Morgunblaðið - 18.09.1986, Síða 1

72 SÍÐUR B
STOFNAÐ 1913
209. tbl. 72. árg.
FIMMTUDAGUR 18. SEPTEMBER 1986
Prentsmiðja Morgnnblaðsins
Alvarlegasta sprengju-
tilræðið í París til þessa
Á myndinni sjást ummerki þessa
síðasta ódæðis hryðjuverka-
manna í Frakklandi. Munir úr
Tati-versluninni á Montpamasse
liggja eins og hráðviði út um allt,
en verslunin seidi aðallega fatn-
að og vefnaðarvöru ýmiss konar.
Fremst á myndinni eru björgun-
armenn að koma einu fórnar-
lambi illvirkisins fyrir á
sjúkrabömm.
AP/Símamynd
Fjórir látnir og 62 slasaðir
Paris, AP.
FJÓRIR létust og 62 slösuðust i
enn einu sprengjutilræðinu í
París í gær. Fimmtán manns em
alvarlega slasaðir og er óttast
að fleiri kunni að látast af sámm
sínum. Sprengjunni var kastað
út um bílglugga að stórverslun í
Montpamasse-hverfi. Þetta er
fimmta tilræðið frá 8. septem-
ber, en hálft þriðja hundrað
manna liggur slasað eftir þau og
níu hafa látist. Atburðurinn
gerðist um hálfsexleytið að stað-
artíma, en þá er háannatíminn.
Karpov
sigraði
Lcningrad, AP.
ANATOLY Karpov bar sigurorð
af Garrí Kasparov í gær í 17.
skákinni í einvíginu um heims-
meistaratitilinn í skák og
minnkaði forskot Kasparovs nið-
ur í tvo vinninga. Kasparov gaf
skákina eftir aðeins 31 leik.
Staðan í einvíginu er nú sú að
Kasparov hefur 9 V2 vinninga, en
Karpov V/í Karjiov þarf 12Vz vinn-
ing úr 24 skákum til þess að
endurheimta heimsmeistaratitilinn.
Sviptingar eru miklar í einvíginu
því Karpov tapaði 16. skákinni, sem
tefld var á mánudaginn var. Átj-
ánda einvígisskákin verður tefld á
morgun, föstudag.
Sjá ennfremur skákskýringu á
bls. 34.
Viðskiptavinir verslunarinnar
eru flestir konur.
Þetta er alvarlegasta sprengjutil-
ræðið að undanfömu, en það þykir
auk þess sérstaklega óhugnanlegt
þar sem sprengjunni var kastað að
versiun, sem í voiu aðallega konur
og börn. „Þetta var ótrúleg sjón,“
sagði maður nokkur, sem var í
versluninni, þegar sprengjan
sprakk. „Konur, böm og blóð út
um allt. Sprengingin var geysiöflug,
því ég var á sjöttu hæð og þar
hríðskalf allt og allar rúður brotn-
uðu í mél. Hjálp barst fljótt og
brottflutningur hinna særðu hófst
án tafar.“
Laurent Davenas, aðstoðarríkis-
saksóknari, sagði fréttamönnum að
sprengjunni hefði verið kastað úr
svartri BMW-bifreið, en áður hafði
lögreglan skýrt frá því að hún hefði
iíklega verið falin í sorptunnu. Dav-
enas sagði að í bifreiðinni hefðu
verið tveir menn, báðir með yfirvar-
arskegg.
Líbönsk hryðjuverkasamtök
liggja undir grun, en talið er að þau
hafi staðið á bak við tilræðin að
undanförnu. Þau hafa krafist lausn-
ar þriggja hryðjuverkamanna, sem
sitja í frönskum fangelsum. Höfuð-
paur þeirra er Georges Ibrahim
Abdallah, en frönsk stjórnvöld lýstu
eftir tveimur bræðmm hans í gær.
Annar þeirra, Robert Ibrahim Abd-
allah, er grunaður um að hafa.
staðið að sprengjutilræðinu á kaffi-
stofunni í síðustu viku. Bræðurnir
komu fram á blaðamannafundi í'
Trípólí í Líbanon í gær og sögðust
alsaklausir.
Sjá ennfremur grein á bls. 26.
Jackson reynir að halda sér ungum
Los Angeles, AP.
BANDARÍSKA poppstjarnan Michael Jackson hefur keypt sér
loftþéttan súrefnisklefa í þeirri von að klefinn muni halda honum
unglegum, að sögn talsmanns poppstjörnunnar. Læknar vara hins
vegar við notkun klefans og segja hann geta verið hættulegan,
sé hann ekki notaður undir leiðsögn sérfræðinga.
í klefa þessarar tegundar er súrefni undir margföldum þrýstingi
andrúmslofts. Klefarnir hafa verið notaðir til lækninga, einkum til
þess að lækna þrálátar sýkingar og sjúkleika sem stafa af slæmri
blóðrás. Jackson, sem er 28 ára gamall, finnst hann yngjast upp við
að fara í klefann, að sögn talsmannsins, sem neitaði fregnum þess
efnis að Jaekson vonaðist til að klefínn gerði það að verkum að hann
gæti orðið 150 ára gamall. Læknar segja það ósannað mál hvort þess-
ir súrefnisklefar geti lengt líf fólks. Myndin sýnir Jackson í klefanum.
25 Sovétmönn-
um vísað úr landi
Washington, Sameinudu þjóðunum, AP.
STJÓRNVÖLD í Bandaríkjunum
skipuðu í gær 25 starfsmönnum
sendinefndar Sovétríkjanna hjá
Sameinuðu þjóðunum að yfir-
gefa landið. Heimildir innan
sovésku sendinefndarinnar
herma að brottrekstrinum muni
verða formlega mótmælt og
sendiherra Sovétrikjanna hjá
Sameinuðu þjóðunum, Alexander
M. Belogonov, muni gefa út
formlega yfirlýsingu í dag,
fimmtudag.
Talsmaður utanríkisráðuneytis
Bandaríkjanna, Bernard Kalb,
sagði að brottreksturinn nú væri
alls ótengdur njósnakærunni í
Moskvu gegn bandaríska blaða-
manninum Nicholas Daniloff. Sagði
hann brottreksturinn vera hluta
langtímaáætlunar um að fækka
sendimönnum Sovétríkjanna hjá
Sameinuðu þjóðunum, en Ronald
Reagan, forseti Bandaríkjanna,
hefur sagt að sendinefndin sé hlut-
fallslega mjög stór og stundi
njósnir.
Kalb sagði að Sovétmennirnir 25
yrðu að yfirgefa Bandaríkin fyrir
1. október næstkomandi og listi
með nöfnum þeirra hefði verið af-
hentur forsvarsmönnum sendi-
nefndarinnar. í marsmánuði
tilkynntu bandarísk stjórnvöld að
Sovétmenn yrðu að fækka í sendi-
nefnd sinni um 105, úr 275 niður
í 170, á næstu tveimur árum.
„Síðan þá hefur sovéska sendi-
nefndin íti'ekað neitað að vinna með
okkur að fækkuninni,“ sagði Kalb.
Fundur George P. Shultz, ut-
anríkisráðherra Bandaríkjanna, og
Eduards Shevardnadze, utanríkis-
ráðherra Sovétríkjanna, til þess að
undirbúa væntanlegan leiðtoga-
fund, hefst á morgun. Shultz sagði
á þríðjudagskvöld að stjómvöld í
Bandaríkjunum hefðu undirbúið
áætlun til þess að frelsa Daniloff.
Nær 200 létust
í námuslysinu
Evander, Suöur-Afríku, AP.
NÆR 200 nianns létust í slysinu í gullnámunni í Evander og er þetta
versta slys í gullnámu í sögu Suður-Afríku. Samkvæmt opinberum
tölum létust 177, 235 slösuðust og fimm manna er ennþá saknað.
Landssamband námuverkamaniia segir ófullnægjandi öryggisráð-
stafanir vera orsök slyssins og að yfirlýsingar forsvarsmanna
gullnániuvinnslunar, um að slysatíðni í námum í Suður-Afríku sé
hin lægsta í heiminum, séu fáránlegar.
Slysið varð þcgar eldur braust
út í námunni og eitraðar lofttegund-
ir léku um námuganga. Talið er að
eiturgasið hafi myndast þegar eld-
urinn bræddi plastefni sem notað
er til þess að styrkja veggi og loft
námugangnanna. Námuverkfræð-
ingar vinna nú að rannsókn slyss-
ins.
Nær allir sem dóu í slysinu voru
blökkumenn eða 172, en fimm voru
hvítir. 44 hinna slösuðu eru ennþá
á sjúkrahúsum, en hinum hefur
verið leyft að snúa til síns heima.
Náman var lokuð í gær vegna slyss-
ins. Um níu þúsund manns vinna
þar að staðaldri og tókst björgnnar-
sveitum að bjarga tvö þúsund
manns upp á yfirborðið á meðan
eldurinn logaði.
Sjá eniifreinur fréttir á bls. 27.