Morgunblaðið - 01.02.1990, Blaðsíða 44

44
MORGUNBLAÐIÐ FIMMTUDAGUR 1. FEBRÚAR 1990
STABIE&TIHB 1
Hinn nýi MAZDA 323 sigraöi í samkeppni um
“GULLNA STÝRIГ sem veitt er árlega af
þýska blaöinu “BILD AM SONNTAG", stærsta
og virtasta dagblaði sinnar tegundar í Evrópu.
Þessi eftirsótta viðurkenning er veitt þeim
bílum, sem taldir eru hafa skarað fram úr og
sigraði MAZDA 323 með miklum yfirburðum í
sínumflokki!
Við eigum til afgreiðslu STRAX nokkra bíla af
4 dyra SALOON gerð, með aflmikilli 16 ventla
vél og vökvastýri á aðeins Kr. 787 þúsund
stgr.
Opið laugardaga frá kl. 10 - 4
McCartney og Jackson árið 1982 er þeir unnu saman að plötu sem
innihélt m.a. hið geysivinsæla lag „That girl is mine“.
ÁGREININGUR
Jackson og McCartney
ræðast ekki lengnr við
Fyrrum stórvinirnir Michael
Jackson og Paul McCartney eru
nú litlir vinir og er það einkum bítill-
inn McCartney sem fínnur Jackson
allt til foráttu, en fregnir herma að
Jackson sé miður sín vegna þessa
og botni ekki í neinu. Þeir deila um
gömlu bítlalögin, en Jackson keypti
einkaréttinn að þeim árið 1985.
McCartney og Yoke Ono ekkja Johns
Lennon voru einnig um hituna, en
Jackson hafði mun meira fé milli
handanna og yfirbauð þau. Þetta fór
í taugarnar á McCartney, enda má
hann síðan ekki einu sinni leika göm-
ul bítlalög á hljómleikum án þess
að greiða Jackson fyrir. En þetta lét
hann þó ekki skyggja á vinskapinn,
þeir heimsóttu hvor annan reglulega
og dvöldu í nokkra daga í senn í
góðu yfirlæti. Sérstaklega þótti
Jackson gott að laumast brott, fljúga
með leynd til Englands og slaka á
á búgarði McCartneys. En fyrir
tveimur árum sauð svo rækilega upp
úr, er Jacksori tók upp á því að selja
hinum og þessum fyrirtækjum rétt-
inn til þess að nota gömul bítlalög
í auglýsingum.
Tónlistarmennimir tveir eru á
öndverðum meiði um ágæti þess að
gamla bítlatónlistin sé leikin í aug-
lýsingum. McCartney telur það lítils-
virðingu og hefur reynt með öllum
leiðum að fá Jackson ofan af því.
Jackson hefur selt Nike tagið „Revol-
ution" og Panasonic lagið „All you
need is love“ og heldur því fram að
með því að selja lögin í auglýsingar
sé tryggt að komandi kynslóð heyri
lögin og þau gleymist síður. Jackson
segist óttast að hlutur Bítlanna verði
rýr er fram líða stundir, menn gleymi -
hinu merka framlagi þeirra til popp-
tónlistar.
Svo djúp er gjáin sem myndast
hefur milli vinanna sem hafa meira
að segja gert saman metsöluplötu
(1982), að þeir hafa ekki talað sam-
an í tvö ár og McCartney hefur kall-
að hann ýmsum miður vingjarnleg-
um nöfnum, m.a. Júdas. Er McCart-
ney var á hljómleikaferðalagi um
Bandaríkin eigi alls fyrir löngu lá
leiðin m.a. til Kaliforníu þar sem
Jackson býr. Hvar sem McCartney
kemur og spilar lætur hann liggja
fyrir boðsmiða til vina sinna á hveij-
um stað. En Jackson greip í tómt
og varð hann þá afar hnípinn og
dapur, en McCartney varð æfur og
lýsti þeirri skoðun sinni að Jackson
hlyti að vera fífl ef hann áttaði sig
ekki á því að það væri ástæða fyrir
því að þeir hefðu ekki ræðst við í
tvö ár. Nokkru síðar var Jackson svo
með hljómleika'í Lundúnum og
reiknaði með því að McCartney léti
sjá sig. Lagði hann að aðstoðar-
mönnum sínum að koma boðum til
Bítilsins gamla að hitta sig að tjalda-
baki. En þeir gripu í tómt. Þarna
var margt mektarmanna, m.a. Karl
og Díana ríkisarfar Breta og þáðu
þau boð til tjaldábaks. En McCart-
ney var ekki einu sinni í salnum og
vissu menn þó að hann var heima
fyrir og hafði ekkert sérstakt fyrir
stafni...
fÓIK í
fréttum
TONLIST
Who og Kinks heiðraðir
fyrir framlag sitt
Tvær breskar hljómsveitir sem löngum
þóttu standa í skugga Bítlana bresku
og Rolling Stones fengu sérstök heiðurs-
verðlaun á mikilli hátíð sem haldin var á
dögunum í New York. Hljómsveitirnar Kinks
og The Who voru teknar inn í það allrahelg-
asta sem Bandaríkjamenn nefna „Rock and
Roll Hall of Fame" eða „Frægðarsal rokk-
tónlistarinnar". Báðar þessar hljómsveitir
hafa starfað, með hléum þó, frá því snemma
á sjöunda áratugnum. Eru menn almennt
sammála um að höfuðpaurar hljómsveit-
anna, Pete Townsend, gítarleikari The Who,
og Ray Davies, söngvari Kinks, séu í hópi
merkustu lagahöfunda rokktónlistarinnar.
Báðir hafa þeir verið með ólík indum afkast-
amiklir og eftir þá liggja mörg lög sem teíja
má sígild. Hljómsveitir þeirra starfa enn og
þannig hafa The Who nýlega lokið mikilli
hljómleikaferð um Bandaríkin sem þótti tak-
ast mjög vel þó svo þeir piltamir séu teknir
að reskjast nokkuð.
Eftirlifandi meðlimir The Who eftir að þeir höfðu tekið við sér-
stakri viðurkenningu fyrir framlag sitt til rokktónlistarinnar.
Frá vinstri: John Entwhistle, bassaleikari, Pete Townsend, gítar-
leikari, og Roger Daltrey söngvari. Keith Moon, trommuleikari
hljómsveitarinnar, lést fyrir nokkrum árum en hann þótti einn
besti trymbill rokksögunnar.
Metsö/ub/aó á /rverjum degi!