Morgunblaðið - 19.09.1990, Blaðsíða 19

MORGUNBLAÐIÐ MIÐVIKUDAGUR 19. SEPTEMBER 1990
19
Herstöðvar Bandaríkjamanna á Filippseyjum:
Efnahag'sástandið kann að
veikja samningsstöðu Aquino
Manilu. Reuter.
Reuter
Vinstri sinnaðir herstöðvaandstæðingar á Filippseyjum brenna fána
Bandaríkjanna í miðborg Manilu.
CORAZON Aquino, forseti
Filippseyja, krafðist þess á
mánudag að herlið Bandaríkja-
manna yrði flutt á brott og í
gær sagði fulltrúi George Bush
forseta að bandarísk stjórnvöld
væru reiðubúin að hefja samn-
ingaviðræður um heimkvaðn-
ingu hersveitanna í áföngum.
Bandaríkjamenn reka tvær
stórar herstöðvar á Filippseyj-
um, þær stærstu utan Banda-
ríkjanna, og hafa eyjaskeggjar
af þeim umtalsverðar tekjur.
Mikill samdráttur hefur á hinn
bóginn orðið nýlega í efna-
hagslífí Filippseyinga og kann
það að veikja samningsstöðu
ríkisstjórnar Corazon Aquino.
Við blasir að verði samninga-
viðræður hafnar um heimkvaðn-
ingu heriiðs Bandaríkjamanna og
lokun herstöðva munu þær eink-
um snúast um tvennt; tíma og
peninga. Bandaríkjamenn munu
leggja höfuðáherslu á að tryggja
að fækkað verði í herliðinu í
áföngum en Filippseyingar munu
gera hvað þeir geta til að tryggja
að hagsmuni sína á efnahagssvið-
inu. Samkvæmt núgildandi samn-
ingi, sem gerður var haustið 1988,
hafa Bandaríkjamenn skuldbund-
ið sig til að greiða 962 milljónir
Bandaríkjadala (rúma 53 millj-
arða ÍSK) vegna afnota af landi
undir herstöðvarnar. Samningur-
inn rennur út í september á næsta
ári en Filippseyingar munu tæp-
ast fá alla upphæðina greidda þar
sem samþykkt var á þingi Banda-
ríkjanna að 96 milljónum dala,
sem renna áttu til Filippseyinga,
skyldi varið til aðstoðar við ríki
Austur-Evrópu.
Efnahagskreppa
Auk þessara greiðslna hafa
Filippseyingar haft verulegan hag
af veru bandaríska herliðsins á
eyjunum. í herstöðvunum starfa
tæplega 80.000 Fiiippseyingar og
er talið að beinar tekjur eyja-
skeggja af þessu nemi um einum
milljarði Bandaríkjadala (um 56
milljörðum ÍSK) á ári hveiju. Til
samanburðar má geta þess að
heildarútflutningstekjur eyja-
skeggja árið 1989 voru 7,8 millj-
arðar Bandaríkjadala.
Nú er runnið upp samdráttar-
skeið í efnahagslífi Filippseyinga
í júlímánuði reið gríðarlegur land-
skjálfti yfir eyjarnar og olli gífur-
legu tjóni auk þess sem áhrifa
Persaflóadeilunnar er tekið að
gæta en fjölmargir Filippseyingar
störfuðu í Mið-Austurlöndum og
sendu tekjur sínar til ættmenna
sinna heima. Þúsundir þeirra hafa
nú snúið aftur, atvinnuleysi mun
að líkindum vaxa auk þess sem
hækkun á olíuverði hefur einnig
bitnað hart á Filippseyingum. Við
þetta bætist síðan að hagvöxtur
hefur ekki verið minni frá því
Corazon Aquino kom til vaída
árið 1986. Þá hefur viðskiptahall-
inn farið vaxandi en eyjaskeggjar
skulda um 26 milljarða dala er-
lendis. Sagði fyrrum efnahagsráð-
gjafi forsetans í samtali við Reut-
ers-fréttastofuna í gær að algjört
hrun blasti við yrði þegar í stað
ekki gripið til róttækra aðgerða á
efnahagssviðinu.
Dýrar áætlanir
Filippseyingar hafa uppi áform
um að nýta mannvirkin sem
Bandaríkjamenn hafa reist. Hug-
myndin er sú að breyta flotastöð-
inni við Subic-flóa þannig að þar
geti farið fram viðgerðir á skipum
og Clark-herflugstöðina, sem er
rúma 80 kílómetra frá höfuðborg-
inni Maniiu, hyggjast stjórnvöld
nýta sem alþjóðlegan flugvöli.
Sérfræðingar segja að það muni
■ kosta milljarða Bandaríkjadaia að
hrinda þessum áformum í fram-
kvæmd og benda á að andvirði
fatseigna, sem í ráði er að selja
í Manilu verði höfuðstöðvar
stjórnarhersins fluttar til Clark
eða Subic-herstöðvarinnar, muni
hvergi nærri duga til að standa
undir þeim kostnaði.
Kúvæski fáninn
aðhún
Kúvæskir íþróttamenn fylgjast
með er þjóðfáni þeirra er dreginn
að hún í Peking í gær en þar
hefjast Asíuleikarnir í íþróttum
næstu daga. Hluti fyrirhugaðra
þátttakenda frá Kúvæt er kominn
til Kína þar sem þeir voru fjarri
heimalandinu við æfingar er Irak-
ar réðust inn í Kúvæt 2. ágúst
sl. og urðu því ekki innlyksa þar.
Talið er nær öruggt að írökum
verði meinuð þátttaka í leikunum
vegna innrásarinnar.
VERDUR ÞÚ (ENNÞÁ) í
STJÓRNUNARSTÖÐU EFTIR
TVÖ EDA TÍU ÁR?
KYNNTU ÞÉR EFTIRFARANDI
VALKOSTI í LENGRA NAMI:
FJÁRMÁLANÁM, 40 klst., hefst l.okt.
MARKAÐS- OG SÖLUNÁM
60 klst., hefst 2. okt.
"PUBLIC RELATIONS" almennlngstengsl,
42 klst., hefst 30. okt.
STJÓRNANDINN OG STARFSMAÐURINN,
54 klst., hefst 15. okt.
STJÓRNUN í FRAMLEIÐSLU,
60 klst., hefst 2. okt.
STJÓRNUNARNÁM, 60 klst., hefst I. okt.
ÞRÓUN VÖRU OG ÞJÓNUSTU,
44 klst., hefst 18 sept.
Stjórnunarfélag Islands byggir ó 30 óra
reynslu og hópi þrautreyndra leiðbeinenda.
Slóðu ó þróðlnn í síma 621066
Stjórnunarfélag islands
ÁNANAUSTUM 15, 101 REYKJAVlK
Reuter
Austur-Þýskaland:
Sex ráðherrar fyrr-
um liðsmenn Stasi?
Austur-Berlín. Reuter og The Daily Telegraph.
ÞYSK dagblöð skýrðu frá því um
helgina að sex núverandi og fyrr-
verandi ráðherrar í Austur-
Þýskalandi væru grunaðir um
að hafa unnið fyrir Stasi, örygg-
islögreglu landsins í tíð kommún-
ista. Þar á meðal er Rainer Epp-
elmann, varnarmálaráðherra.
Vestur-þýska dagblaðið Bild
sagði um helgina að 68 austur-
þýskir þingmenn af 400 væru grun-
aðir um að hafa unnið fyrir Stasi
þar á meðal sex fyrrverandi eða
núverandi ráðherrar. Blaðið byggði
frásögn sína á upplýsingum frá
Werner Fischer, sem var formaður
borgaranefndar þeirrar sem fylgd-
ist með upprætingu Stasi frá því
fyrir jól þangað til kosningar voru
haldnar í mars síðastliðnum. Fis-
cher segist óánægður með hvernig
austur-þýsk’ yfirvöld hafa með-
höndlað upplýsingar um fortíð þing-
manna.
Að sögn Bild eru ráðherrarnir
sem liggja undir grun auk Eppel-
manns þeir Axel Viehweger bygg-
ingarmálaráðherra, Karl-Hermann
Steinberg umhverfismálaráðherra,
Klaus Reichenberg, starfsmaður
forsætisráðuneytisins með ráðher-
ranafnbót, Gerhard Pohl, fyrrum
efnahagsmálaráðherra, og Frank
Terpe, fyrrum ráðherra vísindar-
annsókna. Austur-þýsk dagblöð
Rainer Eppelmann
birtu svipaðar fréttir um heigina
og brást Lothar de Maiziere forsæt-
isráðherra við með því að skipa hin-
um þremur starfandi ráðherrUm að
mæta til yfirheyrslu hjá þingnefnd.
Eppelmann, Steinberg, Viehwe-
ger og Reichenberg hafa allir neitað
þessum ásökunum og fullyrða að
fortíð þeirra hafi verið rækilega
könnuð áður en þeir tóku við emb-
ætti eftir þingkosningarnar í mars.
„Ég hef þúsund prósent hreina sam-
visku. Mannorð mitt er óflekkað,"
hafði Bild eftir Reichenberg.
Talið er að 85.000 manns hafi
unnið í fullu starfi hjá Stasi á sínum
tíma en hálf milljón manna hafi auk
þess verið uppljóstrarar í hluta-
starfi.
Fulltrúaráð siálfstæðisfélaqanna
í Reykjqvík
Fundur verður í fulltrúaráði sjálfstæðisfélaganna í Reykjavík í Súlnasal Hótel
Sögu íkvöld, miðvikudag 19. september, kl. 20.30.
Dagskrá:
1. Tillaga stjórnar fulltrúaráðsins um prófkjör
vegna alþingiskosninganna ívor.
2. Ræða. Þorsteinn Pálsson, formaður
Sjálfstæðisflokksins.
3. Önnurmál.
Fundarstjóri: Vilhjálmur Þ. Vilhjálmsson, borgarfulltrúi.
Vinsamlega athugið að fundurinn er eingöngu opinn félögum í fulltrúaráði sjálf-
stæðisfélaganna.
Stjórnin.