Morgunblaðið - 31.05.1988, Blaðsíða 62
62
MORGUNBLAÐIÐ, ÞRIÐJUDAGUR 31. MAI 1988
fclk í
fréttum
KIM BASINGER
Hin fullkomna Holly-
woodljóska
Ekta eða óekta ljóskur skjóta
upp kollinum með reglulegu
millibili á hvíta tjaldinu, og margar
þeirra verða kyntákn síns tíma.
Nefna má nöfn eins og Harlow,
Lombard, Grable, Monroe og Mans-
field, ásamt Qöldamörgum eftirlík-
ingum þeirra, og af þeim sem nýrri
eru af nálinni má nefna þær Jessicu
Lange, Madonnu og Kim Basinger.
í dag er Kim Basinger álitin vera
ímynd hinnar fullkomnu Holly-
woodljósku, sem hvorki skortir
raunverulegra kyntöfra, eins og
greinilega kom í ljós í kvikmyndinni
9 vika, heldur býr hún jafnframt
yfir raunverulegum leikhæfileikum.
Henni er oft líkt við Marilyn
Monroe, og þeirri samlíkingu vísar
hún ekki alfarið á bug. „Ég vil samt
ekki eingöngu vera álitin kyntákn,
og mér finnst ég vera mjög ólík
Mariljm sem kona. Ég tel mig vera
sterkari heldur en hún var, svona
Kim Basinger og Sean Connery
í Never Say Never Again.
eins og raunveruleg manneskja. Ég
hef samt einnig mínar veiku hliðar,
þó ég hafi snemma lært að veija
sjálfa mig. Ég held að Marilyn hafi
aldrei lært það. Mér finnst eins og
ég búi yfir einhveijum miklum
styrkleika." En það verður að
ávinna sér þann styrkleika, sem
nauðsynlegur er til þess að komast
af í hinni miskunnarlausu Holly-
wood.
„Þegar ég var ung stúlka þá
fannst mér ég hvorki vera falleg
né aðlaðandi. Strákar strýddu mér
vegna þess að ég var með stórar
varir, og þá hljóp ég skælandi heim
til mín.“ Pabbi hennar kom skapinu
aftur í samt lag með því að segja
henni að varimar ættu eftir gera
hana bæði ríka og fræga.
Það lá beint við að Kim Basin-
ger, ljóshærð, bláeygð og 170 cm
á hæð, snéri sér að fyrirsætustörf-
um þegar hún sextán ára gömul
Með Bruce WilUs í BUnd Date.
I nýjustu mynd sinni, Nadine, leikur Basinger á móti Jeff Bridges.
hafði unnið fegurðarsamkeppni í
heimabæ sínum. 0g velgengnin lét
ekki á sér standa.
Þegar hún kom til New York
leið ekki á löngu þar til hún skrif-
aði undir samning við hið þekkta
fyrirsætufyrirtæki Eileen Ford, og
fljótlega var hún farin að vinna sér
inn 1,000 dollara á dag.
„Þótt mér gengi vel, þá var ég
hræðileg fyrirsæta," segir hún. „Ég
var líka mjög þunglynd á þessu
tímabili í New York, og mest lang-
aði mig til þess að syngja eða leika.“
Hún lærði raddbeitingu og dans og
fór einnig í einkatíma í leiklist. Að
loknum fímm arum í New York tók
hún sig upp með gæludýrin sín og
kærasta, og ók í jeppanum sínum
til Los Angeles. Þar settist hún að
á móteli og fékk sér umboðsmann.
Sjónvarp hafði fyrir löngu síðan
leyst kvikmyndimar af sem æfinga-
svæði fyrir byijendur í leiklist, og
fyrsta aðalhlutverkið sem Kim fékk
var í framhaldsþætti sem hét Dog
and Cat, en þar lék hún lögreglu-
konu. Þættimir urðu þó ekki fleiri
en sjö talsins, en í kjölfarið fylgdu
hlutverk í nokkrum sjónvarpskvik-
myndum og stuttum framhalds-
þáttum.
Fyrsta hlutverkið í kvikmynd
fékk hún árið 1981, en þá lék hún
á móti Jan-Michael Vincent í kvik-
myndinni Hard Country, og ári
seinna lék hún með Charlton Heston
í Mother Lode. Hvorug þessara
mynda naut nokkurra vinsælda.
Sagan segir að það hafi verið
eiginkona Sean Conneiy sem raun-
verulega uppgötvaði hana, og varð
það til þess að hún fékk aðalhlut-
verkið á móti Connery í kvikmynd-
inni Never Say Never Again, þar
sem Connery snéri aftur sem James
Bond. „Þetta var mjög erfitt," seg-
ir Kim. „Á þessu tímabili þurfti ég
mjög á hlutverki að halda til þess
að vekja á mér athygli, og ég þarfn-
aðist peninganna. En þetta þýddi
samt ekki að frami minn sem leik-
kona væri tryggður." Hún reyndist
samt vera ein af fáum Bondstúlkum
sem hafa komist áfram, og með
leik sínum í kvikmjmdinni 9 vika
varð hún að lokum stjama.
COSPER
— Hér er húsið okkar. Ég byrjaði á því fyrir tveimur árum.
Sauð-
burður
Sauðburður er nú langt kom-
inn og lömbin farin að hoppa
og skoppa um holt og móa. Sauð-
burðurinn er sem kunnugt er mik-
ill annatími hjá bændum, en böm-
in hafa alltaf jafn gaman af lömb-
unum. Hér eru þeir Þorsteinn og
Magnús í fjárhúsunum með föður
sínum, Lofti Þorsteinssyni í Hauk-
holtum í Hrunamannahreppi.
Morgunblaðið/Sig. Sigm.