Morgunblaðið - 30.03.1993, Blaðsíða 28
28
MORGUNBLAÐIÐ ÞRIÐJUDAGUR 30. MARZ 1993
AKUREYRI
Skíðaveisla í HKðar-
fjalli í aprílmánuði
Skíðamót Islands, Andrésar Andarleikar og fleira
MIKIÐ verður um að vera í Hlíðarfjalli í næsta mánuði,
en forsvarsmenn Skíðaráðs Akureyrar og Skíðastaða í
Hlíðarfjalli kynntu dagskrána, eða Skíðaveislu á Akureyri
í apríl, eins og hún nefnist á fundi fyrir nokkru. Skíða-
mót íslands hefst í þessari viku, í kjölfarið kemur páska-
vikan með margvíslegri dagskrá, þá alþjóðlegt skíðamót
og loks Andrésar andarleikarnir með um 800 keppendum.
Skíðamót íslands hefst í þessari
viku, fimmtudaginn 1. apríl, og
stendur til 4. apríl. Gert er ráð
fyrir um 90 keppendum á mótið,
þar sem verða um 70 manns er
keppa í alpagreinum og er von á
mörgum af bestu skíðamönnum
landsins til mótsins. Þá er búist
við á milli 15 og 20 manns til
keppni í skíðagöngu og þar munu
einnig fremstu göngumenn lands-
ins keppa. Landsbanki íslands
gefur öll verðlaun á Skíðamóti ís-
lands.
Brettakeppni
Um páskana verður eins og
vanalega mikið um að vera í Hlíð-
arfjalli. Síðustu ár hefur Flugleiða-
trimm verið haldið á páskadag við
miklar vinsældir en hátt á annað
hundrað manns hafa tekið þátt í
trimminu. Yngstu skíðamennirnir
munu spreyta sig í parakeppni og
þá verður bryddað upp á þeirri
nýjung að efna til brettakeppni,
en að sögn ívars Sigmundssonar
forstöðumanns í Hlíðarfjalli hafa
menn verið að prófa í vetur að
renna sér á brettum og nokkrir
náð ótrúlegri leikni.
Dagana 16. og 17. apríl verður
keppt í stórsvigi á alþjóðlegu
skíðamóti í Hlíðarfjalli, en að sögn
Þrastar Guðjónssonar, formanns
Skíðaráðs, er óvíst hvaða erlendir
þátttakendur muni mæta til leiks.
Hann sagði að bæði Lúxemborgar-
ar og Norðmenn hefðu sýnt mótinu
áhuga, en það skýrðist betur er
nær dragi hverjir kæmu. Á síðasta
ári voru um 100 erlendir þátttak-
endur á þessu árlega alþjóðlega
skíðamóti, sem einnig fer fram í
Reykjavík og á ísafirði.
Um 800 keppendur
Andrésar andarleikamir verða
haldnir í 18. sinn dagana 22. til
24. apríl næstkomandi. og er búist
við um 800 keppendum víðs vegar
að af landinu. Mótið er komið í
fastar skorður, að sögn Gísla
Kristins Lórenzsonar formanns
Andrésarnefndar og verður með
svipuðu sniði og áður. Nú hefur
þó verið bætt inn í dagskrá móts-
ins keppni í þrautabraut fyrir
keppendur á aldrinum 7 til 9 ára.
Keppt verður á þremur stöðum í
Hlíðarfjalli mótsdagana og sagði
Friðrik Adolfsson í Andrésarnefnd
að tímatökur yrðu um 3.000 tals-
ins, sem gæfi glögga mynd af
umfangi mótsins. Um 100 manns
starfa við mótshaldið. Frestur til
að tilkynna þátttöku á Andrésar
andarleikunum rennur út 29. mars
næstkomandi.
Nóg pláss
Áhugi er fyrir því að efna til
skíðaveislu í Hlíðarfjalli í apríl-
mánuði í framtíðinni, en þá er
veðursæld hvað mest og ætti að
henta vel öllum unnendum útiveru
að bregða sér í Hlíðarfjall. Þó svo
að keppnir af margvíslegu tagi séu
í gangi í fjallinu tók Ivar skýrt
fram að nægt pláss væri fyrir al-
menning og það væri útbreiddur
misskilningur að almenningur yrði
að víkja fyrir keppnisfólki. „Það
er nóg pláss fyrir alla í Hlíðar-
ijalli,“ sagði ívar.
-----♦ ♦ «----
Slasaðist
í bílveltu
Eyjafjarðarsveit.
BÍLVELTA varð hjá Önguls-
stöðum síðastliðinn laugar-
dag. Kona sem var ein í bíln-
um hlaut höfuðhögg og nef-
brotnaði og var hún flutt á
slysadeild Fjórðungssjúkra-
hússins á Akureyri.
Vegurinn var nýheflaður og
missti konan stjórn á bílnum þegar
hann lenti í lausamöl, sem ekki
hafði náð að þjappast niður. Bíll-
inn, sem er að Subaru Station
gerð er stórskemmdur eftir velt-
una.
Benjamín
Rættum
framtíð
Háskólans
á Akureyri
FÉLAGSSTOFNUN stúd-
enta við Háskólann á Ak-
ureyri efnir til umræðu-
fundar á Hótel KEA í
kvöld, þriðjudagskvöldið
30. mars kl. 20, um nútíð
og framtíð Háskólans.
Á fundinum flytja m.a.
ávörp Sigrún Tryggvadóttir
formaður Félagsstofnunar
stúdenta, Haraldur Bessason
rektor, deildarstjórar allra
deilda skólans og nemar úr
hverri deild, en að loknum
framsöguerindum verður opn-
að fyrir almennar umræður.
Námskeió ætluð
atvinnulausum
Menningar- og fræðslusamband alþýðu stendur fyrir námskeiðum,
sem eru ætluð atvinnulausum. Starfsmenntasjóður félagsmála-
ráðuneytisins og Atvinnuleysistryggingasjóður greiða námskeiðs-
gjöld. Eftirtalin námskeið verða í Reykjavík. Þau eru haldin ýmist
fyrir eða eftir hádegi og standa yfir í 4 virka daga.
Sjólfsstyrking, fjármál heirnila,
atvinnuumsóknir og mannleg
samskipti
31. mars til 6. apríl
annað 14. apríl til 20. apríl
Tölvunámskeið fyrir byrjendur
5. til 7. apríl
WINDOWS-forritið
14. til 16. apríl
Tölvunámskeið, framhald
14. til 16. apríl
Ritvinnslukerfið WORD
19. til 21. apríl
Tölvunámskeið fyrir byrjendur
19. til 21. apríl
Tölvunámskeið, framhald
26. til 29. apríl
WINDOWS-forrítið
26. til 29. apríl
Skráning fer fram í síma 814233frá
klukkan 9:00-17:00 alla virka daga.
Námskeið eru einnig haldin utan
Reykjavíkur í samvinnu við
stéttarfélög á hverjum stað.
Enska - talmál
13. til 16. apríl
Enska fyrir byrjendur
13. til 16. apríl
Almenn skrifstofustörf
13. til 16. apríl
Bókfærsla
13. til 16. apríl
Stafsetning
19.-21 apríl og 26. apríl
Rifjum upp reikning
19. til 23. apríl
Hagnýtt heimilishald
Fatsaumur 1 13. til 16. apríl
Fatasaumurll 13. til 16. apríl
Matreiðsla 19. til 21. mars
IL'
X
• tu
MFA
^ Morgunblaðið/Rúnar Þór
Agæt verkefnastaða
ÞAÐ HEFUR verið þokkaleg verkefnastaða hjá Slippstöðinni Odda
á Akureyri frá áramótum og meira að gera en venja er til yfir hávet-
urinn. „Við komumst ágætlega í gegnum veturinn, en það er heldur
farið að draga úr núna, þó erum við alveg með viðunandi verk-
efni,“ sagði Sigurður Ringsted, forstjóri Slippstöðvarinnar Odda. í
lok janúar og allan febrúarmánuð var mikið að gera, m.a. var unn-
ið allan sólarhringinn við að smíða nýja brú á Margréti EA. Á því
tímabili voru starfsmenn teknir úr verkefni við smíði Malavískipsins
svonefnda, en nú er aftur verið að vinna í skipinu sem afhenda á í maí.
Ný sjúkrabifreið
RAUÐA krossdeildin á Akureyri fékk fyrir skömmu afhenta nýja
og fullkomna sjúkrabifreið, en við henni tóku þeir Tómas Búi Böð-
varsson slökkviliðsstjóri og Úlfar Hauksson formaður deildarinnar,
en þeir Birgir Bjarnfinnsson sölumaður og Hannes Strange sölu-
stjóri bíladeildar Gobus afhentu bifreiðina.
Eauði krossinu fær
nýja sjúkrabifreið
RAUÐA krossdeild Akureyrar fékk fyrir skömmu afhenta
nýja og fullkomna sjúkrabifreið, en það var Globus hf.
umboðsaðili Ford á Islandi sem afhenti bifreiðina.
Bifreiðin er af gerðinni Ford-
Econoline E-350 með 185 hestafla
7,3 lítra diesel vél. Bifreiðinni var
breytt hér á landi til sjúkraflutn-
inga og önnuðust bifreiðasmiðirnir
Óskar Halldórsson og Gunnlaugur
Einarsson breytingarnar á henni.
Bifreiðin er útbúin fullkomnustu
tækjum til sjúkraflutninga og er
hún einnig fjórhjóladrifin og sá
fyrirtækið Fjallabílar, Stál og
stanzar um þá vinnu.