Morgunblaðið - 11.05.1991, Blaðsíða 16
rMORGUNBLAÐIÐ LAUGARDAGUR 11. MAÍ 1991
tM
Kirkjuslys í Kópavogi?
eftir Jón Baldur
Þorbjörnsson
Miðvikudaginn 24. apríl sl. birti
Morgunblaðið grein eftir Jónas Frí-
mannsson sem nefnist „Af hveiju
fleiri kirkjur í Kópavogi?"
Jónas, sem er i sóknarnefnd
Digranesprestakalls, færir í grein
sinni rök fyrir þvi að íbúar í Aust-
urbæ Kópavogs (Digranes- og
Hjallasókn) þurfi á sitt hvorri kirkj-
unni að halda. Getur hann þess
einnig að á síðasta ári hafi farið
fram viðræður milli þessara tveggja
safnaða um möguleika á því að
samnýta eina kirkjubyggingu, en
samkomulag ekki tekist.
Nú tilheyri ég ekki nokkurri
sóknarnefnd, er ekki sérlega trú-
rækinn og er reyndar heldur lakur
kirkjusóknari. Hins vegar hef ég
fyrir hreina tilviljun kynnst þessu
kirkjubyggingamáli nokkuð að und-
anförnu og get ekki sagt annað en
það veki áhuga leikmannsins, nógu
mikinn til að skrifa þessa blaða-
grein. Sjálfsagt skiptir einhveiju
máli í því sambandi að áður bjó ég
Digranessóknarmegin í Kópavogin-
um en bý núna — einnig fyrir tilvilj-
un — Hjallasóknarmegin. Þó er
þetta mál sem hlýtur að vekja til
umhugsunar hvern þann sem kynn-
ir sér það.
Svona horfir það við mér
Sóknarnefnd Digranessafnaðar
vill byggja kirkju vestast á Digra-
neshæðinni við svokallaðan Víghól.
Hjallasókn vill byggja sameiginlega
kirkju á sóknarmörkunum, rétt við
íþróttahús Digranesskóla og telur
að samnýting kirkju og safnaðar-
heimilis geri allt safnaðarstarf hag-
kvæmara og auðveldara, og verði
því þannig til framdráttar. Það er
hinsvegar framkvæmdahugur í
safnaðarfólki Hjallasóknar. Það
Iangar til þess að komast sem fyrst
úr sinni óþjálu aðstöðu í Digranes-
skóla og geta haldið guðsþjónustur
sínar i alvöru kirkjuhúsi. Því hefur
söfnuðurinn látið fullgera teikning-
ar af Hjallakirkju, sem yrði reyndar
staðsett á heldur óspennandi stað
að mínu mati, í miðri íbúðabyggð
með litlu rými í kring. Þetta býður
beinlínis uppá að fyrirhuguð kirkju-
bygging sökkvi í steinsteypuna allt
um kring. Hvað um það, ráðgert
er að taka fyrstu skóflustunguna
að þessari nýju kirkju á hvítasunnu-
dag næstkomandi, og ljóst er að
eftir það verður ekki aftur snúið.
Einn stór hængur er á fyrirhug-
uðum framkvæmdum Digranes-
safnaðar. Landsvæðið þar sem
byggja á kirkjuna er friðað og af
þeim orsökum og kannski öðrum
ótilgreindum hefur mikill fjöldi
mótmæla borist til bæjaryfirvalda,
einkum frá þeim sem búa í nálægð
fyrirhugaðs kirkjubyggingastaðar.
Spurningin stendur væntanlega um
það hvort það sé siðferðislega rétt
af kirkjunni í landinu að taka friðað
landsvæði undir kirkjubyggingu og
ganga í berhögg við vilja fjölda
bæjarbúa sem byggja svæðið í ná-
grenni fyrirhugaðrar kirkjubygg-
ingar.
Jón Baldur Þorbjörnsson
„En þegar landfræði-
legar aðstæður eru
skoðaðar nánar kemur
í ljós að aðeins 3-400
metrar eru á milli þess-
ara mögulegu bygging-
arstaða.“
Vitað er að af þessum orsökum
eru bæjaryfirvöld í Kópavogi mjög
tvístígandi í þessu máli og alls óvíst
að þau samþykki kirkjubygginguna
þarna við Víghólinn. Fari svo, sem
mér skilst að sé meir en hugsanleg-
ur möguleiki, hefur Digranessöfn-
uður engra annarra kosta völ en
að byggja kirkju á áðurnefndu
svæði á sóknarmörkunum við
Digranesskóla.
Af framansögðu má lesendum
þessarar greinar vera ljóst í hvað
horfir. í sjálfu sér er kannski ekk-
ert að því að reisa sitt hvora kirkj-
una utan um svo stóra söfnuði. En
þegar landfræðilegar aðstæður eru
skoðaðar nánar kemur í ljós að
aðeins 3-400 metrar eru á milli
þessara mögulegu byggingarstaða.
Er þá ekki verið að reisa tvo minnis-
varða sundurlyndis og sóunar á al-
mannafé í stað eins minnisvarða
bróðurkærleika og kristinnar sið-
fræði? Eindagi sinnaskipta er þann
19. þessa mánaðar.
Því skora ég á sóknarnefndarfólk
að leggjast undir feld á ný og kom-
ast að niðurstöðu í líkingu við þá
sem Þorgeir komst að á Alþingi
forðum, þegar hann hvatti til sam-
einingar en ekki sundrungar í mál-
efnum þjóðar og kirkju.
<%
Höfundur starfar Ujá
Bifreiðaskoðun íslands hf.
-----*-*-*----
Fágætar
ferðabækur
á uppboði
Klausturhóla
KLAUSTURHÓLAR efna til 168.
uppboðs fyrirtækisins á Lauga-
vegi 25 laugardaginn 11. maí nk.
kl. 14.00.
Seldar verða fjölmargar fágætar
bækur um margvísleg efni: íslensk
ljóð, skáldsögur, lögfræði, íslenskir
listamenn, trúmál, fornritaútgáfur
og fræðirit um íslendingasögur,
margvísleg tímarit, gömul og ný,
æviminningar og ættfræði, ferða-
og landræðirit og ýmislegt afar for-
vitnilegt.
Af einstökum bókum má t.d.
nefna hina frægu orðabók Björns
Halldórssonar, dönsk-latnesk-
íslensk (Piltur og stúlka) á ensku,
pr. í London 1889,, mjög fágæt út-
gáfa, kvæði eftir Benedikt Gröndal
Sveinbjarnarson, frumútg. Kh.
1856, Ljóð eftir Freystein Gunnars-
son 1.-2. bindi, frumútgáfan, tölu-
sett og árituð útgáfa, Tíðavísur Hjal-
talíns, pr. 1779, hin viðurkennda
ferðabók Komorowitz, frá Þýska-
landi 1912, með fjölmörgun jarð-
færðikortum.
Stórsýning i Blómovali.
Höfum opnað stórsýningu á allskonar garðhús-
gögnum. Sýnum borð, stóla og bekki í garða
sólstofur og svalir. Hér gefst gott tækifæri til að
sjá á einum stað allt það helsta sem í boði er.
NOVA sumarhúsgögnin eru stflhrein og
níðsterk, -henta sérlega vel við íslenskar
aðstæður. Þau staflast vel í geymslu.
TILBOD - TILBOÐ
NOVELLA stóll aðeins kr. 1.395.-
RAINBOW sumarhúsgögnin eru nýjung hér.
Þau eru úr sérstökum gæða harðviði sem er
viðhaldsfrír og geta húsgögnin verið úti allt árið.
yémoiral
Opið alla daga frá kl. 9 - 22. Sími 689070.
(Frcttatilkynning)