Morgunblaðið - 20.08.1989, Blaðsíða 7

MORGUNBLAÐIÐ SUNNyp^GyR; 20. ÁGUSi; 19ft9
£-1
GLOMA KVRPFV8KI
LIIDRIJWVOI
OGMIDILL
RLDIR l>ni\W! W
OG GIDDOMIW
umhverfisvernd, mannréttindi, við
sjáum manninn fremur sem anda,
en hluta af einhverjum trúarbrögð-
um.“
Telurðu þessa vakningu, eða
auknu vitund, verða meðal fólks
úr öllum trúarhópum, jafnvel þeim
sem hafna spíritisma?
„Já, tvímælalaust. Mér finnst
ákafiega heimskulegt að segja að
grúsk í andlegum fræðum og
kenningum spíritista sé andstætt
trúarbrögðum. Það er eins og að
segja að líffræði sé andstæð Guði.
Allar rannsóknir á vitundinni eru
vísindi andans og liggja eins og
gylltir þræðir í gegnum öll trúar-
brögð mannkynsins. Ef þú rann-
sakar öll trúarbrögð, finnurðu að
þau eiga sér sama grundvöll. Síðan
taka þau breytingum, eftir þeim
menningarsamfélögum sem þau
þrífast í. En það er hlutverk trúar-
bragða að tengja þig við æðri
mátt. Og það verður að vera per-
sónuleg tenging, það þýðir ekkert
að fá hugmyndir að láni. Við get-
um deilt hugmyndum og aðferð-
um, en ekki fengið þær að láni.
Hinn kvenlegi gnðdómur
En það er fleira að breytast í
vitund okkar. Meðal annars skil-
greining okkar á karlkyns Guði.
Eg held að Guð sé hafinn yfir
kyngreiningu og að hann er hluti
af öllu sem lifir. í Guði hlýtur því
að felast hið kvenlega og hið karl-
lega.“
Hvað geturðu sagt mér um
námskeiðið sem þú heldur um
næstu helgi?
„Námskeiðið fjallar um eitt af
mínum helstu áhugamálum,
tengslin milli kenninga Biblíunnar
og kenninga annarra megintrúar-
bragða heimsins og þau ferli sem
við göngum öll í gegnum í leit
okkar að sambandi við æðri
mátt. Ég er ekki nógu hroka-
full til að álíta að Guð fari
manngreinarálit og flokki
fólk eftir túlkun þess á
Skaparanum. Eg er
sjálf kristin og tilheyri
sofnuði sem trúir á
alheims Krist, sem
við höfum fengið
staðfestingu á
með Jesús.“
Mig langar
að koma
aftur inn á
heilun. Á
nám-
skeið-
Snæfellsnesi, sem var fyrir konur,
skilst mér að þú hafir verið að
láta þær skoða sín eigin vana-
mynstur og afstöðu þeirra til
sjálfra sín. Var þetta enhverskonar
sálfræðileg heilun?
„Ég er þeirrar skoðunar að þú
getir ekki aðskilið sálina frá líkam-
anum, andann frá efninu. Og því
lengur sem ég vinn að þessum
málum, verður sú skoðun mín
staðfastari. I öllum mynstrum sem
maður temur sér, er maður að
framfylgja því sem maður trúir.
Ef ég til dæmis trúi ekki ein-
hverjum hlut, þá sé ég hann ekki;
ég ritstýri honum út úr raunveru-
leikanum. Ef fólk hefur tileinkað
sér ákveðna afstöðu til sín sjálfs,
segjum að einhver segi að hann
sé getinn í synd og sé í grundvall-
aratriðum vondur, þá velur það sér
leiðir í samræmi við það. Fólk
eyðir jafnvel miklum tíma í að
berjast gegn þessu af mikilli heift
og kastar oft barninu út með bað-
vatninu, eins og við segjum í
Bandaríkjunum. Eða þá að við-
komandi gerir allt til að staðfesta
fyrir sjálfum sér að hann sé þessi
vonda manneskja. Á námskeiðinu
tjáðu konurnar sig um hvernig þær
sjá sig sjálfar. Við skoðuðum aðra
þætti þeirra með því markmiði að
hjálpa þeim að breyta um afstöðu;
gera sér grein fyrir að þær eru
margþættar og þetta er spurning
um hvaða þátt þær vilja rækta og
hvernig þær vilja sætta andstæð-
umar í sjálfum sér.
Það er hægt að líkja þessu við
það að læra að lesa. Áður en þú
lærðir stafina, voru öll þessi tákn
þér hulin ráðgáta. Þegar þú síðan
lærðir að lesa, var þetta ósköp
einfalt. Vandamál þessara kvenna
er af ýmsum toga. Sumar hafa
þjáðst mjög mikið og þurfa fyrst
og fremst að sjá að því geta þær
hætt, með hjálp. Aðrar hafa lent
í hlutverki einskonar fórnarlambs,
og geta ekki fyrirgefið. Það er
inni í þeim einhver múr, sem þarf
að bijóta niður svo þær geti hleypt
fortíðinni út. Svo eru konur sem
hafa vaxið burtu frá barnatrú
sinni, og kennisetningum kirkj-
unnar, en þrá að finna samband.
Þær eru mjög einangraðar og upp-
lifa sig eins og í „einskis manns
landi.“ Þær reyna að vera mjög
háðskar, sem er ein mynd á beiskju
og þurfa á hjálp að halda, til að
tengjast sínum æðra mætti aftur.
Ég heyrði einu sinni samlíkingu:
Háðfugl er sá sem reynt hefur að
skapa Guð í sinni mynd - og mis-
tekist. Svo eru það efasemdar-
mennirinir. Þeir eru allt öðruvísi.
Þeir eru síspyijandi og leitandi.
Ég ber mikla virðingu fyrir góðum
efasemdarmanni, því hann er svo
forvitinn.
Stundum gengur hjálpin út á
það að ná orkustíflu úr líkaman-
um. En það þarf ekki endilega
námskeið af þessu tagi til þess.
Það er bara ein leiðin. Stundum
gerist það við uppskurð, eða aðrar
læknisfræðilegar aðgerðir, stund-
um nálarstuguaðferð, eða með því
að ein manneskja snertir aðra og
stundum gerir ástin það. Það er
svo misjafnt hvað fólk þarf. Þess-
vegna er mjög erfitt að segja hvers
konar heilun maður stundar. Til
að stunda heilun, þarf maður að
vera heill sjálfur og í því felst að
maður verður að þekkja sín eigin
takmörk."
Verður ekki manneskja sem
stundar heilun alltaf að vera mjög
heil?
“Ég heild að því hreinni sem
manneskjan er, því heilli og hreinni
hjálp geti hún miðlað. En það er
mikið til af fólki sem er notað í
heilun, án þess það geri sér grein
fyrir því. Það er bara svo gott
fólk, hefur svo hreina vitund, er
fullt af kærleika og fyrirgefningu.
Straumar þess eru svo hreinir að
þér líður betur af einni saman
návist þess. Við gefum svo mis-
munandi strauma frá okkur, þess-
vegna hefur allt sem við segjum
og gerum mikil áhrrf á alla í kring-
um okkur og þar sem við erum
öll tengd á einn eða annan hátt,
höfum við áhrif á allan heiminn.
Jafnvel vísindamenn eru famir að
viðurkenna þessa strauma og það
er mjög gaman að lifa á tímum
þar sem andstæður eru að mæt-
ast; austur-vestur, hægri-vinstri,
karllegt-kvenlegt, vísindi-andleg
málefni.“
Þú talar um kvenlega eiginleika
Guðs. Er það ekki dálítið bylting-
arkennt?
„Nei, og ekkert nýtt. Auðvitað
hafa allir kristnir menn verið aldir
upp í að biðja til Guðs föður og í
kristinni trú hefur verið lítið svig-
rúm til að tilbiðja hið kvenlega.
Við vitum þó að Guð er hafinn
yfir allar myndir sem við höfum
af honum, hversu mannlegar sem
þær eru. Við hér á jörðinni, höfum
staðið okkur vel í að losa okkur
við kvenlega þætti Guðs. Þar af
leiðandi er fólk mjög bæklað á
kvenlegum orkusviðum sínum. Við
erum svo takmörkuð, að þegar við
tölum um kvenlegt-karllegt, tengj-
um við það konu- manni. sem eru
veraldleg, í stað þess að líta á
þetta sem ólíkt orkuflæði. Kvenleg
orka gengur út á samskipti og
tengsl og hefur verið gróflega
vanmetin. Á sama hátt og Guð er
heill og felur í sér bæði hið kven-
lega og karllega, berum við menn-
irnir þessa þætti í okkur - líka
karlmenn, því Guð skapaði okkur
í sinni mynd. Og ég vil leggja
áherslu á að ég er að tala um
æðri þætti, ekki líkamlegt atgervi.
Þar sem kvenlegu þættirinir hafa
verið vanræktir í gegnum aldirn-
ar, er mikið verkefni framundan
í að heila þessa jörð, því ég held
að það eina sem geti bjargað henni
er þessi kvenlega orka.
Hið kvenlega er forsendan fyrir
háværari kröfu um umhverfis-
vernd, því í hinu kvenlega felst
vitundin um samspil og tengingu
allra þátta lífsins. Eitt líf er háð
öðru. I gegnum aldirnar hefur hið
kvenlega verið tengt visku, sem
andstæðu þekkingar. Auðvitað
þurfum við að hafa þekkingu, en
þekking án leiðsögn viskunnar
hefur komið okkur á þann stað
sem við erum núna stödd: Við er-
um um það bil að sprengja okkur
í loft upp. Og hvað ætlum við að
gera við þá þekkingu sem við höf-
um aflað okkur, án visku?
Það hafa margir karlmenn kom-
ið til mín og beðið mig um að
halda svona námskeið fyrir þá og
það getur vel verið að ég geri það
einhvern tímann. Mér finnst hins-
vegar nauðsynlegt að byija að
vinna með konum, til að kenna
þeim að virða þessa orku í sjálfum
sér og virkja hana á jákvæðan
hátt. Konur hafa yfir svo mikilli
kvenlegri orku að ráða og konur
eru farvegur mannsins. Hið karl-
lega hefur verið dýrkað of lengi
hér á jörðinni. Við höfum haft
þekkingu og landvinninga í háveg-
um, í staðinn fyrir samband og
heilun og á þeim tímum breytinga
sem nú fara í hönd, tel ég að við
þurfum að breyta um áherslur."
4
éúro/urf
Seglbretlaskúlmn
fsland
Eurosurf-
seglbrettaskólinn
v/Sjávargrund, Garðabæ.
Síðustu námskeið sumarsins að hefjast. Látið skrá
ykkur strax. Höfum einnig til sölu góðan og ódýran
búnað til seglbrettasiglinga, bretti, segl, þurr- og
blautbúninga o.fl. Upplýsingar og skráning í síma
91-82579.
Fiskiskip til sölu
Til sölu er fiskiskipið Árni á Bakka Þ.H. 380, eign þrotabús Sæbliks
hf. Skipið er 230 tonn að stærð. Tryggingarmat skipsins er 97 milljón-
ir. Óveiddur kvóti 1989 er 529,5 tonn. Allar nánari upplýsingar veitir
undirritaður skiptastjóri þrotabúsins.
Örlygur Hnefill Jónsson hdl.,
Garðarsbraut 12,
640 Húsavík - sími 96 41305.
Fjölnýtikatlar
til kyndingar með raf-
magni, olíu eða timbri,
margar gerðir.
Mjög góð hitanýting og
möguleiki á stýrikerfum,
til að fá jafnara hitastig,
C.T.C. Total er öflugur nýr
ketill fyrir rafmagn, timbur
og olíu með innbyggðu
álagsstýrikerfi, sem nýtir
vel rafmagnið fyrir þá sem
kaupa árskílóvött.
Dæmi: C.T.C TOTAL
kW
Rafmagn..............15.75
Viður...................15
Olia....................15
UÓSGJAFINN HF.
GRÁNUFÉLAGSGÖTU 49 • SlMI 23723 • 600 AKUREYRI
FYRIRTÆKISNÚMER 6148-9843
Sovéskir dagar MÍR 1989:
TÍNLEIKU í MFNMBORG
Kammersveit Ríkisútvarps og sjónvarps Moldavíu, undir
stjórn A. Samúile, og óperusöngvararnir María Bieshú, sópr-
an, og Mikhaíl Múntjan, tenór, halda tónleika í Hafnarborg,
menningar- og listastofnun Hafnarfjarðar, mánudagskvöldið
21. ágúst kl. 20.30. Áður en tónleikarnir hefjast verða Sové-
skir dagar MlR 1989 formlega settir.
Aðgöngumiðar seldir á myndlistarsýningunni í Hafnarborg
og yið innganginn.
Sömu listamenn halda tónleika í Hveragerðiskirkju þriðjudag-
inn 22. ágúst kl. 21.00. Aðgöngumiðar við innganginn.
Fjölbreytt efnisskrá: Hljómsveitarverk, óperuaríur, einsöngs-
lög, þjóðleg tónlist. Frábærir listamenn.
MIR.