á mikilli uppleið um þetta
leiti. Junior keypti sér munnhörpu
og reyndi síðan að komast inná
blúsklúbbana, en hann var ekki
nema rétt um fermingu og ekki
hár i loftinu. Little Walter sem
starfaði með Muddy Waters á
þessum árum var heldur lítill eins
og nafnið gefur til kynna. En
honum þótti Junior Wells öllu
smágerðari og kallaði hann því
rækjuna. Þegar Little Walter
hætti að spila með Muddy, tók
Junior Wells sæti hans í sveitinni.
Þannig komst rækjan til manns
og hefur æ síðan þótt einhver besti
blúsmunnhörpuleikari heims,
enda hefur dálítið tognað úr hon-
um síðan þetta var.
Buddy Guy rekur ættir sinar
einnig til blúsdeltunnar, því hann
fæddist árið 1936 í Lettsworth í
Louisiana, Frami hans var ekki
jafn skjótur og frami félaga hans
Junior Wells. Buddy lærði mikið
af að hlusta á plötur þeirra Ligh-
tnin’ Hopkins, John Lee Hooker
og B.B. King. En honum gekk
fremur illa að fóta sig sem blús-
gítaristi, þar til hann fluttist til
Chicago 1957. í Chicago komst
hann í kynni við Willie Dixon,
Otis Rush og Magic Sam, sem
leiddi seinna til þess að hann starf-
aði með snillingunum Muddy
Waters, B.B. King og Little Walter
um tíma.
Samstarfsmenn
Á þessum fyrstu árum Buddy
Guy í Chicago hitti hann Junior
Wells. Tókust slfk ágætis kynni
með þeim að þeir hafa verið nær
óaðskiljanlegir síðan. Þeir hafa
mjög gjarnan starfrækt hljóm-
sveitir saman, en þó ætíð rekið
eigin sveitir inná milli og hljóðrit-
að sólóplötur. Oftar en ekki hafa
leiðir þeirra þó legið saman, enda
eru þeir hreint og beint stórkost-
legir þegar þeir leiða hesta sína
saman.
Ómengaður blús þeirra hefur
löngum heillað hvíta rokkara og
blúsara. Hér á árum áður hljóðrit-
aði hljómsveit Johns Mayall, Blues
Breakers, meðal annars nokkur
laga Buddy Guy og kappar á borð
við Eric Clapton, Bill Wyman og
Charlie Watts hafa oft á tíðum
komið fram á tónleikum sem
meðspilarar þeirra Buddy og Jun-
ior Wells. Þess má einnig geta að
Rolling Stones bauð þeim að leika
með sér á hljómleikaför Stones
árið 1970.
Með Buddy Guy og Junior Wells
að þessu sinni eru lítt þekktir pilt-
ar frá Chicago, sem eru að nema
fræðin af meisturum sínum, líkt
og tíðkast svo mjög meðal þekktra
jazzpostula. Þetta eru gítarleikar-
arnir George Bazemore og Albert
Allen, trommarinn Jerry Porter
og bassaleikarinn Noel Nealy.
Það má telja næsta öruggt að
tónleikarnir í Broadway þann 13.
nóv. verða í minnum hafðir meðal
blúsáhugafólks. Junior Wells er án
efa einn færasti blúsmunnhörpur
blásari vorra tíma og þá er gítar-
snilli Buddy Guy viðbrugðið. Auk
þess er hann góður söngvari, sem
lært hefur mikið af B.B. King
bæði hvað gítarleik og söng varðar,
þótt stíll hans sé mjög persónuleg-
ur.
Áður hafa tvær bandarískar
blúshljómsveitir heimsótt okkur
íslendinga, Missisippi Delta Blues
Band og San Fransisco Blues Band.
Voru það miðlungshljómsveitir, en
hljómsveit þeirra Junior Wells og
Buddy Guy er aftur á móti ein sú
fremsta á þessu sviði. ætti því
blúsfólk að fjölmenna á tónleika
sveitarinnar á miðvikudagskvöldið
í Broadway.'
Skemmtanalxmpn
Þeir sem heimsækja Amst-
erdam eru nokkuð sammála
um að hún sé einhver
skemmtilegasta og Ijúfasta
stórborg sem þeir hafa
nokkru sinni komið til. Amst-
erdam er borg allra árstíða:
Þar er alltaf líf og fjör, hvort
sem pú kemur vetur, sumar,
vor eða haust.
Amsterdam er heimsfræg
fyrir skemmtanalíf og ekki að
ástæðulausu. Þar eru þús-
undir bara, kráa, kaffihúsa,
diskóteka, næturklúbba og
matstaða að velja úr. Margir
vinsælustu staðirnir eru í
kringum torgin tvö: Rem-
brandtsplein og Leidseplein,
en þessi torg iða af mannlífi
langt frameftír nóttu.
Brúnu krárnar eru sér-
hollenskt fyrirbæri, en gegna
svipuðu hlutverki og bresku
pöbbarnir. Þar koma Hol-
lendingar saman til að leysa
lífsins gátur og vandamál og
taka hlýlega erlendum gest-
um sem vilja leggja orð í
belg. Innréttingarnar eru yfir-
leitt gamaldags og ekki alltaf
sérlega fínar, en það er fínn
andi innan dyra.
.Frí ferð í bæinn.
Á fimmtudögum og laugardögum
býðst farþegum Arnarflugs tll Amst-
erdam ókeypls rútuferð frá flugvelll
og Inn í borglna. Stúlkur ( komu-
salnum, með skilti frá Arnarflugi,
vísa á rúturnar.
Amsterdam
- borg allra árstíða
Siglingar um síkin eru
vinsælar, ekki síst á kvöldin
þegar bfyrnar eru upplýstar
og rauðvín og ostar eru born-
ir fram við kertajjós. Það eru
mörg stórskemmtileg diskó-
tek í borginni og jazzunn-
endur hafa úr nógu að velja.
í Amsterdam eru yfir fimm-
tíu kvikmyndahús og þau
bjóða upp á mjög gott úrval
mynda. Allar myndir eru á
frummálinu, með „neðan-
málstextum" á hollensku.
Þarna eru líka Qölmörg
leikhús og nokkur þeirra
sýna reglulega leikrit á ensku.
Og svo eru óperur og ballett
og skemmtigarðar og versl-
anir og skoðunarferðir og
matstaðir og ... Það er nokk-
uð óhætt að lofa því að það
verður enginn svikinn af því
að heimsækja Amsterdam.
Athugið að Arnarflug getur
útvegað fyrsta flokks hótel
og bílaleigubíla á miklu hag-
stæðara verði en einstakling-
ar geta fengið.
Nánari upplýsingar fást
hjá ferðaskrifstofunum og á
söluskrifstofu Arnarflugs.
Flug og gisting
frá kr. 12.990,-
^fARNARFLUG
Lágmúla 7, sfmi 84477