Morgunblaðið - 07.07.1988, Qupperneq 17
MORGUNBLAÐIÐ, FIMMTUDAGUR 7. JÚLÍ 1988
17
En ekki varð sá friður langær
né ljúfur. Ögmundur Jónasson
fréttamaður í Kaupmannahöfn telur
sig vitaskuld óbundinn af griðum
heimamanna. Hann lætur dæluna
ganga og sést ekki fyrir, hann á í
heilögu stríði sem aldrei slotar og
það er eins og fyrri daginn með
hann Ögmund, að hann álítur sig
hafinn yfir að taka mið af stað-
reyndum og styðja mál sitt rökum.
Gegn frjálsri fjölmiðlun
Deilan um „Næturgönguna"
snerist raunverulega um þá grund-
vallarstefnu hvort Sjónvarpið skuli
yfirleitt setja verk í vinnslu hjá
einkafyrirtækjum eða ekki. Ög-
mundur lætur mjög í veðri vaka að
hann sé hreint ekki andvígur sam-
starfi við einkageirann og sé reynd-
ar fjarskalega andsnúinn hverskyns
miðstýringu.
Af öllu hans skrumi finnst mér
þetta sýnu ógeðfelldast. Ögmundur
Jónasson hefur ævinlega verið svar-
inn fjandmaður ftjálsra útvarps-
stöðva. Hann og bandamenn hans
börðust á sínum tíma með kjafti
og klóm gegn frjálsri fjölmiðlun og
ef þetta fólk hefði fengið að ráða,
þá væri hér engin Stöð tvö, engin
Bylgja og engin Stjama.
Þetta fólk tilheyrir ákveðinni
manntegund, nefnilega þeirri sem
alltaf og ævinlega berst gegn fijáls-
ræði í þjóðfélaginu. Það vill sitja
yfir kostum annarra, og það er stað-
reynd sem aldrei má gleymast að
þeir hinir sömu sem fyrrum börðust
gegn ftjálsri fjölmiðlun, þeir beijast
núna hvað óskaplegast gegn því að
innlend dagskrárdeild feli einkafyr-
irtækjum þáttagerð fýrir Sjónvarp-
ið.
Prófsteinn rógberans
Ég hét því að bjóða Ögmundi og
lesendum Morgunblaðsins þann
prófstein sem úr því gæti skorið
hvort málflutningur hans væri
ótíndur rógur eða ætti við rök að
styðjast.
Hér kemur sá prófsteinn!
Að hætti hins fræga Dags Tang-
ens dylgjar Ögmundur Jónasson um
einhver leynileg gögn sem afhjúpi
herfilegt ástand á innlendri dag-
skrárdeild. Ögmundur skrifar orð-
rétt:_
„Á einu sviði hefur orðið umtals-
verð fjölgun og útþensla hjá Sjón-
varpinu í seinni tíð og það er í skrif-
stofuhaldinu hjá innlendri dag-
skrárdeild. Fram hefur komið í
gögnum, að þessi deild hefur ekki
aukið framleiðslu miðað við fjölgun
starfsmanna. Skýringin er að hluta
til sú að viðbótarmannafli hefur að
verulegu leyti farið í stjórnsýslu af
ýmsu tagi og þá einkum við að
aðstoða dagskrárstjórann."
Heldur er þetta ófögur lýsing og
ljótt ef satt væri, en í viðurvist les-
enda Morgunblaðsins skora ég nú
á Ögmund Jónasson að birta þessi
leyndardómsfullu gögn þegar í stað.
Nú gefst honum kostur að taka af
skarið og skera úr því sjálfur fyrir
augliti lesendanna hvort hann fe
með róg eða réttar sakir.
Birtu nú, Ögmundur, þessi gögn
sem þú vitnar til og eiga að sýna
að afköst við innlenda dagskrárgerð
séu minni nú en áður var. Syndu
nú hér í Morgunblaðinu þau gögn
sem sanna að orð þín séu annað
en ruddalegur óhróður og þú sjálfur
annað en ómerkilegur rógberi!
Staðreyndir og tölur
Ekki veit ég hve áhugasamir les-
endur Morgunblaðsins eru almennt
um málefni Sjónvarpsins eða hvort
þeir láti sig miklu varða hvað er
rétt og hvað er rangt í öllu þeim
kjaftavaðli sem um þá stofnun flýt-
ur jafnan, en til fróðleiks þeim les-
endum, sem fylgjast vilja með mál-
inu, skal ég hér með upplýsa strax
nokkrar staðreyndir um afköst inn-
lendrar dagskrárdeildar.
í fyrra, 1987, nam útsent innlent
dagskrárefni á vegum innlendrar
dagskrárdeildar alls 20.072 mínút-
um — rúmlega tuttugu þúsund
mínútum. Þá eru ekki með taldar
fréttir, fréttaskýringaþættir eða
íþróttir, enda er það efni á höndum
annarra deilda. Árið 1984 — fyrir
þremur árum — nam samskonar
dagskrárefni alls 6.560 mínútum.
Aukningin er sem sagt þreföld. Á
sama tíma hefur sá mannafli á
dagskrárdeild, sem þessum þáttum
sinnir, aukist úr ellefu í nítján, það
er aukning um 73%.
Þessar tölur segja mikilsverðan
sannleika en þó ekki allan, því að
aukning þessi stafar að hluta til af
breyttu vinnulagi. Ef erlent, að-
fengið efni í poppþáttum er tekið
burt, svo og aðkeypt efni frá einka-
fyrirtækjum (erlent barnáefni í
Töfraglugga var ekki reiknað með
heldur flokkað undir erlent efni í
skýrslum aðalskrifstofu), þá standa
eftir 15.000-16.000 mínútur, sem
er innanhússframleiðsla deildarinn-
ar 1987. Afköstin, reiknuð í mínút-
um á mann, voru sem sagt um eða
yfir 789 mínútum á mann í fyrra
en 596 árið 1984. Þetta er veruleg
aukning, þvert á staðhæfingar Ög-
mundar Jónassonar.
Þessar staðreyndir liggja fyrir
handa hvetjum þeim sem hafa vill
það er sannara reynist. Þær er að
finna í skýrslum Sjónvarps fyrir
skiptingu dagskrárefnis 1984 og
1987. Það breytir litlu þótt annað
ár en 1984 sé valið, en ég hef kos-
ið að hafa það til viðmiðunar, því
að árið 1985 riðlaðist hin forna
deildaskipting og innlend dagskrár-
deild var þá stofnuð.
Ögrnundur og Dag Tangen
Það er ekkert launungarmál að
ríkissjónvarpið á í vök að veijast
um þessar mundir. Það er erfitt
hlutverk, og kannski vonlítið, fyrir
stofnun sem reyrð er föst á kerfis-
klafann að etja kappi við óbundna
stöð í einkarekstri. Þessa staðreynd
skilja þeir báðir, Reagan og Gorb-
atsjov. Ef Sjónvarpið ætlar að harka
af sér kverkátak kerfisdauðans, þá
verður það að nýta sér bestu kosti
hins frjálsa hagkerfis.
Einhvetjum kann að virðast
hnútukast starfsmanna ríkissjón-
varpsins eins og rifrildi milli far-
þega um káetur í sökkvandi skipi.
En það er með ólíkindum að maður
sem er sérstaklega settur til að
flytja íslendingum sannar sögur af
atburðum heimsins skuli gerast ber
að jafn leiðinlegum ósannindum og
Ögmundur Jonasson. En lengi skal
manninn reyna. Nú bíð ég bara eins
og hinir eftir því að Ögmundur birti
gögnin og skáki þar með Dag Tang-
en!
Höfundur er fulltrúi á innlendri
dagskrárdeild Sjónvarps.
NJOTTU ÞESS TVISVAR A DAG,
EÐA OFTAR.
Nýtt MACS tannkrem!
Einstök flúorsamsetning nýja Macs tannkremsins
verndar bæði tennur og tannhold.
Og bragðið er . . .
þú verður bara að prófa það.