Morgunblaðið - 05.05.1991, Qupperneq 39

Morgunblaðið - 05.05.1991, Qupperneq 39
reer iam .3 fl MORGUNBLADIÐ iPR IHJL MJCWI GlflAJHVUOHOM SUNNÚDAGUR 5. MAÍ 1991 88 39 Guðbjörg Lillý afhendir Guðnýju Gunnsteinsdóttur ávísunina. Einnig eru á myndinni tveir af helstu máttarstólpum S^jörnuliðsins, Margrét Theodórsdóttir t.v. og Erla Rafnsdóttir t.h. LEIKLIST STJÖRNUSTULKUR Þökkuðu pent fyrir sig Stjórn Kvenfélags Garðabæjar tók þá ákvörðun fyrir nokkru að heiðra handknattleikslið kvennadeildar Stjörnunnar í Garðabæ fyrir frábæran árangur og afhenti fyrrverandi formaður kvenfélagsins Guðbjörg Lillý Vil- hjálmsdóttir fyrirliða liðsins Guðnýju Gunnsteinsdóttur ávísun upp á 100.000 krónur. Þess má geta, að þegar Kvenfé- lagið tók umrædda ákvörðun stóð einvígi Fram Og Stjörnunnar á toppi 1. deildar kvenna sem hæst, en Fram hafði sigrað Stjörnuna í úrslitaleik bikarkeppninnar. Svona eins og til að þakka fyrir tiltrúna og stuðninginn snéru Stjörnustúlkurnar taflinu við og sigruðu Fram í hreinum úrslitaleik um sigurinn í deildinni og urðu fyrsta lið Stjörnunnar til þess að vinna 1. deildar titil í flokkaíþrótt- um. NAMSKEIÐ Áhugi á starfsleikninámi kennara Undanfarna tvo vetur hefur Kennaraháskóli íslands staðið fyrir starfsleikninámskeiði meðal kennara og leiðbeinenda á ísiandi. Pétur Bjarnason fræðslustjóri Vest- fjarða eggjaði mjög vestfírska kennara til þátttöku á fyrsta nám- skeiðinu og fór það svo að af 250 kennurum á landinu sem tóku þátt voru 60 af Vestfjörðum. Upphaflega sóttu stjórnendur námskeiðanna nám í Kennarahá- skóla íslands og fóru þrír Vestfírð- ingar suður. Námið sjálft fór svo fram á ísafirði og Patreksfirði og útskrifuðust ísfirsku nemendurnir síðasta vetrardag. Um var að ræða 33 kennara og leiðbeinendur frá Grunnskóla ísafjarðar og 3 kennara og leiðbeinendur frá Grunnskóla Súðavíkur. Það er álit nemendanna að námið hafi haft mikið gildi fyrir þá til kennslu og stjórnunar, en fram kom að þeim þætti lítið metið í launum tveggja vetra nám. Það kom fram í ræðum manna á skóla- slitunum að þátttakendur skildu varla eitt orð í námslýsingunum í upphafi vegna nýyrða og að bekkj- ardeildir með yfír 20 nemendum á námskeiði voru svo erfiðar að deild- um var fjölgað og bætti það námið að mun. Það var augljós áhugi meðal þátttakenda og voru þeir á einu máli um að námið myndi bæta mjög starfemi þeirra í kennslunni og vonandi efla innra starf vestfír- skra skóla. Stjórnandi verkefnisins var Þorsteinn Sigurðsson og honum til aðstoðar Eyrún Gísladó.ttir, en á ísafirði var starfsemin í höndum Jónínu Ó. Emilsdóttur og Sigrúnar Guðmundsdóttur. - Úlfar Það brennur á mínu hjarta Mér þykir leiðinlegt hvernig verið er að fara með leikri- tið Pétur Gaut. Það er ekki skortur á aðsókn sem veldur því að sýningum er senn að ljúka, held- ur peningasjónarmið. Það er alls ekki slæm aðsókn að verkinu eins og látið hefur verið í veðri vaka í dagblöðum að undanförnu, en það er að sjá að þær fréttir hafi borist frá Þjóðleikhúsinu. Ég tel mig vera í aðstöðu til að dæma um það, því ég leik sjálfur Pétur Gaut ungan og sé út í sal. Það var slæm aðsókn á tvær sýningar, sitt hvoru megin við kosningadaginn. Ég er einnig í leikritinu „Ég er meistarinn" í Borgarleikhúsinu og það var slök aðsókn á það um svipað leyti. Ann- ars hefur alltaf vel skipaður salur mætt manni á Pétri Gaut," segir Ingvar Sigurðsson, ungur og upp- rennandi leikari sem eins og fram kemur, leikur Pétur Gaut á unga aldri í uppfærslu Þjóðleikhússins á hinu fræga verki Ibsens. En hvað á Ingvar við með því að tala um að peningar séu í spilinu? „Jú, Söngvaseiðúr er feykivinsæll og síst ætla ég að lasta það verk. Það er vel flutt, en Ieikmyndin og búningarnir og allt það eru leigð erlendis frá og Þjóðleikhúsið þarf að skila öllu dótinu út fyrir júlí. í ljósi eftirspurnar er því reynt að koma á sem flestum sýningum og m.a. er verkinu skellt á allar helg- ar. Þetta kemur niður á Pétri Gaut og það brennur á mínu hjarta, því Pétur Gautur er svo miklu betri sýning í alla staði," segir Ingvar. En getur ekki fleira spilað inn f? „Pétur Gautur er mjög dýr og hefur tekið mikinn tíma í undirbúningi. Það er afar dýrt að geyma hann í sumar og því skýtur það nokkuð skökku við að frumsýna slíkt verk er svo stutt er eftir af sýningarver- tíðinni. Nú svo eru stjóraskipti að fara fram í Leikhúsinu og Pétur Gautur er verk sem Gísli Alfreðsson vildi að sett yrði upp. Stefán Bald- ursson hefur aðrar áherslur og er ekkert nema gott um það að segja," svarar Ingvar. En hvað um þær raddir sem segja að ýmsir vilji ekki á Pétur Gaut vegna þess að tónlist griegs er ekki flutt? „Mér finnst það frekar einkennileg afstaða, því sú tónlist hefur ekki verið notuð við Pétur Gaut í árarað- ir. Sú tónlist var notuð svo ég viti' á orginal-uppsetningu í Osló á 100 ára afmæli Ibsens. Tónlist Griegs getur átt við einhverjar sýningar á Pétri Gaut, en í þessu tilviki var ekki svo," segir Ingvar og hann endurtekur að sig svíði undan því að sjá Pétur Gaut tekinn af dag- skrá eftir að hafa fundið fyrir geysi- Iega góðri svörun hjá tnörgum þeim sem séð hafa verkið... Morgunblaðið/Elnar Falur Ingvar Sigurðsson í hlutverki hins unga Péturs Gauts. Morgimblaðið/Úlfar Ágústsson Þátttakendur í starfsleikninámi Kennaraháskóla íslands frá ísafirði og Súðavík ásamt stjórnendum námsins við útskriftina í stjórnsýsluhúsinu á ísafirði síðasta vetrardag.

x

Morgunblaðið

Direct Links

Hvis du vil linke til denne avis/magasin, skal du bruge disse links:

Link til denne avis/magasin: Morgunblaðið
https://timarit.is/publication/58

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.