Morgunblaðið - 18.09.1986, Síða 17

MORGUNBLAÐIÐ, FIMMTUDAGUR 18. SEPTEMBER 1986
17
Opið bréf til sam-
gönguráðherra
Við undirritaðir förum þess hér
með á leit við þig sem æðsta mann
samgöngumála á Islandi, að þú lát-
ir kanna allan aðdraganda þess að
ný brú var byggð á svokallaða
Hófsá í Auðkúiuhreppi, Vestur-
Isafjarðarsýslu, á nýliðnu sumri.
Þessi beiðni okkar er ekki tilkomin
vegna þess að við séum á móti
nýbyggingum brúa yfirleitt, síður
en svo. Aftur á móti teljum við nið-
urrif gömlu brúarinnar á Hófsá
orka svo mjög tvímælis miðað við
upplýsingar sem fyrir liggja, að
full ástæða sé til að kanna þetta
mál allt nánar.
Við nefnum eftirtalin rök máli
okkar til stuðnings.
1. Vegagerð ríkisins hefur marg-
lýst því yfir að steypan í gömlu
brúnni hafi verið bæði morkin og
ónýt.
Rannsóknastofnun Byggingar-
iðnaðarins hefur aftur á móti
staðfest með bréfí að styrkleiki of-
annefndrar steypu hafí verið
457—635 kg á fersentimetra og er
það 30 til 90% meirá en almennt
er krafíst við brúarbyggingar.
Sama stofnun telur að umrædd
steypa hafi verið bæði sterk, góð
og alls ekki morkin.
2. Fulltrúi Vegagerðar ríkisins hef-
ur sagt að aðkeyrslan að hinni nýju
brú mundi breytast. Nýja brúin er
þó byggð á nákvæmlega sama stað
og sú gamla og er að flestu leyti
mjög svipað mannvirki nema sú
nýja er nokkrum sentimetrum lægri
en sú gamla var.
3. Verkfræðingur Vegagerðar
ríkisins sem tók ákvörðun um niður-
rif margnefndrar brúar, lýsti því
yfír í Helgarpóstinum 4. sept. sl.
að Arnfirðingar hafi ekki „hunds-
vit“ á steinsteypu frekar en
almenningur yfírleitt, eins og hann
orðar það. Nú má það vel vera rétt.
Þessi ummæli eru þó þess eðlis að
þau dæma einnig Rannsóknastofn-
un byggingariðnaðarins á sama
hátt og almenning í landinu, sbr.
framanskrifað.
4. Fjöldi manns, þar á meðal bygg-
ingameistarar með áratuga reynslu,
hafa litið á verksummerki við Hófsá
í sumar. Allir hafa lokið upp einum
munni um það að gamla brúin hefði
getað annað sínu hlutverki með
sóma næstu árin og jafnvel ára-
tugi, með smá lagfæringu á dekki
líkt og framkvæmd var á brúnni á
Mjólká í sumar. Heimamenn, allir
sem einn, hafa tekið í sama streng.
Byggingarkostnaður hinnar nýju
brúar er áætlaður 4 milljónir króna.
Það gæti þýtt í reynd 5 til 6 milljón-
ir. Miðað við fjármagn það sem
ætlað er til vegamála á Vestíjörðum
almennt, er þetta að sjálfsögðu
stórfé. Til viðmiðunar mætti nefna,
að nýbygging sem unnið var að í
Mýrahreppi í sumar og verður þar
mikil samgöngubót, var tilboðsverk
sem hljóðaði upp á 5 milljónir króna.
Og erum við þar komnir að aðalat-
riði þessa máls. Stórfé er kastað í
verk sem allur almenningur telur
algjöran óþarfa. Rannsóknamiður-
stöður styðja eindregið þennan
almannaróm. Þrátt fyrir það er eðli-
legri gagnrýni svarað með hálfgerð-
um hroka sem ekki virðist
viðeigandi. Það er hverri þjóð mik-
ilsvert að borgaramir veiti þeim
aðilum sem fara með opinbert fé,
aðhald. Ef mönnum er sama er
hætta á ferðum í þjóðlífinu.
Við teljum að gerð hafí verið
mistök við Hófsá í sumar. Við telj-
um að þær milljónir sem þar var
sóað hefðu betur verið komnar í
segjum til dæmis endurbætur á
veginum yfir Hrafnseyrarheiði, sem
legið hefur svo til óhreyfður frá því
hann var iagður um 1950. Fimm
milljónir króna í þann heiðarveg
hefðu verkað eins og vítamín-
sprauta. Ef við höfum rangt fyrir
okkur í þessu máli erum við menn
til að viðurkenna það ef hægt er
að benda okkur á rök í málinu sem
við sjáum ekki í dag. Vegagerð
ríkisins hefur unnið stórvirki um
land allt á liðnum árum. Hún hefur
á að skipa mörgum mjög hæfum
starfsmönnum. En vegagerðin er
ekki óskeikul fremur en aðrar opin-
berar stofnanir. Þess vegna biðjum
við um athugun á þessu máli, og ef
í ljós kemur, sem allt bendir til, að
mistök hafí verið gerð, verði það
víti til varnaðar.
Samgöngunef nd
Auðkúluhrepps,
Harald Kulp,
Mjólkárvirkjun,
Guðmundur Þór Kristjánsson,
Mjólkárvirkjun,
Hallgrímur Sveinsson,
Hrafnseyri.
Mjólkin send heim:
„Sýnist vera grundvöll-
ur fyrir þessa starfsemi“
segir Sveinn Guðmundsson hjá Mjólkurpóstinum
„ÞAÐ er ekki hægt að segja ann-
að en að undirtektir hafi verið
góðar. Mér sýnist á fyrstu við-
brögðum, að það sé góður
grundvöllur fyrir þessari starf-
semi,“ sagði Sveinn Guðmunds-
son verkfræðingur, sem stofnað
hefur fyrirtækið „Mjólkurpóst-
urinn“ og ætlar að senda fólki
mjólk heim að dyrum á mjólkur-
búðaverði án þess að taka sér-
stakt gjald fyrir heimsendingar-
þjónustuna.
Sveinn sagði í samtali við blm.
Morgunblaðsins að hann væri búinn
að gera lauslega könnun á grund-
velli þessarar starfsemi og mætti
segja að auglýsingar, sem birst
hafa í blöðum undanfarna daga,
væru frekari markaðskönnun. „Mér
sýnist að þetta muni geta gengið,"
sagði hann. „Það fer að vísu tals-
vert eftir því hversu þétt dreifingar-
netið getur orðið á höfuðborgar-
svæðinu - álagning á mjólk og
mjólkurvörur er mjög lítil og því
má dreifingin ekki taka of langan
tíma. Ætlunin er að flytja mjólkina
beint frá Mjólkurstöðinni heim til
fólks, minnst tólf lítra í einu.“
Sveinn sagði að með því að koma
mjólkinni beint í áframhaldandi
kælingu væri engin hætta á að hún
næði að hitna og skemmast og
þannig gæti fólk verið laust við
“hyggjur af stöðugum mjólkurburði
heim úr verslunum í 2-3 daga.
„Það kann að taka einhvern tíma
að byggja upp dreifíkerfíð fyrir allt
höfuðborgarsvæðið en ég geri mér
vonir um að ég geti byijað dreifíng-
una á næstu dögum," sagði Sveinn
Guðmundsson verkfræðingur.
í bjó
3*4 Þes!
[W
ðUlH
r anskd SÓStag‘>nSÓSU
esl 8
Tói''ials£[![a
m
209 kf-
Rabtt'
ARNARHÓLL
■
PHIUPS
Frystikistur
27.920.-
29.950.-
35.850.-
47.800.-
215lítra
315lítra
450 lítra
550 lítra
26.520.-
28.450.-
39.990.-
45.410.-
Frystisképar
27.860.-
140 litra
26.470.-
300 litra
39.680.-
37.700.-
Philips
Philips
Philips
Philips
Philips
Philips
frystikistur eru klæddar hömruðu stáli.
frystikistur gefa til kynna með sérstöku aðvörunar-
Ijósi ef frostið fer niður fyrir 15o
frystikistur hafa lykillæsingu.
frystikistum fylgja 2—3 lausar grindur.
frystikistur hafa Ijós í loki.
frystikistur fást í stærðunum 140—550 lítra.
Philips viðgerðaþjónustu getur þú treyst.
Þú kaupir Philips fyrir framtíðina.
iþ
Heimilistæki hf
HAFNARSTRÆTI3 - 20455- SÆTÚNI 8- S: 27500