Morgunblaðið - 01.02.1990, Blaðsíða 12

12
MORGUNBLAÐIÐ FIMMTUDAGUR 1. FEBRÚAR 1990
RANNSÓKNARÁÐ RÍKISINS
auglýsir styrki til rannsókna og tilrauna árið 1990
Umsóknarfrestur er til 1. mars nk.
Umsóknareyðublöð fást á skrifstofu ráðsins, Laugavegi 13, sími 21320.
• Um styrk geta sótt fyrirtæki, stofnanir eða einstaklingar.
• Styrktarfé skal varið til rannsókna og þróunar á nýrri tækni og afurðum, sem talin
er þörf fyrir næsta áratug.
• Mat á verkefnum, sem sótt er um styrk til, skal m.a. byggt á;
- líklegri gagnsemi verkefnis, sérstaklega markaðsgildi niðurstaðna, sem sóst er
eftir,
- gildi fyrir eflingu tækniþekkingar eða þróunar atvinnugreina hér á landi,
- hæfni umsækjenda/rannsóknamanna.
• Forgangs skulu að öðru jöfnu njóta verkefni, sem svo háttar um að;
- samvinna fyrirtækja og stofnana innanlands er mikilvægur þáttur í framkvæmd
verkefnisins,
- samstarf við erlend fyrirtæki og rannsókna- og þróunarstofnanir er mikilvægt.
- fyrirtækí íéygjá umtsisvsrí írsmlsg iil verkefnisins,
- líkindi eru á skjótum og umtalsverðum árangri.
Heimilt er einnig að styrkja verkefni, sem miða að uppbyggingu þekkingar og færni á
tæknisviðum, sem talin eru mikilvæg fyrir atvinnuþróun hér á landi í framtíðinni.
20°/o
VERÐLÆKKUN
VEGNA HAGSTÆÐRA MAGNINNKAUPA
Skerar, tennur og undirvagnshlutir í CATERPILLAR,
einnig í flestar aðrar gerðir og tegundir vinnuvéla.
T.D.: JCB « KOMATSU « JOHN DEERE ♦ INTERNATIONAL HARVESTER
FIATALLIS ♦ BANTAM * CASE ♦ O&K ♦ LIEBHERR ♦ HITACHI ♦ POCLAIN
Sijórnun Kópa-
vogsbæjar verð-
ur að breyta
eftir dr. Gunnar
Birgisson
Kópavogsbúar kjósa sér bæjar-
stjórn í vor eins og aðrir landsmenn.
Þykir mörgum Kópavogsbúanum
ærið tilefni til að nota þá tækifærið
til að skipta um stjórnendur bæjarfé-
lagsins og er undirritaður einn i
þeirra hópi. Stefnuleysi, úrræðaleysi
og óráðsía vinstri meirihlutans í
bæjarstjórn Kópavogs er með ein-
áæmum 0g éilgin batanlérkl sjáan-
leg á því háttarlagi. Því verður að
bregða hart við ef ekki á illa að
fara, ekki vilja Kópavogsbúar lenda
á gjörgæsludeild félagsmálaráðherr-
ans, eða hvað?
Nú dugir ekki að standa hjá og
gagnrýna, benda á það sem miður
fer og krefjast úrbóta, að „hinir
ábyrgu" sem til þess eru kjörnir
bjargi málunum. Þeir hafa haft til
þess ærin tækifærin og sýnt svo að
ekki verður um villst að verkefnið
er þeim um megn. Nú verðum við,
sem óánægð erum, að taka af skar-
ið og fella meirihlutann. Okkur
gefst tækifæri til að taka fyrsta
skrefið til þess á laugardaginn með
þátttöku í prófkjöri Sjálfstæðis-
flokksins. Með því að taka það skref
og þau sem á eftir fylgja í kosning-
unum í vor þurfum við ekki lengur
að horfa upp á hraðfara hnignun
bæjarins okkar, sem hefur alla burði
til að verða eitt öflugasta bæjarfélag
landsins, sé rétt á málum haldið.
Að óbreyttu stöndum við Kópa-
vogsbúar frammi fyrir alvarlegri
kreppu sem sannarlega er af manna
völdum. Skal ég nú skýra nánar í
hvetju sú kreppa felst.
Hrikaleg skuldastaða
Mikið hefur verið rætt og ritað
um fjármál Kópavogsbæjar undan-
farið og ekki að ástæðulausu. Nærri
lætur að heildarskuldir Kópavogs
séu um síðustu áramót nálægt 1.300
milljónum króna, en tekjurnar eru
hins vegar á bilinu 1.000 til 1.100
milljónir króna. Allir, sem þekkja
eitthvað til reksturs, sjá að slík fjár-
hagsstaða getur ekki gengið. Afleið-
ingamar em þær að Kópavogsbær
er sífellt á okurmarkaði peninganna.
Nú er svo komið að verðbréf frá
Kópavogsbæ eru seld með 42%
ávöxtunarkröfu. Með slíkum afföll-
um nýtast skattpeningar okkar
Kópavogsbúa mjög illa og hrökkva
ekki nærri til reksturs og fram-
kvæmda. Það þýðir að enn verður
að halda út á okurlánamarkaðinn
og þannig heldur þetta áfram þar
til spilaborgin hrynur eins og dæmin
hafa sýnt. Til viðbótar hefur vinstri
meirihlutinn slegið lán í heimildar-
leysi, án samþykkis og án vitundar
bæjarráðs, og er slíkt hreint lögbrot.
Að vera á þennan hátt ofurseldur
kaupahéðnum og vaxtaokrurum
hlýtur að vera dapurlegt hlutskipti
bæjarfélags sem ætti að eiga alla
möguleika á að dafna vel.
Steftit í gjaldþrot
Ljóst er að hér hefur verið eytt
um efni fram. Grundvallaratriði í
rekstri fyrirtækja eins og bæjarfé-
laga er, að slíkt hendi ekki. Ef þetta
á sér stað hefst skuldasöfnun sem
á endanum leiðir til gjaldþrots. Ráð-
ist hefur verið í of miklar fram-
kvæmdir í einu og flest er hálfklárað
og óklárað eins og sjá má af sund-
laug og listasafni, það er að segja,
framkvæmdirnar standa þarna, en
þær skila engum arði.
Það er göfug hugsjón hvers sveit-
arfélags að framkvæma og styrkja
félagsstarfsemi. En, ef allt er gert
í einu, þýðir það offjárfestingu sem
leiðir af sér dýrar lántökur og minna
er hægt að gera fyrir skattféð eins
og áður er lýst. Niðurstaðan verður
sú, að byijað er á mörgu, en ekkert
klárað.
Hvað er til ráða?
Fjárfestingar og framkvæmdir
Gunnar Birgisson
„Nú er svo komið að
verðbréf frá Kópavogs-
bæ eru seld með 42%
ávöxtunarkröfii. Með
slíkum afröllum nýtast
skattpeningar okkar
Kópavogsbúa mjög illa
og hrökkva ekki nærri
til reksturs og fram-
kvæmda.“
verður að skipuleggja á þann hátt
að eigið fé verði notað að mestu til
þeirra, en ekki notað rándýrt lánsfé.
Rekstur bæjarfélagsins verður að
taka til gagngerrar endurskoðunar.
Aðhald og sparnaður verður að vera
lykilorðið.
Framboð byggingarlóða þarf að
auka til að fá fleiri íbúa í bæinn.
Þannig verður rekstur bæjarfélags-
ins hagkvæmari, fjárfestingar nýt-
ast betur, til dæmis veitukerfi,
gatnakerfi og allar stofnanir bæjar-
ins. Fjölgun fólks í nágrannabæjar-
félögunum hefur verið mun meiri
en hér í Kópavogi, en það þarf
auðvitað ekki að vera lögmál.
Efla þarf fyrirtækjarekstur í
bænum. Búa þarf þannig um
hnútana að ný atvinnufyrirtæki sjái
sér hag í að flytja starfsemi sína í
bæinn, til dæmis með tímabundnum
skattaívilnunum.
Framtíðin
Vinstri meirihlutanum er flest
betur gefið en að fara vel með skatt-
fé borgaranna. Óstjórn peningamála
og framkvæmda er þeirrra minnis-
varði. Það svíður manni sárt sem
Kópavogsbúa, að þurfa að liggja
undir slíku ámæli þeirra sem í kring
um okkur búa.
Er það ekki óheillavænlegt, ef
við Kópavogsbúar þurfum að líta
niður á sjálfa okkur? Við þurfum
að rífa okkur upp úr drunganum og
svartsýninni og stefna á vöxt og
röggsama stjórnun bæjarfélagsins.
Þess vegna þurfum við Kópavogsbú-
ar að fylkja okkur undir merki Sjálf-
stæðisflokksins í bæjarstjómarkosn-
ingunum í vor. Og við þurfum að
íjölmenna í prófkjör Sjálfstæðis-
flokksins á laugardaginn þar sem
okkur gafst tækifæri til að skipa
fulltrúum okkar á lista flokksins,
fulltrúum sem við veljum sjálf til að
taka við þrotabúi vinstri manna og
heíja markvissa og örugga uppbygg-
ingu í Kópavogi. Látum ekki þetta
tækifæri fram hjá okkur fara, það
verða fjögur ár þangað til það
kemur aftur og þá er það ef til vill
orðið of seint.
Höfundur er framkvæmdastjóri
verktakafyrirtækisins Gunnar og
Gutimundur sf., fomaður
Verktakasambands íslands og
varaformaður
Vinnuveitendasambands íslands.