Morgunblaðið - 10.07.1986, Side 37

MORGUNBLAÐIÐ, FIMMTUDAGUR 10. JÚLÍ 1986
37
Skoðanakönnun Hagvangs:
Breytingar ásjónvarps
fréttum taldar til bóta
„Mikilvægt að fá fram viðhorf fólks-
ins í landinu,“ segir útvarpsstjóri
YFIRGNÆFANDI meirihluti
þjóðarinnar telur fréttaflutning
ríkisfjölmiðlanna, útvarps og
sjónvarps, trúverðugri en frétta-
flutning dagblaða, ef marka má
niðurstöður könnunar, sem Hag-
vangur gerði fyrir Ríkisútvarpið.
í könnuninni kom ennfremur í
ljós, að mikill meirihluti telur að
þær breytingar, sem orðið hafa
á fréttaflutningi sjónvarps að
undanförnu, hafi verið til bóta.
í könnuninni var valið 1.000
manna úrtak úr þjóðskrá, sem
tryggja átti jafna dreifingu varð-
andi aldur, kynferði og búsetu. 739
þátttakenda svöruðu. Þátttakendur
voru spurðir hversu ábyrgar og trú-
verðugar þeir teldu að fréttir
sjónvarps og útvarps væru í saman-
burði við þau dagblöð sem viðkom-
andi læsi yfirleitt. 71,2 til 75,8%
þátttakenda töldu að fréttir ríkis-
fj'ölmiðla væru frekar eða mjög
ábyrgar og trúverðugar, en 21,1%
höfðu sömu skoðun varðandi dag-
blöðin.
í könnuninni var sérstaklega
spurt um fréttaflutning sjónvarps-
ins og þær breytingar sem orðið
hafa þar að undanfömu. 30,4%
þátttakenda töldu þessar breytingar
mjög jákvæðar, 54,5% töldu þær
fremur jákvæðar, en 5,6% töldu þær
fremur eða mjög neikvæðar. Meiri-
hluti þátttakenda, eða 56,1%, töldu
að fréttaflutningur sjónvarpsins
hefði að undanfömu markast í
ríkari mæli en áður af „æsifrétta-
stíl“, eins og það var orðað í
spummgunm.
„Ég tel að það hafi verið ákaf-
lega þýðingarmikið fyrir Ríkisút-
varpið að fá með þessum hætti fram
viðhorf notenda á fréttum útvarps
og sjónvarps," sagði Markús Om
Antonsson, útvarpsstjóri, er hann
var spurður álits á niðurstöðum
könnunarinnar. „Ekki síst vegna
þeirra umræðna sem orðið hafa að
undanförnu í útvarpsráði, þar sem
hafa verið uppi þær skoðanir, að
breytingar á framsetningu sjón-
varpsfrétta hafi boðið heim vissum
trúnaðarbresti vegna þess að þar
hefði borið á miður trúverðugum
fréttaflutningi upp á síðkastið.
Þessi sjónarmið hafa verið túlkuð
alloft í útvarpsráði að undanfömu.
Það er því ákaflega mikilvægt fyrir
okkur að fá viðhorf notendanna í
þessum efnum, eigenda þessarar
stofnunar, sem er fólkið í landinu,“
sagði útvarpsstjóri.
HM í knattspyrnu:
Heinarútsending-
ar hæfilega margar
— samkvæmt niðurstöðum könnunar Hagvangs
Herm. Schepers í Sundahöfn.
Morgunblaðið/Júlíus
„ÞAÐ BER ekki á öðru en allmik-
ið hafi verið horft á beinar
útsendingar frá heimsmeistara-
keppninni í knattspyrnu í sjón-
varpinu og að keppninni hafi
verið gerð hæfileg skil,“ sagði
Pétur Guðfinnsson, fram-
kvæmdastjóri sjónvarpsins, í
samtali við blaðamann, en Hag-
vangur lauk í gær framkvæmd
hlustendakannanar, sem unnin
var fyrir sjónvarpið frá 29. júní,
að kvöldi úrslitaleiksins, til 7.
júlí. Eitt þúsund manna úrtak var
tekið úr þjóðskránni sem á að
tryggja aldursdreifingu, búsetu-
dreifingu og kynjaskiptingu. 739
svöruðu í könnuninni.
Hlustendakönnunin náði til fjög-
urra síðustu leikjanna, sem sýndir
voru. Tveir þeirra vom á dagskrá
sjónvarpsins miðvikudaginn 25. júní
sl., Vestur-Þýskaland - Frakkland
og Argentína - Belgía. Þá kepptu
Frakkland og Belgía um þriðja
sætið laugardaginn 28. júní og úr-
slitaleikurinn var á dagskránni
sunnudaginn 29. júní milli Vestur-
Þýskalands og Argentínu.
Hlutfall þeirra er horfðu á leikina
að öllu leyti eða að tiluta til er frá
51% og upp í 67%. Á úrslitaleikinn
allan horfðu 51,8% og að hluta til
14,9%, sem er samtals 66,7%.
Fleiri karlmenn horfðu á heims-
meistarakeppnina en kvenmenn og
voru hlutföll kynjaskiptingarinnar
63,2% til 73,3% karla á móti 47,6%
til 60,2% kvenna.
„Það sem kom mér mest á óvart
í niðurstöðunum var hversu fólk í
dreifbýli, þ.e. staðir með undir 300
íbúa, horfðu miklu minna á keppn-
ina en höfuðborgarbúar og annað
fólk í þéttbýli úti á landi, sem hélst
nokkurn veginn að,“ sagði Pétur.
Til þess að fá samanburð á milli
áhorfendahóps heimsmeistara-
keppninnar og annars efnis þessa
umræddu helgi þegar úrslitaleikim-
ir fóru fram, var annarsvegar spurt
um hversu margir hefðu horft á
bandarísku bíómyndina „Ljón á
veginum", sem var á dagskrá á
laugardagskvöldinu og hinsvegar
um tónlistarþátt frá þýska sjón-
varpinu, Annelise Rothenberger og
ungu söngvaramir, sem var á dag-
skrá á sunnudagskvöldinu, 29. júní.
í ljós kom að á þessa dagskrárliði
var miklu minna horft en á fót-
boltaleikina.
Þá var spurt um hvort beinar
útsendingar frá keppninni í Mexíkó
hefðu mátt vera fleiri, færri eða
hvort þær hefðu verið hæfílega
margar. 5,3% vildu fleiri leiki,
53,3% töldu útsendingar hæfilega
margar, 17,1% sögðu að þeir hefðu
mátt vera eitthvað færri, 15,9%
vildu aðeins fáeina leiki, 1,6% vildu
enga leiki og 6,6% vissu ekki. Sem
kunnugt er sýndi sjónvarpið 29 leiki
í beinni útsendingu af þeim 52 leikj-
um er fram fóm á heimsmeistara-
mótinu. Eftir að komið var að 8-liða
úrslitum, vom allir þeir leikir sýnd-
ir sem eftir vom, en leikjum framan
af keppninni var sleppt.
„Mér sýnist í fljótu bragði að
mikið hafí verið horft á þessa
heimsmeistarakeppni og kannski
meira en maður bjóst við í upp-
hafí. Ég býst við að áhorfendafjöldi
hafí farið vaxandi er á leið keppn-
ina og það sýnir að keppnin hafí
verið vinsælt sjónvarpsefni. Einnig
virðist fólk telja leikina hafa verið
hæfílega marga sem sýndir vom
beint frá keppninni, en tala leikj-
anna var á sínum tíma nokkuð
umdeilt mál,“ sagði Pétur.
Lyftu skut skips-
ins og losuðu
skrúfuna af í höfn
ÞÝSKA skipið Herm Schepers,
sem Eimskipafélag íslands hef-
ur á leigu, braut skrúfublað á
svokallaðri olíusparnaðar-
skrúfu í hafís norður af
Hornbjargi aðfaranótt laugar-
dags. Skipveijar tóku skrúfuna
af á meðan skipið lá í Sunda-
Athugasemd frá Sambandinu:
Könnumst ekki við drátt
á afgreiðslu á varahlutum
MORGUNBLAÐINU hefur borizt
eftirfarandi athugasemd frá Sam-
bandinu þess efnis, að í varahluta-
deild Sambandsins kannist menn
ekki við drátt á afgreiðslu vara-
hluta í þær vélar, sem Sambandið
hafi umboð fyrir. Athugasemdin
er vegna fréttar í Morgunblaðinu
á miðvikudag, þar sem haft er eft-
ir bónda i Mýrdal, að skortur á
varahlutum frá Sambandinu hafi
valdið bændum verulegum erfið-
leikum við heyskap. Athugasemdin
fer hér á eftír:
„Sambandið hefur ekki lengur um-
boð fyrir heybindivél Erlings Sigurðs-
sonar bónda í Sólheimakoti í Mýrdal
og þess vegna kannast menn ekki við
að pöntun frá honum á varahlutum
hafí beðið afgreiðslu hjá varahluta-
deild Sambandsins. Hann verður því
að snúa sér til réttra aðilja með beiðni
um varahluti. Menn kannast heldur
ekki við neinn drátt á afgreiðslu á
varahlutum i þær vélar og tæki, sem
Sambandið hefur umboð fyrir, en vilja
svo sannarlega bæta úr, ef svo er og
það hefur farið framhjá starfsmönnum
deildarinnar.
Sambandsmenn vilja líka benda á,
að þeir hafi reynt að hafa opna á laug-
ardögum sérstaka þjónustu fyrir
bændur til að koma í veg fyrir tafír
yfír hásláttinn. Sambandið metur það
reyndar að teljast illskárst, en metur
sig þó standa sig betur en það og vill
gera það.“
Olafur Ragnar Grímsson:
„Hef ekki ákveðið hvort ég stefni að þingsæti“
Segir vangaveltur um næsta formann Alþýðubandalagsins ótímabærar
„ÉG Á ekki von á því,“ svaraði Ólaf-
ur Ragnar Grímsson þegar blaða-
maður Morgunblaðsins spurði hann
hvort hann teldi að Össur Skarp-
héðinsson ritstjóri Þjóðviljans
reyndist sannspár i viðtali við
Heimsmynd, þar sem hann spáir
þvi að Ólafur Ragnar og Ásmundur
Stefánsson forseti ASÍ muni beijast
um þingsæti i Reykjavík fyrir
næstu alþingiskosningar.
„Ég hef ekki tekið neina ákvörðun
um það hvort eða hvaða viðhorf verða
ríkjandi þegar þar að kemur," sagði
Ólafur Ragnar þegar hann var spurð-
ur hvort hann væri með þessu að segja
að hann hygðist ekki stefna á að ná
kjöri sem þingmaður Alþýðubanda-
lagsins í næstu þingkosningum. Ólafur
Ragnar sagðist telja þessa umræðu
algjörlega ótímabæra á þessu stigi og
aðspurður um hvort hún væri ekki
einmitt tímabær núna í ljósi þeirrar
miklu umræðu sem nú á sér stað í
þjóðfélaginu um væntanlegar haust-
kosningar, svaraði Ólafur Ragnar:
„Mér sýnist nú sem Framsóknarflokk-
urinn og Steingrímur Hermannsson
forsætisráðherra vilji alls ekki haust-
kosningar. Þannig að þótt að einstaka
menn í Sjálfstæðisflokknum vilji
haustkosningar, þá hef ég enga trú á
því að þeir hafí dug til þess að knýja
það í gegn. Ég hef því enga trú á að
það verði."
Ólafur Ragnar var spurður hvað
hann vildi segja um vangaveltur Þjóð-
viljaritstjórans þess efnis að hann og
Ásmundur muni berjast um for-
mennsku í Alþýðubandalaginu, þegar
kemur að formannsskiptum: „Það
tíðkast mjög framtíðarskrif í þessum
tímaritum sem gefin eru út í landinu.
Össur er með framtíðarvangaveltur í
Heimsmynd, kollega minn Svanur
Kristjánsson er með framtíðarvanga-
veltur í Þjóðlífi, þannig að það er ljóst
að þessi tímaritamarkaður virðist telja
svona framtfðarvangaveltur einkar
vænlegar til þess að auka söluna. Hins
vegar þá hallast ég meira að þeirri
góðu og gömlu kenningu sem Harold
Wilson fyrrum forsætisráðherra Breta
setti fram, að vika væri langur tími í
pólitík, hvað þá heldur heilt ár. Síðasta
lq'örtímabil Svavars Gestssonar er ekki
einu sinni hálfnað, þannig að það er
algjörlega ótímabært að fara að hugsa
um, hvað þá heldur ræða þessa hluti.“
höfn. Fóru þeir þannig að að
stefni skipsins var þyngt þar
til skutur þess stóð upp úr sjó
og er ekki vitað til að það hafi
verið gert hér á landi áður.
Magnús Kjæmested, stýrimað-
ur, sem er fulltrúi Eimskipafélags-
ins um borð, sagði að skipið hafí
verið þyngt að framan með því
að lesta 300 tonn í fremstu lest
skipsins og síðan hefði sjó verið
dælt framan í skipið, svo rista
þess yrði sem mest að framan.
Þetta hefði dugað til að lyfta
skrúfuöxlinum úr sjó, þannig að
skrúfan hafí komið öll upp úr.
Skipveijar tóku hana síðan af og
athöfnuðu sig á stórum fleka frá
Reykjavíkurhöfn, sem lánaður
hafði verið til þess ama.
Olíuspamaðarskrúfan, sem
brotnaði, er fyrir aftan aðalskrúf-
una, á sama öxli. Hún snýst þó
ekki með öxlinum, heldur af
straumvatni skipsins. Sagði
Magnús, að olíuneysla minnkaði
um 10-15% ef þess konar skrúfa
væri á skipum, en ekkert íslenskt
skip er búið skrúfu sem þessari.
Einnig sagði Magnús að það hefði
engin áhrif haft á siglingu skips-
ins þegar blað skrúfunnar brotn-
aði. Ástæðu þess að blað þessarar
skrúfu brotnaði, en aðalskrúfan _
slapp, kvað hann vera þá að blöð
olíuspamaðarskrúfunnar eru
stærri en blöð aðalskrúfunnar.
Eina ókost skrúfunnar kvað
Magnús vera þann, að hún drægi
lítillega úr ferð skipa og þau bökk-
uðu ekki eins vel, ef þau væm
útbúin henni.
Á siglingu Herm Schepers í
gegnum hafísinn kom gat á stefni
skipsins, en Magnús sagði þær
skemmdir hafa verið smávægileg-
ar. -
ö
INNLENT