Morgunblaðið - 20.10.1989, Blaðsíða 5

MORGUNBLAÐIÐ FÖSTUDAGUR 20. OKTÓBER 1989
5
Morgunblaðið/Júlíus
Einar Gústafsson, aðalvarðstjóri, tekur á móti skilaboðum frá stjórn-
stöð á telefax-tækinu í slökkvibílnum.
Telefax-tæki hjá Slökkviliðinu;
Teikningar og skilaboð
símsend til slökkvibíls
SLÖKKVILIÐIÐ í Reykjavík hefúr tekið í notkun telefax-tæki. Með
tæki í slökkvistöðinni við Öskjuhlíð er nú unnt að símsenda ýmsar
upplýsingar til slökkvibíls, þar á meðal um svæðið kringum brenn-
andi hús, möguleika á vatnsöflun, hvernig húsið er byggt og hverjar
helstu hættur eru. Þannig hefur varðstjóri í slökkvibílnum meira. ráð-
rúm en áður til að átta sig á aðstæðum og taka ákvörðun um hvernig
að slökkvistarfi skal staðið.
Tækið var tekið í notkun á mið-
vikudag og fyrst reynt í útkalli
klukkan 15.47 þann dag. „Við feng-
um útkall frá Slippnum, þar sem
eldur kom upp í rannsóknarskipinu
Bjarna Sæmundssyni," sagði Rúnar
Bjarnason, slökkviliðsstjóri. „Við
sendum upplýsingar um svæðið og
nálæga brunahana til varðstjóra í
slökkvibílnum og hann var kominn
með þessar upplýsingar í hendur
áður en leiðin á staðinn var hálfnuð.
Síðar er hægt að bæta við þær upp-
lýsingar, sem við höfum, og til dæm-
is senda teikningar af húsum.“
Telefax-tækin eru nú tvö, eitt í
stjórnstöð og eitt í slökkvibíl. Rúnar
sagði að slökkviliðið hefði þurft að
eignast slíkt tæki í stjórnstöðina, en
kostnaðurinn við tæki væri um 100
þúsund krónur á bíl. Hann sagði
hugsanlegt að slíku tæki yrði síðar
komið fyrir í fleiri bílum, t.d. sjú-
krabílum. Slökkviliðið fengi sífellt
fleiri og nýrri upplýsingar um hús,
sem gætu komið að gagni í útköll-
um. Síðar væri hugsanlegt, að hægt
væri að prenta teikningar af húsum
út úr tölvum og senda upplýsingarn-
ar með telefaxi til slökkvibílanna.
Fleiri nýjungareru hjá Slökkvilið-
inu I Reykjavík. Allir slökkviliðs-
menn hafa nú svokallaða „frið-
þjófa“, eða lítil tæki, sem geta tekið
á móti skilaboðum. Þannig er hægt
að boða alla slökkviliðsmenn á vett-
vang, án þess að hringja út boð til
hvers og eins. Á litlum skjá á tæk-
inu birtast skilaboð, til dæmis um
að mæta á stöðina eða eitthvert
annað, eða hringja. Að sögn Óla
Karló Olsen, verkefnisstjóra varð-
liðs, eru tæki þessi langdræg og
hefur til dæmis náðst samband frá
Reykjavík austur í Grímsnes. Hann
sagði að fram til áramóta, á meðan
reynsla fengist á „friðþjófana“, yrðu
símaboðanir ekki lagðar af.
Loks má geta þess, að í gær var
komið upp sjónvarpsmyndavél við
slökkvistöðina, svo unnt sé að fylgj-
ast með umferð við gatnamót Bú-
staðavegar og Flugvallarvegar.
„Þegar umferð lá um Skógarhlíð var
auðvelt fyrir slökkviliðið að sjá
hvernig best væri að komast frá
stöðinni," sagði Rúnar Bjarnason.
„Nú hafa þessi gatnamót tekið við
umferðinni og við getum stjórnað
stöðu umferðarljósanna. Með því að
sjá á sjónvarpsskermi hér inni hvern-
ig ástandið er á gatnamótunum er
miklu auðveldara að taka ákvörðun
um það strax hvaða leið verður far-
in.“
Borg, Miklaholtshreppi:
Síga varð eftir kindum
í klettum í Mýrdalsflalli
Borg, Miklaholtshreppi.
NTLEGA sáust kindur í klettum
í Myrdalsfjalli i Kolbeinsstaða-
hreppi. Fjórir menn fóni að huga
að kindunum. Þegar að var kom-
ið. voru þær í það slæmiun klett-
um að ekki var hægt að komast
að þeim.
Varð að sækja útbúnað til þess
að síga eftir þeim þótt aðstæður
væru erfiðar til slíkra hluta. Þórður
Gíslason í Mýrdal er töluvert æfður
ií Xí/cI vt/ i >í -> ' " tTL )•' t
í að siga í kletta. Tókst honum að
síga niður til kindanna og handsama
þær. Voru þær allar dregnar upp á
vað. Kindurnar fimm sem þarna
voru átti bóndinn á Hraunsmúla í
Kolbeinsstaðahreppi, Magnús Kristj-
ánsson. Kindurnar voru orðnar af-
lagðar vegna beitarleysis, sérstak-
lega voru lömbin orðin þunnholda
og mjó.
Enn sem fyrr reynist Kjörbókin eigendum sínum hinn
mesti kjörgripur. Grunnvextir eru 20,5%, fyrra
vaxtaþrepið gefur 21,9% og það síðara 22,5%.
Ársávöxtunin er því allt að 23,8%.
Jafnframt er gerður samanburður við ávöxtun bundinna
verðtryggðra reikninga á 6 mánaða fresti.
Sá hluti innstæðu sem staðið hefur óhreyfður allt
tímabilið fær sérstaka verðtryggingaruppbót, reynist
ávöxtun bundnu reikninganna hærri. Þar að auki er
innstæða Kjörbókar algjörlega óbundin.
Þessar fréttir gleðja áreiðanlega eigendur þeirra
70 þúsund Kjörbóka sem nú ávaxta sparifé í
Landsbankanum. Þær eru einnig gleðiefni fyrir þá
fjölmörgu sem þessa dagana huga að því hvar og
hvemig best sé að ráðstafa sparifé sínu.
Landsbanki
íslands
Banki allra landsmanna
í
££ I.