Morgunblaðið - 19.09.1990, Blaðsíða 17

MORGUNBLAÐIÐ MIÐVIKUDAGUR 19. SEPTEMBER 1990
17
Hækkandi verð
á loðskinnum
EFTIR mikið og langvarandi verðfall og sölutregðu á loðskinnum fer
verðið nú hækkandi auk þess sem söluhlutfallið hefur batnað verulega,
segir í frétt frá Sambandi íslenskra loðdýraræktenda, en í fyrradag
lauk septemberuppboði á loðskinnum, sem hófst í Kaupmannahöfn
síðastliðinn fimmtudag.
Alls voru boðnar rúmar 4 milljónir
minnkaskinna á þessu uppboði og
seldust 95% þeirra. Verðið hækkaði
yfirleitt í danskri mynt, enda þótt
dollar hafi lækkað um 5% gagnvart
danskri krónu frá því í maí sl.
Svört og brún skinn eru uppistaða
framleiðslunnar. Svört högnaskinn
hækkuðu um 40% að meðaltali, en
betri flokkar þeirra hækkuðu minna,
eða 23%, samanborið við maí sl. Svört
læðuskinn lækkuðu um 1%, brún
högnaskinn hækkuðu um 15% og
brún læðuskinn lækkuðu um 1%.
Um 110 þús. refaskinn voru boðin
til sölu á þessu- uppboði. Þau lækkuðu
lítillega í dönskum krónum frá því í
maí, nema Blue Frost, sem hækkaði
um 5%. Refaskinnin seldust betur en
á maíuppboðinu.
Mjög mikill samdráttur hefur orðið
á framleiðslu loðskinna í heiminum.
Gert er ráð fyrir að framleiddar verði
26—27 milljónir minnkaskinna, en
markaður er fyrir 32—34 milljónir
skinna.
Sjálfstæðismenn
á Austurlandi
með prófkjör
Egilsstöðum.
Sjálfstæðismenn á Austurlandi ætla að efna til prófkjörs vegna kom-
andi alþingiskosninga 27. október næstkomandi. Þetta var ákveðið á
aðalfundi kjördæmisráðs Sjálfstæðisfiokksins í Austurlandskjördæmi
sem haldið var á Egilsstöðum um helgina. Fullvíst er talið að alþingis-
mennirnir Egill Jónsson og Kristinn Pétursson ásamt Hrafnkatli A.
Jónssyni varaþingmanni gefi kost á sér til þátttöku í prófkjörinu.
Prófkjörið verður haldið í sam- kost á sér til þátttöku í prófkjörinu.
ræmi við reglur Sjálfstæðisflokksins
og verður þátttaka heimil öllum
stuðningsmönnum Sjálfstæðisflokks-
ins sem eiga munu kosningarétt í
kjördæminu við komandi alþingis-
kosningar og undirrita stuðningsyfir-
lýsingu við flokkinn samfara þátt-
töku í prófkjörinu. Á aðalfundinum
var efnt til skoðanakönnunar meðal
fundarmanna og rituðu þeir nöfn
fimm manna sem þeir vildu að gæfu
Ur þessari skoðanakönnun komu
nöfn 28 manna, átta kvenna og 20
karla. Þeirra á meðal voru nöfn nú-
verandi þingmanna og varaþing-
manns. Fastlega er búist við að þeir
verði við þessari áskorun. Fjöldi tiln-
efninga sem hver maður fékk var
ekki gefinn upp. Á aðalfundinum var'
Garðar Rúnar Sigurgeirsson frá
Seyðisfirði endurkjörinn formaður
kjördæmisráðsins. Björn
Sýningu Sigurðar Þóris í Listasafni
ASÍ lýkur á sunnudag:
Uppgjör fyrir
Englandsdvöl
SÝNINGU Sigurðar Þóris Sig-
urðssonar á um 40 málverkum
og teikningum lýkur í listasafni
ASI við Grensásveg næstkom-
andi sunnudag, 23. september.
„Eg ákvað að halda þessa sýn-
ingu til að gera upp, ef svo má
segja, áður en ég fer til Eng-
lands þar sem ég ætla að búa
næsta ár,“ sagði Sigurður Þórir
í samtali við Morgunblaðið.
Sigurður Þórir hefur haldið
fjölda einkasýninga og tekið þátt
í samsýningum hérlendsi frá því
hann fluttist heim frá Kaup-
mannahöfn þar sem hann stund-
aði í fjögur ár nám við Listaakade-
míuna að loknunámi við MHI hér
heima.
Á sýningunni í Listasafni ASI
eru olíu- og pastelmyndir og línu-
teikningar, ýmist gerðar í ár eða
í fyrra, eða frá síðustu einkasýn-
ingunni, sem haidin var í Norræna
húsinu í fyrra. Sigurður Þórir seg-
ir að undanfarin fimm ár eð asvo
hafi helstu viðfangsefni sín verið
tengsl manns og náttúru, sam-
skipti karls og konu og innri veru-
leiki manneskjunnar. „Ég vil að
myndir mínar snerti nýja strengi
í fólki með því að fjalla um mann-
lega fegurð sem mótvægi við það
Morgunblaðið/Emilía
Sigurður Þórir Sigurðsson.
sem er að gerast í heiminum,"
segir hann.
Sigurður Þórir flyst á næstunni
til ársdvalar í Reading í Englandi
þar sem hann segist ætla að vinna
að list sinni og endurnýja kynni
við stefnur, strauma og söfn í
Englandi og á meginlandinu.
Morgunblaðið/Gunnlaugur Rögnvaldsson
Ragnar Ingi Stefánsson varð íslandsmeistari í
moto cross.
Ragnar ekur Yamaha vélhjóli og svífur í mótun-
nm.
Ragnar Ingi Stefánsson
íslandsmeistari öðru sinni
Moto cross:
RAGNAR Ingi Stefánsson tryggði sér íslandsmeistaratitilinn
í moto cross vélhjólaakstri um sl. helgi. Hann vann sína fjórðu
keppni á árinu og gulltryggði þar með titilinn annað árið í röð
á Yamaha-vélhjóli. Annar í Islandsmótinu varð Heimir Stígsson
á Honda en Jón K. Jakopsen á Yamaha þriðji.
Ragnar Ingi dvelst í Svíþjóð
og vinnur þar á stóru mótor-
hjólaverkstæði, en hefur komið
heim til að keppa í moto cross
sumarsins, enda hafði hann titil
að veija. „Það hefur aðeins lifn-
að yfir þessari íþrótt og við erum
að leita að aksturssvæði til fram-
búðar. Aðal vandamálið er hve
vélhjólin eru dýr vegna hárra
tolla, ungir strákar hafa því
tæpast efni á að kaupa sér hjól.
Af þeim sökum eru færri kepp-
endur en ella.“ sagði Ragnar í
samtali við Morgunblaðið. „Svo
hefur skortur á æfingasvæði
hamlað því að menn gæti æft
sig og íslenskir moto cross öku-
menn er því ekki í góðri æfingu
á mótum.“ sagði Ragnar.
„í Svíþjóð eru 5.000 ökumenn
með keppnisskírteini i moto
cross, hér kannski 15. Samt
höfum við allar aðstæður til að
gera þessari íþrótt hátt undir
höfði. Ég held að það gæti orðið
í framtíðinni ef menn taka sam-
an höndum og eldri menn sjái
um skipulagið, t.d. gamlir moto
cross ökumenn." sagði Ragnar.
43 Sundaborg 13 -104 Reykjavík - Sími 688 588
Vaianlegar veslnr-þýskar gæðarOrur
frð BOSCH
JÓHANN ÓLAFSSON & C0. HF.