Morgunblaðið - 26.03.1992, Blaðsíða 51

MORGUNBLAÐIÐ
IÞROTTIR FIMMTUDAGUR
26. MARZ 1992
51
HANDKNATTLEIKUR / B-KEPPNIN
Leikum til
sigurs
„VIÐ MÆTUM til leiks gegn
Dönum til að vinna, en með
því hugarfari förum við í alla
leiki. Við förum ekki til að vinna
fyrir íslendinga, heldur okkur
sjálfa,“ sagði Gunnar Petter-
sen, þjálfari Norðmanna, sem
tryggðu sér rétt til að leika í
HM í Svíþjóð 1993 með því að
vinna Pólverja stórt, 28:23.
Gunnar sagðist gera smávægi-
legar breytingar á liði sínu,
en hann sagðist þó ekki hvíla leik-
mennina sem leika í Þýskalandi,
Rune Erland, Roger Kjendalen og
Havan Östein, sem áttu stórleik
gegn Pólveijum.
„Það hefur verið heppni með
okkur hér í Austurríki. Leikur ís-
lands og Danmerkur var geysilega
mikill baráttuleikur, þar sem mark-
verðir léku aðalhlutverkið. Sérstak-
lega var markvörður Dana góður.
íslendingar eiga að vinna ísraels-
menn, en þeir geta þó lent í erfið-
leikum með þá,“ sagði Gunnar Pett-
ersen.
Óheppni
- sagði Geir Sveinsson
„ÞAÐ Á ekki af okkur að ganga
hér í Austurríki. Það er eins og við
viljum fara lengri leiðina að settu tak-
marki - heimsmeistarakeppninni í
Svíþjóð," sagði Geir Sveinsson, fyrir-
liði Islendinga. „Við höfum verið ótrú-
lega óheppnir.
Að fá á sig svona mark í lokin er
lýsandi dæmi um að það er engin
heppni með okkúr. Þetta var erfiður
leikur og kostaði mikla vinnu og orku.
Það var svo mikil keyrsla að við náðum
ekki að byija að leika leikkerfi — sókn-
imar voru svo stuttar, að við vorum
eins og borðtenniskúlur fram og aftur
völlinn.
Það eina sem við getum gert er að
ljúka okkar dæmi. Við getum ekki
treyst á Norðmenn. Þeir eru ömggir
um að leika til úrslita í Vín og koma
eflaust til með að spara sína leikmenn
eins mikið og þeir geta fyrir úrslitaá-
tökin. Það er eðlilegt og það hefðum
við gert í sömu stöðu. Það er ekki
hægt að skella skuldinni á einn leik-
mann hvernig fór - við náðum okkur
hreinlega ekki á strik. Spennan var
mikil í byijun og hún minnkaði ekki
þegar á leikinn leið,“ sagði Geir og
bætti við að ekki mætti afskrifa far-
seðilinn til HM í Svíþjóð þó að aðeins
hafi náðst jafntefli gegn Dönum.
„Við vitum að ísraelsmenn verða
erfiðir og því verðum við að taka þá
refsingu út að fara „Krísuvíkurleiðina"
til Keflavíkur.
39 % sóknamýting
íslenska liðið náði 39% sóknarnýtingu úr leikn-
um í gærkvöldi - skoruðu 16 mörk úr 41 sókn.
Átta mörk voru skoruð úr 22 sóknum í fyrri
hálfleik, sem er 36% sóknarnýting. í seinni
hálfleik var nýtingin 42% og þá voru skoruð
8 mörk úr 19 sóknum.
Sjö mörk voru gerð með langskotum, þijú
af línu, tvö eftir gegnumbrot, tvö úr hornum,
eitt eftir hraðaupphlaup og eitt úr víti.
Reuter
Héðinn Gilsson reynir að skora gegn Dönum í gærkvöldi. Erik Veje Rasmussen er til varnar vinstra megin, en Flemm-
ing Hansen virðist vera of seinn.
er eina orðið yfir leik Islendinga gegn Dönum
ÞAÐ var lítil sem engin hugsun á bak við leik íslenska landsliðs-
ins gegn Dönum hér í Innsbruck. Sjaldan ef aldrei hef ég orðið
vitni að óskipulegri leik, þar sem leikmenn hreinlega tróðu sér
fram fyrir hvern annan til að skjóta í danska markvörðinn, eða
ofan á höfuðið á varnarmönnum Dana. Knötturinn gekk varla á
milli tveggja leikmanna áður en hnoð einstakra leikmanna hófst
- það átti greinilega að skora sem flest mörk í einu skoti. Það
er ekki hægt að ná nema einu marki í einu í handknattleik, en
aftur á móti geta menn leyft sér það að leika sér að skjóta kúl-
unni á milli marga hnappa í kúluspili og setja nýtt stigamet. Það
var ekki sett nema eitt met í gærkvöldi í „spilavítinu" í Innsbruck
- met í „skotræpu" og óvönduðum vinnubrögðum.
And- og viljaleysi leikmanna ís-
lands var með eindæmum.
Ef ég væri landsliðsþjálfari hefðu
margir leikmenn
mínir fengið farseð-
ilinn aðeins aðra
leiðina - beint útúr
landsliðinu og enga
leið inn í það aftur. Margreyndir
leikmenn gerðu sig seka um svo
mörg mistök, að það var með ólík-
indum. Þeir hugsuðu ekki um að
bijóta leikinn upp með félögum sín-
SigmundurÓ.
Steinarsson
skrifarfrá
Innsbruck
Draumamarkið
Eg á eftir að muna eftir þessu marki alla mína ævi - þetta var drauma-
markið. Ég er varla búinn að átta mig á því hvernig þetta var
hægt,“ sagði Michael Fenger, leikmaðurinn snaggaralegi sem jafnaði,
16:16, fyrir Dani.
„Markvörður okkar kastaði knettinum langt fram völlinn. Tveir íslend-
ingar voru á vegi knattarins - sá fyrri reyndi að grípa knöttinn, en
snerti hann aðeins þennig að sá seinni náði ekki að handfjatla knöttinn.
Ég tók við honum á ferð og hreinlega kastaði honum áfram - ég sá
hann síðan lenda í netinu. Þetta var ótrúlegt,“ sagði Fenger, fyrirliði
Dana, sem var í sjöunda himni eftir leikinn. Markið var hans eina í leikn-
um og eflaust það mikilvægasta á ferli hans. Hann er 30 ára og leikur
með HIK í Kaupmannahöfn.
Island - Danmörk
16:16
Ólympluhöllin l Innsbruck, B-keppnin f handknattleik, miðvikudaginn 25. mars 1992.
Gangur leiksins: 0:1, 2:3, 4:4, 7:4, 8:5, 9:6, 9:8, 10:9, 10:11, 11:13, 12:13, 13:14,
14:14, 15:15, 16:15, 16:16.
Ísland: Bjarni Sigurðsson 4, Sigurður Bjarnason 3, Konráð Olavson 3, Sigurður
Sveinsson 3/1, Geir Sveinsson 1, Gunnar Gunnarsson 1, Héðinn Gilsson 1, Birgir
Sigurðsson, Júlíus Jónasson, Kristján Arason.
Varin skot: Guðmundur Hrafnkelsson 16 (þar af 7 sem fóru aftur til mótheija).
Bergsveinn Bergsveinsson.
Utan vallar: 14 mínútur.
Mörk Dana: Jan Jörgensen (nr. 17) 5, Erik Veje Rasmussen (nr.4) 5/3, Lars Lundby
(nr.9) 2, John Jakobsen (nr.3) 2, Michael Fenger (nr.ll) 1, Kim Jensen (nr.7) 1.
Varin skot: Christian Stadil 14, John Iversen 1/1.
Utan vallar: 14 mínútur.
Áhorfendur: Um 1.000.
Dómarar: Thomas og Thomas frá Þýskalandi.
um, heldur var reynt að vaða yfir
leikmenn Dana upp á eigin spýtur
- sem kallaði á ekkert annað en
ruðning. Leikmennirnir þóttust ekki
sjá ástæðu til að fara í röðina til
að fá farseðilinn, heldur átti að
ryðjast fram fyrir hana með gassa-
gangi. Að þurfa að sætta sig við
jafntefii gegn afspyrnulélegu
dönsku landsliði er óþolandi.
Fyrr í keppninni var mönnum
tíðrætt um að spara ætti leikkerfi
þar til síðar. Hvaða leikkerfi voru
spöruð? Ég sá ekki nema tvær leik-
fléttur hér í Innsbruck í gærkvöldi.
Þá fyrri þegar Bjarki Sigurðsson
kom út úr horninu - skaust fram
fyrir miðja vörn Dana og skoraði
með góðu skoti. Siðan sá ég næstu
fléttu - þegar Bja'rki kom sömu
leið - en í stað þess að skjóta sjálf-
ur gaf hann knöttinn inn á línuna
til Geirs Sveinssonar, sem jafnaði,
15:15. Bjarki kom síðan íslenska
liðinu í annað skiptið í leiknum yf-
ir, 16:15, úr hraðaupphlaupi þegar
48 sek. voru til leiksloka. Guðmund-
ur Hrafnkelsson, besti leikmaður
liðsins, ásamt Bjarka, varði skot
þegar 10 sek. voru til leiksloka, en
síðan fór Konráð Olavson í hraða-
upphlaup og lét verja skot frá sér
í stöng þegar sjö sek. voru til leiks-
loka. Danski markvörðurinn kastaði
knettinum fram og Danir jöfnuðu,
16:16, á síðustu sekúndu leiksins.
Eftir leikinn veltu menn því fyrir
sér hvað Konráð átti að gera og
voru skiptar skoðanir um það:
1. Hann átti að fara sér í engu
óðslega og halda knettinum þar til
tíminn rann út.
2. Hann átti að líta á klukkuna og
kasta knettinum upp í áhorfenda-
bekki.
3. Hann átti að hlaupa fram og
leggja knöttinn niður á völlinn.
Menn geta velt öllum þessum
þremur atriðum fyrir sér til ævi-
loka, en ég er á þeirri skoðun að
Konráð hafí gert rétt. Hver keppnis-
maður vill gulltryggja sigur sinn
og til þess að gera það þurfa þeir
að horfa fram á við. Það var óheppni
Konráðs að markvörðurinn varði
skot hans í stöng og fékk knöttinn
fljótt aftur. Ef Konráð hefði skotið
framhjá hefðu Danir ekki skorað.
Ef markvörðurinn hefði varið knött-
inn þannig að hann hefði farið út
fyrir hliðarlínu, hefðu Danir ekki
skorað og þá má ekki gleyma því
að hefði Konráð skorað hefði hann
ekki verið „sökudólgur" - heldur
hetja.
Konráð, Bjarki og Guðmundur
Hrafnkelsson voru bestu leikmenn
íslands. Aðrir leikmenn og ekki síst
þjálfari íslenska liðsins fá ekki háa
einkunn að þessu sinni. Vonandi
standast þeir næsta próf. Það verð-
ur gegn ísraelsmönnum á morgun.
KANIOWSKI, þjálfari Pól-
verja, hrósaði Norðmönnum í
hástert eftir leik þeirra í gær og
sagðist vera viss um að þeir gerðu
góða hluti á HM í Svíþjóð.
■ GUNNAR Petterson, þjálfari
Norðmanna, sagðist vera ánægður
með sigurinn gegn Pólveijum. „Við
höfum aðeins unnið þá fimm sinn- *
um í 22 leikjum.“
■ TERJE Anthonsen, fyrrum
milliríkjadómari og aðaífararstjóri
norska liðsins, benti á að Noregur
hefði leikið fimm sinnum undir
stjórn Gunnars gegn Pólveijum og
ekki tapað leik - gert tvö jafntefli
og unnið þrisvar.
MSIGURÐUR Sveinsson og
Bergsveinn Bergsveinsson fóru í
lyfjapróf eftir leikinn gegn Dönum
í gærkvöldi.
MKONRÁÐ Olavson skoraði |
1.200 markið sem íslendingar hafa
skorað gegn Dönum - hann skor-
aði markið af línu.
■ ÍSLENDINGAR og Danir hafa
aðeins gert sjö jafntefli í 63 viður-
eignum sínum.
■ FJÖLGAÐ hefur í hópi ís-
lensku stuðningsmannanna hér í
Innsbruck. Það eru leikmenn
Stjörnunnar og hópur skíðamanna,
sem koma frá Mayrhofen í hinum
fallega Zillerdal.
■ HVÍLD verður hjá landsliðs-
hópnum í dag, en í kvöld fer hópur-
inn í matarveislu hjá borgarstjórn-
inni í Innsbruck. Þar koma sex
landsliðshópar saman ásamt forr-
áðamönnum, þeim sem sjá um
framkvæmd hér og fréttamönnum.
■ ÞETTA er greinilega skauta-
höll — það er svo kalt hér inni,“
sagði Einar Þorvarðarsson, að-
stoðarlandsliðsþjálfari, um dvöl sína
í Ólympíuhöllinni í Innsbruck.
■ HER í höllinni fer næsta heims-
meistaramót í íshokkí fram. Höllin
tekur 9.000 manns í sæti, en á leikj-
um hér hafa verið um 1.000 áhorf-
endur.
Ævintýrín gerast enn
- sagði Anders Dahl-Nielsen, þjálfari DanaJ
„ÞAÐ ER óhætt að segja að
ævintýrin gerast enn. Þetta var
geysilegur baráttuleikur þar
sem leikmenn beggja liða vildu
standa uppi sem sigurvegarar.
Endirinn var sögulegur og við
höldum enn í vonina um að
komast tii Svíþjóðar," sagði
Anders Dahl-Nielsen, þjálfari
Dana.
Við vorum yfir undir lokin, síðan
jöfnuðu íslendingar og kom-
ust yfir, en við jöfnuðum síðan aft-
ur með hreint ótrúlegu - já, ævin-
týralegu marki. Þetta var sárabót
fyrir okkur eftir að hafa misst leik-
inn niður.“
- Hveijir eru möguleikar Dana
að komast til Svíþjóðar?
„Eins og staðan er í dag erum
við með tvö mörk í plús á íslend-
inga og með fimm stig. Við þurfum
að leggja Norðmenn að velli til að
gulltryggja okkur, en það verður
erfitt. Þeir eru með mjög gott lið
sem erfitt er að slá út af laginu.
Þegar við mætum þeim verða ís-
lendingar búnir að leika gegn ísra-
elsmönnum og þá sjáum við hvar
við stöndum. Þeð getur því orðið
geysileg pressa á okkur og leikurinn
gegn Norðmönnum þróast upp í það
að verða baráttuleikur eins og gegn
íslendingum. Það er ekkert hægt
að segja um getu manna í þannig
baráttuleikjum, heldur hveijir eru
heppnari þegar upp verður staðið.“
- Hvaða möguleika eiga íslend-
ingar gegn ísraelsmönnum?
„Þeir eru góðir og það má aldrei
afskrifa íslendinga. Þeir eru þekkt-
ir baráttumenn og þegar mikið ligg-
ur við eru þeir óútreiknanlegir. Það
þekki ég vel frá því að ég lék og
þjálfaði á íslandi.
Við verðum að sjá og bíða eftir
hvað íslendingar gera, áður en við
gerum okkur klára í leikinn gegn
Norðmönnum. Nei, Norðmenn slaka
ekkert á þó að þeir séu komnir í
úrslit. Þeir reyna að halda upp-
sveiflu sinni áfram,“ sagði Anders
Dahl-Nilsen.