Morgunblaðið - 10.09.1991, Blaðsíða 59

MORGUNBLAÐIÐ ÞRIÐJUDAGUR 10. SEPTEMBER 1991
59
(
t
<
Í
i
I
HELGARNAMSKEIÐ
FYRIR UNGLINGA I SKVASSI
Námskeiöíö byrjar 14. sept. n.k.
Allar nánari upplýsingar í
Veggsport - Seljavegi 2
Símar: 19011 og 619011
Allir fá gefins
skYassspaöe
og boli
Flokksstjórn Alþýðuflokksins:
Kaflar í ályktun túlk^
aðir úr samhengi
- segja flutningsmenn ályktunartillögunnar
Flutningsmenn tillögu þeirrar, sem samþykkt var á flokksstjórnar-
fundi Alþýðuflokksins á föstudagskvöld, segja að einstakar yfirlýsing-
ar í ályktuninni hafi verið notaðar til túlkunar á niðurstöðu fundarins
án samhengis við annað sem í ályktuninni segir.
í tillögunni segir meðal annars,
að flokksstjórnarfundurinn standi
heilshugar að baki forustumönnum,
ráðherrum og þingliði flokksins í
framgöngu þeirra við gerð ríkisfjár-
laga. Jafnframt er áréttað að aldrei
megi víkja frá því grundvallarstefn-
umiði flokksins, að styrkja undirstöð-
ur velferðarkerfisins og tryggja að
allir landsmenn eigi rétt til atvinnu
og menntunar, heilsugæslu og lækn-
ishjálpar án tillits til efnahags og
búsetu. Telur flokksstjórnin að skatt-
lagning fjánnagnstekna, gjaldtaka
fyrir aðgang að sameiginlegum auð-
lindum, samfara gagngerri kerfis-
breytingu á atvinnuvegunum skili
umtalsverðum tekjum í þjóðarbú svo
unnt sé að standa undir sjálfsagri
velferðarþjónustu.
í fréttatilkynningu, sem Ólína
Þorvarðardóttir borgarfulltrúi hefur
sent frá sér fyrir hönd flutnings-
manna ályktunartillögunnar, segir
að um sé að ræða ályktun sem legið
hafi fyrir í upphafi fundarins, að við-
bættri breytingartillögu sem tveir
flutningsmannanna, Olína og Guð-
mundur Árni Stefánsson, hafí borið
upp. Breytingartillagan var um að
bæta við setningu þar sem lýst er
yfir stuðningi við forustumenn, ráð-
herra og þinglið í framgöngu þeirra
við gerð ríkisfjárlaga. Áður hafi til-
laga um traustyfirlýsingu á ráðher-
rana, borin fram af Guðmundi Ein-
arssyni, verið dregin til baka.
í fréttatilkynningunni segir, að
nokkuð hafi borið á því í fjölmiðlum
að einstakar yfirlýsingar umræddrar
ályktunar hafi verið notaðar til túlk-
unar á niðurstöðu fundarins, án sam-
hengis við annað sem í
ályktuninni segi.
Haft var eftir Jóni BalcKGi
Hannibalssyni formanni Alþýðu-
flokksins í Morgunblaðinu síðastlið-
inn sunnudag að niðurstaða flokks-
stjórnarfundarins hafi því verið sú,
að forustulið flokksins hafi fengið
einróma traustyfirlýsingu.
-----♦ ♦ ♦-----
Laugagerðisskóli:
Nemendum
fækkar mjög
Borg í Miklaholishreppi.
SKÓLASETNING og kennsla
hófst í Laugagerðisskóla mánu-
daginn 9. september. Þar eru
í vetur rúmlega 60 nemendur svo
fáir hafa þeir ekki verið frá því
að skólinn tók til starfa árið 1965.
Á þessu ári verða mikil þáttaskil
í starfsemi Laugagerðisskóla því
ákvörðun hefur verið tekin um að
leggja niður heimavist skólans og
gera hann að akstursskóla, en það
er gert til reynslu eitt skólaár.
Rétt þótti að reyna þetta»skóla-
skipulag nú þar sem nemendum
fækkar mjög á þessu hausti og sú
staðreynd blasti við að aðeins þrír
nemendur í skólahverfinu eru u »
akstursleiða sem taldar eru innan
þeirra marka sem skólayfirvöld telja
leyfilegt. - Páll
Morgunblaðið/Magnús H. Magnússon
Svipmót kirkjunnar er sótt til fjallanna í nágrenninu.
Söngsveitin Fílharm-
ónía byrjar vetrarstarfíð
Messa eftir Rossini flutt næsta vor
VETRARSTARF Söngsveitar-
innar Fílharmóníu hefst 11.
september nk. Aðalverkefni
vetrarins verða messa eftir
Rossini sem flutt verður í vor
og jólatónleikar í Kristskirkju í
desember.
Ákveðið hefur verið að gangast
fyrir námskeiði til undirbúnings
og til að hvetja ungt fólk til inn-
göngu Á' kórinn. A námskeiðinu
verður kennd raddbeiting, nótna-
lestur og undirstöðuatriði í tón-
fræði. Með námskeiðinu vill Fíl-
harmónía gefa ungu fólki tæki-
færi til að kynnast kórstarfinu og
auka kunnáttu sína um leið. Radd-
prófun fer fram í lok námskeiðsins
og gefst þá þátttakendum kostur
á að ganga til liðs við kórinn.
Kórstjóri Fílharmóníu er Úlrik
Ólason og verður hann kennari á
námskeiðinu ásamt Elísabetu Erl-
ingsdóttur, óperusöngkonu og Jó-
hönnu Lövdahl. Námskeiðið hefst
miðvikudaginn 11. september kl.
20.00 og verður kennt í húsnæði
FÍH í Rauðagerði 27, sjö kvöld á
hálfum mánuði, þrjá tíma í senn.
Kórinn getur bætt við sig góðu
söngfólki, sérstaklega í karlaradd-
ir. Reglulegar æfingar hefjast síð-
an miðvikudaginn 25. september
í Melaskóla og verður æft tvisvar
í viku mánudaga og miðvikudaga
frá kl. 20.30 til kl. 22.30.
Morgunblaðið/Magnús H. Magnússon
Ný kirkja vígð í Árnes-
hreppi á Ströndum
Herra Ólafur Skúlason, biskup íslands, vígir nýju kirkjuna.
Hólmavík.
BISKUP Íslands, herra Ólafur
Skúlason, vígði á sunnudag nýja
kirkju í Árnesi i Trékyllisvík á
Ströndum.
Kirkjan sem er teiknuð af Guð-
laugi Gauta Jónssyni arkitekt er
u.þ.b. 150 fermetrar að flatar-
máli. Byggingin skiptist annars
vegar í kirkjuskipið, sem er um
100 fermetrar og tekur rúmlega
100 manns í sæti, og hins vegar
skrifstofu sóknarprests, anddyri,
fatahengi og snyrtingu.
Yfírsmiður við kirkjubygging-
una var Arinbjörn Bernharðsson
frá Norðurfirði í Árneshreppi.
Fyrirmyndin að ytra útliti húss-
ins er sótt í stórbrotna náttúrufeg-
urð svæðisins og er Reykjanes-
hyrnan sem er formfagurt fjall í
sveitinni þar helst til hliðsjónar.
Þess má geta að altari kirkjunn-
ar stendur á tveimur blágrýtissúl-
um sem teknar voru úr fjöru í
sveitinni.
Fjölmenni var við vígsluna og
voru vígslugestir á einu máli um
að vel hefði til tekist við smíði
kirkjunnar og að hér væri um ein-
staklega fallegt og hlýlegt guðs-
hús að ræða.
Auk biskups tóku sex prestar
þátt í athöfninni.
í máli formanns sóknarnefndar,
Gunnsteins Gíslasonar, kom fram
að fímm ár eru liðin frá því að
ákvörðun var tekin um smíði kirkj-
unnar og að kostnaður við smíði
hennar væri á bilinu 10-11 milljón-
ir króna. Einnig kom fram að gjaf-
ir til kirkjubyggingarinnar næmu
nú 2,4 milljónum króna, auk marg-
háttaðs stuðnings og sjálfboða-
starfs af öðru tagi.
Að vígslunni lokinni var öllum
vígslugestum boðið til veglegs
kaffisamsætis.
Þar voru mörg ávörp flutt og
söfnuðinum bárust margar ham-
ingjuóskir í tilefni dagsins.
- M.H.M.-
Opnunartími í vetur:
Opiö alla virka daga
frá kl. 9:30 - 22:00
Laugardaga 10:00 -17:00
Sunnudaga 10:00 -16:00
^ Skólafólk athugið að það er
ódýrara fyrir kl. 17:00
Leiðbeiningar fyrir byrjendur