Morgunblaðið - 03.09.1992, Blaðsíða 5

5
MORGUNBLAÐIÐ FIMMTUDAGUR 3. SEPTEMBER 1992
Morgunblaðið/Björn Blöndal
Gamla frystihúsið í Sandgerði þar sem rannsóknarstöðin verður.
Botndýr á íslandsmiðum
Flokkunarstöð
komið í gagnið
um mánaðamót
Botndýrarannsóknir á íslands-
miðum ganga í megin dráttum
samkvæmt áætlun að sögn Jóns
Gunnars Ottóssonar formanns
verkefnistjórnar. Annar söfnun-
arleiðangurinn stendur yfir og
gert er ráð fyrir að farið verði
að vinna við grófflokkun í flokk-
unarstöð við höfnina í Sandgerði
um næstu mánaðmót.
Jón Gunnar sagði að farið hefði
verið í fyrsta söfnunarleiðangurinn
norður fyrir land í sumar. Rannsókn-
arskipið Bjarni Sæmundsson hefði
síðan lagt í annan leiðangurinn suð-
vestur af landinu í gærmorgun. Leið-
angrarnir eru um 10 daga langir og
fékkst 1 tonn af sýnum úr þeim
fyrri. Áætlað er að svipað magn
fáist úr seinni ferðinni.
Sýnin verða grófflokkuð í flokk-
unarstöð í Sandgerði. Jón Gunnar
sagðist búast við að hún yrði komin
í gagnið um næstu mánaðmót. Hann
segir að fljótlega verði farið að aug-
lýsa eftir fólki í grófflokkun en um
er að ræða 4 stöður. Auk þess munu
innlendir og erlendir sérfræðingar
vinna að rannsóknunum. I því sam-
bandi má geta þess að í umhverfis-
ráðuneytinu er unnið að upplýs-
ingabæklingi um rannsóknirnar til
kynningar á erlendri grund.
Jón Gunnar sagði að rannsóknirn-
ar gengju í megin dráttum sam-
kvæmt áætlun en minntist þó á að
einhver tæki hefðu eyðilagst í fyrri
leiðangrinum fyrir norðan enda væri
víða erfitt um vik þar sem sjáv-
arbotninn væri mishæðóttur. Hann
sagði að í leiðangrinum hefði komið
á óvart að talsverður munur væri á
botndýralífinu austan og vestan
Kolbeinseyjar.
Fríverslunarsamning’-
ur við Tyrkland í gildi
Fríverslunarsamningur milli
EFTA-ríkjanna og Tyrklands, svo
og tvíhliða samningur á milli Is-
lands og Tyrklands um afnám
tolla á ýmsum landbúnaðarvörum
gekk í gildi 1. september.
Helstu breytingar eru þær að iðn-
aðarvörur, fiskur, sjávarafurðir,
ýmsar landbúnaðarvörur og vörur
úr landbúnaðarhráefnum frá Tyrk-
landi njóta framvegis tollfrelsis við
innflutning til íslands, þó að áfram
munu verða lögð á þessar vörur
vörugjöld svo og fjáröflunartollar og
verðjöfnunargjöld að því marki sem
slíkir tollar eru einnig lagðir á vörur
frá EFTA-ríkjunum.
Tollar á vörum frá Tyrklandi
verða framvegis að mestu leyti þeir
sömu og á framleiðsluvörum frá
EFTA. Þess má geta að heildarverð-
mæti innfíutnings frá Tyrklandi var
á árinu 1991 um 120 milljónir króna
og var stærsti hluti þess innflutnings
fatnaður. Hingað til hefur sá fatnað-
ur borið 15% toll en er nú felldur
alveg niður. Nokkrar tegundir græn-
metis sem nú bera 30% toll verða
einnig gjaldfijálsar að því tilskildu
að um sé að ræða tyrkneska fram-
leiðsluvöru. Þessar tegundir eru m.a.
ferskt grænmeti, laukur, hvítlaukur
og fleira.
í fréttatilkynningu frá fjármála-
ráðuneytinu segir ennfremur að ís-
lenskar framleiðsluvörur muni njóta
tollfrelsis við innflutning til Tyrk-
lands, en þó verði þær tollalækkanir
í nokkrum áföngum.
------»■ ♦ ■«----
Húsavík
Atvinnulausir
fengn vinnu
Húsavík.
HÚSAVÍKURBÆR og Atvinnu-
leysistryggingasjóður gerðu með
sér samning í sumar um að sjóður-
inn veitti bænum styrk til að halda
uppi vinnu fyrir þá sem annars
yrðu skráðir atvinnulausir. Þetta
er nýbreytni sem þótti takast vel.
Alls unnu við þetta 17 manns.
Verkefnin sem unnið var að voru
aðallega landgræðsla og hreinsun og
fegrun hafnarsvæðisins, verkefni
sem þurfti að vinna, en hefðu annars
beðið vegna fjárskorts.
„Með þessu samkomulagi vannst
það að svo til enginn Húsvíkingur
var á atvinnuleysisskrá á meðan
þessi verk voru unnin og ég tel að
þessi tilhögun hafi tekist vel og reyn-
ist báðum aðilum til góðs,“ sagði
Einar Njálsson bæjarstjóri.
- Fréttaritari
Gráffæs fiölgar í ísafiarðardiúpi
Bíldudal. ^ V O JT
SKOTVEIÐIMENN byijuðu að
veiða gæsir um leið og veiðitíma-
bilið hófst, 20. ágúst en ekki fer
þó miklum sögum af veiði það
sem af er. Gæsin er ýmist á tún-
unum eða i beijunum þessa dag-
ana. Þó nokkuð hefur sést af
ófleygum ungum á vappi en flest-
ir eru orðnir fleygir.
Að sögn bænda í Isafjarðardjúpi er
grágæs að fjölga rnikið þar, en á
sunnanverðum Vestfjörðum er svip-
að af gæs og verið hefur undanfar-
in ár. Menn fengu frá fjórum upp
í 20 gæsir yfir daginn í byijun tíma-
bils en á Ströndum veiddu sumir
vel, eða 40 gæsir á tveimur dögum.
Bændur eru í óðaönn að slá túnin
fyrir haustið og fá á meðan frið
fyrir gæsinni.
R. Schmidt.