Morgunblaðið - 26.01.1991, Blaðsíða 5

MORGUNBLAÐIÐ LAUGARDAGUR 26. JANÚAR 1991
5
Heiðavallarsvæði í Kópavogi:
Kirkja við Víghól
og skrúðgarður
með leikvöllum
Stefnt að því að ljúka framkvæmdum inn-
an tveggja ára verði tillagan samþykkt
BÆJARSTJÓRN Kópavogs samþykkti síðastliðinn þriðjudag að leit-
að skyldi heimildar skipulagsstjórnar ríkisins til að auglýsa tillögur
um skipulag svonefnds Heiðavallarsvæðis. Annars vegar er þar um
að ræða tillögu um breytingu á staðfestu aðalskipulagi, hins vegar
tillögu um deiliskipulag fyrir svæðið. Deiliskipulagstillagan gerir
ráð fyrir að vestasti hluti svæðisins verði nánast óbreyttur, enda
er þar friðlýstur reitur um Víghól. Austan Vighólareitsins er gert
ráð fyrir lóð undir Digraneskirkju, því næst eru bílastæði og aust-
an þeirra er svæði, sem nýta á, samkvæmt tillögunni, fyrir spark-
völl, leikvöll, skrúðgarð og almennt útivistarsvæði.
Gunnar Birgisson formaður bæj-
arráðs Kópavogs sagði í samtali
við Morgunblaðið í gær, að með
þessum tillögum væri núverandi
meirihluti bæjarstjórnar að leita
lausna á lóðamálum Digranes-
kirkju, sem fram til þessa hafi ekki
náðst samstaða um, um ieið og
bætt væri úr brýnni þörf fyrir úti-
vistarsvæði og leikaðstöðu barna
austast á svæðinu, en þar hefur
enn ekki verið hróflað við landinu.
Hann kvaðst vona að hægt yrði
að ná friði meðal sóknarbarna Di-
granessóknar um tillögu þessa og
söfnuðurinn geti fengið sína kirkju
í friði við guð og menn.
Gunnar sagði stefnt að því, að
verði tillögurnar samþykktar, taki
ekki meira en tvö ár að hámarki
að vinna við svæðið og ljúka fram-
kvæmdum við það. Ef endanlegt
leyfi fæst munu byggingarfram-
kvæmdir við kirkjuna verða í hönd-
um sóknarnefndar Digraneskirkju
í samráði við bæjaryfirvöld.
Skipulagstillögurnar verða al-
menningi til sýnis á bæjarskrifstof-
um Kópavogs næstu sex vikur og
frestur til að skila athugasemdum
við þær rennur út tveimur vikum
síðar.
Tillögurnar eru unnar af bæjar-
skipulagi Kópavogs og garðyrkju-
deild. I bréfi frá garðyrkjustjóra,
Einari E. Sæmundsen, til Náttúru-
Kortið sýnir tillögu um deiliskipulag fyrir Víghólareit og Heiðavallarsvæði. Þar sem kirkjuióðin er á
kortinu er núna gata á milli Lyngheiðar að sunnan og Melaheiðar að norðan. Þar sem bílastæðin eru
á kortinu er núna knattspyrnuvöllur.
verndarráðs er lýsing á deiliskipu-
lagstillögunni. Þar segir að kirkju-
lóðin tengist friðlýstu svæði við
Víghól á svipaðan hátt og Kópa-
vogskirkjan á Borgum. „Tillagan
gerir ráð fyrir að sjálf kirkjubygg-
ingin standi fyrir utan friðlýsta
svæðið á Víghól en hluti af aðkom-
utorgi við kirkjudyr gengur hins
vegar inn á jaðar friðlýsta svæðis-
ins og aðlagist umhverfinu sem
hluti af útivistarsvæði,“ segir í
bréfinu og ennfremur er þar óskað
eftir leyfi Náttúruverndarráðs
vegna fyrirhugaðrar mannvirkja-
gerðar á jaðri svæðisins.
Á fundi umhverfisráðs Kópavogs
7. janúar síðastliðinn var lagt fram
svar Náttúruverndarráðs og segir
þar meðal annars: „Náttúruvemd-
arráð leggst ekki gegn skipulagstil-
lögunni sem dagsett er í nóvember
1990. Ráðið telur tillöguna ekki
stangast á við ákvæði friðlýsingar-
innar þar sem heimilt er að leggja
göngustíga og planta í svæðið í
þágu útivistar. Lögð er áhersla á
að hvalbökum á efri Víghólum og
umhverfi þeirra verði ekki raskað.
Byggingarsvæði verði afmarkað
þannig að ekki verði rask utan
þess, framkvæmdatíminn verði sem
stystur og vandað verði til alls frá-
gangs umhverfis mannvirki. Nátt-
úruverndarráð minnir jafnframt á
mikilvægi opinna svæða til útivistar
í þéttbýli og gildi náttúrulegs gróð-
urs þar.“
Gunnar Birgisson sagði að
áhersla yrði lögð á að Heiðavallar-
svæðið og Víghólareiturinn verði
aðlaðandi til útivistar, þar verði
lagðir göngustígar og plantað
runna- og trjágróðri til skjóls. Hann
lagði áherslu á að þessar tillögur
væru ekki endanleg afgreiðsla, ekki
hafi verið ákveðið ennþá annað en
að auglýsa þær og að fengnum
athugasemdum yrðu teknar
ákvarðanir um framkvæmdir.
A Nissan Patrol ke

Nissan Patrol árg. 1990
á 38" dekkjum við
gosstöðvar Heklu
og gott betur
Ingvar
Helgason hf.
Sævarhöföa 2
sími 91-674000
Ath. Getum pantað Nissan Patrol með blaðfjöðrum og heilum hásingum