Morgunblaðið - 13.04.1989, Qupperneq 5

MORGUNBLAÐIÐ FIMMTUDAGUR T3. APRÍL 1989
5
Fjármálaráðherra um auknar niðurgreiðslur:
Ekki ákveðið hvernig- flár verður aflað
EKKI hefur verið tekin endanleg
ákvörðun um það hversu hárri
fjáriiæð verður varið til aukning-
ar á niðurgreiðslum á landbúnað-
arvörum, að sögn Ólafs Ragnars
Grímssonar, Qármálaráðherra.
Raett hefiir verið um að auka
þyrfti niðurgreiðslurnar um 600
milljónir króna. „Það hefur alltaf
legið fyrir að það þyrfti 600 miHj-
ónir króna ef halda ætti niður-
greiðslustiginu sem var á verð-
stöðvunartímabilinu, ef það væri
gert út árið. Það hefur einnig leg-
ið fyrir að það þyrfti að útvega
fé til viðbótar sem þessu nemur,“
sagði fjármálaráðherra í samtali
við Morgunblaðið.
Ólafur Ragnar sagði að ekki lægi
fyrir með hvaða hætti peninga til
aukinna niðurgreiðslna yrði aflað.
„Ef afkoma ríkissjóðs verður betri
þegar fer að líða á árið, mætti nota
þann bata til niðurgreiðslnanna,"
sagði fjármálaráðherra. Hann sagði
of snemmt að ákveða það nú .hvort
sótt yrði viðbótarfé til þessa. Ekki
væri hægt að áætla nú hvort um
bata yrði að ræða. Líða þyrfti vel á
annan ársfjórðung áður en hægt
væri að gera sér það í hugarlund.
Aðspurður hvað hann ætti ná-
kvæmlega við, þegar hann talaði um
að sækja viðbótarfé, sagði fjármála-
ráðherra: „Menn sækja viðbótarfé
með einhverjum aðgerðum stjórn-
valda. Það er hægt að skera niður
útgjöld á einu sviði og auka tekjurn-
ar á öðru. Annar möguleiki er aö ef
tekjuafgangur fjárlagafrumvarpsins
stenst, að ráðstafa honum með þess-
um hætti. Þriðji möguleikinn von-
andi, er sá að ef staða ríkissjóðs fer
batnandi, að hægt verði að nota þann
bata í þessa þágu.“ „
Ólafur Ragnar sagði að ýmsar
hugmyndir hefðu komið upp um að
breyta samsetningu niðurgreiðsln-
anna. Nú væri feitmeti, eins og ijómi
greitt niður, en ekki grænmeti. Bent
hefði verið á að þetta væri kannski
ekki svo skynsamleg stefna. „Við
munum skoða það hvort við breytum
þessari samsetningu,“ sagði fjár-
málaráðherra.
Hofsós:
Fjárhags-
áætlun tílbúin
Fjárhaldsstjórn ráðu-
neytis framlengd
Fjárhagsáætlun fyrir Hofsós er
nú tilbúin í félagsmálaráðuneyt-
inu. Menn úr fjárhaldsstjóm
þeirri er ráðuneytið skipaði hafa
kynnt sveitarsljóm Hofsós þessa
áætlun og tekið við athugasemd-
um af hendi sveitarstjórnar-
manna varðandi hana. Greiðslu-
stöðvun Hofsós hefur verið fram-
lengd til 19. maí og fjárhalds-
sljórn ráðuneytisins hefúr verið
framlengd til 1. júni.
Skammtimaskuidir Hofsós nema
nú um 50 milljónum króna.
Húnbogi Þorsteinsson formaður
fjárhaldsstjórnar segir að verið sé
að semja við lánadrottna Hofsós
um greiðslu á skuldunum og á því
verki að vera lokið fyrir 19. maí
er greiðslustöðvunin rennur út.
Fyrrgreind fjárhagsáætlun nær
til þessa árs og hins næsta. Um er
að ræða áætlun um tekjur og út-
gjöld sveitarfélagsins á þessu tíma-
bili og segir Húnbogi að leitast
hafi verið við að auka tekjurnar og
draga úr gjöldunum. Hann getur
ekki að svo stöddu gefið upp niður-
stöðutölur áætlunarinnar þar sem
eftir er að ákveða hve mikill hlutur
Jöfnunarsjóðs sveitarfélaga verður
í dæminu.
Gjaldskrá
tannlækna
hækkar
um 15%
GJALDSKRÁ tannlækna hækk-
aði 1. mars síðastliðinn um
15,13%, fyrir tannlækningar
veittar sjúklingum sem tryggðir
eru samkvæmt almannatrygg-
ingalögum, en þá hafði hún
ekki hækkað frá 1. júní 1988,
að sögn Barkar Thoroddsen
formanns Tannlæknafélags Is-
lands.
„Um 5% af gjaldskrárhækkun-
inni 1. mars síðastliðinn eru vegna
almennra hækkana á rekstrar-
kostnaði frá 1. júní 1988,“ sagði
Börkur í samtali við Morgunblað-
ið. Hann sagði að 1,25% launa-
hækkun 1. mars síðastliðinn væri
einnig innifalin í gjaldskrárhækk-
uninni, svo og hækkanir á launalið
taxtans sem hefðu verið frystar
vegna bráðabirgðalaganna í fyrra.
Þá hefði launaliður taxtans átt að
hækka um 7,25% 1. júní og 1,94%
1. september.
„Samkvæmt samningum tann-
lækna og Tryggingastofnunar
ríkisins, frá 19. desember 1987, á
launahluti taxtans að hækka sam-
kvæmt óvegnu meðaltali 10 hæstu
launaflokka BHMR,“ sagði Börkur
Thoroddsen.
o>
meirí háttar
0SH
TILB0Ð
í nokkra daga
á ca. 1 kg stykkjum af brauðostinum góða.
Verð áður:
kr. 595/kílóið
Tilboðsverð:
kr.50
kílóið
S/WJÖ**