Morgunblaðið - 21.09.1989, Blaðsíða 7

MORGUNBLAÐIÐ FIMMTUDAGUR 21. SFPTEMBUR 1989
7
Miss International:
Guðrún komst í undanúrslit
GUÐRÚN Eyjólfsdóttir komst í
undanúrslit í fegurðarsam-
keppninni „Miss International“,
sem fram fór í Japan síðastlið-
Hælbrotinn
þjófur með
hangilæri
LÖGREGLAN handtók
snemma í gærmorgun mann,
sem brotist hafði inn í mat-
vöruverslun í Kópavogi.
Þegar maðurinn var gripinn
hafði hann stolið hangilæri úr
versluninni. Hann hafði hins
vegar slasað sig við innbrotið
og var hælbrotinn.
inn sunnudag. Keppendur voru
alls 48. Úr þeim hópi voru
fimmtán stúlkur valdar í undan-
úrslit, en sigurvegari varð vest-
ur-þýsk stúlka. I öðru sæti hafh-
aði ftilltrúi Póllands og í þriðja
sæti varð stúlka frá Venúzuela.
„Ég var í Japan í átján daga. í
Tókýó vorum við í viku og þaðan
flugum við til borgarinnar
Kanazawa, þar sem keppnin fór
fram.
Undirbúningur var mikill og
erfiður, en góð reynsla. Við þurft-
um alltaf að vera vel klæddar,
málaðar og síbrosandi.Ég vissi
reyndar ekkert hvað ég var að
fara út í.
Hinsvegar held ég að þessi
keppni sé ekki í eins háum gæða-
flokki og Miss World-keppnin, því
engin dómaranna var til dæmis frá
Evrópulandi.
Þeir voru allir frá Asíu, Ástralíu
og Nýja-Sjálandi,“ sagði Guðrún
í samtali við Morgunblaðið. Guð-
rún stundar nám á tungumála-
braut við Fjölbrautaskóla Vestur-
lands á Akranesi.
Hún sagði að skólinn tæki nú
við að aflokinni Japansferðinni.
Þess má að lokum geta að ein
íslensk stúlka, Guðrún Bjarnadótt-
ir, sigraði í Miss International-
keppninni árið 1964.
Háfermi eyði-
leggur skilta-
brú
Um helgina ók bifreið
með háfermi á skiltabrú
yfir Reykjanesbraut a
gatnamótunum við
Breiðholtsbraut og eyði-
lagði skiltið. Að sögn
Inga Ú. Magnússonar
gatnamálastjóra, er tjó-
nið metið á um 200 þús-
und krónur og biður
hann ökumann eða sjón-
arvotta að gefa sig fram
við gatnadeild eða lög-
reglu. „Leyfilegt hámark
á svona flutningi er 4,20
m en brúin er 5,20 m
þannig að ökumaðurinn
hefur verið með ólögleg-
an flutning," sagði Ingi.
Eskiflörður og
ReyðarQörður:
Tillaga um að
Byggðastofn-
un kanni kosti
og galla
sameiningar
Sveitarstjórnir Eskifjarðar og
Reyðarfjarðar hafa mótað tillögu
um að Byggðastofhun verði falið
að gera úttekt á kostum og göllum
sameiningar þessara sveitarfélaga
eða nánari samvinnu. Tillagan var
samþykkt á fundi sveitarstjórnar
Reyðarfjarðarhrepps nú í vikunni
en verður væntanlega lögð fyrir
bæjarstjórn Eskifjarðar til af-
greiðslu um mánaðamótin.
Hrafnkell A. Jónsson forseti bæj-
arstjórnar Eskifjarðar sagði í sam-
tali við Morgunblaðið að menn hefðu
áhuga á að fá hlutlausan aðila til
að leggja mat á kosti og galla hugs-
anlegrar sameiningar Eskifjarðar og
Reyðarfjarðar. Uppi hafa verið bolla-
leggingar af og til um að þetta kunni
að vera hagkvæmt.
Hann sagði að þessi tvö sveitarfé-
lög hefðu haft samvinnu á ýmsum
sviðum til dæmis reka þau saman
heilsugæslustöð og tónlistarskóla og
hefur samvinnan undantekninga-
laust gengið vel. Almenn skoðun
manna væri sú að slíka samvinnu
væri hægt að hafa á fleiri sviðum.
„Persónulega tel ég að allar líkur
séu á því að það verði hagkvæmara
fyrir þessi sveitarfélög að sameinast
því þau stæðu þá betur í sambandi
við ýmis hagsmunamál sem þau nú
vinna að gagnvart ríkisvaldinu,"
sagði Hrafnkell.
Hörður Þórhallsson sveitarstjóri
Reyðarfjarðarhrepps sagðist vilja
taka það fram að með því að sam-
þykkja þessa tillögu hefði enginn
skuldbundið sig til að samþykkja að
sveitarfélögin verði sameinuð. Farið
verður fram á að athugaðir verði
kostir þess og gallar svo menn hafi
einhver rök til þess að hefja umræð-
ur um málið.
Bíll í veg fyr-
ir reiðhjól
BÍL var ekið í veg fyrir ungan
mann á reiðhjóli á Skúlagötu í
gærmorgun. Maðurinn féll í göt-
una og slasaðist nokkuð, einkum
í andliti.
Slysið varð um klukkan 9.30, á
Skúlagötu austan Rauðarárstígs. Bil
var bakkað út úr stæði og í veg fyr-
ir reiðhjólamanninn.
Þetta er sjötta slysið, sem reið-
hjólamenn verða fyrir í Reykjavík í
þessum mánuði. Oftast eru börn á
ferð og vill lögreglan beina þeim til-
mælum til ökumanna, að þeir sýni
varúð.
ÞAÐ ER Andi HÚSSINS
SEM FULJ.KOMNAR
ATLÆTIÐI FjÖRUNNI
Fjaran er athvarf fyrír athafnamenn. Ljúfur andi þessa
gamla húss hrífurþig strax í aðra veröld, óralangt frá erli
dagsins. Þú lætur þreytuna líða úrþérog nýtur
veitinganna til fullnustu meðan lipurt þjónustufólkið
leggur metnað sinn í vellíðan þína.
VEITINGAHÚSIÐ FJARAN. ATHVARF FRÁ ERLI DAGSINS.
FTARAN

VEITINGAHÚS
STRANDGÖTU 55 HAFNARFIRÐI SlMI 65 18 90 BORÐAPANTANIR SlMI 65 12 13