Morgunblaðið - 30.03.1993, Síða 1
56 SIÐUR B
74. tbl. 81. árg.
ÞRIÐJUDAGUR 30. MARZ 1993
Prentsmiðja Morgunblaðsins
Talsmaður Jeltsíns harðorður eftir ákvarðanir fulltrúaþingsins í gær
Reuter
Fréttaþyrstir rússheskir hermenn
RÚSSNESKIR hermenn fylgjast með fréttum frá rússneska fulltrúaþinginu í herbúðum sínum í Moskvu í gærmorgun. Herinn
hefur ekki blandað sér í deilur Borís Jeltsíns forseta og fulltrúaþingsins en hermennirnir láta þjóðmálin þó ekki framhjá sér fara.
Þingið er vítisvél sem
stefnir Rússum í óefni
Moskvu. Daily Telegraph. Reuter.
RÚSSNESKA fulltrúaþingið ákvað í gær
að efna til þjóðaratkvæðis þar sem kann-
aður verður stuðningur við Borís Jeltsín
forseta, efnahagsstefnu hans og hvort
ástæða sé til að flýta þing- og forseta-
kosningum. Akveðið var að a.m.k. 50%
atkvæðisbærra manna yrðu að lýsa
stuðningi við Jeltsín til þess að segja
mætti að þjóðin treysti honum á forseta-
stóli. Talsmenn forsetans sögðu ákvarð-
anir þingsins stangast á við stjórnarskrá
og kosningalög. Vjatsjeslav Kostíkov,
talsmaður Jeltsíns, sagði þingið vera
„vítisvél“ sem hefði þann tilgang að
grafa undan friði og pólitískum stöðug-
leika i landinu.
Þingið felldi í gær ýmsar tilskipanir sem
Jeltsín hafði gefið út síðustu 10 daga, vék for-
setafulltrúum í einstökum héruðum landsins
úr starfi og svipti forsetann sérstöku fram-
kvæmdavaldi sem hann tók sér nýlega. Rúslan
Khasbúlatov þingforseti sagði að þingið hefði
borið sigurorð af Jeltsín er hann sleit fjögurra
daga aukafundi fulltrúaþingsins í gær.
Talið var í gær að Jeltsín muni reyna að
sniðganga samþykktir þingsins en þó forðast
að taka ákvarðanir er gæfu tilefni til þess að
fulltrúaþingið yrði kvatt saman til' nýs auka-
fundar. Næsti fundur þess er ekki ráðgerður
fyrr en í júní.
Jeltsín hefur boðað þjóðaratkvæði 25. apríl
en í samþykkt þingsins var hvergi minnst á
dagsetningar né ártöl. Hugsanlegt er talið að
tvær atkvæðagreiðslur fari fram, önnur að
frumkvæði Jeltsíns en hin á vegum þingsins.
Til stjórnlagadómstólsins
Jeltsín bað í gær stjórnlagadómstólinn að
skera úr um hvort þingið hefði brotið gegn
stjórnarskránni er það ákvað að greiða at-
kvæði á sunnudag um hvort bæri að kæra
hann fyrir embættisafglöp. Þingið svaraði með
því að biðja dómstólinn að fella dóm um ræðu
forsetans á fundi stuðningsmanna eftir at-
kvæðagreiðsluna þar sem hann fullyrti að liðs-
menn fyrrum sovéska kommúnistaflokksins
hefðu staðið fyrir atkvæðagreiðslunni og því
hefði hún misheppnast.
Sjá „100.000 manns . . .“ á bls. 22.
Giulio Andreotti undir smásjá ítalskra saksóknara
Meínt tengsl við mafíu
valda hruni lírunnar
Róm. Reuter, The Daily Telegraph.
STJÓRN Ítalíu virtist ekki eiga sér viðreisnar von í gær þegar
gengi lírunnar hrapaði vegna frétta um að nokkrir af helstu.
stjómmálamönnum landsins væru sakaðir um tengsl við maf-
íuna. Skýrt var frá því á laugardag að saksóknarar væru að
rannsaka hvort Giulio Andreotti, fyrrverandi forsætisráð-
herra, hefði tengst mafíunni og margir töldu þetta mál verða
banahögg Kristilegra demókrata, sem Andreotti hefur drottn-
að yfir I hartnær hálfa öld.
A
Ovissa um
Maastricht
í Danmörku
Kaupmannahöfn. Frá Nils Jergen
Bruun, fréttaritara Morgunblaðsins.
INNAN við 50% danskra
kjósenda styður nú Edin-
borgar-samkomulagið um
undanþágur Dana frá Maa-
stricht-samkomulaginu.
Stuðningur við Edinborgar-
samkomulagið hefur farið dvín-
andi. Fyrir mánuði sýndi könn-
un Vilstrup-stofnunarinnar
65% fylgi við samkomulagið en
aðeins 49% nú. Ný könnun
Gallup-stofnunarinnar segir
fylgið vera 48%. í báðum nýju
könnununum sögðust 30% að-
spurðra ekki hafa gert upp hug
sinn til Edinborgar-samkomu-
lagsins.
Andreotti, sem er 74 ára, varð
alls sjö sinnum forsætisráðherra ít-
alíu og hafði verið lengur við völd
en nokkur annar stjómmálamaður á
Vesturlöndum þegar hann dró sig í
hlé sem Ieiðtogi Kristilegra demó-
krata í fyrra. Hann var þá gerður
að öldungadeildarþingmanni til ævi-
loka, sem er heiður sem hann deilir
með Giovanni Agnelli, stjórnarfor-
manni Fiat, og fyrrverandi þjóðhöfð-
ingjum Ítalíu. Gert er ráð fyrir að
öldungadeildin hefji í dag umræður
um hvort svipta eigi hann þing-
helgi. Ennfremur boðaði Oscar Luigi
Scalfaro, forseti Ítalíu, forseta
beggja þingdeildanna á sinn fund í
dag vegna stjómmálakreppunnar.
17 sljórnmálamenn grunaðir
Alls var 17 stjórnmálamönnum
tilkynnt um helgina að verið væri
að rannsaka meint tengsl þeirra við
mafíuna. Þar á meðal Antonio Gava,
fyrrverandi innanríkisráðherra, og
Paolo Cirino Pomicino, fyrrverandi
fjárlagaráðherra.
Fækkað í
Evrópu-
herliði
Brusscl. Reuter.
WILLIAM Perry, aðstoðar-
varnarmálaráðherra Banda-
ríkjanna, segir að stjórn Bills
Clintons forseta ætli að fækka
í bandarísku herliði í Evrópu
niður í 100.000 manns. Er
þetta fyrsta afdráttarlausa
yfirlýsing nýju stjórnarinnar
um þessi mál; áður hafði
stjórn repúblikanans George
Bush ákveðið að fjöldinn yrði
150.000 árið 1995.
Er Berlínarmúrinn féll 1989
—voru Bandaríkin með alls um 325
þúsund manna lið í Evrópu. Ýmsir
evrópskir leiðtogar óttuðust að
Clinton hygðist fækka enn meira
í herliðinu, jafnvel að ekki yrði
hafður meira en táknrænn fjöldi
bandarískra hermanna í álfunni.
„Þótt við séum nú að fækka í
liðinu — í um það bil 100.000
manns — þá er ástæðan ekki sú
að við séum að draga úr skuldbind-
ingum okkar í Evrópu heldur er
þetta gert vegna minnkandi ógn-
unar við sameiginlegt öryggi okk-
ar,“ sagði Perry á fundi með meira
en 30 varnarmálaráðherrum í aðal-
stöðvum Atlantshafsbandalagsins
í Belgíu.
Balladur
myndar stjórn
EDOUARD Balladur var út-
nefndur forsætisráðherra í rík-
isstjórn hægri flokkanna sem
tekur við völdum í Frakklandi
eftir yfirburðasigur þeirra í
þingkosningum. Myndin var
tekin er Balladur gekk upp
tröppurnar að Elysee-höllinni í
gær til að taka við útnefning-
unni. Honum er stundum lýst
sem „hófsömum thatcherista".
Sjálfur kvaðst Mitterrand
myndu sitja áfram á forseta-
stóli.
Sjá „Sáttatónn í röðum
helstu . . . á bls. 22.