Morgunblaðið - 06.04.1991, Page 13

7TTr'\ A
rjr
Samvinna skilar sjúklingnum
bestum árangri
Á hverju ári greinast nokkur
börn á ísiandi með sykursýki sem
er efnaskiptasjúkdómur og ólækn-
andi enn sem komið er. Langflestir
ná þó að hafa stjórn yfir þessum
sjúkdómi en það krefst góðrar sam-
vinnu sjúklings og fjölskyldu hans
við lækna og hjúkrunarfólk.
Árni V. Þórsson, læknir á barna-
deildinni, er sérfræðingur í efna-
skipta- og innkirtlasjúkdómum
barna og .hann fær til meðferðar
ásamt hjúkrunarfólki deildarinnar
flestöll sykursjúk börn á Islandi.“
Þegar barn greinist með sykursýki
hefur það óhjákvæmilega í för með
sér breytingu fyrir alla fjölskylduna/
en mestar eru auðvitað breyting-
arnar á lífi hins sykursjúka barns.
Börnin leggjast hingað inn eftir að
sjúkdómurinn hefur verið greindur
til rannsókna. Það þarf að kenna
krökkunum og oft foreldrunum að
gefa insúlín og gefa nákvæmar
upplýsingar um mataræði og ótal-
margt fleira.
Enn sem komið er kunna lækna-
vísindin engin ráð til að lækna þenn-
an sjúkdóm en framtíðarhorfur
þeirra sem hafa sjúkdóminn, sem
eru mjög bjartar, ráðast alfarið af
að ákveðnar reglur séu haldnar.
Eftir útskrift af deildinni koma
börnin í reglulegt eftirlit á stofu á
þriggja mánaða fresti þar sem
fylgst er með vexti þeirra og þroska
og breytingar gerðar á lyfjagjöf og
mataræði ef með þarf. Þjónusta við
sykursjúk börn hefur smám saman
verið að aukast að umfangi og verða
markvissari. Okkar markmið er að
halda áfram að bæta hana, meðal
annars með því að fylgjast með öll-
um nýjum rannsóknum á sjúkdómn-
um og nýjungum í meðferð sykur-
sjúkra,"-sagði Árni að lokum.
Elísabet Konráðsdóttir, hjúkr-
unarfræðingur, starfar í áhugahóp
hjúkrunarfólks um sykursýki: „Mitt
starf er bæði inni á barnadeildinni
þar sem ég hjúkra sykursjúkum
börnum, og auðvitað fleirum, en ég
vinn líka með þessi börn og fjöl-
skyldur þeirra þegar þau koma í
sitt eftirlit. Mjög oft koma upp
spurningar og vandamál sem leysa
þarf úr og samfelld fræðsla er mjög
nauðsynleg þar sem þessi hópur á
í hlut. Ný vandamál skjóta upp
kollinum, oft í tengslum við að börn-
in eru að stækka og þroskast og
góð tengsl yið þetta fólk geta oft
komið í veg fyrir vandamál. Þau
auðvelda líka fjölskyldunni að að-
lagast þeim breytingum sem fylgja
í kjölfar þessa sjúkdóms," sagði
Elísabet.
Að velja sér lífsstarf
Einn af læknum barnadeildarinn-
ar, Ólafur Gísli Jónsson, er sérfræð-
ingur í blóðsjúkdómum og krabba-
meinslækningum barna. Mörgum
stendur ógn af krabbameini og
blaðamaður Morgunblaðsins spurði
Ólaf hvað lægi að baki hans vali á
ævistarfi og sérgrein.
„Mín áform í upphafi voru að
leggja stund á lyflækningar. Síðan
átti ég kost á að vinna um tíma á
barnadeild. Segja má að þá hafi
mín framtíð verið ráðin. Börn eru
gædd svo miklum lífskrafti. Þau
eiga allt lífið framundan. Alvarleg-
um veikindum barna fylgir svo mik-
il sorg en gleðin yfir batanum er
líka þeim mun meiri. Hvað varðar
krabbamein og börn hafa lífslíkur
barna gjörbreyst á undanförnum
árum og batahorfur nú mjög góð-
ar. Þannig læknast meira en helm-
ingur þeirra barna sem fá krabba-
mein og í mörgum tegundum sjúk-
dómsins er lækning reglan en ekki
undantekning. Við stefnum að því
að öll börn með krabbamein lækn-
ist, ekki eingöngu af sjúkdómnum,
heldur geti haldið áfram að vaxa
og þroskast þrátt fyrir sjúkdóminn
og meðferðina. Börn takast á við
slíka sjúkdóma með miklu hugrekki
og æðruleysi og það er mikil lífsfyll-
ing að hjálpa þeim að ná bata,“
sagði Ólafur.
Grein: Ragnheiður Gunnarsdóttir
C\CT-A T'tT A
'MTTn<TOM
MORGUNBLAÐIÐ LAUGARDAGUR 6. APRIL 1991
Patreksfi örður:
Sænsk ungmenni í heimsókn
Patreksfirði.
I V-Bardastrandarsýslu hefur um nokkurt skeið verið starfandi
deild úr Norræna félaginu. Einn hlutinn í starfi hennar er að halda
uppi vinabæjatengslum. Það tók nokkurn tíma fyrir Patreksfjörð að
komast inn í vinabæjakeðju, þar sem jafnræði væri, hvað snertir stærð
bæjanna. En það gerðist þó fyrir um fimm árum, að Patreksfjörður
tengdist bæjunum fjórum: Vadstena í Svíþjóð, 7.000 manns, Svelvik í
Noregi, álíka margir, Bogense í Danmörku, um 4.000 manns og Naan-
tali í Finnlandi, sem er fjölmennastur með 25.000 manns. Patreksfirð-
ingar fylla reyndar varla þúsundið.
Samstarfið felst meðal annars í
heimsóknum milli bæjanna og fyrir
skömmu var tíundi bekkur Grunn-
skóla Patreksfjarðar all samnorr-
ænn. Tvö ungmenni frá Vadstena
voru hér að endurgjalda heimsókn
tveggja ungra Patreksfirðinga sem
heimsóttu Vadstena síðastliðið sum-
ar. Fyrir er í bekknum dönsk stúlka,
sem hér hefur verið í vetur sem
skiptinemi. Skandinavarnir féllu vel
að hópnum og var ekki að sjá að
tungumálaörðugleikar yllu nokkrum
vandræðum. Svíarnir sýndust vera
mjög ánægðir með dvölina. Þeir voru
sjáanlega fyrirmyndarfólk og voru
þó valin tvö, piltur og stúlka, af
handahófi úr hópi fjörutíu og
tveggja, sem sóttu um að fá að fara.
Reynt var að gera gestunum sem
mest til góða og var þeim sýnd
bæði útgerðin og fiskvinnslan. Auk
þess fóru níundi og tíundi bekkur
með þá í sundlaugarferð til Tálkna-
fjarðar þar sem einnig var kíkt á
laxeldi.
Raunar er ekki óvanalegt að út-
lendingar séu hér við skólann. Þeir
hafa þó flestir verið í kennaraliðinu.
Það á vísu ekkert skylt við vinabæja-
tengsl né heldur norrænt samstarf
að hér hafa starfað norskur, danskur
og finnskur kennari. Einnig var hér
hollenskur kennari og ekki má
gleyma þeim sem kom lengst að, en
það var kona af ættstofni maoría,
frumbyggja Nýja-Sjálands.
- Hilmar.
■ VEGNA slyss sem varð við köf-
un á Þingvöllum í janúar sl. vill
Siglingamálastofnun taka eftirfar-
andi fram. Við köfun við lágt um-
hverfishitastig er alltaf nokkur hætta
á að öndunarbúnaður kafara vinni
ekki eðlilega, vegna eðlislægrar
virkni hans og oft lttið hægt að gera
til þess að koma í veg fyrir slíkt.
Það leiðir til þess að þeim mun mikil-
vægara er að grunnþjálfun kafarans
sé góð og kafarinn æfi reglulega
neyðarviðbrögð. Vatnið í gjám á
Þingvöllum og í Þingvallavatni hefur
lágt hitastig, 3-4 gráður, og þó nokk-
urs straums gætir. Er því meiri hætta
á að öndunarbúnaður kafara vinni
þar ekki eðlilega. Með hliðsjón af
framansögðu vilja þjóðgarðsvörður á
Þingvöllum og Siglingamálastofnun
minna á þá hættu sem því fylgir að
kafa í gjám þjóðgarðsins og jafn-
framt að óheimilt er að stunda köfun
í gjám innan þjóðgarðsins á Þingvöll-
um og í vatninu fyrir landi þjóðgarðs-
ins.
NISSAN og SUBARU
STÓRBÍLASÝNINGAR UM LANDIÐ
LAUGARDAG OG SUNNUDAG 14°°-1700
Subaru Legacy 1,8 Gl 4WD skutbíll kr. 1.397.000.- stgr.
Nissan Primera 2,0 SLX stallbakur kr. 1.275.000.- stgr.
• AKUREYRI: Bifr.verkst. Siguröar Valdimarss, Óseyri 5
• ÍSAFIRÐI: ísafjarðarflugvelli
• KEFLAVÍK: B.G. Bílasalan, Grófinni 7-8
• REYÐARFIRÐI: Lykill, Búðareyri 25
• REYKJAVÍK: Ingvar Helgason hf., Sævarhöfða 2
Ingvar
Helgason hf.
Sævarhöföa 2
sími 91-674000