Morgunblaðið - 05.01.1988, Side 61

MORGUNBLAÐIÐ, ÞRIÐJUDAGUR 5. JANÚAR 1988
61
Ekki rétt að ráð-
herra hafi sjáifdæmi
um skipan dómara
-segir Jón Sigurðsson um gagnrýni
Ólafs Ragnars Grímssonar á skipanir
í embætti hæstaréttardómara
✓ _
„Það er ekki rétt að dómsmála-
ráðherra hafi algjört sjálfdæmi
um hveijir eru skipaðir í emb-
ætti hæstaréttardómara," sagði
Jón Sigurðsson, dómsmálaráð-
herra, er hann var spurður álits
á þeirri gagnrýni sem fram kom
i skrifum Ólafs Ragnars
Grímssonar, formanns Alþýðu-
bandalagsins, f Morgunblaðinu á
Gamlársdag,_ en í grein sinni
gagnrýnir Ólafur Ragnar þá
hætti sem hafðir eru á við skipan
hæstaréttardómara.
Segir Ólafur m.a. að sér hafi
fundist að „ýmsir þeirra sem valist
hafa í embætti hæstaréttardómara
á undanfömum ámm hafi verið
fúsari en fyrirrennarar þeirra til að
teygja sig út úr girðingu hinnar
þröngu lögfræði yfir í lendur pólití-
skrar hugmyndafræði" og að þörf
kunni að vera á að „breyta þeirri
skipan að dómsmálaráðherra hafi
algert sjálfdæmi um hveija hann
skipar í embætti dómara i Hæsta-
rétti".
Aðspurður kvaðst Jón Sigurðsson
fátt vilja segja um mat Ólafs Ragn-
ars á þróun málefna Hæstaréttar
þar sem hann teldi vera þörf á frek-
ari rökstuðningi fyrir skoðunum
hans ef taka ætti þær sem gildar
ástæður fyrir breytingum á að-
ferðum við skipan dómara. „í lögum
em sett skilyrði sem takmarka val
á dómumm við tiltölulega þröngan
hóp manna," sagði Jón, „ráðherra
þarf að leita umsagnar Hæstaréttar
um dómaraefni áður en embætti
er veitt. Það getur hugsast að hægt
sé að nota aðrar aðferðir við val á
dómumm en nú tíðkast, t.d. með
því að fela valið sérstökum dóm-
nefndum, en vandinn er hins vegar
ekki leystur þar með því spumingin
er við hvað slíkar nefndir ættu að
miða og hafa að leiðarljósi. Það er
ljóst að hlutverk dómstóla verður
stöðugt mikilvægara og því nauð-
synlegt að vanda vel val á dómur-
um.“
Tillaga þess efnis að sérstakar
dómnefndir velji dómara í Hæsta-
rétt hefur komið fram áður, að sögn
Sigurðar Líndal, prófessors við
Lagadeild háskólans. Sagði Sigurð-
ur að einnig hefðu komið fram
hugmyndir þess efnis að forseti ís-
lands skipaði í embættin án atbeina
ráðherra, en slíkt samræmdist hins
vegar ekki ákvæðum stjórnarskrár-
innar. Varðandi gagnrýni Ólafs
Ragnars sagði Sigurður að erfítt
væri að greina hvað Ólafur ætti við
þegar hann talaði um starfsvið
hæstaréttardómara. „Dómstólarnir
eru hins vegar sífellt að verða sjálf-
stæðari og hafa því meiri áhrif á
þróun réttarins en áður. Ástæður
þessa eru þær að löggjöfin verður
æ ónákvæmari og veitir dómurum
því aukið svigrúm. Þá koma einnig
til áhrif frá engilsaxneskum hefðum
og sú staðreynd að breytingar í
þjóðfélaginu eru svo örar að lögin
ná ekki að fylgja þeim eftir,“ sagði
Sigurður að lokum.
Hljómborði
stolið á
Hótel íslandi
LÖGREGLUNNI í Reykjavík var
tilkynnt um grunsamlegar ferðir
manns á Suðurlandsbraut laust
eftir klukkan 3.00 aðfaranótt
sunnudagsins. Var maðurinn
drukkinn og með hljóðgerfil und-
ir hendinni.
Það voru öryggisverðir Securitas
sem þótti maðurinn grunsamlegur
og þegar lögreglan kom á vettvang
reyndi maðurinn að fela sig, en lög-
reglan hafði hendur í hári hans.
Við nánari eftírgrennslan kom í ljós
að maðurinn hafði tekið hljómborð-
ið óftjálsri hendi í veitingahúsinu
Hótel íslandi þá um nóttina. Lög-
reglan tók bæði manninn og
hljómborðið í vörslu sína,
Morgunblaðið/Bjami
Pétur Sigurgeirsson biskup, Ato Salomoin Haile og Sigríður Guðmundsdóttir.
Hjálparstofnun kirkjunnar:
15 milljónir kr. hafa
borist í jólasöfnun
TIL Hjálparstofnunnar kirkj-
unnar hafa borist um 15 millj-
ónir króna í beinu söfnunarfé
í Jólasöfnuninni. Er þetta um
50% hærri upphæð en safnaðist
árið 1985. Það ár fengust einn-
ig verulegar tekjur af sölu
jólatijáa og plötunnar Hjálpum
þeim. Hluti af afrakstri söfnun-
arinnar nú fer til Hjálparstarfs
á hungursvæðum Eþíópíu.
Herra Pétur Sigurgeirsson
biskup er kominn aftur til starfa
eftir veikindaleyfi og átti hann í
gær fund með Ato Salomoin Ha-
ile, framkvæmdastjóra Suður
Synodu Mehane Yesus-kirkjunn-
ar, en íslenzka kristniboðsstöðin
í Konsó er á því svæði. Skúli Sva-
varsson, framkvæmdastjóri ís-
lenzka kristniboðssambandsins,
Jónas Þórisson, kristniboði, sem
nýkomirín er heim frá frá Eþíópíu,
og Sigríður Guðmundsdóttir,
framkv læmdastjóri Hjálparstofn-
unar kirkjunnar sátu einnig
fundinn.
Sijórnvöld hvelja til ráðn-
ingar Islendinga á kaupskip
STJÓRNVÖLD hafa hvatt
íslensk skipafélög til að manna
flutningaskip með íslenskum
áhöfnum, en ekki gefið út bein-
ar fyrirskipanir um það, sagði
Ragnhildur Hjaltadóttir, deild-
arstjóri í samgönguráðuneyt-
inu, í samtali við Morgunblaðið
í gær. Ekki stendur til að leyfa
ráðningu erlendra áhafna á
skip skráð hérlendis, líkt og
gert hefur verið f Noregi og
fleiri löndum.
Ragnhildur sagði að samtök sjó-
manna hefðu öðru hvoru haft
samband við samgönguráðuneytið
vegna ráðningar erlendra áhafna
á leiguskip, og ráðuneytið hefði í
framhaldi af því hvatt skipafélögin
til að taka aðeins þau skip á leigu
erlendis frá sem hægt væri að
manna með íslenskum áhöfnum.
Ekki hefði verið gripið til beinna
fyrirskipana, enda hefðu íslensk
stjórnvöld ekki lögsögu yfir skip-
um sem skráð væru erlendis. Skylt
væri að ráða íslenska sjómenn á
öll skip sem skráð væru hér á
landi, og ekki hefði komið til tals
að breyta því, eins og gert hefði
verið í Noregi, og stæði til í Dan-
mörku.
Farmenn hafa nú vaxandi
áhyggjur vegna ráðningu erlendra '
áhafna á leiguskip. Guðmundur
Hallvarðsson, formaður Sjó-
mannafélags Reykjavíkur, segir
að fjórum Islendingum hafi nýlega
verið sagt upp af m/s Hvítanesi
og Pólverjar ráðnir í þeirra stað,
og að um 300 farmenn hafi misst
vinnu sína sl. 10 ár vegna stórauk-
innar leigutöku á erlendum
skipum.
Gísli Karlsson og Gunnar Guðbjartsson takast f hendur.
Framleiðsluráð:
Gísli Karlsson ráðinn
framkvæmdastj óri
Framkvæmdastjóraskipti urðu
hjá Framleiðsluráði landbúnað-
arins á mánudag. Af störfum lét
Gunnar Guðbjartsson, sem verið
hefur framkvæmdastjóri ráðsins
undanfarin ár en við tók Gfsli
5. Karlsson, sem undanfarið hef-
ur verið bæjarstjóri f Borgarnesi.
Gunnar Guðbjartsson er fæddur
6. júní 1917 og varð því sjötugur
á síðasta ári. Hann hóf búskap á
Hjarðarfelli í Miklaholtshreppi árið
1942. Hann var formaður Búnaðar-
sambands Snæfellinga, búnaðar-
þingsfulltrúi Snæfellinga í 32 ár og
fulltrúi á aðalfundum Stéttarsam-
bands bænda í 36 ár. Hánn var
kosinn formaður Stéttarsambands-
ins árið 1963 og gegndi því starfi
í 18 ár, eða til ársins 1981. Hann
var jafnframt formaður Fram-
leiðsluráðs landbúnaðarins um tíma
og var ráðinn framkvæmdastjóri
þess 1. janúar 1980. Eiginkona
Gunnars er Ásthildur Teitsdóttir.
Gísli Salomon Karlsson er fædd-
ur 19. júlí 1940 á Bijánslæk á
Barðaströnd. Hann er búfræði-
kandídat af hagfræðilínu frá
Búnaðarháskólanum í Kaupmanna-
höfn. Gísli starfaði sem hagfræði-
ráðunautur á Jótlandi um tveggja
ára skeið að loknu námi og var síðan
kennari við Bændaskólann á
Hvanneyri. Hann varð sveitarstjóri
í Borgamesi í apríl 1985 og bæjar-
stjóri frá því í haust. Kona hans
er Ágústa Ingibjörg Hólm.
Talsmenn Eimskips og skipa-
deildar SÍS segja að leigutaka á
erlendum skipum sé ekki aðalá-
stæðan fyrir fækkun farmanna,
enda séu leiguskipin langflest
mönnuð íslenskum áhöfnum,—
Tækniframfarir og aukin hagræð-
ing sem hafi fengist með færri en
stærri skipum vegi þar þyngst á
metunum. Harðnandi samkeppni
við erlend skipafélög með miklu
lægri launakostnað en hér þekkist
geti hinsvegar neytt íslendinga í
framtíðinni til þess að fylgja þeirri
þróun að ráða ódýrar, erlendar
áhafnir á skip sín.
Leiðréttingf-
Þau mistök urðu í síðastliðnu
sunnudagsblaði að niður féll ein
stjarna af þremur með gagnrýni
Sæbjöms Valdimarssonar um kvik-
myndina Undraferðin í Bíóhöllinni.
Rétt stjömugjöf er þijár í stað
tveggja. . ,