Morgunblaðið - 29.12.1990, Qupperneq 25

MORGUNBLAÐIÐ LAUGARDAGÚR 29. DESEMBER 1990
25
á fundi með samstarfsfólki ráðherra
á hádegi á laugardag.
Tilboðið hljóðaði upp á 134 millj-
ónir kr. sem greiddar skyldu með
12 ára skuldabréfum á sjálfskuldar-
ábyrgð kaupenda eða með öðrum
tryggingum. Því var jafnframt lýst
yfir að hópurinn hyggðist safna
fleiri aðilum til þátttöku og bjóða
út a.m.k. 100 millj. kr. viðbótar-
hlutafé. Stóðu áform þeirra til að
stofna sérstakt félag um kaupin og
ná dreifðri eignaraðild að fyrirtæk-
inu.
Ásakanir
Olafur Ragnar sakar þingmenn
um að hafa lekið upplýsingum um
tölur endurskoðendanna til sam-
starfshópsins eftir fundinn á föstu-
dag svo fulltrúar hans gætu soðið
saman tilboð sem væri byggt á
þessum tölum og nefnir sérstaklega
Páll Pétursson í því sambandi.
Runólfur og félagar hans segja
hins vegar að þarna hafi ráðherra
séð sér leik á borði og sýnt eigend-
um Drafnars og Egilssíldar tilboð
samstarfshópsins svo þeir gætu
boðið betur. Róbert Guðfinnsson,
framkvæmdastjóri Þormóðs ramma
er annar aðaleigandi Egilssíldar og
stjórnarformaður fyrirtækisins.
Hann segir þessar ásakanir fráleit-
ar því tilboð Drafnars og Egilssíldar
hafi verið komið fram nokkru fyrr.
„Endurskoðandi var búinn að gera
úttekt á okkar tilboði og þeim tölum
var lekið til samstarfshópsins sem
skilaði sínu tilboði inn á laugardag-
inn 15. desember. Þessar ásakanir
ganga því engan veginn upp,“ seg-
ir hann.
Fulltrúar samstarfshópsins
kepptust áfram við að safna fleiri
þátttakendum með sínu tilboði og
sendu skeyti með 175 nöfnum í
ráðuneytið á miðvikudag en þá var
allt um garð gengið. Var-þeim til-
kynnt að búið væri að skrifa undir
kaupsamninginn og sameiningu
Þormóðs ramma, Drafnars og Eg-
ilssíldar.
Óþörf sameining?
Fulltrúar samstarfshópsins mót-
mæltu harðlega sölunni og ásaka
ráðherra fyrir að hafa komið vel
stæðu fyrirtæki í hendur tveggja
pólitískra samheija sinna í stað
þess að selja Siglfirðingum hlutinn
beint. Bæjarbúar hafi ekki áhuga á
aðild að Drafnari og Egilssíld. Hin-
ir nýju eigendur Þormóðs ramma
hafna þessu algerlega. Róbert segir
að fæstir þeirra hafi nokkru sinni
litið fjármálaráðherra augum áður
en skrifað var undir og póiitík komi
þar hvergi nærri.
Þá hefur verið deilt um mat á
stöðu Þormóðs ramma. Segja full-
trúar samstarfshópsins að
skammtímaskuldir fyrirtækisins
hafi verið miklar í vor og vanskil
mikil, þegar milliuppgjörið átti sér
stað, en staðan hafi gjörbreyst
síðari hluta ársins með samningum
við lánardrottna.
Fjármálaráðherra svarar því til
að samstarfshópurinn hafi boðið
lægri upphæð í fyrirtækið en eig-
endur Drafnar og Egilssíidar og að
heildarverðið upp á 150 milljónir
hafi verið í hæsta kanti þess mats
sem lagt var á virði hlutabréfanna
í greinargerð Endurskoðunar hf.
Þá hafi mat endurskoðenda á reikn-
ingum Drafnars og Egilssíldar sýnt
að þau hafi mjög trausta eiginljár-
stöðu og séu nánast skuldlaus fyrir-
tæki en með sameiningu við Þormóð
ramma taki eigendur þeirra mikla
áhættu því Þormóður rammi sé
stórskuldugur.
Tilboð Drafnars og Egilssíldar
hafi verið hagstæðara en tilboð
samstarfshópsins. Öflugasta at-
vinnufyrirtækið fari í hendur
heimamanna, almennt hlutafjárút-
boð fari fram og miklu hafí skipt
að Sölumiðstöð hraðfrystihúsanna
lagði fram baktryggingu fyrir kaup-
um Drafnars og Egilssíldar.
Óttar Proppé skrifar bréf
Sama dag og gengið var frá söl-
unni á Þormóði ramma sendi Óttar
Proppé, stjórnarformaður fyrirtæk-
isins, bréf til allra þeirra sem skrif-
að höfðu sig með tilboði samstarfs-
hópsins. Þar segir hann m.a.:
„Vonast er til að sem flestir Sigl-
firðingar telji það skynsamlega fjár-
festingu fyrir sjálfa sig og byggðar-
lag sitt að taka þátt í ofangreindri
hlutaijáraukningu. Eins og áður
hefur komið fram munið þið Sigl-
firðingar hafa tímabundinn for-
gangsrétt að þessu nýja hlutafé, en
vitað er að aðilar utan Sigluijarðar
hafa áhuga á þátttöku."
Runólfur Birgisson mótmælti
þessu harðlega í bréfi til Magnúsar
Péturssonar, ráðuneytisstjóra, 23.
desember. Sagði hann hörmulegt
að nafnalistar með tilboðunum skuli
hafa borist stjórnarformanni Þor-
móðs ramma sem hafi misnotað
þessar upplýsingar sem ráðuneyt-
inu hafi verið sendar sem trúnaðar-
mál.
„Við kreijumst þess, að ráðu-
neytið biðji 175 Siglfirðinga afsök-
unar,“ segir hann í bréfí sínu.
Öflugra fyrirtæki
Róbert Guðfinnsson, fram-
kvæmdastjóri, segir að nýju eigend-
urnir vilji allt til vinna að Siglfirð-
ingar sameinist um hið nýja fyrir-
tæki. Stærra og öflugra sjávarút-
vegsfyrirtæki skapi aukna atvinnu
og bæti afkomu Siglfirðinga. „Að
loknu hlutafjárútboði á Siglufirði
eygjum við þá von að koma þessu
fyrirtæki í hóp fýrirmyndarfyrir-
tækja á borð stærstu sjávarútvegs-
fyrirtæki landsins. Við munum
sækjast eftir skráningu fyrirtækis-
ins á verðbréfasölum því til stendur
að bjóða út aukið hlutafé í fram-
tíðinni og fá skráningu hjá skattin-
um. A komandi ári ætti ársveltan
að fara upp í a.m.k. 1.100 milljónir
kr.,“ segir hann.
Skorradalur:
Eldur laus í íbúðarhúsi
Grund, Skorradal.
ELDUR kviknaði í ibúðarhúsinu
í Efri-Hrepp í Skorradal um
klukkan 2 aðfaranótt 23. desem-
ber. Ikveikjan var útfrá rafmagni
og var mikil mildi að ekki hlaust
stórtjón af.
Hjónin Guðmundur Þorsteinsson
og Gyða Bergþórsdóttir voru lengur
á fótum en venjulega vegna jóla-
undirbúnings. Um kl. 2 eftir mið-
nætti fóru þau í bað áður en þau
gengu til náða. Um það bil sem þau
komu úr baðinu fór rafmagn af hluta
hússins. Guðmundur tók vasaljðs og
fór að rafmagnstöflu liússins, sem
staðsett er í bakgangi, til að athuga
livað ylli rafmagnsleysinu. Þegar
hann kom inn í ganginn þá sá hann
að reyk lagði út um rofa við hurðar-
staf og jafnframt gaus á móti honum
sterk brunalykt. Þegar hann leit upp
í loftdósina þá sá hann að þar var
bæði eldur og reykur. Hann brá
skjótt við og fór með duftslökkvi-
tæki upp á geymsluloft yfir gangin-
um og dældi úr því niður um gólf-
rifu yfir eldsupptökunum. Að því
búnu fór hann aftur niður og sá þá
að enn logaði. Þá reif hann loftplöt-
ur frá - en þær voru úr trétexi -
náði síðan í vatnsslöngu úr þvotta-
húsinu og með því að sprauta úr
henni heppnaðist loks að ráða niður-
lögum eldsins og var slökkvistarfi
lokið þegar hjálp barst frá Hvann-
eyri, en þar er staðsett deild frá
slökkviliði Borgarfjarðardala.
Þarna mátti ekki miklu muna því
loft ibúðarhússins eru öll úr timbri
og lofteinangrun er úr hefilspæni,
sem og í allri íbúðinni. Það þarf
ekki að spyija hver leikslok hefðu
orðið ef eldurinn hefði komist í þann
eldmat allan, sem hefði gerst hefðu
hjónin gengið til náða á venjulegum
tíma.
UR DAGBOK
LÖGREGLUNNAR í REYKJAVÍK:
21.-27. desember 1990
— Mikið annríki var hjá lög-
reglumönnum dagana fyrir jól.
Umferð var mikil á aðalleiðum, í
kringum stórmarkaði og verslun-
armiðstöðvar. Annríkið var því
mest fólgið í að aðstoða vegfar-
endur við að komast leiðar sinnar
eða að fylla út tjónstilkynninga-
reyðublöð. Tilkynnt var um 56
umferðaróhöpp síðustu dagana
fyrir jól. Um hátíðisdagana var
tilkynnt um 28 umferðaróhöpp.
Svo virðist sem margir ökumann-
anna hafí ekki • ekið með nægi-
legri aðgát og ekki tekið tillit til
breyttra aðstæðna síðustu dag-
ana. Af þessum 82. óhöppum voru
9 umferðarslys.
— Síðan á aðfangadag hefur
verið tilkynnt um slys á 5 gang-
andi vegfarendum, en þeir féllu
allir á hálu yfirborðinu utan dyra.
Það er því ekki síður ástæða til
að vara gangandi fólk við hálk-
unni og fara varlega.
— A aðfangadag og jóladag
veitti lögreglan fötluðu fólki að-
stoð við að komast á milli staða,
en geta má þess að slík aðstoð
er lögreglumönnum ein sú
ánægjulegasta sem veitt er.
— Dagana fyrir jól voru 22
þeirra ökumanna, sem stöðvaðir
voru í akstri, grunaðir um að vera
undir áhrifum áfengis. Enginn
þeirra hafði lent í umferðaró-
happi. Um hátíðsdaga voru „ein-
ungis“ 4 ökumenn grunaðir um
hið sama. Einn þeirra hafði lent
í umferðaróhappi.
— Fremur „léleg nýting“ var á
fangageymslunum dagana fyrir
jól og um hátíðina. Skýringarinn-
ar má sennilega að hluta til leita
til þess að áfengisverslanir voru
lokaðar á laugardeginum fyrir jól
og á aðfangadagsmorgun, en fjöl-
margir höfðu dregið innkaupin í
þeirri trú að opið yrði í verslunun-
um þessa daga. Þeir hinir sömu
fengu því tækifæri til þess að
sýna á sér betri hliðina allt þetta
tímabil með ágætum árangri.
Flestir þeir, sem lögreglan þurfti
að hafa afskipti af vegna ölvunar,
voru gestir „skemmtistaðanna“
liðna helgi.
— Tilkynnt var um 17 innbrot
og 11 þjófnaði á tímabilinu. Eitt
innbrotanna var tilkynnt skömmu
eftir miðnætti á aðfangadag. Á
föstudeginum var brotist inn í
geymslu fjölbýlishúss og stolið
þaðan matvælum til jólanna og
handtösku var stolið úr ólæstum
bíl í Skeifunni. Á laugardeginum
var t.d. brotist inn í kirkju og til-
kynnt um þjófnað af perum af
jólatrénu við Austurvöll. Á mánu-
deginum var tilkynnt um innbrot
og þjófnað á áfengi af veitinga-
stað. Á jóladag var tilkynnt um
innbrot í íþróttahús, í blómaversl-
un, á skemmtistað og í verslun. Á
annan í jólum var t.d. tilkynnt um
innbrot í bíl og á veitingastað. Á
miðvikudag voru tvö ungmenni
handtekin eftir að hafa brotist inn
í skóla í austurborginni.
— Talsvert var um að ungt fólk
væri staðið að hnupli í Hagkaup-
um í Kringlunni dagana fyrir jól.
Flest bar það fyrir sig að hlutirn-
ir, s.s. bækur, bindi, hljómplötur
o.þ.h., væru ætlaðir til jólagjafa.
— Nú eru áramótin framundan
og vill lögreglan af því tilefni
beina þeim tilmælum til fólks að
gæta varúðar við meðferð blysa
og flugelda. Þá þakkar lögreglan
samskiptin á árinu sem er að líða
og óskar landsmönnum ölium
gleðilegs nýs árs.
H
F ÁRMÚLA 11 ■ SÍMI 681500
nEIIT7 EAUD
Takmarkaður fiöldi DEUTZ-FAHR rúllubindivéla
árgerð 1991 til afgreiðslu í desember á hagstæðu
haust tilboðsverði. Hafið samband strax.
DEUTZ
FAHR
- D.P.