Morgunblaðið - 18.03.1993, Qupperneq 23

MORGUNBLAÐIÐ FIMMTUDAGUR 18. MARZ 1993
BJÖRN Guðmundsson flokksstjóri hjá Björgunarsveitinni Hjálpinni,
sagði að fimmtán manns hefðu gengið fjörur í gær og leit hefjist á ný
í birtingu.
Þyrlan fann mann-
lausan gúmbátinn
ALLS tóku fimmtán manns úr Björgunarsveitinni Hjálpinni
og úr Hjálparsveit skáta á Akranesi þátt í leit að sjómannin-
um sem saknað er af Akurey AK 134. Leitarsvæðið er um
20 km strandlengja og var áætlað að halda leit áfram fram
eftir kvöldi í gær og hefja hana á ný þegar birti. Laust fyrir
kl. 15 í gær fann þyrla Gæslunnar mannlausan gúmbát Aku-
reyjar.
Björn Guðmundsson flokksstjóri
hjá björgunarsveitinni sagði að
þeim hefði verið gert viðvart um
kl. 14. „Við erum með fimmtán
menn úti að leita og erum á tiltölu-
lega afmörkuðu svæði. Við
göngum fjörur, en það er ákveðinn
staður þar sem brak hefur rekið,
við Leyni, og þar erum við með
stöðuga vakt,“ sagði Björn.
Hann sagði að leitarsvæðið næði
allt austur að Innra-Hólmi. Taldi
hann líklegt að svæðið væri í allt
um 20 km. Þá hefði verið lögð
áhersla á að leita við brimvarnar-
garðinn.
Gæslan brást fljótt við
Upplýsingar um að óttast væri
um Akurey AK 134 bárust til
stjórnstöðvar Landhelgisgæslunn-
ar frá Tilkynningarskyldunni kl.
13.53. Þyrla Gæslunnar, TF SIF,
var strax kölluð út til leitar og fór
frá Reykjavík kl. 14.14. Tíu minút-
um síðar tilkynnti áhöfn TF SIF
að hún sæi sokkinn bát og fastan
við hann uppblásinn gúmbát á
hvolfi. Um tuttugu mínútum síðar
staðfesti áhöfn þyrlunnar að bátur-
inn væri Akurey. Sigmaður þyrl-
unnar skar gat á botn gúmbátsins,
en hann reyndist mannlaus. Leit
var haldið áfram til kl. 17.15, en
þyrlan lenti í Reykjavík kl. 17.27.
Meðan TF SIF var á svæðinu var
hún beðin að svipast um eftir fimm
bátum sem voru ekki komnir til
hafnar. Fylgdi hún þeim smæstu
til hafnar.
Leit hefst að nýju í birtingu
Björn sagði að líklega yrði höfð
næturvakt og fylgst með afmörk-
uðu svæði í grennd við Leyni. Síð-
an yrði leitað á öllu svæðinu og
það jafnvel stækkað þegar birti af
degi.
Kröpp smá-
lægð olli
stórviðri á
Faxaflóa
KRÖPP smálægð sem mynd-
aðist skyndilega í gærmorgun
olli stórviðri með snjókomu á
Faxaflóasvæðinu, en sam-
kvæmt upplýsinguin Veður-
stofunnar var henni um megn
að spá þessu veðri við Faxa-
flóa í veðurfregnum kl. 6.45
og í veðurfregnum kl. 7.30.
Hvorki veðurskeyti né tölvu-
spár hafi gefið tilefni til að
reikna með myndun smálægð-
arinnar, og formleg spá um
stórviðri því fyrst komið í veð-
urfregnum kl. 10.45.
Samkvæmt upplýsingum veð-
urspádeildar Veðurstofunnar var
ljóst snemma í gærmorgun að
mjög var farið að hvessa á mið-
unum suðvestur af iandinu, en
um kl. 8 hringdu skip unnvörp-
um inn og tilkynntu um 8-10
vindstig í kringum Eldey og á
þeim slóðum. Síðan hvessti
skyndilega í Reykjavík kl. 9.30
og óx vindur mjög skyndilega
með snjókomu. Þegar veðrið
brast á í Keflavík um kl. 10 fór
vindur þar úr 4 vindstigum í 9
vindstig á 14 mínútum. Um há-
degisbilið var þessi krappa smá-
lægð sem óveðrinu olli yfir Faxa-
flóa og þá voru 8-9 vindstig á
Reykjanesskaga og syðst á
Faxaflóa. Klukkan 15 var all-
hvasst eða hvasst við Faxaflóa,
eða 7-8 vindstig.
í Reykjavík náði vindurinn
hámarki kl. 11 en þar datt síðan
skyndilega allur botn úr veðrinu,
sem gekk norðureftir þegar leið
á daginn.
Fjölda báta
veitt aðstoð
í óveðrinu
BJÖRGUNARSKIP Slysavarna-
félagsins, Henry Hálfdánarson,
aðstoðaði fjölda smábáta frá
Reykjavík um hádegisbilið í gær,
þegar óveðrið sem þá skall á var
hvað verst. Var bátunum fylgt
til hafnar í Reykjavík og var
komið þangað með síðasta bátinn
kl. 14.
Að sögn Hálfdáns Henryssonar,
deildarstjóra hjá Slysavarnafélag-
inu, fóru að berast tilkynningar um
að slæmt veður væri orðið i Sand-
gerði og í Grindavík strax um níu-
ieytið í gærmorgun og var þá haft
samband við Veðurstofuna og beðið
um að send yrði út stormviðvörun,
sem síðan var lesin upp á Reykja-
vikurradiói til skipa um kl. 10.30.
Um kl. 11 var óskað eftir að
björgunarskip SVFÍ, Henry Hálf-
dánarson, færi út' á móti smábátum
frá Reykjavík, sem þá voru staddir
allt norður fyrir Kjalarnes. Farið
var af stað um 11.50 og komið til
baka um kl. 14 en þá var síðasta
bátnum fylgt inn.
„A meðan á þessu stóð bárust
fregnir af fyrra sjóslysinu á Akra-
'nesi og skömmu síðar kom svo hitt
slysið í kjölfarið. Þetta gerðist allt
eiginlega á sama tímanum þegar
veðrið var verst. Þarna voru þijú
loðnuskip út af Akranesi sem veittu
ómetanlega aðstoð, Víkingur,
Bjarni Ólafsson og Höfrungur, en
þau hjálpuðu við að fylgja bátunum
eftir og hafa auga með þeim,“ sagði
Hálfdán.
Björgunarsveitir gengu fjörur í
nágrenni Akraness alveg frá því
seinna slysið varð og fram í myrkur
í gærkvöldi að leita skipveijans sem
saknað er.
Morgunblaðið/Carsten Kristinsson
Heimstím í hafróti
Einn af bátum Akurnesinga á leið inn til hafnar um miðjan dag í gær
í hafróti og roki. TF-Sif, þyrla Landhelgisgæslunnar, leitaði yfir
svæðinu í gær.
23