Morgunblaðið - 07.01.1990, Síða 6

6 FRÉTTIR/INNLENT MORGUKliLAÐlÐ SUNNUDAGUR 7. 'JAUÖAR 1990-
Magriús B. Jónsson
Magnús B.
Jónsson, for-
stöðumaður
Hagþjónustu
landbúnaðarins
Hvannatúni, Andakíl.
Landbúnaðarráðherra hefúr
ráðið Magnús B. Jónsson, fyrr-
verandi skólastjóra Bændaskól-
ans á Hvanneyri og kennara þar
til að veita forstöðu Hagþjónustu
landbúnaðarins til eins árs.
Stofnunin mun starfa samkvæmt
lögum sem Alþingi samþykkti
síðastliðið vor og verður staðsett
á Hvanneyri.
Hagþjónustu landbúnaðarins er
ætlað að safna hagtölum fyrir
lándbúnaðinn og vinna úr bókhaldi
(í búreikningum) bænda og leggja
fram gögn sem verða grundvöllur
til verðlagningar búvöru.
Með stofnuninni færast hlutverk
búreikninga skrifstofunnar til bún-
aðarsambandanna og hagþjónustu
landbúnaðarins. Reynt verður að
ráða í eina og hálfa stöðu sérfræð-
inga til viðbótar, en síðar er ætlun-
in að 3—4 sérfræðingar starfi þar.
Bændaskólinn leigir stofnuninni
húsnæði til að byija með enda er
gert ráð fyrir nánu samstarfi við
bændaskólana meðal annars með
kennslu þar. - d.J.
Höfúm ekkert að auglýsa
- segir Arngrímur Jóhannsson sem
keypti Arnarflugsþotuna af ríkinu
„VIÐ HÖFUM ekkert að auglýsa hér, við störfúm ekki á íslenskum
markaði," segir Arngrímur Jóhannsson, aðaleigandi flugfélagsins
Atlanta hf., sem komst óvænt í fréttirnar síðastliðinn fimmtudag
með því að kaupa Arnarflugsþotuna af ríkinu. Lítið hefúr farið fyr-
ir þessu félagi hér á landi en það er með töluverða starfsemi í Finn-
landi þar sem það annast áætlunarflug með vörur fyrir Finnair.
Atlanta hf. er fyrirtæki
Arngríms og fjölskyldu hans,
það fékk flugrekstrarleyfi fyrir
tæpum tveimur árum. Arngrímur,
sem verður fimmtugur á þessu
ári, flýgur þotu fyrirtækisins, auk
þess sem hann er í stjórn, for-
stjóri, yfirflugstjóri og flugrekstr-
arstjóri. Eiginkona hans, Þóra Guð-
mundsdóttir frá Siglufirði, er með
honum í stjórn og yfirfiugfreyja
þegar á þarf að halda. Starfsmenn
verða um 30 þegar báðar þoturnar
verða komnar í rekstur, allt íslend-
ingar fyrir utan einn Kýpurbúa.
Yfirbyggingin er í lágmarki og
taka flugmennirnir að sér ýmis
verk sem önnur fyrirtæki ráða sér-
staka menn í. Helstu samstarfs-
menn Amgríms eru: Jón Grímsson
f lugstjóri og verkefnisstjóri í Finn-
landi, Þórír Garðarsson tæknistjóri
og Jón Rafn Pétursson fjármála-
stjóri. Félagið er skráð í Mosfells-
bæ. Skrifstofur þess eru í húsi
Mosfells apóteks og deilir það skrif-
stofu með Búnaðarsambandi Kjal-
arnesþings og Svínaræktarfélagi
íslands. Arngrímur segir að flugfé-
lagið sé rekið með hagnaði.
Atlanta hóf áætlunarflug með
vörur fyrir Finnair fyrir einu ári
en þetta er þriggja ára verkefni.
Félagið tók á leigu Boeing 737-200
þotu, TF-ABJ, til þess verkefnis.
Arngrímur segir að flugið fyrir
Finnana gangi mjög vel og báðir
aðilar ánægðir með samstarfið.
Fljótlega hefði verið farið að ræða
um aukin verkefni og Atlanta hf.
þá farið að að leita sér að hent-
ugri vél til þeirra. Segir Arngrímur
að nokkrar vélar séu á markaðnum
en Arnarflugsþotan sem ríkið hefði
lengi verið með til sölu væri góður
kostur vegna þess að burðargeta
hennar væri nákvæmlega sú sama
og hinnar þotunnar og gæti því
gengið beint inn í núverandi samn-
inga. Þá hefði hún verið í rekstri
hér á landi og menn vissu allt um
ástand hennar. Arngrímur segir að
það sé að vísu leiðinlegt að drag-
ast inn í átök hér heima út af sölu
á þessari vél sem hans gamla f lug-
félag átti áður, en vildi að öðru
leyti ekki tjá sig um það mál. Hann
kveðst hafa notið aðstoðar Tómas-
ar Þorvaldssonar hdl. við samn-
ingsgerðina við ríkið.
Morgunblaðið/Þorkell
Arngrímur Jóhannsson
Arngrímur segir engum vand-
kvæðum bundið að fjármagna
kaupin, vélin kostar 440 milljónir
ísl. kr. og verður þessi fjárhæð
staðgreidd við afhendingu þotunn-
ar síðar í mánuðinum. Atlanta ætl-
ar að fjármagna kaupin með aðstoð
bandarísks kaupleigufyrirtækis en
daginn sem samningurinn við ríkið
var undirritaður höfðu borist sex
önnur tilboð um fjármögnun, frá
Evrópu og Bandaríkjunum.
Leiguvél Atlanta fer í skoðun í
lok þessa mánaðar og fer Amar-
flugsþotan_ þá inn í áætlunina í
Finnlandi. í mars aukast verkefnin
fyrir Finnair og þá verða báðar
vélarnar í áætlunarflugi með vörur
til og frá Finnlandi. I skoðuninni
nú verður skrokkur vélarinnar
hnoðaður upp á nýtt en þess var
krafist þegar véUsömu gerðar og
þotur Atlanta hf. rifnaði á Hawaii
á síðasta ári. Skoðunin og viðgerð-
in fer fram hér á landi, hjá Flugleið-
um. Arngrímur segir að Arnar-
flugsþotan fari í sams konar við-
gerð innan eins árs. Hann segir
ánægjulegt að geta komið með
vélina hingað heim í skoðun. Flug-
leiðir hefðu að vísu ekki verið með
lægsta tilboðið en önnur atriði
bættu þann mun upp, til dæmis
það að hjá Flugleiðum væri hann
öruggur um að fá fyrsta flokks
vinnu.
Ferill Arngríms í f luginu er lang-
ur og skrautlegur, eins og hann
kemst sjálfur að orði. Hann byrjaði
1966 á DC-3 í innanlandsflugi hjá
Flugfélagi Islands. Næst var hann
í sjúkraflugi hjá Norðurflugi á
Akureyri og síðan á DC-6 hjá Flug-
hjálp í Biafra. Þá kom hann heim
og byijaði sem siglingafræðingur
í Ameríkuflugi hjá Loftleiðum og
varð síðan aðstoðarflugmaður.
Þegar Cargolux byijaði 1971 var
hann lánaður þangað, fyrst sem
aðstoðarflugmaður og síðan flug-
stjóri. Aftur kom hann heim 1974
og var flugstjóri á Boeing þotu
Air Viking sem Guðni í Sunnu rak.
Þegar rekstur Air Viking stöðvað-
ist stofnaði starfsfólkið f lugfélagið
Arnarflug, sem enn er í rekstri.
Arngrímur var í stjórn Arnarflugs
frá upphafi auk þess sem hann var
yfirflugstjóri. Hann hætti hjá Am-
arflugi 1986 og stofnaði þá leigu-
flugfélagið Air Artic með Einari
heitnum Frederiksen. Síðan stofn-
aði hann með fjölskyldu sinni Atl-
anta hf., fékk flugrekstrarleyfi í
febrúar 1988 og hefur rekið síðan.
Fyrst var félagið með Boeing 707
í flugi á milli Helsinki og Kýpur
fyrir finnska ferðaskrifstofu og
síðar einnig aðra eins vél í
pílagrímaflugi. Upp úr þessu náði
hann samningunum við Finnair og
hefur einbeitt sér að því verkefni
síðan.
Leiguþota Atlanta hf., TF-ABJ, sem er í áætlunarflugi með vörur fyrir Finnair.
Atak í landgræðslu og skógrækt að hefjast:
1.500 þúsund trjáplöntur
verða gróðursettar í vor
Valin hafa verið 73 svæði um land allt til skógræktar
ÁTAKIÐ „Landgræðsluskógar - átak 1990“ verður formlega hafið
með athöfh á Kjarvalsstöðum sunnudaginn 7. janúar. Á nýbyrjuðu
ári verður efnt til eins mesta átaks í landgræðslu og skógrækt hér-
lendis frá upphafi vega í tilefni 60 ára afmælis Skógræktarfélags
íslands, sem er sambandsfélag allra félaga áhugamanna um skóg-
rækt á íslandi. Skógrækt ríkisins, Landgræðsla ríkisins og land-
búnaðarráðuneytið hafa gengið til samstarfs um átakið.
Atakinu er ætlað að valda
straumhvörfum í gróðursögu
landsins. Upp frá þessu verði stærri
skref stigin til að endurheimta glöt-
uð landgæði. Frá landnámi er talið,
að yfir 80% af þeim landgæðum,
sem fólust í gróðri og jarðvegi,
hafi glatast. Ætlunin er að gróður-
setja um 1.500.000 tijáplantna
næsta vor í gróðursnautt en friðað
land auk annarra gróðurbætandi
aðgerða, s.s. sáningar birki-,
lúpínu- og grasfræs.
Til að tryggja árangur átaksins
er starfandi sérstök fagnefnd, skip-
uð vísindamönnum, sem hafa valið
landsvæði í samráði við heimamenn
á hveijum stað og leggja á ráðin,
hvernig unnið skal að uppgræðslu
landgræðsluskóganna. Alls hafa
verið valin 73 svæði um .land allt,
þar sem nýir skógar munu vaxa
upp í gróðursnauðu og blásnu landi
og vonandi breiðast út, eftir því sem
tímar líða.
Skilyrði er, að skógarnir verði
aðgengilegir almenningi, enda til-
gangur átaksins að koma upp úti-
vistarskógum og að koma af stað
gróðurbyltingu. Þá mun átakið
auka þrýsting á friðun illa farins
lands og skóglendis, sem víða á í
vök að veijast m.a. vegna beitar.
Lögð verður höfuðáhersla á, að
virkja sem flesta við plöntunina
næsta vor. Helst alla þjóðina. Ekki
aðeins til að afla sjálfboðaliða í
þetta mikla verk, heldur ekki síður
til að auka skilning á skógrækt og
landgræðslu og á því hversu miklir
möguleikar okkar eru til að snúa
við óheillaþróun liðinna alda. Óg til
þess að kenna fólki réttu handtökin
við gróðursetningu.
Þó að átakið byggi að miklu leyti
á framtaki áhugafólks um skóg-
rækt og landgræðslu og á því að
vekja almenning til dáða, mun það
kosta stórfé, sem verður að afla
með fijálsum framlögum. Kostnað-
urinn er í sjálfu sér teygjanlegur,
þörfin nánast óendanleg núna með-
an við horfum upp á það, að landið
lætur enn víða á sjá frá ári til árs
á mörgum stöðum.
Auk sjálfs átaksins er mjög æski-
legt, ef unnt verður að ef la fræðslu
um hvers slags landnýtingu með
áherslu á þeim þáttum hennar, sem
horfa til verndunar landgæða og
landbóta. Þetta krefur útgáfu á
ýmsu fræðslu- og leiðbeiningarefni,
bæði í samvinnu við skólayfirvöld,
fjölmiðla og beint með gerð pésa
og stuttra fræðslumynda.
Ákveðið hefur verið að stofna til
svonefnds „Vinarskógar" í sam-
bandi við átakið. Öllu fé, sem er-
lendir ferðamenn hafa þegar látið
af hendi rakna og mun væntanlega
safnast í söfnunarbauka, - sem
standa víða á ferðamannastöðum,
verður varið til að rækta upp sér-
stakan skóg. Þangað verður einnig
beint öðru framlagi, sem hugsan-
lega fengist erlendis frá. Gæti hér
verið lagður grunnurinn að öflugu
skóglendi, sem mun dafna og þró-
ast og gefa erlendum vinum þjóðar-
innar tækifæri til að skilja hér eftir
tré eða skógarlundi í minningu sína.
Vinarskóginum hefur ekki verið
valinn endanlegur staður. Gerð
verður betur grein fyrir honum
seinna.
Átakið hefur þegar þegið stór-
gjafir frá ýmsum aðilum. Stjórn
Eimskips reið á vaðið með 7,5 millj-
óna króna gjöf í tilefni 75 ára af-
mælis félagsins á síðasta ári.
Ljósmyndavörur hf. og Fuji-
umboðið á íslandi kosta gerð 7
kynningarmynda, sem sýndar verða
í ríkissjónvarpinu nú í vetur, en
fyrsta myndin, „Hallormsstaður
vísar veginn“, verður sýnd nk.
sunnudagskvöld í upphafi átaksárs-
ins. Víðsjá framleiðir myndirnar.
Auk þess mun átakið fá 10 krónur
af hverri Fuji-filmu, sem Fuji-
umboðið selur á átaksárinu.
Ferðaland hf. gerir ýmislegt fyrir
átakið, sem fær 10% af andvirði
plötunnar „ísland er land þitt“, sem
Ferðaland gaf út, auk þess að heim-
ila átakinu afnot af titillaginu ásamt
höfundi lagsins, Magnúsi Þór Sig-
mundssyni, og flytjendum.
Ekki eru tök á því nú að telja
upp alla þá, sem þegar hafa gefið
til átaksins eða heitið aðstoð, enda
eru þeir nærri 400 talsins, en gerð
verður betri grein fyrir framlögum
til átaksins seinna.
Það er ásetningur átaksmanna,
að starfið við landgræðsluskógana
á þessu ári verði upphafið að auk-
inni ræktun landgræðsluskóga.
Árangur átaksins verður takmark-
aður, ef áframhaldið verður ekki
tryggt. Viðtökur þjóðarinnar hljóta
þó að sníða áframhaldinu sinn
stakk.
Forseti íslands, frú Vigdís Finn-
bogadóttir, er verndari átaksins.
(FrétOitilkynnlng)