Morgunblaðið - 30.10.1992, Side 10

10
MORGUNBLAÐIÐ FÖSTUDAGUR 30. OKTÓBER 1992
Keith Reed baritónsöngvari.
Ólafur Vignir Albertsson
Kveðjutónleikar
Keiths Reeds
KEITH Reed baritónsöngvari kveður ísland að sinni með tónleik-
um í íslensku óperunni laugardaginn 31. október kl. 14.30. Meðleik-
ari á píanó er Ólafur Vignir Albertsson. Á efnisskrá tónleikanna
verða íslensk, ensk, bandarísk, þýsk, ítölsk og frönsk sönglög og
óperuaríur. Tónieikamir em haldnir á vegum styrktarfélags ís-
lensku óperunnar.
Keith Reed fæddist í N-Dakota
í Bandaríkjunum, þar sem hann
stundaði nám í tónlist og lauk
BA-prófí. Vorið 1989 lauk nann
mastersnámi í kórstjóm með söng
sem aðalgrein frá háskólanum í
Indiana, Bloomington. Aðalkenn-
ari hans þar var prófessor Margar-
et Harshaw. Að námi loknu flutt-
ist Keith ásamt fjölskyldu sinni til
íslands og hefur kennt við Söng-
skólann í Reykjavík og Nýja tón-
listarskólann.
Á þeim tíma sem Keith hefur-
verið búsettur á íslandi hefur hann
tekið virkan þátt í íslensku óperu-
og söngh'fí. Meðal óperuhlutverka
hans má nefna Almaviva greifa í
Brúðkaupi Figarós, Tonios í Pagl-
iacci og Monterones í Rigoletto
með íslensku óperunni.
í fréttatilkynningu segir að
túlkun hans á hlutverki Jagós í
Otello í íslensku óperunni á liðnum
vetri hafi vakið athygli og hlotið
lof óperugesta og gagnrýnenda. Á
sömu lund hafi viðbrögð Svía ver-
ið við frammistöðu hans í leikferð
Óperunnar til Gautaborgar í haust.
Þá söng Keith hlutverk Marcellos
í La boheme í Borgarleikhúsinu í
vor og hlaut lof fyrir.
í sumar gerði Keith samning
við óperuhúsið í Detmold í Þýska-
landi um að starfa þar næstu tvö
ár. Hann hefur þegar sungið þar
hlutverk skálkanna í Ævintýrum
Hoffmanns eftir Offenbach. Síðar
í vetur mun hann syngja hlutverk
Scarpia í Tosca, föðurins í Hans
og Grétu eftir Humperdinck, Sids
í Albert Herring eftir Benjamín
Britten og Dr. Luke í Windsorkon-
unum kátu eftir Franz Lehar. Tón-
leikar hans í Óperunni eru því
kveðjutónleikar í bili.
Ólafur Vignir Albertsson lauk
burtfararprófi frá Tónlistarskólan-
um í Reykjavík árið 1961. Hann
stundaði framhaldsnám við Royal
Academy of Music í London. Auk
ótal tónleika á íslandi hefur Ólafur
leikið í mörgum löndum Evrópu,
í Bandaríkjunum og Kanada. Þá
hefur hann leikið í útvarpi og sjón-
varpi og á hljómplötur. Hann hef-
ur verið skólastjóri Tónlistarskóla
Mosfellsbæjar frá 1965.
Ný|ar bækur
Ljóðabók eftir Vilborgu
Dagbjartsdóttur
ÚT er komin ljóðabókin Klukkan
í turninum eftir Vilborgu Dag-
bjartsdóttur.
Klukkan í turninum hefur að
geyma tvo tugi ljóða auk þýðinga
Vilborgar á ljóðabálkinum Skip
dauðans eftir enska skáldið D.H.
Lawrence og Fimm ljóð um dauð-
ann eftir sænska skáldið Barbro
Lindgren.
í kynningu útgefanda segir:
„Ljóð Vilborgar Dagbjartsdóttur
eru einföld að formi við fyrstu sýn
en áleitin í látleysi sínu. Innileiki
og skörp íhygli einkenna þau og
iðulega er lagt út af hljóðlátum
atvikum hversdagsleikans, atvikum
sem leyna heitum tilfinningum, at-
vikum sem segja langa og sára
sögu í fáorðum ljóðum.“
Útgefandi er Forlagið. Bókin er
60 bls. Valgarður Gunnarsson list-
málari gerði mynd á kápu. Prent-
smiðjan Oddi hf. prentaði. Verð
1.780 krónur.
Vilborg Dagbjartsdóttir
Hrosshár
og gler
Myndlist
Bragi Ásgeirsson
í neðri sölum húsakynna nýlista
hefur Sigurlaug Jóhannsdóttir eða
Silla eins og hún nefnir sig komið
fyrir nokkrum rýmisverkum.
Silla er vel þekkt sem veflista-
kona, sem hefur bryddað upp á
ýmsum nýjungum í listgreininni
og á köflum farið langt út fyrir
upprunaleg og viðurkennd stefnu-
mörk og m.a. notast við gtjót.
Að þessu sinni sýnir hún tvær
ólíkar hliðar listsköpunnar sinnar,
sem eru annarsvegar mjúkar
kringlóttar og ávalar „formanir"
úr hrosshári en hins vegar hrein
þrívíddarverk úr gleri.
í báðum tilvikum er gengið út
frá vissri tegund naumhyggju og
„installation" eða innsetningu
eins og sumir vilja nefna það. Er
þá reynt að skapa ákveðið andrúm
í kringum myndverkin og hugtök-
in tími og rúm virkjuð til hins
ýtrasta.
Slíkar framkvæmdir gera oftar
en ekki miklar kröfur til skoðand-
ans og eru einkum settar upp á
söfnum, sem liður í stærra sam-
hengi og oftar en ekki er spekin
að baki ríkulega útlistuð.
Hvað hrosshárs „formanirnar"
snertir hlykkjast þær um heilu
veggina og mynda mjög hreint,
markvisst og klárt ferli, sem hefur
yfir sér svip getjunar og yndis-
þokka.
Glerverkin eru allt annars eðlis
og er hér um að ræða litlar fer-
hyrndar einingar, sem er raðað
upp eftir vissum lögmálum og
minna sterklega á þann leik er
byggð eru hörg og hof úr mann-
spilum. Þannig hefur maður það
einhvem veginn á tilfinningunni,
að taki maður eina einingu úr
heildinni, falli „spilaborgin" sam-
an.
Útfærsla og efnisáferð verk-
anna mynda þannig hinar algjör-
ustu andstæður en gmnnhug-
myndin er hin sama, þ.e. gagnsær
tærleikinn ásamt hreinum og klár-
um leik forma.
Ljóst má vera, að Silla hefur
náð því sem hún stefndi að og
myndverk hennar falla ágætlega
að húsakynnunum, vinna með
þeim og skapa lífrænt samhengi.
Rafmagn
og dulvitund
____________Myndlist________________
Bragi Ásgeirsson
í húsakynnum nýlista hefur Krístján Kristjánsson
lagt undir sig tvær efri hæðirnar og sýnir þar þrjá
myndaflokka, sem bera heitið Líf og dauði, Rafmögn-
uð sambönd og Úr heimi dulvitundar.
Kristján útskrifaðist úr MHÍ árið 1973 og seinna
var hann í þijú ár í Listaakademíunni í Stokk-
hólmi. Hann hefur að baki 9 einkasýningar, en flest-
ar af minni gerðinni, og mun þetta vera veigamesta
framlag hans til sýningarmála til þessa.
Eins og ráða má kennir margra grasa á sýning-
unni og er millihæðin undirlögð af tilbúnum hlutum
frá Rafmagnsveitunni og eru þeir flestir á stalli og
í skúlptúrformi.
Þessi leikur nefnist ready-made á fagmáli og er
upphafsmaðurinn hinn nafnkenndi hugmyndasmiður
Marchel Duchamp. Slíkir tilburðir sjást iðulega á
sýningum, en í flestum tilvikum skortir neista hins
upprunalega því að hughmyndin er svo margtuggin.
Þó standa skúlptúrar Kristjáns sumir hverjir alveg
fyrir sínu, sem frístandandi myndverk, en uppsetn-
ingin er langt frá því að vera hnitmiðuð.
Form smárra og stórra hluta allt um kring hafa
vissulega sína fegurð og fyrir þeim mikilvægu sann-
indum eru listamenn iðulega að leitast við að opna
augu manna, en ef það er ekki gert á markvissan
og áhrifaríkan hátt verður það býsna leiðigjamt.
Ekki er ég alveg með á nótunum varðandi mynd-
stefið Líf og dauði, en hins vegar er skírskotunin
langsamlegast skilvirkust í myndaflokknum Úr heimi
dulvitundar. Er hér um að ræðas klippimyndir í yfír-
gnæfandi meirihluta, en einnig myndir í tækni sem
nefnist „collachrome" ásamt einni mynd i blandaðri
tækni.
Hér er Kristján auðsjáanlega á heimavelli, en
þessar myndir eru þó ákaflega misjafnar að gæðum
og virka iðulega meira sem beinar frásagnir, og t.d.
er endurminning ekki endilega sveipuð dulúð. Þá
er boskapurinn oftar en ekki á reiki og skortir þá
sannfæringarkraft vegna þess að um leið er mynd-
ræn útgeislan trauðla nægilega öflug.
En í nokkrum tilvikum ganga hlutirnir upp og
þá einkum ef myndefnið tengist listum og jcosta-
mönnum eins og t.d. í myndunum „Við“ (9), „í safni
uggs og ótta“ (12), „Leitað aflausnar" (13) „Þræðir
listarinnar" (14) og „Eden út“ (16).
í heild er þetta frekar brotin sýning og gefur að
mínu viti ekki alveg rétta mynd af því sem býr í
Kristjáni Kristjánssyni.
Ljósmynd-
ir í Gall-
erí Umbru
FIMMTÁN myndir eftir Börk
Arnarson ijósmyndara eru nú
til sýnis og sölu í Gallerí Úmbru
í Bernhöftstorfunni við Amt-
mannsstíg 1 í Reyjavík. Ljós-
myndirnar eru samsettar og
flestar eitthvað unnar í tölvu.
Börkur gerði myndimar á þessu
og síðasta ári og hafa fímm þeirra
birst í Menningarblaði Morgun-
blaðsins. „Þetta er lítil sýning á
collage-myndum," segir Börkur.
„Nokkrar þeirra era þrykktar
Pólaroidmyndir sem ég setti sam-
an í tölvu og aðrar era unnar á
handgerðan vatnslitapappír með
bleksprautu í prentsmiðjunni
Odda.“ Ljósmyndirnar verða til
sýnis í Úmbru til 13. nóvember.
Morgunblaðið/RAX
Börkur Arnarson við nokkrar Ijósmyndanna í Gallerí Úmbru.