Morgunblaðið - 19.09.1991, Blaðsíða 48
EIMSKIP
VIÐ GREIÐUM ÞÉR LEIÐ
TVÖFALDUR1. vinningur
FIMMTUDAGUR 19. SEPTEMBER 1991 VERÐ í LAUSASÖLU 100 KR.
Slökkviliðsmenn að störfum í Fischersundi í nótt.
Morgunblaðið/Árni Sæberg
Eldur í elsta
húsi Grjóta-
þorps í nótt
ELDUR kom upp í Fischersundi
1 í Gijótaþorpi skömmu eftir
miðnættið í nótt. Húsið stendur
bakvið Morgunblaðshúsið. Ekki
hefur verið búið í því undanfar-
ið. Eldur var í suðurenda húss-
ins og mikill reykur þegar
slökkviliðið kom á staðinn, en
þá höfðu vegfarendur hafið
slökkvistörf með handslökkvi-
tækjum.
Greiðlega gekk að slökkva eld-
inn. Slökkvistörfum var lokið á
um 10 mínútum, að sögn varð-
stjóra slökkviliðsins, og skemmdir
af völdum eldsins litlar. Eldur var
í fordyri hússins og herbergi þar
við hliðina. Eldsupptök eru ókunn.
Grunur leikur á að þau séu af
mannavöldum, en útigangsmenn
hafa haldið til í húsinu að undan-
förnu. Slökkviliðið stóð vakt við
húsið í nótt.
í bókinni Reykjavík, Sögustaðir
við Sund eftir Pál Líndal, segir
að húsið sé að stofni til elsta hús-
ið í Gijótaþorpi frá 1822, en það
hafi verið flutt til, stækkað og
breytt á ýmsa lund. Húsið var
kallað Kristjánshús eftir eiganda
sínum óg í því bjó um tíma Sigurð-
ur Breiðfjörð, rímnaskáld.
Kristján Ragnarsson formaður LÍÚ:
V eiðar bannaðar við Suður-
land þegar þorskurinn hrygnir
Neðansjáv-
arsprenging
í Sundahöfn
ALLAR símalínur glóðu hjá lög-
reglunni í Reykjavík rétt fyrir
átta í gærkveldi eftir öfluga
sprengingu neðansjávar sunnan
Holtabakka í Sundahöfn vegna
hafnarframkvæmda.
Sprengingin var gerð undir fargi
og lýstu áhrifin sér svipað og um
jarðskjálfta væri að ræða, því allt
nötraði á stóru svæði og varð fólk
í Kleppsholti vart við sprenginguna.
---------»_*_♦--
A-Húnavatnssýsla:
Færri en vilja
komast í smöl-
un hrossa
EKKI ER unnt að taka á móti
ölium þeim sem vilja taka þátt í
smölun hrossa á Laxárdal í Aust-
ur-Húnavatnssýslu næstkomandi
laugardag. Upphaflega var búist
við 10-15 manns.en skráðir þátt-
takendur eru nú 22 talsins.
Elíza Guðmundsdóttir, hótelstjóri
á Hótel Blönduósi, sagði að ekki
hefði verið búist við nema 10-15
manns í stóðhestasmölun sem al-
menningi hefði verið boðið upp á.
Viðtökur hefðu hins vegar verið svo
góðar að hópurinn væri nú kominn
upp í 22. Hún sagði að þurft hefði
að neita fólki vegna þess að erfitt
væri að halda saman stórum hópi.
Þátttaka í stóðhestasmöluninni
kostar 2.000 kr. og'eru þá innifalin
afnot af reiðskjóta, nesti og ferðir
til og frá upphafsstað.
------------
Vinnuslys í
Sundahöfn
Vinnuslys varð við Sundaskála 4
í Sundahöfn klukkan rúmlega 20 í
gærkvöldi. Lyftari ók á verkamann
með þeim afleiðinum að hann fót-
brotnaði. Maðurinn var fluttur á
slysadeild.
„ÞAÐ KEMUR til greina að mínu
mati að banna dragnóta- og neta-
veiðar upp við suðurströndina
meðan þorskurinn er að hrygna
þar, því hugsanlegt er að síðustu
sex þorskárgangar séu að hluta
til lélegir vegna þess að þorskur-
inn hefur ekki fengið frið til að
hrygna," segir Kristján Ragnars-
son formaður Landssambands ís-
Ienskra útvegsmanna eftir að nið-
urstöður fiskifræðinga um mis-
heppnað þorskklak í ár lágu fyrir.
„Mér líst vel á þessa hugmynd og
að þessi möguleiki verði athugað-
ur,“ segir Jakob Jakobsson for-
stjóri Hafrannsóknastofnunar.
„Við höfum verið að gera tilraunir
með að loka svæði á Selvogsbanka,
sem kallað er frímerki og loka svæð-
um, þar sem smáfiskur hefur verið
í uppvexti," segir Kristján Ragnars-
son.
Jakob Jakobsson segir að þessu
svæði hafí verið lokað á hverju ári
síðan 1976. „Við getum ekki sýnt
fram á það með tölfræðilegum hætti
að beint samband sé á milli hrygning-
arstofns og afkomendafíölda. Hrygn-
ingarstofninn hefur hins vegar verið
í minnsta lagi síðastliðinn áratug,
enda þótt komið hafi bæði köld og
hlý ár á þessu tímabili. Því fínnst
okkur ástæða til að huga að hrygn-
ingarstofninum og gá hvort það er
ekki ástæða til að prófa það að þeir
þorskar, sem eru orðnir kynþroska,
fái að hafa sín mál í næði,“ segir
Jakob.
Hann segir að það sé hins vegar
ekki gert með svokölluðu frímerki,
þar sem það sé ekki á réttum stað.
„Aðalhrygningin er miklu nær landi
eftir okkar rannsóknum. Það kemur
þó fyrir að þorskurinn hrygnir á frí-
merkinu," segir Jakob. Hann segir
að aðalhrygningin fari fram í Eyrar-
bakkabugtinni innan 5 mílna frá
ströndinni og vestur að Reykjanesi.
„Þá á ég við þá hrygningu, sem gef-
ur eitthvað af sér.“
Kristján Ragnarsson fullyrðir að
sóknin í þorskstofninn hafi verið allt-
of hörð á undanfömum árum. „Það
er ekki góður kostur að banna neta-
veiðar alfarið. Ég tel að kvótakerfið
hafi haft góð áhrif á netaveiðarnar,
því í vetur voru net tekin í land í
verulegum mæli um helgar en það
þekktist ekki áður. Ekkert veiðar-
færi hefur því bætt eins meðferð á
afla eins og netin hafa gert.
Menn hafa hins vegar alltaf hent
gömlum fiski úr netunum og það er
náttúrlega fráleitt að leyfa smábát-
um að vera með net í sjó á vetrarver-
tíð, þegar smábátarnir komast ekki
á sjó langtímum saman. Það spillir
fiski og eins er um öryggissjónarmið
að ræða. Ég vil því að netaveiðar
smábáta verði bannaðar og helgarfrí
sjómanna, sem em á netum, eiga
heldur ekki að þekkjast. Við verðum
að afnema svona vitleysu í næstu
kjarasamningum."
Harkalegar aðfarir við móttöku nýnema í MH:
Getur orðið til þess að busa-
vígslur verði baiinaðar
• •
- segir Ornólfur Thorlacius rektor
SVO virðist sem allharkalegar aðfarir hafi verið viðhafðar við „busa-
vígslu" í Menntaskólanum við Hamrahlíð í gær, sem leiddu til þess
í einhverjum tilfellum að nýnemar komu veikir heim og aðrir þorðu
ekki í skólann seinnipartinn eftir meðferðina, sem þeir fengu um
morguninn. Ornólfur Thorlacius, rektor MH, segir að hann sjái
ekki annað en busavígslur af þessu tagi verði bannaðar í framtíð-
inni ef þær eigi að ganga út á niðurlægingu nýnema og að þeir séu
beittir ofbeldi.
Að sögn móður eins nýnemans,
sem hafði samband við Morgun-
blaði^ vegna meðferðarinnar á syni
sínum, voru nýnemar látnir skríða
eftir myrkvuðum göngum úr skóla-
borðum og svörtum plastdúk og við
endann á göngunum settir inn í
lokaðan sturtuklefa, sem reyk var
dælt inn í. Sumir hóstuðu og fengu
höfuðverk og reyndu að komast
undan frekari brögðum eldri nema,
en konan sagði að sonur sinn hefði
verið settur í reykklefann í þrígang
og vinur hans fimm sinnum. Piltur-
inn kom heim veikur og var mjög
brugðið, að sögn móður hans.
Þá hefur Morgunblaðið upplýs-
ingar um að nýnemar hafí verið
neyddir til að þvo bíla eldri nem-
enda og þvoði einn til dæmis fimm
bíla. Sprautað var vatni á nýnem-
ana og einnig var skvett á þá ýmsu
matarkyns, svo sem súrmjólk og
sinnepi.
„Við gerðum okkar bezta til að
koma í veg fyrir þetta og ræddum
satt að segja við alla eldri nema á
sal í gær, þar sem mælzt var til
að þetta færi allt fram með friði
og spekt," sagði Örnólfur. „Okkur
hefur tekizt nokkuð vel nokkur síð-
ustu ár að halda þessu í böndunum.
Við höfum gert nemendum grein
fyrir því að þetta verði að ganga
almennilega því annars verði útilok-
að fyrir þá, sem á eftir koma, að
nokkur hlutur af þessu tagi verði
leyfður. Ég sé ekki annað en þetta
hljóti að verða til þess að þetta
verði bannað. Við getum ekki liðið
þetta á þessu formi. Það er hart
ef menn geta ekki tekið á móti
nýjum skólafélögum án þess að
auðmýkja þá einhvern veginn,“
sagði Örnólfur.
Benedikt Hjartarson, forseti
Nemendafélags MH, sagðist í sam-
tali við blaðið hafa haft spurnir af
því að menn hefðu gengið of langt,
án þess að hafa rökstuddar heimild-
ir fyrir því. „Það hefur verið stefn-
an hjá okkur að stöðva allt líkam-
legt ofbeldi og hefur gengið vel
undanfarnar annir. Ef eitthvað slíkt
hefur gerzt í dag er það mjög leiðin-
legt mál og þarf að fínna þá, sem
eru ábyrgir," sagði Benedikt.