Morgunblaðið - 12.01.1992, Blaðsíða 2

2 FRÉTTIR/INNLENT
MORGUNBLAÐIÐ SUNNUDAGUR 12. JANÚAR 1992
Uttekt OECD á
stöðu umhverfis-
mála á Islandi
AÐILDARRÍKI OECD hafa ákveðið að ráðast í reglubundið
mat á framkvæmd og stöðu umhverfismála. Akveðið var á
fundi umhverfisnefndar stofnunarinnar þann 5. og 6. desemb-
er sl. að stefna að mati eða úttekt (Country Environmental
Performance Review) á 4-6 ára fresti í hverju aðildarríki.
Uttektin, sem mun taka til allra þátta umhverfismála, hefur
það að markmiði að bæta framkvæmd og stjórnun umhverfis-
mála. Stuðst verður við staðlaða aðferð en þó tekið tillit til
sérkenna hvers lands. Arangur á sviði umhverfismála verður
metinn með tilliti til þeirra markmiða sem hvert land hefur
sett sér og þeirra alþjóðlegu skuldbindinga sem það hefur
gengist undir.
Á fundinum var jafnframt
ákveðið að gera þegar á þessu ári
tilraunaúttekt í tveimur OECD-
löndum til að leggja grunn að
þessu starfi. Átta lönd lýstu áhuga
á þessu tilraunaverkefni og urðu
dNNLENT
Ísland og Þýskaland fyrir valinu.
Framkvæmd verkefnisins mun
byggja á gagnaöflun hér heima
skv. fyrirmælum OECD og heim-
sókn matsnefndar hingað til lands
í vor eða snemma sumars.
Stefnt er að því að ljúka verkinu
fyrir fund sérfræðinganefndar
OECD 12.-14. október 1992 þar
sem gengið verður frá endanlegum
niðurstöðum og skýrslu um málið.
Umhverfisráðuneytið mun hafa
umsjón með þeim þætti verksins
sem snýr að íslenskum stjórnvöld-
um.
(F réttatilkynning)
Morgunblaðið/Ingveldur Árnadóttir
Laxaseiði bólusett
15 þúsund laxaseiði hjá ísnó i Kelduhverfi voru nýlega bólusett
gegn kýlaveiki. Um er að ræða tilraun til að vinna bug á þessum
sjúkdómi sem valdið hefur talsverðum afföllum og kostnaðar-
samri lyfjagjöf, sem rýrir gæði fisks sem slátrað er of fljótt. Gísli
Jónsson dýralæknir fisksjúkdóma á Keldum fór norður og stjóm-
aði bólusetningunni og flutti einnig erindi fyrir starfsmenn fyrir-
tækisins um fisksjúkdóma, smithættu og varnir gegn sjúkdómum.
Frumvarp um greiðslukortastarfsemi:
Verð á vörum hækkí ekki
vegna kostnaðar af kortum
SAMKVÆMT frumvarpi því um greiðslukort frá Jóni Sigurðs-
syni viðskiptaráðherra, sem nú er til skoðunar hjá þingflokkum
stjórnarflokkanna, er gert ráð fyrir því að kostnaður af
greiðslukortum falli undir venjulegt verðlagseftirlit, jafnframt
því sem kveðið er á um að eldd megi hækka vöruverð vegna
þessa kostnaðar.
„Frumvarp um greiðslukort er
nú til skoðunar hjá þingflokkum
stjómarflokkanna. Meðal nýmæla
í því fmmvarpi er tillaga um
hvemig fara skuli með kostnað
af greiðslukortum," sagði viðskipt-
aráðherra í samtali við Morg-
unblaðið.
12. grein fmmvarps til laga um
greiðslukortastarfsemi er svo-
hljóðandi: „Greiðslumiðlun með
greiðslukortum skal eigi valda al-
mennri hækkun á vömverði. Verð-
lagsráð getur ákveðið hámarks-
þóknun sem kortaútgefanda er
heimilt að krefja greiðsluviðtak-
anda um en kostnaður skal að
öðru leyti greiðast af korthöfum.
Ákvörðun um hámarksþóknun
skv. 1. mgr. verðurekki beitt nema
að notkun greiðslumiðlunar af
þessu tagi hækki sannanlega
kostnað greiðsluviðtakanda miðað
við fyrri viðskiptahætti og að ekki
tíðkist í viðkomandi grein að veita
þeim viðskiptavinum sem ekki
notfæra sér greiðslumiðlunina,
sérstakan afslátt af verði vöm eða
þjónustu.
Kortaútgefendur skulu birta
opinberlega gjaldskrár sínar ef
Verðlagsstofnun krefst þess.“
Viðskiptaráðherra sagði að
þvælt hefði verið með þetta mál í
langan tíma, en hann taldi líklegt
að framvarpið yrði lagt fram á
þessu þingi.
„Sjónarmið greiðslukortafyrir-
tækja, neytenda, smákaupmanna
og stórkaupmanna hafa togast á
í umræðum um hvert fyrirkomulag
skuli haft í þessum efnum. Hug-
myndin um hina almennu reglu
sem höfð skuli að leiðarljósi er sú
að ekki megi leggja kostnað af
greiðslukortum á hinn almenna
viðskiptavin, hvort sem hann notar
kort eður ei.
Fyrst og fremst á kostnaðurinn
að leggjast á þá sem nota kortin
— korthafana. Upphaflega var það
minnihluti, sem nú er orðinn meiri-
hluti. Það er auðvitað ekkert ann-
að en sjálfsagt sanngirnismál að
þeir sem hafa hagræði af notkun
kortanna, borgi fyrir það,“ sagði
Jón Sigurðsson, viðskiptaráðherra.
Dansleikjum framhaldsskóla
ljúki fyrr - óánægja nemenda
DANSLEIKJUM framhaldsskóla í Reykjavík skal framvegis
lokið klukkan eitt eftir miðnætti nema í undantekningartilfell-
um, í samræmi við reglugerð um skemmtanahald. Áður stóðu
dansleikir almennt til klukkan tvö. í reglugerðinni er lögreglu-
stjóra heimilað að veita undanþágu til klukkan tvö, en hin síð-
ari ár hefur það þróast svo að undanþágan var orðin að reglu,
að sögn Ómars Smára Ármannssonar, aðstoðaryfirlögreglu-
þjóns.
„Þetta hefur einfaldlega venð
öfugþróun sem við viljum snúa
við,“ sagði Ómar. „Reglurnar em
skýrar, og þetta er aðeins átak
í að framfylgja þeim.“ Hann
sagði að áfram yrðu veittar
undanþágur, en aðeins ef um
væri að ræða árs- eða afmælis-
hátíðir.
„Það má sjálfsagt rökræða
endalaust hvað vinnst með einum
klukkutíma," sagði Ómar. „Við
gemm okkur hins vegar vonir
um að þetta muni stuðla að því
að fólk mæti fyrr, hætti fyrr,
skemmtanimar fari betur fram,
það dragi úr áfenglsneyslu og
fólk sé almennt betur fyrir kallað
daginn eftir, en flest böllin em
á virkum dögum og skóli daginn
eftir,“ sagði hann.
Forsvarsmenn tveggja nem-
endafélaga voru inntir álits á til-
höguninni. Dagur Eggertsson,
inspector scolae Menntaskólans
í Reykjavík, varð fyrstur fyrir
svömm. „Á fundi sem ég og
konrektor Menntaskólans áttum
með Ómari Smára á miðvikudag
var hljóðið þannig að mér skild-
ist að ekki yrði tekið mjög stíft
á þessum reglum, svo fremi sem
engin sérstök efni væm til,“
sagði hann. „Síðan virðist hafa
komið fram stífara viðhorf, og
ef sú verður raunin þykir mér
þetta bæði skrýtið og alvarlegt
mál. Þessu má líkja við að stytta
útsendingartíma sjónvarps um
klukkustund á kvöldin og bera
því við að hann hafi lengst á
daginn." Dagur segir að illkleift
verði að standa fyrir dansleikjum
ef þeir megi aðeins standa til
klukkan eitt eftir miðnætti.
Húsaleiga skemmtistaða væri
því sem næst sú sama, en tekjur
af miðasölu myndu stórminnka.
Hann benti einnig á að tilhögun-
in myndi stuðla að því að
skemmtanir menntaskólanema
færðust í auknum mæli yfir á
helgar, ef böllin, sem haldin eru
á virkum dögum, legðust af. Það
ylli yæntanlega tilheyrandi álagi
á löggæslustörf í miðbænum.
Benedikt Hjartarson, formaður
Nemendafélags Menntaskólans
við Hamrahlíð, tók í sama streng.
„Fyrirsjáanlegar afleiðingar af
þessu verða fyrst og fremst að
það verður erfiðara að fá fólk
til að koma á dansleikina," sagði
hann. „Þetta er eiginlega alveg
út í hött, því ég efa að það muni
hafa nein áhrif á hvernig
skemmtanimar fara fram að
öðm leyti.“
*
EFNI
Heilbrigðiskerfið und-
ir hnífnum
► Sjúklingar spara ríkinu milljarða
með því að greiða hærri gjöld fyr-
ir lyf, læknisþjónustu og sitthvað
fleira varðandi heilsugæsluna. 10
Skuggi Stalíns
►í þessum þætti greinaflokksins
um hrun Sovétríkjanna segir frá
ógnarstjóm Stalíns og hreinsunun-
um á fjórða áratugnum. /12
Af hverju játar sak-
laust fólk á sig glæpi?
►Dr. Gísli Guðjónsson yfirréttar-
sálfræðingur við Lundúnaháskóla
vann að Guildford og Birmingham
málunum. í síðasta mánuði réð
vitnisburður hans úrslitum í sögu-
legu dómsmáli. /16
Á raunvísindastofnun
er NMR tæki sem er
ómissandi rannsókna-
tæki í efnafræði í dag
►Um Nóbelsverðlaunin í efna-
fræði 1991 eftir Sigríði Jónsdótt-
ur. /18
Unglingar - þunglyndi
og sjálfsmorðstil-
hneigingar
►Nokkur atriði sem geta bent til
þess að unglingur þjáist af þung-
lyndi, eftirKolbrúnu Baldursdótt-
ur. /18
Bheimili/
FASTEIGNIR
► 1-24
Fateignamarkaðurinn
í byrjun árs
►Rætt við fasteignasala á höfuð-
borgarsvæðinu. /12
Þeir elskuðu að hata
hann
►Forpokaður íhaldsmaður og ba-
neitraður penni, segja menn um
Indriða G. Þorsteinsson rithöfund
og fyrrverandi ritstjóra Tímans. 1
Blóðsugur, hellelúja
og amen
►Þegar gengi íslensku krónunnar
forðaði líkamsárás á Jamaica. /8
Hvað segja stjörnurn-
ar
►Stjömuspádómurársins 1992.
/10
JFK - Hver myrti
Kennedy forseta
►Rúmlega aldarfjórðungur er nú
liðinn frá morðinu á John F.
Kennedy, Bandaríkjaforseta. í
kvikmynd sinni JFK fjallar leik-
stjórinn Oliver Stone um morðið
og hefur myndin vakið umtal og
deilur./8
Sveiflan er kjarninn
►- segir Stefán S. Stefánsson,
höfundur fyrsta íslenska stórsveit-
arverksins á erlendum hljómdiski.
/14
FASTIR ÞÆTTIR
Fréttir 1/2/4/6/bak
Dagbók 8
Hugvekja 9
Leiðari 20
Helgispjall 20
Reykjavíkurbréf 20
Minningar 22-23-24
Fólk í fréttum 34
Útvarp/sjónvarp 36
Mannlífsstr. 6c
Fjölmiðlar 18c
Kvikmyndir 20c
Dægurtónlist 22c
Myndasögur 24c
Brids 24c
Stjömuspá 24c
Skák 24c
Bíó/dans 25c-26c-27c
A fömum vegi 28c
Velvakandi 28c
Samsafnið 30c
INNLENDAR FRÉTTIR:
2-6-BAK
ERLENDAR FRÉTTIR:
1-4