Morgunblaðið - 10.07.1992, Page 3

fSLENSIA AUClÝSINGASTOfAN HF.
MORGUNBLAÐIÐ FÖSTUDAGUR 10. JÚLÍ 1992
3
Morgunblaðið/Róbert Schmidt
Bílddæling-ar hafa notað vikuna, á meðan óvissa er um framtíð Fiskvinnslunnar hf., til að dytta
að húsum sínum og görðum. Páll Kristjánsson sem lengi hefur unnið i Fiskvinnslunni var að huga
að kartöflusprettunni þegar fréttaritari átti leið hjá húsi hans i vikunni.
Allt í óvissu á Bildudal:
Sjö börn í stað 23 á barnaheimilinu
Bfldudal.
ALLT er í biðstöðu á Bíldudal fram yfir fund forráðamanna Fisk-
vinnslunnar hf. með bankastjórn Landsbankans í dag. í gær fóru
oddviti og sveitarstjóri Bíldudalshrepps á fund Jóhönnu Sigurðar-
dóttur til að kynna henni ástand mála vegna lokunar Fiskvinnslunn-
ar hf. Lokun fyrirtækisins er strax farin að segja til sín. Aðeins sjö
börn eru nú á dagheimilinu en á sama tíma í fyrra voru 23 börn þar.
Forráðamenn Fiskvinnslunnar
fóru suður í gær til fundar við
stjórnendur Landsbankans og verð-
ur fundurinn í dag. Bankinn hefur
ekki viljað upplýsa hvað eigi að
ræða við stjómendur fyrirtækisins,
í skeyti bankans þar sem óskað er
eftir fundinum er aðeins talað um
viðræður vegna lokunar bankavið-
skiptanna. I frétt Morgunblaðsins
í gær kemur fram að bankinn
muni á fundinum ítreka kröfu sína
um að Fiskvinnslan verði gefín upp
til gjaldþrotaskipta.
Oddviti og sveitarstjóri Bíldu-
dalshrepps fóru á fund Jóhönnu
Sigurðardóttur félagsmálaráðherra
í gær til þess að kynna henni mál-
ið. Jóhanna sagði að á fundinum
hefði verið farið almennt yfír stöð-
una til þess að upplýsa hana um
ástandið á Bíldudal. Hún sagði að
farið hefði verið yfír stöðuna gagn-
vart sveitafélaginu og starfsfólki
fyrirtækisins. Jóhanna telur
ástandið á Bíldudal mjög alvarlegt
ef að ekkert verður gert til þess
að koma til móts við fyrirtækið.
Lokun helstu atvinnufyrirtækja
staðarins segir til sín á ýmsan hátt.
Yfír 30 skólanemar störfuðu í Fisk-
vinnslunni fyrir utan 45 fastráðna
starfsmenn. Starfsfólki hefur ekki
verið sagt upp störfum. Á dagheim-
ilinu eru aðeins skráð sjö börn í
dag. Á sama tíma í fyrra voru 23
böm. Um leið og Rækjuveri hf. var
lokað í maí dró strax úr barna-
fjölda á dagheimilinu og eftir lokun
Fiskvinnslunnar hf. eru aðeins fá-
ein börn eftir.
Yfírvofandi er lokun einu vél-
smiðju staðarins, Smiðjunni hf. sem
er í eigu Fiskvinnslunnar hf. Öm
Gíslason bifvélavirki í vélsmiðjunni
segir að ef engin lausn fínnst á
vanda fyrirtækisins loki Smiðjan.
Þar með hætta allar almennar bíla-
og vélaviðgerðir hér, auk þess sem
fyrirtækið er eini þjónustuaðilinn á
staðnum sem tekur að sér viðgerð-
ir fyrir ferðamenn.
R. Schmidt.
Ráðstefnuskrifstofa íslands:
Ráðherra heimilt að
breyta samþykktum
- segir Þórhallur Jósepsson deildar-
stjóri í samgönguráðuneyti
ÞÓRHALLUR Jósepsson deildar-
stjóri í samgönguráðuneytinu seg-
ir þá skoðun Pauls Richardson um
að samgönguráðherra sé ekki
heimilt að breyta stofnsamningi
um Ráðstefnuskrifstofu íslands
ranga. Sú skoðun Pauls kom fram
í frétt í blaðinu í gær, en áður
hafði komið fram að ráðherra
hefði samþykkt stofnsamning um
skrifstofuna með þeirri breytingu
að í stað þess að Ferðamálaráð
tilnefndi einn fulltrúa í stjórn,
skyldi ráðherra skipa einn fulltrúa
í stjórn skrifstofunnar.
Þórhallur sagði að samkvæmt 3.
grein laga um skipulag ferðamála
kæmi fram að Ferðamálaráð færi
með stjóm ferðamála undir yfírstjóm
samgönguráðuneytis. Það væri því
alveg skýrt að ráðherra hefði heimild
til að gera breytingar á stofnsam-
þykktum um Ráðstefnuskrifstofu ís-
lands. Hann kvaðst ekki vita til að
ráðherra hefði beitt þessari heimild
sinni áður og það gerði hann ekki
nema brýn nauðsyn væri talin til.
„Ráðherra hefur allan rétt til að
samþykkja stofnsamninginn með
þeim breytingum er hann tiltekur,"
sagði Þórhallur. „Það liggur fyrir
yfirlýsing frá íjórum fulltrúum í
stjórninni, þ.e. frá Reykjavíkurborg,
Flugleiðum, sambandi veitinga- og
gistihúsaeigenda og Félagi íslenskra
ferðaskrifstofa um að þeir séu sáttir
yið þá breytingu á stofnsamþykktum
skrifstofunnar sem ráðherra hefur
gert. Það getur vart talist óeðlilegt
að ráðherra vilji hafa hönd í bagga
m.a. í ljósi þess að verið er að gera
íjárhagsskuldbindingar, en gert er
ráð fyrir að Ferðamálaráð muni
leggja fram 9 milljónir króna á ári
vegna ráðstefnuskrifstofunnar á
næstu 3 árum,“ sagði Þórhallur.
------------------
Jarðskjálfta-
hrina í
Hveragerði
SNARPUR jarðskjálftakippur
fannst í Hveragerði og í Ölfusi
rétt fyrir kl. 5 í gærdag. Kippur-
inn mældist 3,5 á Richter og átti
upptök í um tveggja kílómetra
fjarlægð frá Hveragerði I norð-
austur. I kjölfar kippsins fundust
aðrir vægari.
Að sögn Ragnars Stefánssonar,
jarðskjálftafræðings, var stærsti
skjálftinn mjög grunnur, aðeins á
tveggja kílómetra dýpi og því urðu
áhrif hans sterk í Hveragerði.
Ragnar segir ekki sérstaka ástæðu
til að búast við stórskjálfta í kjölfar
þessara atburða. Hann segir hins
vegar að greinilegt samband sé á
milli skjálftans í Hveragerði og nokk-
urra skjálfta sem urðu við Kleifar-
vatn og út af Reykjanesi í gærmorg-
un.
Ragnar segir að nokkuð mörg ár
séu síðan svo snarpur jarðskjálfti
hafí fundist í Hveragerði. „Skjálftinn
var hins vegar svo snarpur vegna
þess hve nálægt Hveragerði upptök
hans voru og þess hve grunnur hann
var. “ segir Ragnar.
3=SsSr-
ENN BETRAAN
I dag tekur Landsbanki íslands, Seltjarnarnesi,
til starfa að Austurströnd 1.
A Austurströndinni býðst þér sérhæfð
bankaþjónusta eins og hún gerist best í
Landsbankanum. Þar má nefna
Einkareikning sem veitirýmis
hlunnindi, Reglubundinn sparnað (RS)
sem auðveldar fólki að eignast sparifé,
hina kostum hlöðnu Kjörbók, Námu
fyrir námsmenn og Vörðu sem er
víðtæk ráðgjafar- og fjármálaþjónusta
fyrir einstaklinga.
Verið velkomin í kaffiveitingar og
viðskipti í Landsbanka íslands,
Seltjarnarnesi.
L
Landsbanki
íslands
Bankl allra landsmanna