Morgunblaðið - 02.07.1991, Blaðsíða 51

MORGUNBLAÐIÐ ÞRIÐJUDAGUR 2. JÚLÍ 1991
51
Aðalfundur Skólameistarafélags Islands á Sauðárkróki:
Framkvæmd framhaldsskóla-
laga þarfnast endurskoðunar
Sauðárkróki.
UM miðjan júní var aðalfundur Skólameistarafélags Islands hald-
inn á Sauðárkróki. Megin viðfangsefni fundarins var um stjórnun
framhaldsskólans auk hefðbundinna aðalfundarstarfa. Framsögu-
erindi fluttu Jón Torfi Jónsson dósent, sem ræddi um ábyrgð
skólastjórnenda og Þór Vilhjálmsson skólameistari sem fjallaði
um framkvæmd laga um framhaldsskóla.
Fram kom á fundinum að þau
markmið sem nýleg lög mæla fyr-
ir um sjálfstæði skóla hafa í mörg-
um veigamiklum atriðum ekki náð
fram að ganga og því þyrfti að
vinna mjög að endurbótum á
framkvæmd þessara laga og
þeirra reglugerða sem þeim eru
tengd.
Ný stjórn félagsins var kjörin
á fundinum, en hana skipa: Jón
Fr. Hjartarson skólameistari, for-
maður, en aðrir í stjórn eru,
Hjálmar Árnason skólameistari
Fjölbrautaskóla Suðurnesja og
Margrét Friðriksdóttir að-
stoðarskólameistari í Mennta-
skólanum í Kópavogi. Vara-
menn í stjórn eru Gyða Jó-
hannsdóttir skólameistari Fóst-
urskóla íslands og Kristján
Thorlacius áfangastjóri Fjöl-
brautaskólans við Ármúla.
í spjalli við nýkjörinn formann
Jón Fr. Hjartarson kom fram að
höfuðverkefni nýju stjórnarinnar
verður endurskoðun á starfsemi
framhaldsskólanna og mun
stjórnin beita sér fyrir því að
starfsár skólanna verði lengt, með
samningum milli ráðuneytis og
viðkomandi kennarasamtaka,
þannig að öflugt starf fari fram
í skólunum utan hins hefðbundna
kennslutíma og telur félagið að
það sér raunar grundvöllur alls
þróunarstarfs í framhaldsskólun-
um.
Þá mun stjórnin beita sér fyrir
því að stjórnir skólanna verði
gerðar virkari, með því að vinna
að lagfæringum á ýmsum reglu-
gerðum sem um þetta fjalla svo
sem með gleggri verkaskiptingu
á milli skólanefnda, skólastjórnar
og kennarafundar, en þar eru
ýmis atriði óljós.
Einnig brenna á stjórnendum
skólanna þeir erfiðleikar sem eru
á því að fá starfsfólk að skólun-
um og eru þar kjaramálin helsti
Þrándur í Götu. .
Benti Jón Fr. Hjartarson
meðal annars á að mjög erfið-
lega gengur að fá iðnaðarmenn
til kennslu í verkgreinum svo
og viðskiptafræðinga til
kennslu í verslunargreinum og
eðlisfræði og stærðfræðikenn-
arar væru nánast ófáanlegir.
Jón sagði að lokum að stjóm-
völd þyrftu að nýta sér þá mögu-
leika sem felast í skólunum til
eflingar því þróunarstarfi sem
fram þarf að fara til þess að skóla-
starf og menntun sllaðnaði ekki.
Að þinghaldi loknu skoðuðu
fundarmenn hinn forna þingstað
í Hegranesi og síðar sigldi hluti
hópsins til Drangeyjar þar sem
Jón Fr. Hjartarson.
Kristinn Kristmundsson skóla-
meistari á Laugavatni las valda
kafla úr Grettlu, um staðai-vist
þeirra bræðra Grettis og Illuga í
eynni, en hinn hluti hópsins hélt
heim til Hola og skoðaði staðinn
og dómkirkjuna þar undir leið-
sögn heimamanna. - BB.
Ábendingar frá
LÖGREGLUNNI:
Merkingar gatnaskemmda og vinnusvæða
Lögreglan í Reykjavík og borg-
arverkfræðingur vilja hvetja verk-
taka og aðra framkvæmdaaðila í
borginni að kynna sér vel reglur
um merkingar gatnaskemmda og
vinnusvæða og haga frágangi og
merkingum samkvæmt þeim. Jafn-
framt vilja þessir sömu aðilar
hvetja ökumenn og aðra vegfarend-
ur til þess að virða þær merkingar
sem til staðar eru og haga ferð
sinni í samræmi við þær.
í reglunum segir m.a. að verk-
taki eða framkvæmdaraðili sé
ábyrgur fyrir merkingum vinnu-
svæða. Fyrir vinnu á götum og
gangstéttum þurfi framkvæmda-
leyfi lögreglu og veghaldara. Áður
en merkingar hefjist þurfi að gera
veghaldara og lögreglu viðvart.
Lögreglan skeri endanlega úr um,
hvemig vinnusvæði skuli afmarkað
og merkt. Þegar framkvæmdir
hefjist þurfi að vera búið að gahga
frá öllum merkjum. Umferðarmerki
skuli vera í samræmi við gildandi
reglugerð. Þau skuli öli vera stöð-
ug, vel sýnileg og þannig staðsett,
að starfsmönnum stafi ekki hætta
af. Merkjum skuli ávallt haldið
hreinum. Fjarlægja skuli, eða
breiða yfir með Ijósum yfirbreiðsl-
um, þau merki, sem fyrir voru við
götuna, áður en framkvæmdir hóf-
ust, ef þau gilda ekki á verktíman-
um eða gefa villandi upplýsingar
um ástand mála. Á þeim tíma sem
vinna liggur niðri, t.d. um nætur
og á frídögum, skuli taka niður,
eða hylja með ljósri yfirbreiðslu,
öll merki er varða framkvæmdina
sjálfa, en skilja eftir þau merki sem
nauðsynleg eru vegna ástands
götu. Þegar framkvæmdum er lok-
ið, og umferð er aftur óhindruð um
götuna, skuli strax fjarlægja öll
merki, sem sett voru upp á meðan
vinna stóð yfir. Ennfremur skuli
koma almennum merkingum í það
horf, sem var fyrir hendi, áður en
framkvæmdir hófust.
Lögreglan mun fylgjast náið með
að ákvæðum reglnanna verði fylgt
á famkvæmdatímabilinu.
Nemendasamband Samvinnuskólans: **
Tólfta bindi Árbókar komið út
TÓLFTA bindi Árbókar Nemendasambands Samvinnuskólans er
komið út. í henni eru birt æviágrip nemenda Samvinnuskólans sem
útskrifnðust frá 1980 til 1984. Nú er Samvinnuskólinn orðinn há-
skóli og í tilefni þessara timamóta ritar Jón Sigurðsson, fyrrver-
andi rektor, grein um tildrög þess. Einnig ritar Vésteinn Benedikts-
son, núverandi rektor, um framtíðaráætlanir skólans.
Auk æviágripa og mynda af
nemendum og fyrrnefndra greina
eru í Árbókinni kaflar úr fundar-
gerðum Skólafélags Samvinnu-
skólans frá árunum 1980-1984
ásamt fjölda mynda úr starfi Sam-
vinnuháskólans og Nemendasam-
bandsins. Ennfremur er grein eftir
Reyni Ingibjartsson um Hamra-
garða, heimili Jónasar Jónssonar
fyrsta skólastjóra Samvinnuskól-
ans, en það hefur um 20 ára skeið
verið félagsheimili Nemendasam-
bandsins og starfsmannafélaga
samvinnufyrirtækja í Reykjavík.
Einnig skrifar Kristján Eysteins-
son um störf Nemendasambands-
ins og hugmyndir um framtíðar-
starf. Ritstjóri Árbókar Nemenda-
sambandsins er Guðmundur R.
Jóhannsson.
Árbók Nemendasambands Sanv.
vinnuskóláns er 195 blaðsíður og
er hún prentuð og innbundin í
prentsmiðjunni Odda.
Skýrsla Enskilda kynnt á morgnn
SKÝRSLA Enskilda Corporate Finance um íslenska hlutabréfamark-
aðinn, ásamt tillögum um umbætur og þróun á næstunni, m.a. hlut-
verk Verðbréfaþingsins, verður lögð fram og kynnt á morgun, mið-
vikudag. Skýrslan hefur verið í vinnslu síðustu mánuði að tilstuðlan
Seðlabanka Islands, Iðnþrónarsjóðs og Verslunarráðs íslands.
Fundurinn verður í Skálanum,
Hótel Sögu og stendur frá kl.
8-9.30. Eiríkur Guðnason aðstoðar-
bankastjóri í Seðlabankanum kynn-
ir skýsluna. Síðan munu þeir Sig-
urður B. Stefánsson framkvæmda-
stjóri VÍB hf. og Þorkell Sigurlaugs-
son framkvæmdastjóri hjá Eim-
skipafélagi íslands segja álit sitt á
henni. Auk þess gefst tækifæri til
orðaskipta.
Skýrslan verður til sölu við inn-
ganginn á fundinum. Þátttöku þarf
að tilkynna fyrirfram til Verslunar-
ráðs íslands, Skrifstofu viðskipta-
lífsins.
Morgunblaðið/Hilmar Ámason
Frá lokahófi þátttakenda í starfsleikninámi kennara á suðurfjörðum
Vestfjarða.
Patreksfjörður:
Starfleikninámi lokið
Patreksfirði. # .
Kennarar á suðurfjörðum Vestfjarða létu ekki sitt eftir liggja 1
svonefndu starfsleikninámi, sem fram fór á vegum Kennaraháskóla
íslands vítt og breitt um landið.
Þetta var tveggja vetra nám und-
ir handleiðslu leiðbeinanda, Helgu
Gísladóttur, og stjórn Þorsteins Sig-
urðssonar frá KHÍ. Þorsteinn kom
sjálfur og afhenti skírteini í matar-
veislu sem nemendur héldu til að
fagna lokum. Nemendur eru raunar
allir kennarar á Barðaströnd,
Bíldudal, Tálknafirði og Patreks-
firði. Fræðslustjóri Vestfjarða, Pét-
ur Bjarnason, kom til veislunnar
ásamt Jónínu Emilsdóttur, sem
hafði umsjón með náminu hér.
Námið þótti talíast all vel og ekki
síður lokahófið eins og sjá má á
myndinni. - Hilmar.
UM FJOLL & FIRÐI
Við efnum til 9 daga hótelferðar til að upplifa margbreytileika íslenskrar náttúru,
allt frá fjöruborói og upp á reginfjöll. Meðal helstu áfanga á leiðini eru
Kaldidalur, Snæfellsnes, Breiðafjörður, Véstfirðir, ísafjarðardjúp, Strandir og Kjalvegur.
Gist verður á hótelum allar nætur. Innifalinn er morgunverður og kvöldverður daglega
og hádegisverður síðasta daginn. Leiðsögumaður er Guðmundur Guðbrandsson. Brottför 20. júlí.
Skógarhlíð 18 • 101 Reykjavík • Sími 91-25855
Telex 2049 • Bréfasími 91-625895
vU
FERÐASKRIFSJUFA
ÍSIANDS
Verð á mann í tveggja manna
herbergi er kr. 61.500,-
Ellilífeyrisþegar fá 10% afslátt.