Morgunblaðið - 29.05.1990, Page 1

80 SIÐUR B/C
119. tbl. 78. árg.___________________________________ÞRIÐJUDAGUR 29. MAÍ 1990 Prentsmiðja Morgunblaðsins
Davíð Oddsson borgarstjóri um niðurstöður kosninganna:
Ibúar Reykjavíkur meta verk
sjálfstæðismanna í borginni
Sjálfstæðisflokkurinn styrkti stöðu sína á höfuðborgarsvæðinu og í flestum kaupstöðum - Alþýðu-
flokkurinn vann meirihluta í Hafharfirði - Framsóknarflokkur jók fylgi sitt norðan- og austanlands
Borgarstjórnarflokkur sjálfstæðismanna
Morgunblaðið/Bj arni
Hinn nýi borgarstjórnarflokkur sjálfstæðismanna. í aftari röð eru frá vinstri varaborgarfulltrúarnir Sigríður Sigurðardóttir, Ólafur F. Magnússon, Mar-
grét Theodórsdóttir, Hulda Valtýsdóttir, Hilmar Guðlaugsson, Jóna Gróa Sigurðardóttir, Guðmundur Hallvarðsson, Haraldur Biöndal, Katrín Gunnarsdótt-
ir og Ingólfur Sveinsson. I fremri röð frá vinstri eru borgarfulltrúarnir Sveinn Andri Sveinsson, Páll Gíslason, Árni Sigfússon, Vilhjálmur Þ. Vilhjálms-
son, Katrín Fjeldsteð, Davíð Oddsson, Magnús L. Sveinsson, Anna K. Jónsdóttir, Júlíus Hafstein og Guðrún Zoéga.
„ÞETTA eru auðvitað mjög góð
úrslit fyrir Sjálfstæðisflokkinn í
Reykjavík. Við hljótum að mega
túlka þau svo, að Reykvíkingar
sýni Sjálfstæðisflokknum mikið
traust og trúnað og meti þau verk
sem flokkurinn hefúr unnið að á
undanförnum árum,“ sagði Davíð
Oddsson borgarstjóri eftir kosn-
ingasigur Sjálfstæðisflokksins í
bæjar- og sveitarstjórnakosning-
unum á laugardaginn. Sjálfstæðis-
flokkurinn fékk 60,4% fylgi í höf-
uðborginni og bætti við sig einum
borgarfúlltrúa. Annars staðar á
höfúðborgarsvæðinu styrkti Sjálf-
stæðisflokkurinn stöðu sína einn-
ig, sem og í flestum kaupstöðum
landsins. Sjálfstæðisflokkurinn
vann hreinan meirihluta í Vest-
mannaeyjum, en tapaði meiri-
hluta í Hveragerði og Grundar-
firði. Alþýðuflokkurinn vann
hreinan meirihluta i Hafnarfirði,
en tapaði meirihluta sínum í
Keflavík. Þar sem vinstri flokk-
al-nir stóðu að nýjum sameiginleg-
um framboðum nú, fengu hin nýju
framboð minna fylgi en flokkarnir
fengu samanlagt í kosningunum
fyrir Qórum árum.
Sjálfstæðisflokkurinn jók fylgi sitt
í kaupstöðum. í kosningunum núna
fékk hann að meðaltali 48,3% at-
kvæða þar, en fyrir fjórum árum
fékk hann 42,4%. Flokkurinn bætti
við sig fylgi og fulltrúum í
Reykjavík, Kópavogi, Garðabæ, á
Seltjarnarnesi, í Borgarnesi, á
Húsavík, Eskifirði og Selfossi. Þá
bætti hann við sig tveimur bæjarfull-
trúum í Keflavík og í Vestmannaeyj-
um, þar sem hreinn meirihluti vannst
um leið. Sjálfstæðisflokkurinn tapaði
meirihluta sínum í Hveragerði og í
Grundarfirði. í Bessastaðahreppi
nær tvöfaldaði Sjálfstæðisflokkurinn
fylgi sitt og hlaut 69,6% atkvæða.
Alþýðuflokkurinn vann hreinan
meirihluta í Hafnarfirði, fékk þar
48% atkvæða og 6 menn kjörna.
„Við þorðum tæpast að trúa því fyrr
en við tókum á því að úrslitin yrðu
jafn ótvíræð og raun bar vitni,“ sagði
Guðmundur Arni Stafánsson bæjar-
stjóri og oddviti Alþýðuflokksins í
Hafnarfirði. Guðmundur segir sam-
eiginleg framboð vinstri flokkanna
hafa verið tilraunarinnar virði. „Það
væri hins vegar blindur maður sem
sæi ekki að sú tilraun hefur mistek-
ist,“ sagði hann.
Alþýðuflokkurinn vann mann á
Akranesi. Enginn alþýðuflokksmað-
ur er kjörinn borgarfulltrúi í
Reykjavík, flokkurinn tapaði tveimur
mönnum á Akureyri, einum manni
í fimm kaupstöðum auk Keflavíkur,
þar sem meirihluti flokksins tapaðist
um leið.
Framsóknarflokkurinn hélt sínum
manni í Reykjavík og Kópavogi, tap-
aði manni í Keflavík, Vestmannaeyj-
um og á Selfossi. Flokkurinn vann
verulega á og bætti við sig tveimur
mönnum á Akureyri og Húsavík og
bætti við sig manni í ijórum kaup-
stöðum öðrum.
Ný sameiginleg framboð vinstri
flokkanna komu fram í tíu kaupstöð-
um. Þau skiluðu minna fylgi og
færri bæjarfulltrúum heldur en
flokkarnir, sem að þeim stóðu, fengu
samanlagt í kosningunum fyrir fjór-
um árum. Undantekning er þó Siglu-
fjörður, þar sem F-listi fékk 5,1%
meira fylgi og manni fleira en G-
listi 1986. Sameiginlegu framboðin
fengu færri fulltrúa á fimm stöðum,
fulltrúatalan stóð í stað í fjórum
kaupstöðum.
Sjá forystugrein í miðopnu,
fréttir á bls. 2, 33 og baksíðu.
Morgunblaðinu fylgir 12 síðna
blað um úrslit kosninganna.
Samstaða lýsir yfir sigri
í kosningunum í Póllandi
Varsjá. Reuter.
TALSMENN Samstöðu lýstu í gær yfir sigri í bæjar- og sveitar-
stjórnakosningum sem frám fóru í Póllandi á sunnudag. Þetta
voru fyrstu alfrjálsu kosningarnar í landinu í rúm 50 ár en þátt-
taka var mjög lítil og þykir það bera vitni um vaxandi óánægju
í röðum almennings vegna efnahagsaðgerða ríkisstjórnarinnar.
Leiðtogar járnbrautarstarfsmanna í Póllandi féllust seint á sunnu-
dagskvöld á að snúa aftur til vinnu sinnar eftir að hafa átt fúnd
með Lech Walesa, leiðtoga Samstöðu.
Walesa hélt á sunnudagskvöld.
á fund verkfallsmanna í hafnar-
borginni Slupsk. Féllust þeir á að
fresta frekari aðgerðum um hálfan
mánuð. Þótti þessi niðurstaða
umtalsverður sigur fyrir Walesa
en því hefur verið haldið fram að
ítök hans innan verkalýðshreyf-
ingarinnar hafi farið ört dvínandi
á undanförnum mánuðum. Á
þennan hátt tókst Walesa að af-
stýra allsheijarverkfalli pólskra
járnbrautarstarfsmanna, sem boð-
að hafði verið til í dag, þriðjudag.
Pólveijar gengu að kjörborðinu
á sunnudag er kosið var til bæjar-
og sveitarstjórna. Áhuginn reynd-
ist lítill þótt um væri að ræða
fyrstu alfijálsu kosningarnar í
landinu í rúm 50 ár. Einungis 42%
þeirra sem voru á kjörskrá neyttu
atkvæðisréttar síns.
Búist er við að fyrstu tölur úr
kosningunum verði birtar á morg-
un, miðvikudag. Talsmenn Sam-
stöðu sögðu hins vegar í gær að
hreyfingin hefði unnið stórsigur.
Þannig hefði Samstaða fengið 303
fulltrúa kjörna í Varsjá en 344
menn sitja í borgarstjórn. Jafnað-
armenn, sem mynduðu tvo flokka
eftir að kommúnistar afsöluðu sér
alræðisvaldi í pólsku samfélagi,
hefðu aðeins fengið 15 menn
kjörna. Sömu heipiildarmenn
kváðu Samstöðu hafa fengið 73
Lech Walesa.
af 75 borgarfulltrúum í Krakow í
suðurhluta landsins og svipaðar
fréttir bárust frá borgunum Wroc-
law og Lublin. Talsmaður KPN,
flokks þjóðernissinna, játaði ósigur
í gær og kvað sýnt að einungis
fylgismenn Samstöðu hefðu hirt
um að ganga á kjörfund. Aðrir
hefðu einfaldlega setið heima.
Garríj Kasp-
arov hvetur
tíl mótmæla
Moskvu. Reuter.
NÝR flokkur andstæðinga
kommúnista í Sovétríkjunum,
Lýðræðisflokkur Rússlands,
hvatti í gær til mótmæla gegn
boðuðum efiiahagsumbótum
stjórnvalda.
Á meðal forystumanna
flokksins er Garríj Kasparov
heimsmeistari í skák. „I lok árs-
ins verður þörf fyrir öflug
stjórnmálasamtök, sem geta
komið landinu til bjargar eftir
gjaldþrot kommúnismans,"
sagði hann. Kasparov hvatti
einnig samtök námamanna til
að boða til verkfalls.
Sjá: „Borís Jeltsín vill. . .“
á bls. 26.