Morgunblaðið - 18.03.1993, Blaðsíða 27

26
MORGUNBLAÐIÐ FIMMTUDAGUR 18. MARZ 1993
MORGUNBLAÐIÐ FIMMTUDAGUR 18. MARZ 1993
27

Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1200 kr. á mánuði innanlands. ( lausasölu 110 kr. eintakið.
Umhverfisvemd og
efnahagur
Ríkisstjórnin hefur lagt fram
stefnu sína í umhverfismál-
um undir yfirskriftinni „A leið til
sjálfbærrar þróunar“. Stefnumót-
un stjórnarinnar byggist meðal
annars á niðurstöðum Ríó-ráð-
stefnunnar, þar sem staðfestar
voru reglur, sem eiga að stuðla
að sjálfbærri þróun í umhverfis-
málum. Síðar er að vænta fram-
kvæmdaáætlunar ríkisstjómarinn-
ar í umhverfismálum, sem mun ná
fram til aldamóta.
í skýrslu umhverfisráðuneytis-
ins um stefnumótun í umhverfis-
málum eru talin upp ýmis helztu
umhverfisvandamál, sem steðja að
íslenzku samfélagi. Þar á meðal
er hin gífurlega gróðureyðing og
uppblástur. Minnkandi veiðiþol
þorskstofnsins er einnig alvarlegt
umhverfisvandamál. Rakin er sú
ógn, sem ýmsum náttúruminjum
stafar af ágangi ferðamanna, út-
rýmingarhætta ýmissa plöntuteg-
unda, vandamál vegna óviðunandi
förgunar 40% alls sorps í landinu
og slæmt ástand frárennslismála,
svo nokkur atriði séu nefnd.
Helzta markmið ríkisstjórnar-
innar er að „ísland verði um næstu
aldamót hreinasta land hins vest-
ræna heims og ímynd hreinleika
og sjálfbærrar þróunar tengist allri
atvinnustarfsemi í landinu.“ Önnur
markmið eru t.d. að stuðla að sjálf-
bærri nýtingu náttúruauðlinda, að
draga úr staðbundinni mengun,
mengun andrúmslofts og myndun
úrgangs, að bæta gróðurvemd og
landgræðslu og ljúka úrbótum í
sorp- og frárennslismálum.
Sjálfbær þróun er lykilhugtak í
stefnumótun ríkisstjórnarinnar,
eins og yfirskriftin gefur til kynna.
Sjálfbær þróun felst í því að efna-
hagsþróun og umhverfisvernd
haldist í hendur en séu ekki and-
stæður; með öðrum orðum að ekki
sé gengið nærri náttúruauðlindum
í þágu hagvaxtarmarkmiða til
skamms tíma, heldur séu þær nýtt-
ar með þeim hætti að þær geti
staðið undir stöðugum vexti til
lengri tíma. „Við mat á hagvexti
ber að taka tillit til áhrifa þróunar
á náttúruleg gæði,“ segir í skýrslu
umhverfisráðuneytisins. Þetta hef-
ur stundum verið kallað endurskil-
greining á hagvexti; að hann felist
ekki eingöngu í beinharðri aukn-
ingu þjóðarframleiðslu, heldur
einnig varðveizlu þess auðs, sem í
umhverfinu felst.
Hugsunarháttur sjálfbærrar
þróunar ætti raunar að vera íslend-
ingum tamari en flestum öðrum
þjóðum. Við byggjum lifsafkomu
okkar að mjög verulegu leyti á
einni auðlind, fiskinum í sjónum.
Efnahagslegir hagsmunir okkar
eru undir ástandi lífríkisins í hafinu
komnir. Um leið og slæmt ástand
fiskistofna er helzta efnahags-
vandamál okkar, er það eitt alvar-
legasta umhverfisvandamálið.
Nýting fiskveiðiauðlindarinnar
verður að byggjast á uppbyggingu
fískistofnanna til langs tíma til
þess að þeir geti staðið undir vel-
megun þjóðarinnar til frambúðar.
Á þessum rökum var ákvörðunin
um að fara að tillögum fiskifræð-
inga um minnkun þorskafla byggð.
Þannig blasir það við að hugsun-
arháttur sjálfbærrar þróunar verð-
ur að ráða, þegar auðlindum sjáv-
arins er stýrt, sama hvort litið er
til hefðbundinnar skilgreiningar á
hagvexti eða nýrri skilgreininga.
Það sama á við um mörg fleiri
úrlausnarefni í umhverfismálum.
Uppgræðsla lands, takmörkun of-
beitar og náttúruvernd almennt er
til dæmis vænlegri leið til að standa
undir hagvexti, sem ferðaþjónusta
og útflutningsstarfsemi munu skila
af sér til lengri tíma, en að fara
eftir skammtímahagsmunum
óhagkvæms landbúnaðar.
I stefnu ríkisstjórnarinnar er
gert ráð fyrir að sú meginregla
verði í heiðri höfð, að þeir, sem
menga eða spilla umhverfinu vís-
vitandi eða óafvitandi, greiði skað-
ann. Jafnframt verði farið eftir
þeirri reglu að sá, sem nýti nátt-
úruauðlindir sér til ávinnings eða
ánægju, „greiði þann kostnað sem
til fellur við vemdun og viðhald
þessara náttúruauðlinda, þ.m.t.
eftirlit með þeim, stjómun nytja
og mat á starfsemi og fram-
kvæmdum." í framhaldi af þessu
vill ríkisstjórnin í auknum mæli
taka upp umhverfisskatta og skila-
gjöld og hefja „gagngera endur-
skoðun skattalaga og opinberra
gjalda til að laga neyzlu, atvinnu-
líf og hagkerfi að kröfum sjálf-
bærrar þróunar."
Umhverfisskattar og -gjöld geta
gegnt mikilvægu hlutverki og beint
neyzlu fólks og athöfnum í vist-
vænni farveg, ef slíkt hefur efna-
hagslegan ávinning í för með sér,
samanborið við lífshætti sem hafa
slæm áhrif á umhverfið. Hins veg-
ar felur notkun slíkra stjómtækja
í sér ýmsar hættur. Áherzlu ber
að leggja á raunverulega endur-
skoðun skattkerfisins, en ekki að-
eins þyngingu skattbyrðar. Sú
hætta er fyrir hendi að heitið „um-
hverfisskattur" verði misnotað,
eins og átti sér stað árið 1989 er
þáverandi ríkisstjórn lagði „meng-
unarskatt“ á bifreiðar, sem fór
eftir þyngd bíla en ekki benzín-
notkun og var því úr tengslum við
þá mengun, sem bíleigendur valda
með akstri. Sú skattlagning var
fyrst og fremst þáttur í víðtækari
tekjuöflun ríkissjóðs.
Eitt mikilvægasta afyiðið í
stefnu ríkisstjórnarinnar í um-
hverfísmálum er að áherzla skuli
lögð á að virkja almenning, félaga-
samtök, fyrirtæki og opinbera að-
ila til að vinna að umhverfisvernd
og stuðla að framgangi sjálfbærrar
þróunar. Slíkt er forsenda fyrir því
að markmiðið um hreinasta land á
Vesturlöndum náist. Sjálfbær þró-
un byggist fyrst og fremst á því
að hver og einn borgari þekki
ábyrgð sína gagnvart umhverfinu
og að skila því óspilltu til afkom-
enda sinna.

RIKISSTJORNIN LEGGUR LANDSBANKANUM TIL VIÐBOTARFE
Jóhannes Nordal segír eigínfjárstöðu íslandsbanka mjög góða
Tryggiiigarsjóði er ekki
breytt vegna Islandsbanka
JÓHANNES Nordal, formaður bankasljórnar Seðlabankans, segir
að eiginfjárstaða íslandsbanka sé n\jög góð. Eiginfjárhlutfallið sé
um 10%, eða fjórðungi hærra en svokallað BlS-lágmark. Það sé
því engin ástæða til að ætla að bankinn lendi í vandræðum. Ólafur
Ragnar Grímsson, formaður Alþýðubandalagsins, sagði í umræðum
á Alþingi í gær að með því að veita Tryggingarsjóði viðskipta-
banka ríkisábyrgð fyrir tveimur milljörðum króna, umfram það
sem Landsbankinn þyrfti í víkjandi lán, væri verið að búa í haginn
fyrir aðstoð við Islandsbanka. Ólafur sagði að athyglisvert myndi
að skoða stöðu íslandsbanka með sama hætti og staða Landsbank-
ans væri nú metin, og myndi bankinn ekki vera vel staddur.
„Okkur er alls ekki kunnugt um
að Islandsbanki sé í vandræðum
með eiginfjárstöðu sína. Satt að
_segja er hún góð og mjög ríflega
yfir því lágmarki, sem sett hefur
verið,“ sagði Jóhannes. „Það er
óhætt að segja að við sjáum ekki
nein sérstök vandamál framundan
hjá þeim, sem gefi tilefni til að afla
sérstakra lagaheimilda."
íslandsbanki um aðstoð við Landsbanka
Ræðst af skilyrð-
um hvort vaxta-
munur breytist
VALUR Valsson segist ekki geta svarað því hvort Landsbanki íslands
geti komist af með minni vaxtamun en til dæmis íslandsbanki eftir
aðgerðir ríkisstjórnarinar til hjálpar bankanum. Hann segir að það
ráðist af því hvaða skilyrði fylgi framlagi og lánum ríkisins.
„Við bendum hins vegar á það að
í Noregi hafa orðið deilur um þennan
þátt svona aðgerða, þar sem bankar
sem fengu ríkisaðstoð voru gagn-
rýndir fyrir að hafa nýtt sér bætta
stöðu að einhveiju leyti í samkeppn-
inni,“ sagði Valur. Hann sagðist hins
vegar ekki á þessu stigi málsins
geta fullyrt um það hvort svo verði
á íslandi en sagði mikilvægt að
stjómvöld gæti þessa þáttar í með-
ferð þessa mikilvæga máls.
Valur sagði óviðeigandi að hann
blandaði sér í málið þegar hann var
spurður að því hvers konar skilyrði
hann teldi að ríkisvaldið ætti að setja
Landsbankanum fyrir aðstoðinni til
að fyrirbyggja misnotkun hennar.
Hugmyndin komin frá
Seðlabanka
Seðlabankastjóri sagði að hug-
myndin um að efla Tryggingarsjóð
viðskiptabanka umfram þörf Lands-
bankans væri komin frá Seðlabank-
anum. „Ástæðan fyrir þeirri tillögu
er að við teljum að hér á landi séu
alltof veikir tryggingarsjóðir.
Reyndar var enginn tryggingarsjóð-
ur fyrir viðskiptabankana fyrr en
með lögum, sem voru sett 1985.
Sá sjóður hefur vaxið dálítið síðan,
en við teljum að miðað við breyttar
aðstæður og það, sem hefur verið
að gerast almennt í kringum okkur,
sé orðið mjög tímabært að efla þessa
sjóði,“ sagði Jóhannes. „Þeir hafa
gegnt mjög stóru hlutverki víða í
heiminum undanfarin ár og verið
lögð á þá vaxandi áherzla. Þess
vegna töldum við að sérstaklega
væri ástæða til þess núna, þegar
svona atburður verður, að veita
þarf mikilvægum banka aðstoð með
þessum hætti, að gera almennar
ráðstafanir til styrktar bankakerf-
inu í heild.“
Fullkomnari löggjöf síðar
Jóhannes sagði að málið hefði
verið til umræðu um nokkra hríð
þótt það hefði ekki verið komið á
lagasetningarstig. „Ætlunin er að
viðskiptaráðuneytið setji nefnd til
þess að endurskoða þennan þátt
laganna. Það má segja að þessi
aðgerð núna sé fyrsta skref til
bráðabirgða," sagði Jóhannes.
„Væntanlega kemur svo fullkomn-
ari löggjöf síðar meir. Þetta er ekki
tengt neinni tiltekinni stofnun, held-
ur sýnir reynslan að bankastarfsemi
er áhættusamari en áður og strang-
ari reglur hafa verið settar um lág-
mark eiginfjár. Þetta hvort tveggja
Benedikt Davíðsson forseti ASÍ
Bankimi betur í
stakk búinn til að
styðja atvinnulíf
BENEDIKT Davíðsson, forseti Alþýðusambands íslands,
segist vera ánægður með það ef ríkið hafi stöðu til að
bæta eiginfjárstöðu Landsbankans svo bankinn verði betur
i stakk búinn til að aðstoða atvinnulífið.
Benedikt sagðist ekki telja
líklegt að stuðningur ríkis-
stjómarinnar við Landsbank-
ann þrengdi svigrúm ríkisins
til að koma inn í kjarasamn-
inga aðila vinnumarkaðarihs
með ákveðnum aðgerðum.
„Ég held við hljótum að líta
svo á að Landsbankinn standi
miklu betur til þess að styðja
við atvinnulífíð eftir en áður
og hann sé einnig betur í stakk
búinn til þess að draga úr
vaxtamun hjá sér eftir að
hann er búinn að fá svo gífur-
lega mikinn stuðning af al-
manmnafé,“ sagði Benedikt.
Hann sagðist ekki hafa gert
sér grein fyrir að Landsbank-
inn stæði svo illa að ríkis-
stjórnin téldi nauðsynlegt að
grípa til neyðarfundar til að
rétta hag hans. Hann hefði
hins vegar vitað að staða
bankans væri erfið vegna þess
hversu mikið hann þyrfti að
afskrifa af útlánum.
Benedikt sagði varðandi
hvernig málið hefði að borið,
að það lyktaði dálítið af því
að það væri verið að skjóta
fólki skelk í bringu varðandi
hve staðan væri slæm og ef
til vill væri að einhveiju leyti
verið að renna stoðum undir
þá kenningu að efnahagslífið
væri hér á svipuðum brauðfót-
um og í Færeyjum „en ég
vona vissulega að það sé röng
hugdetta hjá mér,“ sagði
Benedikt að lokum.
Morgunblaðið/Kristinn
Snarpar umræður
UMRÆÐUR um aðgerðir ríkisstjórnariimar
urðu snarpar. Ólafur Ragnar Grímsson, for-
maður Alþýðubandalagsins, kom þar nokkuð
við sögu en hér situr hann í sæti sínu og hlýð-
ir á umræður ásamt Ingibjörgu Pálmadóttur,
þingmanni Framsóknarflokksins.
kallar á að hér sé viðbúnaðarkerfí
þegar bankastofnanir lenda í tíma-
bundnum erfiðleikum. Þessi ákvörð-
un byggist eingöngu á þessari rök-
semdafærslu og íslandsbanki hefur
þar hvergi komið við sögu.“
Engin viðbrögð frá erlendum
aðilum
Jóhannes sagði að Seðlabankinn
hefði sent út fréttatilkynningu um
aðgerðirnar vegna Landsbankans,
eins og gert væri þegar eitthvað
sérstakt væri á ferðinni. „Við send-
um tilkynningu til erlendra aðila,
sem við erum í samskiptum við, og
létum aðrar bankastofnanir hér
hafa tilkynningu ef þeir vildu hafa
hana til hliðsjónar. Við höfum ekki
orðið varir við mikil viðbrögð við
þessu. Þar sem flestir þeirra banka,
sem við erum í skiptum við, hafa
mjög oft samband, teljum við ekki
ástæðu til að ætla að það verði
nein alvarleg neikvæð viðbrögð.
Þvert á móti fela aðgerðirnar í sér
yfirlýsingu íslenzkra stjórnvalda um
að komi til einhverra erfiðleika séu
stjórnvöld tilbúin að grípa til nauð-
synlegra ráðstafana.“
Morgunblaðið/Kristinn
Mælt fyrir frumvarpinu
JÓN Sigurðsson viðskiptaráðherra mælti fyrir sljórnarfrumvarpi um
aðstoð við Landsbankann og eflingu Tryggingasjóðs viðskiptabanka
á Alþingi í gær.
> • «
Islandsbaiiki lagði
1.512 millj. áaf-
skriftarreikning
ÍSLANDSBANKI lagði 1.512 milljónir króna á afskriftarreikning
útlána á síðasta ári og til viðbótar lögðu eignarhaldsfélög bankans
369 milljónir króna inn á afskriftarreikninginn. Þetta er mikil aukn-
ing frá árunum á undan en á árinu 1991 voru 800 milljónir lagðar
á afskriftarreikning og 565 milljónir á árinu 1990. Á afskriftarreikn-
inginum voru samtals 2.587 milljónir króna í lok síðasta árs, en
það svarar til 5,1% af útlánum, áföllnum vöxtum og ábyrgðum í
árslok.
Á síðasta ári varð 177 milljóna
króna halli á rekstri bankans, sam-
anborið við 62 milljóna króna hagn-
að 1991 og 448 milljóna króna
hagnað árið 1990. í greinargerð frá
bankanum segir að rekstrarárangur
bankans hafi ekki verið viðunandi
síðustu tvö ár og það megi rekja
til aukinna afskrifta útlána. Það
hljóti hins vegar að teljast verulegur
árangur að bankinn skuli ekki vera
með meiri halla en þetta, þrátt fyr-
ir mikil framlög á afskriftarreikn-
ing.
Stöðugildum fækkar
Síðan segir að það megi þakka
þeirri hagræðingu sem orðið hafi í
rekstri bankans á síðastliðnum
þremur árum. Þannig hefur stöðu-
gildum fækkað um tæplega eitt
hundrað á tveimur árum, úr 892 á
árinu 1990 í 797 á síðasta ári, og
Þingmenn stjórnarandstöðunnar deila á viðskiptaráðherra
Aðgerðir komu baukastjórum á óvart
ÞINGMENN stjórnarandstöðunnar báru í umræðum á Alþingi I gær
Halldór Guðbjarnason, bankastjóra Landsbankans, fyrir því að Jón Sig-
urðsson viðskiptaráðherra hefði ekki gefið bankasljórn bankans réttar
upplýsingar um tímasetningu aðgerða ríkisstjórnarinnar vegna bank-
ans. Haft er eftir Halldóri að Jón hafi á fundi með bankastjórninni á
þriðjudagsmorgun talið nokkra daga þar til gripið yrði til aðgerða.
Steingrímur Hermannsson, for-
maður Framsóknarflokksins, og
Ólafur Ragnar Grímsson, formaður
Alþýðubandalagsins, gagnrýndu
mjög meðferð ríkisstjórnarinnar á
málinu. Þeir báru að klukkan ellefu
á þriðjudagsmorgun hefði Jón Sig-
urðsson tjáð bankastjórum Lands-
bankans að ekki lægi á aðgerðum
og nokkrir dagar væru til stefnu.
Klukkan fjögur hefði ríkisstjórnin
hins vegar setzt á fund og tékið
ákvörðun um aðgerðir.
Ekki rætt nákvæmlega um
tímasetningar
Ólafur Ragnar krafðist þess að
viðskiptaráðherra svaraði því hver
væri sannleikurinn í málinu. Jón Sig-
urðsson sté í ræðustól og svaraði
því til að á fundi sínum með banka-
stjórunum hefði ekki verið fjallað
„nákvæmlega um tímasetningar".
Jóhannes Geir Sigurgeirsson,
þingmaður Framsóknarflokksins og
nefndarmaður í efnahags- og við-
skiptanefnd Alþingis, sagði að Hall-
dór Guðbjarnason hefði mætt á fund
nefndarinnar í gærmorgun. Hann
hefði þar tjáð nefndinni að Jón Sig-
urðsson hefði á umræddum fundi
sagt að ekkert ræki á eftir aðgerðum
í málinu og menn hefðu nokkra daga
til að taka ákvörðun um hvemig
lagfæra ætti eiginfjárstöðu bankans.
Hann sagði að bankastjórinn hefði
sagt að um atburðina, sem sigldu í
kjölfar þessa fundar, hefðu banka-
stjóramir vitað jafnlítið og þing-
menn.
Jóhannes Geir sagðist ekki vilja
væna viðskiptaráðherra um ósann-
indi og sagist telja sýnt að forsætis-
ráðherra hefði tekið ráðin af Jóni
Sigurðssyni í málinu um hádegisbil
á þriðjudag og því hefði ákvörðun
verið tekin án vitundar bankastjór-
anna.
Formenn stjórnarandstöðuflokka vitna í skýrslur og uppgjör Landsbanka
Eiginfj árhlutfall yfir lágmarki
í þriggja vikna gömlu uppgjöri
FORMENN Alþýðubandalagsins og Framsóknarflokksins, þeir Ólafur
Ragnar Grímsson og Steingrímur Hermannsson, vitnuðu í ræðum sín-
um á Alþingi í gær til nýrrar skýrslu endurskoðenda Landsbankans
og lokauppgjörs bankans, sem lagt var fram fyrir um þremur vikum.
Ólafur Ragnar segir að í lokauppgjörinu, sem lagt var fyrir bankar-
áð áður en endurskoðendur fóru yfír það og gerðu athugasemdir,
væri gert ráð fyrir 1,3 milljarða hagnaði þjá bankanum og að eiginfj-
árhlutfall hans væri 8,3%, yfir lágmarki svokallaðra BlS-reglna.
Steingrímur Hermannsson, for-
maður Framsóknarflokksins og bank-
aráðsmaður í Landsbankanum, vitn-
aði í skýrslu endurskoðanda Lands-
bankans frá 10. marz. Þar kemur
fram það álit endurskoðandans að
upptaka svokallaðra BlS-reglna um
eiginfjárhlutfall hafí meðal annars
lækkað eigið fé Landsbankans um
575 milljónir vegna þess að eignar-
hlutur bankans í hlutafélögum teljist
ekki til eigin fjár þar sem bankinn
eigi ekki meirihluta.
Steingrímur sagði að í úttekt end-
urskoðandans á lánum, sem hugsan-
lega myndu tapast, væru talin upp
mörg vel rekin fyrirtæki, sem Stein-
grímur sagðist telja að stæðu vel, en
hann vildi þó ekki deila við endurskoð-
endur um mat á getu þeirra til að
borga lánin til baka.
8,3% eiginfjárhlutfall
samkvæmt uppgjöri
Ólafur Ragnar Grímsson, formaður
Alþýðubandalagsins, sagði að fyrir
þremur vikum hefði lokauppgjör
Landsbankans verið lagt fram á bank-
aráðsfundi og ekki verið gerðar at-
hugasemdir við það þar. Miðað við
tölurnar, sem þar hefðu komið fram,
áður en endurskoðendur lögðu til
aukin framlög í afskriftasjóð, hefði
Landsbankinn staðizt kröfur BIS-
reglnanna um 8% eiginfjárhlutfall
með ágætum, verið með að minnsta
kosti 8,3% eiginfjárhlutfall og sex
milljarða króna eiginfjárstöðu.
Lausafjárstaðan hefði aldrei verið
betri og Landsbankinn hefði ekki
greitt krónu í refsivexti til Seðlabank-
ans á síðasta ári. Auk þess hefði
hagnaður bankans verið 1,8 milljarð-
ar króna fyrir skatta. Gert hefði ver-
ið ráð fyrir að afskriftasjóður yrði
hækkaður úr 1.500 milljónum króna
í 2.800 milljónir.
Ólafur sagði að ýmislegt væri ein-
kennilegt í skýrslu endurskoðenda
Landsbankans. Til dæmis væru taldir
upp um 150 aðilar, þar sem talið
væri að 6 milljóna útlán eða minna
gæti tapazt. Ólafur sagði að af þeim
4,5 milljörðum í útlánum, sem endur-
skoðendurnir teldu að gætu tapazt,
væru 100 milljónir vegna loðdýra-
ræktar, 300 milljónir vegna rækjufyr-
irtækja, 200 milljónir vegna ullariðn-
aðar og 800 milljónir vegna fiskeldis.
Stóru sjávarútvegsfyrirtækin væru
heldur ekki inni í þessari úttekt endur-
skoðendanna og mikið af útlánum,
sem menn teldu í hættu, væri bara
hjá hinum og þessum fyrirtækjum.
Dæmi væru um afskriftir, sem væru
einkennilegar, til dæmis væri lagt til
að 100 milljónir af 160, sem bankinn
ætti í Bílaborgarhúsinu, yrðu afskrif-
aðar. Slíkt taldi Ólafur út í hött.
rekstrarkostnaður sem hlutfall af
heildarfjármagni lækkaði úr 6,5% í
5,7% á milli áranna 1991 og 1992.
Vaxtamunur bankans hefur einnig
minnkað. Hann var 5,2% fyrir af-
skriftir 1990 en 4% eftir afskriftir
og lækkaði í 4,9% á árinu 1991
fyrir framlag á afskriftareikning en
var 3,4% eftir afskriftir. í fyrra var
vaxtamunurinn 4,7% fyrir afskriftir
en 2,2% eftir afskriftir. Hvert pró-
sentustig í vaxtamun svarar til 590
millljón króna í tekjum fyrir bank-
ann.
Þá segir í greinargerðinni að þeg-
ar tillit sé tekið annars vegar til
þess að enn sé verulegs árangurs
að vænta vegna hagræðingar á
þessu ári og ólíklegt sé að framlög
á afskriftarreikning verði jafnmikil
á næstu árum og þau hafa verið
að undanfömu hljóti staða bankans
að teljast traust. Raunsætt mat á
afskriftum undanfarin ár og mik.fi/*
hagræðing ættu að tryggja afkomu
hans í framtíðinni. Þá kemur fram
að eiginfjárhlutfall bankans var 10%
í árslok 1992 eða tveimur prósentu-
stigum yfír lögboðnu lágmarki.
Magnús Gunnars:
son formaður VSÍ
Undirstrik-
ar erfið-
leika at-
vinnulífsins
„ÞAÐ ER nijög jákvætt að ríkis-
sljórnin styrki eiginfjárstöðu
Landsbankans því það er (jóst
að Landsbankinn hefur mikil
áhrif inn í atvinnulífið og það
mun ekki veita af að bankinn
hafi sterka eiginfjárstöðu til að
mæta þeim erfiðleikum sem fyr-
irtækin eru að ganga í gegn-
um,“ segir Magnús Gunnarsson
formaður VSI. Hann segir að
fjárveitingin við Landsbankann
muni ekki auka svigrúm ríkisins
til að koma inn með aðgerðir í
tengslum við gerð kjarasamn-
inga.
„Vandi Landsbankans undir-
strikar vanda atvinnulífsins, því
þarna verður bankinn fyrir áföllum
sem fyrirtækin hafa lent í og þau
eru að undirbúa sig undir frekari
áföll á næstu mánuðum. Þetta
endurspeglar gífurlegan rekstrar-'
vanda fyrirtækjanna," segir hann.
„Þótt þessi lausn sé fundin á
vanda Landsbankans sjáum við
enn sem komið er ekki hvernig
við leysum vanda atvinnulífsins á
næstu mánuðum. Þetta undirstrik-
ar erfíðleikana og hefur á þann
hátt áhrif á viðræðurnar um gerð
kj arasamninga,“ sagði Magnús.
4
imMm