Morgunblaðið - 26.06.1992, Blaðsíða 29

MORGUNBLAÐIÐ FÖSTUDAGUR 26. JÚNÍ 1992
29
Bogasalur Þjóðminjasafnsins:
Sýning um húsvemd
SÝNINGIN Húsvernd á íslandi verður opnuð í Bogasal Þjóðminja-
safns Islands laugardaginn 27. júní kl. 14.00. Þar er saga húsverndar
á Islandi rakin i stórum dráttum og kynntar aðgerðir opinberra
aðila sem markað hafa stefnuna á hveijum tíma.
Mikill hluti sýningarefnis er ljós-
myndir, gamlar og nýjar, en einnig
eru þar teikningar, vatnslitamyndir
og uppdrættir af gömlum húsum og
húshlutum. Bogasalurinn, ferningur-
inn og hálfhringurinn, skiptir sýning-
unni eðlilega í veraldlega deild og
kirkjudeild. Á milli bogans og salar-
ins hefur verið komið fyrir uppruna-
legu milligerðinni úr Bessastaða-
kirkju sem varðveitt hefur verið í
Þjóðminjasafninu í nær hálfa öld og
markar milligerðin þannig skil milli
deilda.
Húsvernd, húsafriðun og rann-
sóknir á byggingararfi íslendinga
hafa orðið umfangsmikill þáttur
þjóðminjavörslu í landinu. Sýning-
unni eru ætlað að gefa mynd af fram-
vindu húsvemdar frá því Þjóðminja-
Listahátíðin Loft-
árás á Seyðisfjörð:
Dagskráin í dag
Héðinshúsið: Tónleikar kl.
20. Soul Control, Mind in moti-
on, T-World, Pís of kake, Ajax.
safnið hóf brautryðjandastarf sitt á
þriðja áratug aldarinnar og stuðla
jafnframt að umræðum um að hveiju
skuli stefna í framtíðinni.
(Fréttatilkynning)
♦ ♦ ♦-----
270 næring-
arfræðing-
ar funduðu
UNDANFARNA daga hafa rúm-
lega 270 næringarsérfræðingar
og aðrir sérfræðingar frá öllum
Norðurlöndum setíð ráðstefnu í
Háskólabíói, kynnt niðurstöður
rannsókna og fjallað um sam-
vinnu sín á milli.
Fjöldi erinda var haldinn á ráð-
stefnunni og meðal annars var
greint frá nýjum rannsóknum á
eðli og meðferð offítu og fjallað um
næringu ungbama og ungs fólks á
Norðurlöndum. Einn morgunn var
helgaður umræðu um næringar-
rannsóknir í þróunarlöndum.
Fyrirlestrar og fundur um
líftækni og sjávarlífverur
DR. Rita R. Colwell örverufræðingur heldur tvo fyrirlestra og teku
þátt í sérstökum umræðufundi um líftækni og sjávarlífverur í dag.
Fyrirlestrarnir bera heitið „The Potentíal of Marine Bioteehnology"
og „Environmental Biotechnology - Use of Molecular Biotechnology
in Bioremediation“.
Dr. Colwell er prófessor í örveru-
fræði við University of Maryland í
Bandaríkjunum og er hún núver-
andi stjórnarformaður og fyrrver-
andi framkvæmdastjóri við Líf-
tæknistofnun Marylandríkis. Dr.
Colwell starfar einnig við sjávarlíf-
tæknimiðstöð þeirrar stofnunar.
Fyrirlestramir og umræðufund-
urinn verða haldnir í húsnæði Há-
skóla íslands í Odda stofu 101, í
dag föstudaginn 26. júní og hefjast
kl. 13.30.
Frá uppsetningu á verkum í Hulduhólum.
Sumarsýning í annað
skipti á Hulduhólum
OPNUÐ verður á Hulduhólum
í Mosfellsbæ, laugardaginn 27.
júní, önnur sumarsýning sem
þar er haldin.
Steinunn Marteinsdóttir tók í
fyrra í notkun nýjan sýningarsal
á Hulduhólum þar sem hún rekur
keramíkverkstæði. Þar var þá
haldin fyrsta sumarsýning við
góða að'sókn og sýndu þijár lista-
konur með Steinunni. En í ár hef-
ur hún fengið listamenn af nokkr-
um kynslóðum til liðs við sig.
Nýliðinn í hópnum er Inga Hlíf
Ásgrímsdóttir er sýnir málverk.
Hún útskrifaðist í fyrra frá Mynd-
listarskólanum og tekur nú í fyrsta
sinn þátt í sýningu.
Sverrir Ólafsson sýnir skúlpt-
úra, þar sem hann kemur lífsvið-
horfum sínum á framfæri á tákn-
rænan hátt'og setur þá náttúru
og umhverfi í öndvegi. Sveinn
Björnsson sýnir klippimjmdir sem
hann kallar afstrakt-fantasíur.
Steinunn Marteinsdóttir leggur
einkum keramíklágmyndir til sýn-
ingarinnar.
Sumarsýningin verður opin út
júlímánuð að minnsta kosti.
(Úr fréttatilkynningu.)
Hótel Valhöll:
Málþing
um þing
og þjóð
MÁLÞING um þing og þjóð
verður haldið á Þingvöllum nk.
sunnudag. Hanna María Péturs-
dóttir þjóðgarðsvörður mun
flytja ávarp, en síðan verða
haldnir sjö fyrirlestrar um ólík
málefni. Að því loknu verða
umræður.
Þeir sem halda fyrirlestrana eru
Helgi Þorláksson sagnfræðingur
og ber fyrirlestur þans heitið „Orn
og Öxi“, Einar Ámason líffræð-
ingur mun fjalla um aðferðir stofn-
erfðafræðinnar og uppruna íslend-
inga, Hilmar Om Hilmarsson
hljómlistamaður um „Rúnaraun-
ir“, Þorsteinn Vilhjálmsson eðlis-
fræðingur um siglingakunnáttu
norrænna manna á miðöldum, fyr-
irlestur Magnúsar Þorkelssonar
fomleifafræðings ber heitið „Þing-
vellir, minjastaður í gleymsku“ og
Þorsteins Þorsteinssonar „Tímatal
í Grænlandsjökli". Einnig mun
Matthías Viðar Sæmundsson bók-
menntafræðingur flytja fyrirlest-
ur.
Málþingið er haldið á Hótel
Valhöll og hefst kl. 14.00. Þeira
sem hafa áhuga á að sækja þingið
er bent á að hafa samband við
Hótel Valhöll.
Kanadískur listamaður með sýningri
OPNUÐ verður í Gallerí 11 á
Skólavörðustíg 4a, laugardaginn
27. júní, sýning með verkum eft-
ir kanadíska myndlistarmanninn
Garry Neill Kennedy.
Garry var skólastjóri í Listahá-
skólanum í Halifax í Nova Scotia.
Einnig var hann frumkvöðull að
stofnun og rekstri prentsmiðju,
NSCAD Press, en þar var prentaður
fjöldi bóka um og eftir ýmsa mynd-
listarmenn, svo sem Hans Haacke,
Jenny Holzer og Daniel Buren.
Opnun sýningar Garry Neills
Kennedys í Gallerí 11 verður laug-
ardaginn 27. júní kl. 15 en henni
lýkur 9. júlí.
(Úr frétíatilkynningu.)
^®Grænmeti á grillið
Það er eins og flestír álítí að
ekki sé hægt að efna til grill-
veislu án þess að kjöt sé á mat-
seðlinum. Og fáum dettur í hug
að grilla grænmeti, sem er
bæði fljótlegt og gott.
Nú streymir íslenska grænmet-
ið inn, ljúffengt og fullt af vítam-
íni og tegundirnar eru margar.
Ekki þekkja allir þær fjölmörgu
tegundir, sem eru í boði, má þar
nefna eggaldin, sem margir hafa
aldrei bragðað, þótt það hafi verið
ræktað í Hveragerði frá árinu
1970, fyrst í tilraunskyni, en nú
hefur mikið verið ræktað af því í
mörg ár, og meðan íslenska fram-
leiðslan liggur niðri, er það flutt
inn. Ýmsar tegundir eru af eg-
galdini og aldinið er ekki einu
sinni alltaf egglaga og liturinn er
allt frá því að vera hvítgrænn í
það að vera dökkgrænn og gulur
og jafnvel purpurarauður, en þau
aldin höfum við ekki enn séð hér
á landi, hins vegar hafa fengist
hér smá, hnöttótt eggaldin, hvít
að lit. Þau eru komin alla leið frá
Thailandi. Þegar ég kaupi egg-
aldin, hefur fólk oft snúið sér að
mér og sagt: „Hvað gerir þú við
þetta, er þetta gott?“ Og svarið
er: „Já, það er gott og auðvelt
að matreiða." Nú skulum við
matreiða íslenskt svar/íjólublátt
eggaldin á grillinu, en auk þess
eru hériómatar fylltir með svepp-
um.
Fyllt eggaldin
2 meðalstór eggaldin
30 g smjör
1 msk. matarolía
1 stór laukur
1 hvítlauksgeiri
3 meðalstórir tómatar
1 dl brauðrasp
1 tsk. oregano
1 dl rifinn ostur, sú tegund sem
ykkur hentar
djúpt álform og stór álbakki.
1. Kljúfið eggaldinin eftir endi-
löngu. Skafið úr þeim aldinkjötið,
en skiljið eftir 'h cm rönd út við
hýðið. Saxið aldinkjötið smátt.
2. Hitið grillið, hafið minnsta
hita á gasgrilli en staðsetjið grind-
ina í-efstu rim á kolagrilli. Setjið
á hitagrindina á ketilgrilli.
3. Setjið matarolíu og smjör í
djúpt álform. Setjið á grillið.
4. Afhýðið lauk og hvítlauk og
saxið smátt. Setjið í feitina og
sjóðið í 3-5 mínútur. Hrærið í og
gætið þess að þetta brúnist ekki.
5. Hellið sjóðandi vatni á tómat-
ana, látið þá liggja í því í 'h mín-
útu, fjarlægið hýðið. Saxið tómat-
ana og setjið saman við lauk-
maukið. Setjið eggaldinkjötið
saman við. Sjóðið í 5 mínútur.
6. Setjið rasp og oregano sam-
an við.
7. Skiptið maukinu jafn í hálf
eggjaldinin. Rífið ostinn og stráið
yfir.
8. Leggið á stóran álbakka.
Aukið hitann á gasgrillinu í milli-
straum, en færið grindina í milli-
rim á kolagrilli og ketilgrilli. Grill-
ið í 20 mínútur. Ef þetta er á
opnu grillinu í millistraum, en
færið grindina á millirim á kolagr-
illi og ketilgrilli. Grillið í 20 mínút-
ur. Ef þetta er á opnu grilli, er
gott að leggja álpappír yfir.
Tómatar fylltir með sveppum
6 frekar stórir tómatar
1-2 vorlaukar, nota má venju-
legan lauk
30 g smjör
1 msk. matarolía
'h dl brauðrasp
'U tsk. múskat
200 g ferskir sveppir, villtir eða
ræktaðir
múskat milli fmgurgómanna
'h tsk. salt
nýmalaður pipar
þykkar litlar ostsneiðar, sú teg-
und sem ykkur hentar
Umsjón: KRISTÍN GESTSDÓTTIR
Teikningar: SIGURÐUR ÞORKELSSON
2 stórir álbakkir + álpappír
1. Þvoið tómatana, skerið ofan
af þeim, takið innvolsið úr þeim
með teskeið, hvolfíð síðan tómöt-
unum og látið renna úr þeim,
þerrið þá síðan að innan með eld-
húspappír. Geymið það, sem þið
tókuð úr tómötúnum og notið í
annað.
2. Þvoið laukinn, saxið smátt.
Þerrið sveppina með eldhúspappír
eða burstið með mjúkum bursta.
(Þvoið ekki). Saxið sveppina
smátt.
3. Hitið grillið, hafið meðalhita
á gasgrilli, en staðsetjið grindina
í miðrim á kolagrilli, opnu eða
lokuðu. Setjið helming smjörs og
matarolíu á þunnbotna pönnu eða
pott, setjið á grillið, setjið laukinn
út í og steikið eða sjóðið í um 5
mínútur, bætið þá því sem eftir
er af smjöri á pönnuna, setjið
sveppina saman við og sjóðið í
um 4 mínútur, eða þar til safinn
er við að renna úr sveppunum.
Stráið þá salti og pipar yfir.
4. Setjið rasp og múskat í skál.
Stráið yfir sveppina.
5. Fyllið tómatana með mauk-
inu, raðið á smurðan álbakka.
Raðið litlum ostsneiðum yfir tóm-
atana, leggið álpappír yfír. Steikið
á grillið. Grillið í 10 mínútur.
Athugið: Auðvelt er að fá gott
brauðrasp með því að þurrka
brauðsneiðar, setja þær í plast-
poka og meija með kökukefli.