Morgunblaðið - 21.01.1986, Side 31

31
MORGUNBLAÐIÐ, ÞRIÐJUDAGUR 21. JANÚAR 1986
um sérnámsstöður í Bandaríkjun-
um. í júlí 1984 var þetta próf hert
að mun með þeim afleiðingum að
af 1196 bandarískum læknum
menntuðum erlendis náðu aðeins
3,8 prósent prófínu, en af 3384
útlendingum sem tóku sama próf á
sama tíma náðu 17,4 prósent próf-
inu.
Fjármagn vegna erlendra lækna
í sérnámi er að miklu leyti fengið
frá einni stofnun, Medicare, sem
heyrir til almannatryggingakerfínu
í Bandaríkjunum. Medicare greiðir
allan sjúkrahúskostnað í beinu hlut-
falli við fjölda Medicare-sjúklinga á
sjúkrahúsinu, þar með eru talin
kennslusj úkrahús.
Um þessar mundir liggur fyrir
fulltrúadeild Bandaríkjaþings frum-
varp til breytingar á lögum um
Medicare. Frumvarpið byggist á
samkomulagi milli þingmanna öld-
ungadeildar og fulltrúadeildar.
Starfsmenn fulltrúadeildarinnar
sögðu fréttaritara Morgunblaðsins
að þeir teldu líklegt að þetta frum-
varp verði samþykkt, en ekki frum-
vörp öldungadeildarinnar, sem
skýrt er frá síðar í þessari grein.
í málamiðlunarfrumvarpinu er
meðal annars gert ráð fyrir því
skilyrði fyrir fjárveitingum til
sjúkrahúsa og kennsludeilda, að
allir læknar með erlend próf nái
áðumefndu læknisfræðiprófi - áður
en þeir eru ráðnir í sémámsstöður.
Sérstaða íslendinga
Af um það bil 740 læknum á
íslandi hlutu hátt á annað hundrað
sérfræðimenntun sína í Bandaríkj-
unum. Langflestir íslenskir læknar
sem lokið hafa sémámi við banda-
ríska skóla, hafa sest að í heima-
landi sínu. Þessi óvenjulega „heim-
þrá“ vakti athygli bandaríska heil-
brigðisráðuneytisins fyrir rúmlega
ári, hlutfall íslenskra lækna sem
snúa heim aftur er mun hærra en
lækna frá öðmm löndum, sem
stundað hafa sémám í Bandaríkjun-
um.
Á þessa staðreynd bendir pró-
fessor Frank Davidoff, yflrmaður
lyflæknisdeildar New Britain Gen-
eral Hospital, í bréfl sem hann
skrifaði fyrir nokkmm dögum til
Nancy Johnson, þingmanns í full-
trúadeild Bandaríkjaþings. David-
off bendir á að um það bil 85 pró-
sent íslenskra lækna fari heim að
framhaldsnámi loknu og leggi ís-
land því lítið af mörkum til þess
offramboðs lækna sem tíðrætt hef-
ur orðið um. Hann skorar á þing-
manninn að finna einhveija leið til
að viðhalda sambandinu við ísland,
ef til þess komi að þingið takmarki
fjárveitingar vegna útlendra lækna.
Rétt er að hafa það í huga að
„sémám" er að mjög miklu leyti
vinna og hefur því sjúkrahúsið þar
sem læknir stundar sémám sitt
vinnuframlag hans í skiptum fyrir
greiðslur til hans. Ennfremur þurfa
útlenskir læknar í sémámi, þar á
meðal íslendingar, að greiða skatta
til bandaríska ríkisins rétt eins og
innfæddir.
Engar fjárveitingar
í öldungadeild Bandaríkjaþings
ráða repúblikanar ríkjum, en í full-
trúadeildinni stjóma demókratar. í
öldungadeildinni hefur fjárveitinga-
nefndin þinglega umsjón með
Medicare. Helstu áhrifamenn í
þeirri nefnd, þingmennimir Robert
Dole, Dave Durenberger og Lloyd
Bentsen, lögðu á síðasta ári frum-
varp fyrir öldungadeildina, þar sem
gert er ráð fyrir að Medicare-fjár-
veitingar megi ekki nota til að
greiða erlendum læknum Iaun sem
stunda sérfræðinám í Bandaríkjun-
um.
Sömu þingmenn bjuggust við að
mæta mótspymu við öðra, sams-
konar framvarpi viðvíkjandi banda-
rískum þegnum. í því er gert ráð
fyrir að hætt verði Medicare-
greiðslum vegna bandarískra
lækna sem hafa hlotið menntun í
erlendum skólum. Bill Bradley og
Daniel P. Moynihan, öldungadeild-
arþingmenn demókrata, lögðust
ekki gegn þessum frumvörpum, en
bentu á að veita þurfi kennslu-
sjúkrahúsunum aðlögunartíma.
Sumar stórar stofnanir byggja að
hluta til á starfl lækna með erlend
próf og þyrftu frest til að laga sig
að nýjum aðstæðum.
Framvörpin tvö hafa ekki verið
dregin til baka þótt gert hafí verið
samkomulag við fulltrúadeildina um
miðjan desember síðastliðinn. Þau
era bæði til meðferðar í nefndum
öldungadeildar að því er starfsmenn
hennar tjáðu fréttaritara Morgun-
blaðsins síðastliðinn fímmtudag.
Talsmenn bandarískra lækna-
skóla vora beðnir að skýra álit sitt
á þessum framvörpum öldunga-
deildarmanna fyrir þeirri undir-
nefnd fjárlaganefndar öldunga-
deildarinnar, sem hefur með heil-
brigðismál að gera. Þeir mættu hjá
undimefndinni þann 3. júní 1985.
Af staða læknaskólanna
Dr. Donald Weston, sem mætti
fyrir hönd Félags bandarískra
læknaskóla, sagðist hlynntur því
að hætta Medicare-stuðningi við
alla lækna með erlend próf, hvort
sem þeir era útlendingar eða
Bandaríkjamenn. Dr. Neal Vans-
elow, sem mætti fyrir hönd Sam-
taka bandarískra háskólasjúkra-
húsa, útskýrði ástæðumar: „Það er
lagt mjög hart að bandarískum
læknaskólum að takmarka inn-
göngu. Við óttumst að þar eð er-
lendir skólar þurfa ekki að gera
slíkt hið sama, fari þeir bandarísku
stúdentar, sem ekki komast inn hér
eða í Kanada, einfaldlega í erlenda
skóla. Með þessu móti myndum við
í raun skipta á velmenntuðum
læknum og læknum sem hafa ekki
hlotið bestu menntun."
Bandaríska læknafélagið og fé-
lög sérfræðinga tóku undir þetta
álit forsvarsmanna læknaskólanna
og vora sammála því að tekið skuli
fyrir fjárveitingar vegnaallra
lækna frá erlendum skólum. Dr.
Louis J. Kettel, talsmaður Banda-
ríska læknafélagsins, sem kynnti
sjónarmið sín fyrir áðumefndri
öldungadeildamefnd þann 3. júní,
telur mikilvægt „að fínna einhver
önnur ráð til að fjármagna sérfræð-
inám lækna, sem fara heim aftur
að því loknu".
Oljósar horfur
í mannmörgum fylkjum Banda-
ríkjanna hafa stjómvöld þegar grip-
ið til eigin ráða. Nærri 40 prósent
sérfræðinema í New York-fylki era
með erlend læknapróf. Heilbrigðis-
yfirvöld fylkisins vinna nú að samn-
ingu tillagna varðandi sérfræði-
námstöður og virðist niðurstaðan
ætla að verða sú, að þeim verði
fækkað úr 2600 í 1700. Er þá miðað
við að fjöldi sérfræðistaða sé sá
sami og fjöldi þeirra sem útskrifast
úr læknadeildum í New York-fylki.
Áformað er að láta þennan niður-
skurð bitna fyrst á læknum mennt-
uðum erlendis.
Um miðjan nóvember síðastliðinn
sendi Memorial Sloan-Kettering-
stofnunin í New York-fylki bréf til
sjúkrahúsa sem hún hefur umsjón
með, þar sem yfirmenn era eindreg-
ið hvattir til að hætta að taka við
læknum með erlend próf. Ástæðan
er sögð fyrirætlanir bæði í Banda-
ríkjaþingi og hjá stjómvöldum New
York-fylkis, að skera niður eða
hætta alveg framlögum vegna sér-
náms erlendra lækna.
Margt bendir því til þess að fyrir
lækna með erlenda menntun verði
það í framtíðinni ekki auðsótt að
stunda starfsnám og fá lækninga-
leyfl í Bandaríkjunum. Tekist er á
um fjármagn til heilbrigðisþjónustu
og standa ýmsir hagsmunaaðilar
frammi fyrir því að þurfa að taka
mun afdráttarlausari afstöðu en
nokkum tíma áður.
í versta falli gæti farið svo, að
ef tekið er fyrir Medicare-greiðslur
án tafar, verði erlendir læknar í
sémámi hjá stofnun sem er vera-
lega háð Medicare, að hverfa frá
námi þar.
Þessi átök fara ekki einvörðungu
fram í Bandaríkjaþingi, áhrifín af
þessari einangranarstefnu gagn-
vart útlendum læknum sýna sig
meðal annars í því að ýmsir lækna-
skólar þvertaka nú þegar fyrir að
veita útlendingum inngöngu. Þeir
óttast að fá ekki fjármagn.
Þessi stefna, sem skjalfest hefur
verið í framvörpum til Bandaríkja-
þings, hefur eignast víðtækan
stuðning — án þess að merkjanlega
hafí verið rætt um tengslin við
utanríkisstefnu Bandaríkjanna og
samskipti þeirra við önnur ríki.
Virðist algjörlega skorta samhengi
milli innlendrar og alþjóðlegrar
heilbrigðisstefnu í Washington.
Jafnvel þótt framvarpið í full-
trúadeildinni byggi á samkomulagi
við öldungadeildina, er full ástæða
til að vera á verði. Ef einangrunar-
stefna öldungadeildarinnar nær
fram að ganga eftir öðram leiðum
en í gegnum Medicare-löggjöf, er
eins og Félag íslenskra lækna í
Norður-Ameríku segir í nýlegri
ályktun: „Fyrirsjáanlegt að fram-
haldsnám íslenskra lækna í Banda-
ríkjunum muni líða undir lok á
næstu áram.“
IIÍÍÍPÍÍÍS.....
ifkjj i1!) M
Draumur OkkarAt.t.ka
Hefur þaö ekki alltaf veriö
þinn draumur aö eignast
hinn fullkomna bíl? Alfa
Romeo 33 4 x 4 er allt í senn:
Sportbíll, sem veitir ökugleöi
og öryggi vegna aksturseigin-
leika og krafts.
Fjölskyldubíll, meö nægt
rými fyrir alla meðlimi fjölskyld-
unnar og farangur.
Torfærubíll, sem kemst leiöar
sinnar í snjó og illfærö.
Hinn frægi ítalski hönnuöur,
Pininfarina, hefur nú gert þennan
draum aö veruleika, í Alfa Romeo
33 4x4.
Þennan draumabíl getur þú
nú eignast, því viö höfum náö
ótrúlega hagstæöum samning-
um og bjóöum þér Alfa Romeo
33 4 x 4 á aðeins kr. 640.000.-
sem er hlutfallslega langtum
hagstæöara verð en annars stað-
ar í Evrópu.
Innifalið í verði: Rafdrifnar
rúöur og læsingar, litaö gler, fjar-
stilltir útispeglar, upphituö fram-
sæti, þokuljós aö framan og
aftan, metallic lakk, þurrkur og
sprautur á framljósum og aftur-
rúóu, digital klukka, öryggisbelti í
fram- og aftursætum, veltistýri
o.m.fl. 6 ára ryðvarnarábyrgð.
msagnir bílasérfræðinga
dagblaöanna eftir aö hafa
reynsluekiö Alfa Romeo 33
U
4x4:
» Þeir eru fáir sem eiga mögu-
íeika á aó halda í viö Alfa Romeo
33 4x4. nema kannski Audi
Quattro.«
»Orötakiö „Eins og hugur
manns“ glumdi stööugt í huga
mér og lýsir betur en nokkur
fjögur orö þeirri tilfinningu sem
ökumaður fær af akstrinum.«
» Hestöflin 95 eru engin folöld,
heldur ólmast viö aö skjóta létt-
um bílnum áfram (aöeins 970
kg), t.d. á skitnum 11 sek. í ÍOO
km hraöa.« nt 21/111985
» Fyrst og fremst sportbíll — al-
hliöa fjölskyldubíll meö mikla
snerpu og góða aksturseigin-
leika ásamt fjórhjóladrifi.«
» Það er sama hvernig beygt er
eöa bremsaö, alltaf svarar bíll-
inn hárréttum óskum ökumanns-
ins. « DV 30/11 1985
» Hreinræktaður gæðingur.«
»Þessi bíll er svo vel búínn
aukahlutum aó hann skákar jafn-
vel japönsku bílunum sem
hingað eru fluttir inn.«
»Vélin í Alfa Romeo 33 er
fjögurra strokka og skilar hún 95
hestöflum við sex þúsund snún-
inga á mínútu. Það er ekki of-
sögum sagt að hún er hreinasta
listasmíð. « MBL. 15/01 1986
LÉU
u
JÖFUR HF
NYBYLAVEGI2
KÓPAVOGI
SÍMI 42600