Morgunblaðið - 05.06.1992, Blaðsíða 43

MORGUNBLAÐIÐ FÖSTUDAGUR 5. JÚNÍ 1992
43
I
I
i
(
I
i
i
(
(
<
{
4
4
4
4
Sýnd í A-sal
kl. 5, 7, 9 og 11.
Dansinn dunar
Kvikmyndir
Sæbjörn Valdimarsson
Bíóhöllin: Mambókóag-
arnir - „The Mambo
Kings“
Leikstjóri Arne Glimc-
her. Handrit Cynthia
Cidre byg-gt á skáldsög-
unni The Mambo Kings
Play Songs of Love eftir
Oscar Hijuelos. Kvik-
myndatökustjöri Mich-
ael Ballhaus. Tónlistar-
stjóri Robert Kraft.
Dansahöfundur og
-stjórnandi Michael Pet-
ers. Aðalleikendur Ar-
mand Assante, Antonio
Banderas, Cathy Mor-
iarty, Maruchka Det-
mers, Desi Arnaz Jr.,
Celia Cruz, Tito Puente.
Bandarísk. Warner Bros.
1992.
Við upphaf fimmta ára-
tugarins fóru mambó og
fleiri dansar af rómansk-
amerískum toga eins og
logi um akur í Norður-
Ameríku. Þessir tísku-
dansar urðu m.a. til þess
að hljómlistarmenn frá
Kúbu, hvaðan mambóinn
er uppruninn, hleyptu
heimdraganum og leituðu
á vit draumasmiðjunnar í
norðri. Og danssveiflan,
tónlistin, draumalandið séð
með augum innflytjand-
anna, sorg og gleði er bak-
grunnur Mambókónganna,
einkar vandaðrar og há-
rómantískrar myndar sem
hefur óvenju sterk áhrif á
áhorfandann.
Aðalpersónurnar eru
Castillo bræðurnir, Cesar
(Assante) og Nestor
(Banderas), kunnir tónlist-
armenn í heimalandi sínu
Kúbu, en metnaðargirndin
og engu síður ytri aðstæð-
ur leiða til þess að þeir
leita frægðar og frama í
Bandaríkjunum og halda
til New York. Dagurinn fer
í púlvinnu á kjötmarkaðn-
um en kvöldunum eyða
þeir á dansstöðunum þar
sem þeir feta sig ofar og
ofar upp metorðastigann
sem hljómlistarmenn og
lagasmiðir. En Cesar, sem
fer fyrir þeim bræðrum,
er skapheitur maður sem
lætur engan á sér troða
og verður það þeim fjötur
um fót.
Nestor er hinsvegar
skapandi listamaður og
semur lögin sem bræðurnir
flytja ásamt hljómsveit
þeirra, The Mambo Kings.
I raun geta þeir hvorugur
án hins verið. En Nestor,
sem varð að skilja æsku-
ástina eftir á Kúbu, á erf-
itt með að fóta sig á nýju
landi, jafnvel þó hann eign-
ist fjölskyldu. Cesar nýtur
hinsvegar lífsins útí æsar.
Þrátt fyrir svellandi tón-
listana, dunandi dansinn
og litríkt umhverfið í
kringum hina glæstu og
eggjandi suður-amerísku
dansa, er engu síður sterk-
ur, dramatískur tónn ávallt
skammt undan í einkalífi
persónanna og þá fyrst og
fremst bræðranna. Bande-
ras túlkar einstaklega vel
hinn rólyndari og listfeng-
ari Nestor, sem sættir sig
ekki við sitt nýja hlut-
skipti, og Assante hefur
aldrei verið betri en í hlut-
verki hins opinskáa og til-
finningaríka Cesars, enda
til efs að hann hafi fengið
betri rullu á lífsleiðinni.
Munurinn á þeim bræðrum
kemur ekki síst fram í
þeirri ólíku afstöðu að Ces-
ar vill setja stefnuna beint
á toppinn á meðan Nestor
lætur sér nægja að dreyma
um að eignast látlausan
smáklúbb. Samleikur
þeirra er með miklum
ágætum svo þung undir-
alda tilfinninga skilar sér
afar vel eins og flest annað
í þessari fáguðu mynd sem
unnin er af smekkvísi
hvert sem litið er. Minni
hlutverk eru afskaplega
vel mönnuð og þar koma
m.a. við sögu listamenn
sem í raun áttu stóran
þátt í að auka þann hróður
rómansk-amerískra dansa
og tónlistar sem stendur
enn. Tito Puente kemur
fram í eigin persónu og
söngkonan kúbverska Cel-
ia Cruz, sem er einna
frægust þeirra ágætu tón-
listarmanna sem flýðu
Kastró, fer mjög vel með
lítið en veigamikið hlut-
verk.
Það er óhætt að mæla
með þessari einkar líflegu
og dramatísku mynd við
alla sem gaman hafa að
góðri stund í kvikmynda-
húsi. Kvikmyndataka Ball-
haus er tær, búningar og
svið sannkallað augnayndi,
handrit hinna kúbversku
Cidre er blóðheitt í anda
föðurlandsins en bestu
atriðin eru þó með þeim
bræðrum á sviðinu.
MITT EIGIÐIDAHO
★ ★★★ L.A. TIMES
★ ★★★ PRESSAN
★ ★★ MBL.
FÓLKIÐ UNDIR
STIGANUM
MIÐAVERÐ KR. 300
Á 5 OG 7 SÝNINGAR
ALLA DAGA
SPOTS-
WOOD
Óskarsverð-
launahafiim
Anthony
Hopkins í sinni
nýjustu mynd
Wallace (Anthony
Hopkins) er ráðinn til þess
að auka framleiðslu og
hagnað í skóverksmiðju í
smábænum Spotswood.
Hans ráð eru: Reka starfs-
fólkið, hætta framleiðslu
og flytja inn skóna. Þar
kemur mannlegi þátturinn
inn í.
Aðalhlutverk:
Anthony Hopkins
og Ben Mendelsokn.
Leikstjóri: Mark Joffe.
„s@«
■ NÝ HLJÓMSVEIT sem
ber heitið Þúsund andlit er
nú að taka til starfa og mun
ferðast og spila fyrir lands-
menn í sumar. Meðlimir
hljómsveitarinnar eru 7 tals-
ins og hafa undanfarið verið
við æfingar og upptökur.
Reyndar hefur heyrst áður í
Þúsund andlitum en það var
í Landslaginu ’91 með lag
sem heitir Vængbrotin ást.
Hljómsveitina skipa: Sigrún
Eva Ármannsdóttir, söng-
ur, Tómas Tómasson, gítar
og söngur, Birgir Jóhann
Birgisson, hljómborð, Jó-
hann Hjörleifsson, tromm-
ur, Arnold Ludvig, bassi,
Cecilía Magnúsdóttir og
Hrafnhildur Björnsdóttir
sjá um raddir. Þúsund andlit
hefja sumarið á Tveimur
vinum í kvöld, föstudags-
kvöld, en verða á Suðurnesj-
um um næstu helgi.
(Fréttatilkynning)
REGNBOGINN SÍMI: 19000
■ BORGARKRINGLAN
fagnar eins árs afmæli um
þessar mundir en starfsemi
hófst með opnun hússins 1.
júní 1991. Afmælisins er nú
minnst með ýmsu móti og
verður fram haldið nú um
helgina. í dag kl. 16 verður
m.a. nýr flygill hússins vígð-
ur af nemendum úr Nýja
tónlistarskólanum. Húsið
þykir henta mjög vel til alls-
konar tónlistarflutnings,
m.a. vegna góðs hljómburð-
ar, segir í fréttatilkynningu
frá Borgarkringlunni. Nem-
ar úr Nýja tónlistarskólan-
um koma einnig fram á
laugardag kl. 14. Klukkan
15 á laugardag mun Tríó
Eddu Borg leika léttan jass
hjá versluninni Jazz. Simps-
on-fjölskyldan býður upp á
myndatöku með einhveijum
úr fjölskyldunni gegn vægu
gjaldi bæði föstudag og
laugardag. Whittard of
London verður með eina af
sínum þekktu tekynningum.
Getraunaleikur Borgar-
kringlunnar og fyrirtækj-
anna Flugferða-Sólaflugs,
Nýja kökuhússins,
Kringlusports og Sveins
bakara er í fullum gangi.
Þrenn verðlaun eru í boði,
þ.e. ferð fyrir tvo með Flug-
ferðum-Sólarflugi til Lon-
don, Mitchell-flugusett frá
Kringlusporti og Bauer-línu-
skautar frá Kringlusporti.
Nýja kökuhúsið sá um af-
mælistertuna 1. júní en
Sveinn bakari ætlar að sjá
um afmælistertuna sem
fram verður borin á laugar-
daginn.
IUjósmveitin Todmobile.
■ HLJÓMS VEITIN Todmobile
hefur á undanförnum árum haldið
dansæfingar víða um land og undir-
búið þannig landsmenn undir Islenskt
danssumar 1992 sem nú fer í hönd.
Miðað er við að danssumarið hefjist
1. júní og standi til 30. september
og fellst framkvæmd þess einkum í
dansfögnuðum um miðja nótt í ís-
lenskri náttúru til sveita og á sögu-
slóðum. Föstudaginn 5. júní verður
haldin fyrsta árlega Njálsbúðarhátíð
Todmobile en þar gefst m.a. kostur
á að hlýða á ný lög sem væntanleg
eru á hljómdiski sem kernur út í
mánuðinum og inniheldur 14 lög sem
hljóðrituð voru í hljóðveri og á hljóm-
leikum í Gamla bíói Islensku óperunn-
ar.
(Fréttatilkynning)