Morgunblaðið - 30.03.1993, Blaðsíða 35
MORGUNBLAÐIÐ ÞRIÐJUDAGUR 30. MARZ 1993
35
Minning
Guðmundur Geir
Guðmundsson
Fæddur 11. júlí 1978
Dáinn 22. mars 1993
Elsku Gummi Geir. Við kveðjum
þig í djúpum söknuði. Við munum
sakna þess að Heyra ekki í stólnum
þínum lengur í skólanum. Gummi
Geir stóð sig mjög vel í skólanum
og einnig tók hann þátt í spurn-
ingakeppni skólans fyrir bekkinn
og stóð sig með prýði. Hann var
nýfluttur frá Grindavík til Sel-
tjarnarness þegar harmafregnin
barst okkur, gömlu bekkjarsystk-
inum hans.
Gummi Geir þjáðist af slæmum
sjúkdómi, vöðvarýrnun, sem hefur
farið versnandi með hveiju ári sem
hann hefur verið með okkur í skól-
anum. Við munum vel eftir því að
þegar við hófum skólagöngu gat
hann farið flestra sinna ferða en
síðustu árin var hann bundinn við
hjólastól. Þá naut hann umönnun-
ar uppeldisfulltrúa í skólanum,
sem var hans hægri hönd.
Hann hafði mikinn áhuga á
náminu og þar á meðal landafræði
og sögu. Þar var aldrei komið að
tómum kofunum hjá honum. Minn-
ingar um ljúfan dreng hrannast
upp í hugum okkar á svona stundu
og hans verður sárt saknað. Við
kveðjum hann með þessum fátæk-
legu orðum og sendum fjölskyldu
hans og ættingjum innilegar sam-
úðarkveðjur. Við vitum að fátæk-
leg orð segja lítið um Gumma
Geir en minningin um hann lifir í
hjarta okkar.
Kallið er komið,
komin er nú stundin,
vinaskilnaðar viðkvæm stund.
Vinimir kveðja
vininn sinn látna,
er sefur hér hinn siðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stdð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
Grátnir til grafar
, göngum vér nú héðan,
fylgjum þér, vinur. Far vel á braut.
Guð oss það gefí,
glaðir vér megum
þér síðar fylgja’ í friðarskaut.
(V. Briem)
Þínir bekkjarfélagar úr 9.
bekkjum í Grunnskóla
Grindavíkur.
Sælir em hjartahreinir, því að þeir munu
Guð sjá. (Mt. 5,8.)
Við viljum með fáum orðum
minnast bekkjarfélaga okkar Guð-
mundar Geirs, sem lést 22. mars
sl., og um leið vottum við foreldr-
um hans og öðrum ástvinum sam-
úð.
Guðmundur Geir átti heima í
Grindavík þangað til fyrir stuttu
þegar hann fluttist með fjölskyldu
sinni á Seltjarnarnesið og hóf
skólagöngu í Valhúsaskóla.
Hann kom í bekkinn okkar fyr-
ir fáum vikum og á þeim stutta
tíma sem hann var með okkur
fengum við að kynnast mjög sér-
stökum strák. Þrátt fyrir veikindi
sín virtist hann alltaf vera ánægð-
ur. Hann var kurteis og glaðlynd-
ur. Við dáðumst að honum og
baráttu hans. Þrátt fyrir að hann
væri ekki lengi samferða okkur
gleymum við honum aldrei. Við
lærðum mikið af honum og þökk-
um fyrir að hafa fengið að kynn-
ast honum og hefðum viljað hafa
hann lengur í hópnum og kynnast
honum betur.
Við viljum trúa því að hann sé
kominn í hendur Drottins sem
læknar öll mein. Blessuð sé minn-
ing hans.
Nú legg .ég aupn aftur,
ó, Guð, þinn náðarkraftur
mín veri vöm í nótt. ♦
Æ, virst mig að þér taka,
mér yflr láttu vaka
þinn engil, svo ég sofi rótt.
(Foersom - S. Egilsson.)
Bekkjarfélagar í 9.-C, Val-
húsaskóla, Seltjarnarnesi.
Látinn er langt um aldur fram
frændi minn Gummi Geir. Mig
skortir orð. Gummi Geir fæddist
sama dag og faðir minn var jarð-
settur og kveður þennan heim á
afmælisdegi bróður míns.
Gummi Geir fæddist í Grindavík
11. júlí 1978 sonur systur minnar
Guðlaugar Þ. Guðmundsdóttur og
Guðmundar Guðmundssonar. Hann
var yngsta barn foreldra sinna, fyr-
ir voru systurnar Þorgerður og Elva
Björk. Hann Gummi Geir var sann-
kallaður gleðigjafi, þótt hann ætti
við erfiðan sjúkdóm að stríða mest-
an hluta sinnar stuttu ævi. Ég
minnist sl. vors þegar við komum
saman til að fagna fermingu hans.
Gleði og ánægja lýsti upp andlit
hans, hann var kominn í fullorðinna
manna tölu.
Miklar breytingar voru orðnar í
lífi hans. Hann var fluttur með
móður sinni frá æskustöðvunum í
Grindavík, út á Seltjarnarnes, þar
var hann kominn í nýjan skóla og
leit björtum augum fram á veginn.
Ég minnist kvöldstundar fyrir
stuttu, er ég sat hjá honum, þegar
móðir hans þurfti að skreppa frá.
Við ræddum saman um lífið og til-
veruna. Hans áform voru að fara í
menntaskóla.
Enginn veit hvað átt hefur fyrr
en misst hefur. Nú er tekin við ný
tilvera hjá Gumma Geir. Hvað sem
tekur við eftir þetta líf, er ég viss
um að hann heldur áfram að vera
hvers manns hugljúfi. Ég sendi
mínar innilegustu samúðarkveðjur
til foreldra hans, systra og annarra
ættingja, sem nú eiga um sárt að
binda og’ bið ég góðan Guð um að
styrkja þau í sorg þeirra.
Já, þannig endar lífsins sólskinssaga
vort sumar stendur aðeins fáa daga.
En kannski á upprisunnar mikla morgni
við mætumst öll á nýju götuhomi.
(Tómas Guðmundsson).
Jóhanna Guðmundsdóttir.
Okkur langar að kveðja kæran
vin okkar, Gumma Geir, sem við
vorum svo lánsamar að fá að kynn-
ast.
Gummi Geir kom fyrst til okkar
í Lyngsel í janúar 1992 og hófust
þá ánægjuleg kynni sem engin
okkar hefði viljað fara á mis við.
Hann var kátur og fullur af lífs-
gleði og horfði björtum augum til
framtíðarinnar þrátt fyrir sína lík-
amlegu fötlun. Stefndi hann til
dæmis á framhaldsnám.
Gummi Geir var mjög vel lesinn
og kom okkur alltaf í opna skjöldu
með fróðleiksmolum sínum og til-
vitnunum. Hann var mikill herra-
maður og sýndi það í verki. Kom
hann til dæmis eitt sinn færandi
hendi með rós til kærrar vinkonu
sinnar sem dvaldist hér hjá okkur.
Stoð Gumma Geirs og stytta
var tvímælalaust móðir hans, Guð-
laug Guðmundsdóttir, sem ávallt
birtist með einkason sinn með bros
á vör þrátt fyrir ýmsar hindranir
sem á vegi þeirra mæðginanna
urðu.
Elsku Gulla, við biðjum góðan
Guð um að styrkja þig á þessum
erfiðu tímum.
Kallið er komið,
komin er nú stundin,
vinaskilnaðar viðkvæm stund.
Vinimir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
(V. Briem.)
Kolbrún, Sigríður, Helga
Leona, Helga Magnea, Frið-
björg og Helga Hildur.
Þriðjudaginn 23. mars barst
okkur í Grunnskóla Grindavíkur
sú harmafregn að Guðmundur
Geir hefði látist. Hann var nýflutt-
ur frá Grindavík, hafði aðeins búið
á Seltjamarnesi í hálfan mánuð.
Gummi Geir var haldinn erfiðum
sjúkdómi sem smám saman dró
úr honum mátt. Fyrstu skólaárin
sín gekk hann hjálparlítið en fljót-
lega var hann kominn í hjólastól.
Með veru sinni í skólanurrr má
fullyrða að Gummi Geir hefur haft
þar meiri áhrif en flestir aðrir,
bæði á nemendur og starfsfólk.
Hann hefur á sinn hátt sýnt okkur
fram á að fatlaðir og ófatlaðir eiga
samleið og lagt sitt af mörkum til
þess að brjóta niður þau viðhorf
og hindranir sem aðskilja fatlaða
og ófatlaða. Að þessu munum við
búa.
Þrátt fyrir líkamlega fötlun var
Gummi Geir hress, bar sig vel og
missti varla dag úr skóla vegna
veikinda. Hann var mikill lestrar-
hestur og tíður gestur á bókasafni
skólans. Hann var ekki gamall
þegar hann hafði lesið allt sem
þar var til um náttúrufræði, sögu,
landafræði og vísindi og rak kenn-
arana stundum á gat. Sérstaklega
var honum hugleikið allt það er
laut að tækni og vísindum. Aðeins
11 ára gamall fitjaði hann upp á
umræðu um gufuvélina og áhrif-
um hennar við kennara sinn. Það
leyndi sér ekki að hann var bráð-
skýr og fróðleiksfús.
Gummi Geir fylgdist ekki síður
með málefnum líðandi stundar og
hann var aðalmaðurinn í liði 9. F
í spurningakeppni skólans og hef-
ur liðið með hann innanstokks
unnið alla sína andstæðinga í vet-
ur og er komið í úrslit. Oft mátti
heyra aðdáunar- og undrunarklið
fara um salinn þegar Gummi Geir
svaraði erfiðum spurningum um
málefni sem flestir jafnaldrar hans
höfðu aldrei leitt hugann að. Ráð-
gert hafði verið að hann kæmi og
lyki keppni með sínum gamla bekk
en nú hafa æðri máttarvöld skor-
ist í leikinn.
Að leiðarlokum þökkum við
samfylgdina og geymum minning-
ar um góðan og hugprúðan dreng.
Ástvinum Guðmundar Geirs send-
um við innilegar samúðarkveðjur.
Legg ég bæði líf og önd,
ljúfi Jesús, í þína hönd
síðast þegar ég sofa fer,
sitji Guðs englar yfir raér.
(Hallgrímur Pétursson)
Starfsfólk Grunnskólans
í Grindavík.
Bundinn hjólastól
jafnaldrar gangandi hjá
hverjar vonir hvaða væntingar bærðust
um óvissa framtíð
geðgóður og glaðlyndur
gáfum vel búinn
hugprúður byrðina bar
móðir og sonur, ylur og ljós
þrautir að baki.
Steinþór Jóhannsson.
MORGUN
AUKI
BLAÐSINS
Hestamennska
Þriðjudagsblaöi Morgunblaðsins, 6. apríl nk., fylgir blaðauki sem heitir
Hestamennska. í þessu blaði verður fjallað um það sem verður á döfinni hjá
hestamönnum í sumar og greint frá helstu hestamannamótum og sýningum.
Fjallað verður um skemmtilegar reiðleiðir, útbúnað og undirbúning vegna
hestaferða, hrossarækt, hestamennsku sem fjölskylduíþrótt, hagabeit, algenga
kvilla í hrossum og gefin góð (hest)húsráð.
Þeim sem áhuga hafa á ab auglýsa í þessum blaöauka er bent á aö tekiö er
viö auglýsingapöntunum til kl. 16.00 þriöjudaginn 30. mars.
Nánari upplýsingar veitir Petrína Ólafsdóttir, starfsmaöur auglýsingadeildar
í síma 69 1111 eöa símbréf 69 1110.
- kjarni málsins