Morgunblaðið - 01.02.1990, Blaðsíða 19

MORGUNBLAÐIÐ FIMMTUDAGUR 1. FEBRÚAR 1990
19'
Hvers vegna prófkjör
og hvers vegna ég
sækist eftir endurkjöri
eftir Richard
Björgvinsson
Undanfarnar vikur hefi ég oft verið
spurður þessara tveggja spurninga
hér að ofan. Ég hefí svarað því
fólki, sem um hefur spurt og sagt
mína skoðun og ástæður. Af þess-
um ástæðum tel ég einnig rétt að
gera það opinberlega.
Hvers vegna prófkjör?
Margir hafa spurt okkur, sem
stöndum í sveitarstjórnarmálum hér
í Kópavogi, þessarar spurningar
vegna þess að sjálfstæðismenn á
mörgum stöðum, einkum hér í
grenndinni, hafa ákveðið að efna
ekki til prófkjörs. Aðeins í Hafnar-
firði og Kópavogi á höfuðborgar-
svæðinu efna sjálfstæðismenn til
prófkjörs fyrir bæjarstjórnarkosn-
ingarnar í vor, en t.d. ekki í
Reykjavík, sem vekur auðvitað
mesta athygli.
Ég vil strax taka fram, að ég
var persónulega samþykkur því að
viðhaft yrði prófkjör um val fram-
bjóðenda fyrir Sjálfstæðisflokkinn
hér í Kópavogi.
Mér er hinsvegar vel ljóst, að
prófkjör leysa ekki allan vanda um
framboðsmál, síður en svo, og á
þeim eru margir gallar. Þau geta
t.d. efnt til óvinafagnaðar meðal
samheija, en þau þurfa ekki að
gera það og fólk, sem tekur þátt í
þeim og vinnur að þeim, á að hafa
þann þroska, að þó það etji kappi
um framboð, þá á það að geta unn-
ið saman að því loknu að sameigin-
legu áhugamáli sínu, að efla veg
síns flokks.
Þrátt fyrir marga galla þá eru
prófkjörin samt lýðræðislegasta
aðferðin, sem við höfum til að velja
frambjóðendur, meðan við búum við
þau kosningalög, sem við höfum.
Best er sameiginlegt prófkjör allra
flokka, eins og tvisvar sinnum hefur
verið efnt til hér í Kópavogi, 1970
og 1982. Ef kosningalög væru
þannig að kjósendur gætu líka val-
ið um frambjóðendur á kjördag
þyrfti engin prófkjör. Mín skoðun
er, að með prófkjöri náist mun
breiðari samstaða um framboð. Það
hlýtur að vera breiðari grundvöllur
ef t.d. um eða yfir 1.200 manns,
eins og verið hefur í tveim síðustu
prófkjörum sjálfstæðismanna í
Kópavogi, velja frambjóðendur
heldur en ef 15-20 manna nefnd
gerir það og t.d. 70-80 manna fund-
ur samþykkir svo.
lsboltar>
Festingameistarar® O
Heildsala — smásala
RÆR, allar gerðir:
Tengirær, vængjarær,
hetturær, lásrær,
augarær, kastalarær,
lágar rær, háar rær,
ferkantaðar rær,
suðurær og
húsgagnarær.
Opiö frá S — 18
Laugardaga 9-13
STRANDGATA 75
HAFNARFJÖRÐUR
n 91-652965
a guarantea tor quallty
& Ármúla 29 símar 3B640 - 686100
Þ. Þ0R6RÍMSS0N & C0
Armstrong LDFTAPLDTUR
KOPKaPiA»r GÓLFFLlSAR
^áUUFLMT EINANGRUN
® VINKLARÁTRÉ
Varðandi hina spurninguna,
hvers vegna ég sækist eftir endur-
kjöri, þá vil ég svara því. Á næsta
vori hefi ég átt sæti í bæjarstjórn
Kópavogs í fjögur kjörtímabil eða
16 ár. Eg hefi starfað bæði í meiri-
og minnihluta innan bæjarstjórnar
og lagt töluvert mikla vinnu í að
kynna mér sem best og fylgjast vel
með málefnum bæjarins og einnig
sveitarstjórnarmálum almennt, eftir
því sem ég hef haft tækifæri til. Á
Richard Björgvinsson
„Með því að bjóða mig
fram í prófkjöri Sjálf-
stæðisflokksins 3. febr-
úar nk. býð ég fram þá
reynslu og þekkingu,
sem ég hefí öðlast til
þess að takast á við þau
margvíslegu vandamál
sem steðja munu að
stjórnendum Kópavogs
á næstu árum.“
þennan hátt héf ég aflað mér bæði
reynslu og þekkingar á þessum
málum.
Öllum sem til þekkja er ljóst að
fram undan er mikill vandi í bæjar-
málum hér í Kópavogi. Með því að
bjóða mig fram í prófkjöri Sjálf-
stæðisflokksins 3. febrúar nk. býð
ég fram þá reynslu og þekkingu,
sem ég hefí öðlast til þess að tak-
ast á við þau margvíslegu vanda-
mál sem steðja munu að stjórnend-
um Kópavogs á næstu árum.
Ég sækist hiklaust eftir því sæti,
sem ég hef skipað á framboðslista
flokksins eða fyrsta sætinu.
Ég hvet alla stuðningsmenn
Sjálfstæðisflokksins í Kópavogi til
þess að taka þátt í prófkjöri flokks-
ins 3. febrúar nk., en prófkjörið er
opið öllum Kópavogsbúum, sem
kosningarétt munu hafa í vor.
Höfundur er einn af
bæjarfuiltrúum
Sjálfstæðisflokksins í Kópavogi.
Það er ekki tryggt
að verkfæri iðnaðarmanna
séu notuð á löglegan hátt!
En með nýju IÐNAÐARMANNATRYGGINGUNNI
frá SJÓVÁ-ALMENNUM geta iðnaðarmenn
tryggt sig eins og best verður á kosið.
IÐNAÐARMANNATRYGGINGUNNI eru allar
helstu tryggingar sem iðnaðarmenn þurfa,
settar saman á eitt skírteini.
Allir góðir fagmenn ættu að kynna sér
þessa langþráðu nýjung strax.
SJOVÁDrJALMENNAR