Morgunblaðið - 10.11.1985, Síða 37

MORGUNBLAÐIÐ, SUNNUDAGUR10. NÓVEMBER1985
VELVAKANDI
SVARAR í SÍMA
10100 KL. 10—11.30
FRÁ MÁNUDEGI
TIL FÖSTUDAGS
t nn/Mnn
UhJ'U If
Bréfritari segir að vandamál okkar íslendinga í umferðinni sé slök löggssla og þvf muni það ekki leysa neinn
vanda að gera ökunámið að skyldugrein.
B $f
A
útiiJf
Glæsibæ, sími 82922.
Engin lausn að gera
ökunám að skyldugrein
Nýlokið er umferðarviku hér í
Reykjavík og eiga þeir þakkir skil-
ið, sem að henni stóðu.
En hvað skilur svona umferðar-
vika eftir? Það er sama hvað lítið
það er, ef það er jákvætt, þá er
tilganginum náð. Og það eitt, að
ná slysalausum degi hér í Reykja-
vík, er ekki svo lítið. Mikið hefur
verið skrifað um þessa umferðar-
viku í blöð að undanförnu, og viðtöl
og umræða í útvarpi og sjónvarpi.
Augu manna beinast oft að
ökunáminu og ökukennslunni,
þegar fjallað er um umferðarmál,
eða þegar slysaalda gengur yfir.
Svo er einnig nú, þar á meðal hafa
tveir talsmenn einkaframtaksins
séð þá Iausn eina, að gera ökunám-
ið að skyldunámsgrein í fram-
haldsskólum. Þetta kom fram í
ágætri grein, sem Salome Þorkels-
dóttir, alþm., skrifaði í Morgun-
blaðið 11. okt. sl. um umferðarmál.
Það sama kom fram í útvarpsvið-
tali við Katrínu Fjeldsted, borgar-
fulltrúa, í lok umferðarviku í
Reykjavík. Okkur, sem erum
stuðningsmenn einkaframtaksins,
finnst það dálítið hjákátlegt að á
sama tíma og talað er um að draga
úr ríkisútgjöldum, skuli ábyrgir
aðilar vilja bæta þessum smá-
pakka við ríkisbáknið, eins og ef
allt ökunámið ætti að fara inní
skólakerfið.
í dag er gert ráð fyrir umferðar-
fræðslu, bæði í grunnskólum og
framhaídsskólum, en mér er nær
að halda að þessi kennsla sé nánast
engin eða hálfgert kák í fram-
kvæmd. ökukennarar kenna eins
og lög og reglugerðir mæla fyrir
um og rækja sín störf af sam-
viskusemi. Sú fræðsla, sem verð-
andi ökumenn eiga kost á í dag er
meiri en nokkru sinni, en það er
ekki þvf opinbera að þakka, heldur
samtökum ökukennara, þ.e. öku-
kennarafélagi Islands og einstök-
um ökukennurum. Síðan 1968 hef-
ur Ökukennarafélag íslands rekið
myndarlegan ökuskóla hér í
Reykjavík, sem langflestir öku-
nemar á Stór-Reykjavíkursvæðinu
sækja. Þá reka einnig einstakir
ökukennarar ágæta ökuskóla fyrir
sína nemendur bæði hér í Reykja-
vík og á Akureyri. En þessir skólar
hafa aldrei fengist viðurkenndir
af því opinbera, frekar en samtök
ökukennara, þ.e. ökukennarafélag
íslands, þrátt fyrir margítrekaðar
tilraunir félagsins.
ökukennarar hafa gert róttækar
tillögur um ökukennslu og mennt-
un ökukennara, þ.á m. að skylda
væri að sækja námskeið í um-
ferðarfræðslu í ökuskóla, og að
ökunemar skuli fá einhverja lág-
marksþjálfun f akstri, t.d. 17 til
20 kennslustundir. Þegar fyrsta
reglugerð um ökukennslu, próf
ökumanna o.fl., var samin, voru
þeir menn, sem hana sömdu svo
framsýnir, að þeir töldu lágmark
að verðandi ökumaður fengi 24
kennslustunda þjálfun f akstri.
Þetta var síðar fellt úr reglugerð-
inni, og hefur aldrei fengist leið-
rétt síðán.
Þá hafa ökukennarar gert tillög-
ur um menntun ökukennara,
þ.á m. að verðandi ökukennari
fengi verklega kennslu hjá starf-
andi ökukennara að loknu nám-
skeiði f hinum fræðilegu greinum
og gengist síðan undir verklegt
próf, fengi síðan starfsþjálfun hjá
starfandi ökukennara og ökuskóla,
áður en löggilding væri gefin út.
Vandamál okkar í umferðinni er
ekki það að ökumenn þekki ekki
lög og reglur. Orsakir eru margar
og meðal annars við sjálf. Bðrnin
okkar haga sér nefnilega eins f
umferðinni og við gerum, svo ein-
falt er það.
En meginorsökin er löggæslan.
Umferðarlöggæsla hér, t.d. á
Reykjavíkursvæðinu, er nánast
engin, nema þá radarmælingar.
Allt sem heitir almenn löggæsla
með umferð eins og t.d. lagningu
ökutækja, svo eitthvað sé nefnt,
er nánast engin. Eg held að það
hafi verið stærstu mistök, sem
gerð hafa verið þegar löggæslan
var tekin úr höndum bæjar- og
sveitarfélaga og færð til ríkisins.
Fljótlega eftir þessa breytingu
mátti sjá að slakað var á, og lög-
gæslan breyttist. Fámenni lögregl-
unnar er nú slfkt, að ekki nær
nokkru tali, og bitnar það fyrst
og fremst á umferðinni.
Þetta er að mínu viti stærsti
þátturinn í umferðarvandamáium
okkar. En margt fleira mætti
nefna, eins og fjársvelti umferðar-
ráðs, og ég vil segja steinaldar-
hugsunarháttur um allt, sem að
umferðarmálum lýtur, og eiga þar
sök bæði ráðamenn þjóðarinnar,
bæjar- og sveitarfélaga. Nei, við
leysum ekki umferðarvandamálin
með þvi að gera ökunámið að
skyldunámsgrein í framhaldsskól-
unum, rfkið hefur nóg á sinni
könnu. Þau verða aðeins leyst með
samstilltu átaki, en fyrst verður
að opna augu steinaldarmann-
anna, sem mestu ráða, þar á ég
við löggjafann og það ráðuneyti,
sem umferðarmálin heyra undir.
Það hefur oft verið sagt að góðir
vegir væru arðbær fjárfesting,
slysalaus umferð er enn arðbærari
fjárfesting, en til þess þarf stór-
átak margra aðila.
Birkir Skarphéðinsson
Lesendaþjonusta MORGUNBLAÐSINS
„Forvitinn“ hringdi:
Eg sé f fjárlögum að rúmar 200
þúsund krónur eru ætlaðar vegna
fálkaorðunnar. Mig langar til að
vita hvernig þessum peningum
sé varið — hvort þetta séu laun
þeirra sem standa að veitingu
orðunnar og hverjir séu í orðu-
nefnd.
Svar vegna fyrirspurnar um féð
til hinnar íslensku fálkaorðu:
1. Það fé sem hinni islensku
fálkaorðu er ætlað á fjárlögum
hvers árs er að sjálfsögðu notað
til að standa straum af orðuveit-
ingum til íslenskra og erlendra
ríkisborgara í samræmi við til-
lögur orðunefndar.
2. Orðunefnd er ólaunuð með
þeirri undantekningu að orðurit-
ari þiggur laun sem nema kr.
1.967 á mánuði.
3. Orðunefnd skipa: Friðjón
Skarphéðinsson, formaður, dr.
Guðrún P. Helgadóttir, Halldór
Reynisson, ritari, Ludvig Hjálm-
týsson og óttarr Möller. Vara-
maður er dr. Jónas Kristjánsson.
Halldór Rey nisson,
orðuritari.
Sandblástur
Nýja DRESTER sandblósturstaekið
hreinsar burt ryð, fljótt og örugglega, án ryks.
Átta sérstaklega formuð blástursmunnstykki
gera þér kleift að komast að tyðinu
nær hvar sem er. Blástursspíssinn er úr 100%
hreinu volframkarbid, sem er sérlega sterkt
og þolir því mjög mikið álag.
Ómissandi tækninýjung!
Remaco hf.
Skeifan 5. Sími 37711.
m—r^"1"" "■