Morgunblaðið - 05.06.1992, Blaðsíða 31
MORGUNBLAÐIÐ FÖSTUDAGUR 5. JÚNÍ 1992
31
Þórsmerk-
urferðir fyr-
ir unglinga
UNGLINGUM á aldrinum 13-15
ára gefst í þessum mánuði kostur
á fimm daga ferð í Þórsmörk á
vegum Ungmennahreyfingar
Rauða kross Islands. Þetta er
nokkurs konar námskeið þar sem
unnið er við landgræðslu og frætt
um mannúðarhugsjónir Rauða
krossins. Fyrri hluta dagsins er
unnið við gróðursetningu, síðdegis
farið í gönguferðir og á kvöldin
eru uppákomur og umræður.
Farið er á mánudegi og komið til
baka á föstudagskvöldi. Ekki er enn
fullbókað í allar ferðirnar en í hvern
hóp komast 20 unglingar. Fjórir leið-
beinendur sem sótt hafa skyndihjálp-
arnámskeið og sérstakt leiðbein-
endanámskeið hafa umsjón með hóp-
unum. Auk þess verður leiðbeinandi
frá Landgræðslunni.
Síðastliðið sumar voru samskonar
námskeið haldin og eru þau liður í
að græða upp Þórsmörkina og
stöðva gróðureyðingu. Þetta er sam-
vinnuverkefni RKÍ, Landgræðslunn-
ar, Skógræktar ríkisins og Ferðafé-
lags íslands. Skráning í Þórsmerkur-
ferðirnar er á skrifstofu RKI.
Félagar í Myndlistarklúbbi Seltjarnarness.
Seltjarnames:
Myndlistarklúbbur opnar sýningu
MYNDLISTARKLÚBBUR Sel-
tjarnarness opnar málverka-
sýningu laugardaginn 6. júní í
tilefni af að 20 ár eru liðin frá
því að fyrsta sýningin var hald-
in. Klúbburinn var stofnaður
haustið 1971 af áhugafólki á
Nesinu sem fékkst við að mála
í frístundum.
Margir góðir kennarar leið-
beindu klúbbfélögum fyrstu árin.
Margir hafa aflað sér frekari
þekkingar á myndlist hér heima
og erlendis.
Aðgangur er ókeypis. Opnunar-
tími um helgar er frá kl. 14 til
22 en virka daga frá kl. 17 til
22. Sýningunni lýkur 17. júní.
Amar Herbertsson
sýnir í Listmunahúsinu
í HINUM nýju sýningarsölum í Listmunahúsinu í Hafnarhúsinu við
Tryggvagötu opnar Arnar Herbertsson listmálari sýningu á 14 nýjum
olíumálverkum. Myndirnar er allar málaðar á þessu og síðasta ári.
Arnar fæddist 1933 á Siglufirði
og stundaði nám við Myndlistarskól-
ann í Reykjavík 1959 til 1967. Hann
hefur haldið nokkrar einkasýningar
og tekið þátt í fjölda samsýninga á
tímabilinu 1965 til 1990.
Arnar hóf listamannsferil sinn á
sjöunda áratugnum með SÚM-hópn-
um en á þeim tíma voru í honum
frumheijar í íslenskri myndlist, sem
vöktu hrifningu listvina og hneyksl-
uðu marga góða borgara með list
sinni og uppákomum. í dag eru
margir súmmarar meðal virtustu list-
amanna þjóðarinnar.
Sýningin opnar laugardaginn 6.
júní og stendur út júnímánuð og eru
verkin til sölu.
Listmunahúsið opnar sama dag
sölugallerí á annarri hæð í Hafnar-
húsinu í tengslum við sýningarsalinn
á fyrstu hæð. Þar verða til sölu verk
nokkurra fremstu samtímalista-
manna okkar og listunnendum gefst
kostur á því að kynna sér verk þeirra
og jafnframt að hitta listamennina
ef svo ber undir.
(Úr fréttatilkynningu.)
Arnar Herbertsson við eitt verka sinna.
Norræn menn-
ingarhátíð í
Greifswald
NORRÆN menningarhátíð var
haldin í Greifswald í Norður-
Þýskalandi dagana 20.-24. maí.
Norrænustofnunin við háskólann
í Greifswald átti veg og vanda að
hátíðinni. Skáld og listamenn frá
öllum Norðurlöndum lásu úr verk-
um sínum, settu upp sýningar og
fluttu tónlist.
Fulltrúar íslands á hátíðinni voru
rithöfundarnir Steinunn Sigurðar-
dóttir og Böðvar Guðmundsson sem
lásu ljóð og smásögur. Rúnar Þóris-
son hljómlistarmaður lék klassíska
gítartónlist og 25 manna blandaður
kór íslendingafélagsins í Lundi í
Svíþjóð söng á tvennum tónleikum
íslensk lög við ljóð ýmissa íslenskra
höfunda undir stjórn Rúnars Þóris-
sonar. Tónleikar íslendingakórsins
voru hljóðritaðir og útvarpað í lands-
hlutaútvarpi norðurþýska lýðveldis-
ins Mecklenburg-Vorpommem.
-----» ♦ ♦-----
Glerskúlp-
túrar í Eden
MARGO Renner mun halda
glerskúltúrs sýningu í Eden,
Hveragerði yfir hvítasunnuhelg-
ina, fös. 5. til og með mán. 8. júni nk.
Á sýningunni gefst gestum kostur
á að sjá gler breytast í allskonar lista-
verk. Sýningin verður opin frá kl.
13 til 18 daglega.
-----» ♦ ♦
Fermingar
Ferming í Skarðskirkju, Landi,
hvítasunnudag 7. júní kl. 14.
Prestur er sr. Halldóra Þorvarð-
ardóttir. Fermd verða:
Helga Pálmadóttir,
Læk, Holtum.
Teitur Ingi Valmundarson,
Flagbjarnarholti, Landi.
Fermingarguðsþjónusta í
Hvammskirkju, Laxárdal, hvíta-
sunnu 7. júní, kl. 14. Fermd verður:
Unnur Eygló Bjarnadóttir,
Hvalsnesi.
Hljómsveit Guðjóns Pálssonar. Guðni Hermansen, tenórsax, Al-
bert Brynjólfsson, bassi, Sigurður Guðmundsson, trommur, Gísli
Bryngeirsson, klarinett, Guðjón Pálsson, pianó, Erling Ágústs-
son, söngvari. Myndin er tekin í kringum 1955.
V estmannaeyjar:
Guðna Hermansen minnst
GUÐNA Hermansen, listmálari og tónlistarmaður verður minnst
í Akóges-húsinu í Vestmannaeyjum um hvítasunnuhelgina með
myndlistarsýningu og jasstónleikum. Guðni lést árið 1989, á 62.
aldursári, langt um aldur fram. Hann var um áratuga skeið í fylk-
ingarbijósti jassleikara í Eyjum. Síðari hluta ævinnar helgaði
hann myndlist alla starfskrafta sína.
Myndlistarsýningin verður opn-
uð laugardaginn 6. júní kl. 16.
Þá leikur hljómsveit Guðjóns Páls-
sonar ásamt söngvaranum Erling
Ágústssyni en Guðni lék lengi
með hljómsveitinni. Sýningin
verður opin laugardag kl. 16-18,
sunnudag og mánudag kl. 14-18.
Jasstónleikar verða á laugardag
kl. 20-24 og á hvítasunnudag frá
kl. 21. Milli 20 og 30 hljóðfæra-
leikarar og söngvarar koma fram
á þessum tónleikum, en margir
þeirra störfuðu með Guðna í tón-
listinni. í þessum hópi eru nokkr-
ir af fremstu jassistum landsins.
Kynnir á tónleikunum verður
Vernharður' Linnet.
Selt verður á tónleikana vægu
verði til að mæta kostnaði vegna
þeirra. Á 2. í hvítasunnu verður
jamsession á opnunartíma sýning-
arinnar og er aðgangur þá ókeyp-
is. Það er von þeirra sem að undir-
búningi hafa starfað að Vestman-
neyingar fjölmenni á sýninguna
og tónleikana og heiðri þannig
minningu Guðna Hermansen, seg-
ir í fréttatilkynningu.
Sæludagar
á Selfossi
fyrir ferða-
fólk um
hvítasunnu
Selfossi.
SUNNUSÆLA nefnist tilboð sem
tvö fyrirtæki á Selfossi í ferða-
þjónustu bjóða ferðafólki, Sel-
fossbúum og Sunnlendingum um
hvítasunnuhelgina. „Njóttu þess
að vera til,“ eru einkunnarorð
þessara daga.
Það eru Hótel Selfoss og Gesthús
hf. sem standa að þessu framtaki.
Gestum er boðið upp á gistingu í
sumarhúsum á niðursettu verði í
þtjár nætur og fjölskyldutilboð er á
tjaldstæðinu. Boðið er upp á tveggja
klukkustunda herstaferð í sveitinni,
morgunverðarhlaðborð, grillveislu á
laugardagskvöldið og síðan upp á
dansleik i Hótel Selfossi með Skrið-
jöklum frá miðnætti á laugardags-
kvöld. Þá er ókeypis í sundlaugina
og í heita potta á tjaldsvæðinu fyr-
ir gesti hótelsins og Gesthúsa.
Miðstöð sunnusælunnar á Sel-
fossi er hjá Gesthúsum hf. á tjald-
svæðinu við Engjaveg á Selfossi.
Þar er smám saman verið að byggja
upp aðstöðu til að laða að fjölskyl-
dufólk. Á tjörn tjaldsvæðisins eru
komnar endur sem þiggja gjarnan
brauðmola frá börnunum. Sumar-
hús Gesthúsa eru á svæðinu þar
sem möguleiki er á að fara í heita
potta til að láta líða úr sér.
Sig. Jóns.
FERÐAFELAG
® ÍSLANDS
MÖRKINNI 6 • SÍMI 682533
Helgarferðir um
hvítasunnu:
1. Snæfellsnes-Snæfellsjökull.
2. Öræfajökull.
3. Skaftafell-Öræfasveit.
4. Þórsmörk, tvelr möguleikar:
Frá föstudegi til sunnudags
eða frá föstudegi til mánudags.
Dagsferð sunnudag kl. 8.00.
Brottför i allar ferðirnar
kl. 20.00 - 5. júní.
Upplýsingar og farmiðar á skrif-
stofu F.(., Mörkinni 6.
Ferðafélag (slands.
FERÐAFÉLAG
ÍSLANDS
MÖRKINNI 6 ■ SÍMI 682533
Dagsferðir - kvöldferðir
- helgarferðir:
7. júní kl. 13.00: Hvalsnes -
Stafnes - Básendar
Kirkjan skoðuð í Hvalnesi, ekið
að Stafnesi og gengið þaðan að
Básendum, en þar var eitt sinn
verslunarhöfn, sem skolaðist
þurt í flóðinu mikla 1799. Göngu-
leiðin liggur um láglendi.
Verð kr. 1.500.
8. júní (annar í hvítasunnu) kl.
13.00: Höskuldarvellir - Græna-
vatnseggjar - Vigdísarvelllr
Ekið um afleggjarann frá Kúa-
gerði (Keflavíkurvegur) „ að
Höskuldarvöllum, þaðan verður
gengið um Grænavatnseggjar
yfir í Móhálsadal að Vígdísarvöll-
um (eyðibýli). Verð kr. 1.100.
10. júní kl. 20.00: Heiðmörk -
skógræktarferð (frítt).
11. júní kl. 20.00: Viðey - Lundey.
Siglt umhverfis Lundey og sið-
an gengið á land i Viðey.
13. júní kl. 9.00: Söguslóðir
NJálu.
Helgarferð til Þórsmerkur
12. -14. júní. Gist í Skagfjörðs-
skála, Langadal.
Brottför ( ferðirnar er frá Um-
ferðarmiðstöðinni, austanmegin
og Mörkinni 6.
Ferðafélag (slands.
Farfuglar
Vinnuferð í Þórsmörk
Eins dags vinnuferð verður farin
laugardaginn 6. júní á gróður-
verndarsvaeði Faríugla í Slyppu-
gill í Þórsmörk. Farið verður frá
Farfuglaheimilinu, Sundlauga-
vegi, kl. 8.00. Allir Farfuglar eru
hvattir til að mæta.
Þátttaka tilkynnist á skrifstofu
félagsins í sima 38110.
IIÚTIVIST
Hallveigarstíg 1, sfmi 614330.
Dagsferðir sunnud. 7. júnf
Kl. 10.30 Fjallganga nr. 3, Akrafjall.
Kl. 13.00 Landnámsgangan:
Músarnes-Saurbær.
Dagsferðir 2. ihvitasunnu
Kl. 10.30 Vigdísarvellir-Húshólmi.
Kl. 13.00 Útivistardagur fjöl-
skyldunnar - grillveisla.
Nýtt símanúmer 614330.
Sjáumst.
Útivist.