Morgunblaðið - 11.12.1991, Síða 53

MORGUNBLAÐIÐ MIÐVIKUDAGUR íl. DESEMBEÉ 1991
53
Guðný Pálsdóttir
frá Nesi - Minning
Fædd 1. apríl 1899
Dáin 1. desember 1991
Það var mikið ævintýri fyrir sjö
ára stelpu úr Garðabæ að heim-
sækja hana ömmu sína í Reykjavík
fyrir þijátíu árum. Svoleiðis ferða-
lag fór maður ekki í einn síns liðs
fyrir minna en tvær nætur. Var þá
tekið á móti manni á Hávallagöt-
unni með pönnsum og malti. Þarna
var eins og annar heimur með göml-
um hefðarbrag, t.d. talaði hún
amma mín alltaf um að píska tjóm-
ann, fortó hét fortó og altan altan.
Á Hávallagötunni var viss hefð
á fimmtudagskvöldum. Þá var bara
snarl í matinn, því leikritið í útvarp-
inu lét ekki bíða eftir sér. Svo var.
sest í kringum radíóið í andagt og
ef til vill gripið í spil eða handa-
vinnu, meðan hlustað var af
áfergju.
Hún amma mín hafði þann eigin-
leika að vera jafningi, jafnaldra
allra, sama hvort þeir voru sjö ára
eða sjötugir. Færum við ammasam-
an í bæinn og ung barnsaugu sáu
einhvern, sem ekki var alveg eins
og hinir, þá sagði hún amma mín:
„Gefðu öllum eitt tækifæri, áður
en þú dæmir.“ Slík var hennar
heimspeki. Vaknaði maður snemma
á sunnudagsmorgnum var gott að
skríða upp í hjá ömmu og fá hana
til að lesa fyrir sig úr dönsku viku-
blöðunum. Hún fylgdist grannt með
dönsku konungsfjölskyldunni í
sorgum hennar og gleði. Ekki af
því að hún öfundaðist út í þetta
fólk af auðæfum þess eða ham-
ingju, heldur af því að hún fann til
samkenndar með því, eins og öllu
öðru fólki, allt niður í minnstu
smælingja. Þannig var hún amma
mín.
Ófá sumur vorum við amma að
mestu tvær einar í sumarbústaðn-
um austur í Laugardal. Hjá okkur
var ekkert til, sem hét klukka, renn-
andi vatn eða rafmagn. En dagarn-
ir voru fullir af ævintýrum og spjalli
og við höfðum nóg að bíta og
brenna. Amma var snillingur í að
búa til hluti úr nánast engu: matar-
afgangar breyttust í veislukost, úr
bandspottum voru pijónaðar eða
heklaðar bestu flíkur eða sáumaður
út púði.
Við amma brölluðum margt sam-
an, og hún kenndi mér ótrúlega
margt. Hún var mín besta vinkona.
Ég þakka fyrir öll góðu árin.
Hrafnhildur Baldursdóttir
Látin er í hárfi elli móðursystir
mín, Guðný Pálsdóttir húsfreyja í
Reykjavík, og verður hún í dag til
moldar borin. Lóa eins og hún var
ávallt kölluð fæddist í Flóagafli 1.
apríl 1899 og voru foreldrar hennar
Páll Grímsson bóndi og formaður í
Nesi í Selvogi og fyrsta kona hans
af þremur, Jónína Margrét Gísla-
dóttir frá Skúmsstöðum. Móðir
hennar lést 20. maí 1900 frá fimm
kornungum börnum, en þau voru:
Gísli, f. 8. mars 1894, d. 4. febrúar
1922, Grímheiður Elín, f. 30. sept-
ember 1895, dáin 1986, Sigurður,
f. 3. maí 1897, d. 15. september
1925, Guðný, sem minnst er með
þessum línum, og Bjarni, f. 12. maí
1900, d. 9. ágúst 1924. Onnur kona
Páls var Valgerður Hinriksdóttir frá
Ranakoti í Stokkseyrarhreppi og
eignuðust þau fimm börn: Sigurþór,
f. 21. desember 1904 og dó kom-
unguf, Jónínu Margréti, f. 4. apríl
1906, d. 2. október 1936, Kristínu,
eldri f. 29. júní 1908, d. 17. júlí
1984, Víglund Bjarna, f. 13. febrú-
ar 1912, d. 12. nóvember 1,961 og
Kristínu yngri, f. 1. desember 1913,
d. 2. maí 1983. Páll missti aðra
konu sína, Valgerði, 21. júní 1914.
Þriðja kona Páls var Anna Sveins-
dóttir á Ósi, og áttu þau tvö börn:
Pál, f. 1. október 1922 og Valgerði
Jónu, f. 5. maí 1926 og eru þau ein
á lífi af hinum stóra systkinahópi
frá Nesi. Páll bóndi féll frá 22.
apríl 1928, en Anna kona hans lést
24. október 1967.
Eftir lát móður sinnar var Guðný
kornung látin í fóstur til sæmdar-
hjónanna Guðrúnar Einarsdóttur
og Halldórs Gíslasonar snikkara frá
Eyrarbakka, sem bjuggu á Njáls-
götu 31 í Reykjavík. Þar ólst hún
upp ásamt börnum þeirra hjóna,
tveimur sonum og dótturinni
Margréti, sem giftist Magnúsi
Bergmann sjómanni og annarri
fósturdóttur, Láru Jónsdóttur, sem
giftist Gunnari Stefánssyni verk-
stjóra hjá Agli Vilhjálmssyni. Hjá
þessum hjónum naut hún góðs at-
lætis og minntist þeirra ævinlega
með hlýhug.
Guðný giftist Eiríki S. Bech verk-
smiðjustjóra 4. október 1920 og
settu þau heimili að Laufásvegi 22
af myndarbrag, en slitu samvistir.
Þau eignuðust tvö börn: Halldór,
bifreiðastjóra, f. 9. júlí 1921, sem
kvæntist Láru Þórarinsdóttur, og
eru börn þeirra Þórarinn Páll og
Guðný og barnabörn þijú, og Erla,
f. 31. maí 1923, hjúkrunarfræðing-
ur, sem er tvígift. Fyrri maður
hennar var Haraldur Gunnlaugs-
son, sem látinn er, og áttu þau einn
son, Eirík Bech. Seinni maður henn-
ar er Baldur Þórisson forstjóri og
eru börn þeirra Hrafnhildur, Þórir
og Óskar og barnabörnin átta.
Guðný giftist öðru sinni Óskari
Guðnasyni prentara frá Akureyri
16. ágúst 1942, sem síðast varverk-
stjóri í Prentsmiðjunni Leiftri, en
hann var fæddur 7. júlí 1906 og
lést 13. mars 1976. Þau voru barn-
laus, en ólu upp Eirík, dótturson
Guðnýjar, sem hún bar mikla um-
hyggju fyrir og hann reyndist þeim
sem besti sonur.
Guðný ól nær allan aldur sinn í
Reykjavík og bar þess merki í allri
framgöngu, að hún var bæjarbarn
eða eins og sagt var í dægurlaga-
textum Reykjavíkurmær. Hvar sem
hún liélt heimili var allt strokið og
snyrtilegt, og þangað var notalegt
að sækja hana heim. Hún var fríð
sýnum, félagslynd og glaðvær eins
og þær systur allar frá Nesi, en
skapmikil gat hún verið, ef henni
mislíkaði. Hún var mjög raungóð,
og þekki ég það af eigin reynslu,
og átti það ekki síst þátt í að „bindá
okkur böndum, þött aldursmunur-
inn væri mikill, og ævinlega tók
hún hlýlega á móti mér, þegar ég
birtist í dyrunum.
Eftir lát ■ manns síns og þegar
aldur tók að færast - yfir, varð
Guðnýju ýmislegt þungt undir fæti.
Hún sá eftir mörgum vinum og
kunningjum, en hún bjó mörg ár
ein á Reynimel 92. Síðan átti hún
athvarf hjá Erlu, dóttur sinni, og
manni hennar, uns hún fékk vist á
Skjóli fyrir tveimur árum, en þá var
henni farið að daprast mjög minni.
Banalega hennar varð skammvinn,
þijár vikur, og hefur hún ugglaust
verið fegin að fá hvíldina. Nú heyr-
ast ekki lengur hlátrasköll hinna
glaðværu systra frá Nesi. Guðný
frænku minni færi ég að lokum
hjartans þakkir fyrir allar velgerðir
hennar og viðmót og óska afkom-
endum hennar velfarnaðar.
Þóra Guðnadóttir
t
Þökkum auðsýnda samúð og vinarhug við fráfall
JÓHANNS JÓNSSONAR,
Hvammsgerði 1.
Sérstakar þakkir til laekna og starfsfólks deildar A-6, Borgarspítala.
Brynhildur Jónsdóttir,
Björg Jóhannsdóttir, Ólöf Jóhannsdóttir. \
t
Alúðarþakkir til allra, sem vottuðu okkur samúð og hlýhug vegna
andláts sonar okkar, bróður og mágs,
JÓNS HALLDÓRS BRAGASONAR,
Njarðvfkurbraut 13,
innri-Njarðvík.
Bragi Guðjónsson, Ásta Andersen,
Kristján Bragason,
Ágústa K. Bragadóttir, Björn Samúelsson,
Margrét Bragadóttir Wiiliams, Róbert Williams,
Einar B. Bragason, Elísa D. Bragadóttir.
t
SIGURÐUR JÓNSSON
fyrrum bifreiðastjóri,
Furugerði 1,
áður til heimilis á Leifsgötu 20,
verður jarðsunginn frá Fossvogskapellu fimmtudaginn 12. des-
ember kl. 13.30.
Aðstandendur.
t
Elskuleg fóstra okkar og systir,
JENNÝ JÓNASDÓTITR,
Lönguhlíð 3,
verður jarðsungin frá Bústaðakirkju fimmtudaginn 12. desember
kl. 13.30.
Fyrir hönd systkina og annarra vandamanna,
Svava Sveinsdóttir,
Níels Sveinsson,
Hprður Jónasson.
t
Minningarathöfn föður okkar,
JÓHANN ÞÓRÓLFSSON,
fer fram frá Fossvogskapellu kl. 10.30 í dag, miðvikudaginn
11. desember.
Útförin verður gerð frá Búðareyrarkirkju, Reyðarfirði, laugardaginn
14. desember kl. 14.00.
Þórólfur Jóhannsson,
Einar Ingi Jóhannsson.
t
Yndisleg dóttir okkar og barnabarn,
MARGRÉT GUÐMUNDSDÓTTIR,
Skólavörðustig 18,
verður jarðsett frá Lágafellskirkju i dag, miðvikudaginn 11. desem-
ber, kl. 14.00.
Þeim, sem vilja minnast hennar, er bent á Barnaspítala Hringsins.
Kristín I. Pálsdóttir, Guðmundur Karl Arnarson,
Ragnheiður Jónsdóttir, Páll Halldórsson,
Margrét Guðmundsdóttir, Örn Höskuldsson.
t
Móðir okkar, tengdamóðir, amma og langamma,
STEINUNN MAGNÚSDÓTTIR
frá Borgarnesi,
verður jarðsungin frá Fossvogskirkju föstudaginn 13. desember
kl. 13.30.
Kári Sóimundarson, Elfn Sólmundardóttir,
Þórdís Sólmundardóttir, Maríus Arthúrsson,
Sigurður Sólmundarson, Auður Guðbrandsdóttir,
Magnús Sólmundarson, Karen I. Jónsdóttir,
barnabörn og barnabarnabörn.
t
Ástkær eiginmaður minn, sonur, bróðir og mágur,
PÁLL JÓHANNSSON
frá Bolungarvík,
Hrafnhólum 6,
sem lést 5. þ.m., verður jarðsunginn frá Fossvogskapellu fimmtu-
daginn 12. desember kl. 10.30.
Ragna Finnbogadóttir, *
Jóhann Pálsson, Guðmundur Páisson,
Steinar Jóhannsson, Ingibjörg Björgvinsdóttir,
Arnfríður Aradóttir, Haukur Matthíasson.
t
Eiginmaður minn, faðir okkar, tengdafaðir, afi og langafi,
KRISTJÁN P. GUÐMUNDSSON,
Vfðilundi 23,
Akureyri,
verður jarðsunginn frá Akureyrarkirkju fimmtudaginn 12. desem-
ber kl. 13.30. Blóm eru afbeðin, en þeim sem vildu minnast hans
er bent á Krabbameinsfélag íslands.
Úrsula B. Guðmundsson
Herta Kristjánsdóttir,
Guðmundur Kristjánsson, Katrín Magnúsdóttir,
barnabörn og barnabarnabörn.
t
Faðir okkar, fósturfaðir, tengdafaðir og afi,
SIGURÐUR J. LÍNDAL,
Lækjamóti,
Víðidal,
verður jarðsunginn frá Víðidalstungukirkju laugardaginn 14. des-
ember kl. 14.00.
Farið verður frá Hópferðamiðstöðinni, Bíldshöfða, kl. 9.00.
Jónína M. Líndal,
Elín R. Líndal,
Anna Guðrún Líndal,
Sonja Hólm,
Grétar Ástvald Árnason,
Guðmundur Pálmason,
Þórir ísólfsson,
MagnúsT. Guðmundsson,
Sesselja Stefánsdóttir
og barnabörn.
t
Eiginmaður minn, faðir okkar, tengdafaðir og afi,
GÍSLI T. GUÐMUNDSSON
póstmaður,
Sólheimum 25,
Reykjavfk,
i/erður jarðsunginn frá Langholtskirkju fimmtudaginn 12. desem-
ber kl. 15.00.
Kristín S. Björnsdóttir,
Kristín Gfsladóttir, Jakob L. Kristinsson,
Örn Gíslason, Guðrún Áskelsdóttir,
Björn Gíslason, Karólína Gunnarsdóttir
og barnabörn.
I