Morgunblaðið - 30.03.1993, Blaðsíða 23

MORGUNBLAÐIÐ ÞRIÐJUDAGUR 30. MARZ 1993
23
Reuter
„Jeltsín, Jeltsín!“
UM 100.000 manns fylktu liði í miðborg Moskvu á sunnudag til stuðn-
ings Borís Jeltsín forseta og hvöttu hann til að virða fulltrúaþing
Rússlands að vettugi.
Sprengjutilræðið í World Trade Center á Manhattan
150 sagðir tilbúnir
til sjálfsmorðsárása
New York. Frá Huga Ólafssyni, fréttaritara Morgnnblaðsins.
MENNIRNIR, sem grunaðir eru um að hafa valdið sprenging-
unni í World Trade Center í New York kröfðust þess að
Bandaríkin létu af stuðningi við Israel og ótilgreind araba-
ríki, að því er fram kemur í bréfi sem lögregla eignar einum
þeirra. Frekari hryðjuverkum var hótað meðal annars gegn
„kjarnorkuskotmörkum" og yfir 150 Iiðsmenn „Fimmtu her-
deildar Frelsishersins“ voru sagðir tilbúnir að fórna lífi sínu
í frekari árásum. Sögðu sérfræðingar í gær að taka bæri
bréfið og hótanir þær sem það hefði að geyma alvarlega.
Bréfið, sem barst blaðinu The New
York Times fjórum dögum eftir
sprenginguna, var ekki birt fyrr en
á sunnudag að beiðni lögreglu. Með
birtingu þess er í fyrsta sinn varpað
ljósi á tilganginn að baki verknaðin-
um en yfirvöld telja sig nú hafa púsl-
að saman heillegri mynd af mönnun-
um fimm sem sitja í varðhaldi og
tengslum þeirra við sprenginguna.
Yfirvöld í Washington segjast ekki
vita um tilvist „Fimmtu herdeildar-
innar“ en annar öldungardeildar-
þingmanna New York-ríkis, A1
D’Amato, fullyrðir að samtökin séu
tengd íran og Hamas-hreyfmgu
múslima á herteknum svæðum ísra-
ela.
Hermdarverkamaður fékk
dvalarleyfi
Innflytjendaeftirlitið viðurkennir
að hafa gert mistök þegar það veitti
egypska klerkinum Omar Abdel Rah-
man dvalarleyfi þrátt fyrir að hann
væri á lista yfír meinta hermdar-
verkamenn en mennimir fimm sem
eru í haldi báðust fyrir í mosku hans
í Jersey City. Þá þykir það undarlegt
að Mahmud Abohalima, egypskur
leigubílstjóri, sem yfirvöld segja vera
höfuðpaurinn í hópnum, gat farið
margoft inn og út úr Bandaríkjunum
með útrunna vegabréfsáritun til að
beijast með trúbræðrum sínum í
Afganistan gegn sovéska innrásar-
hernum. Arið 1990 fékk Abohalima
dvalarleyfi í Bandaríkjunum í gegn-
um sérstaka undanþágu sem „land-
búnaðarverkamaður“ þó hann skráði
heimili sitt í Brooklyn, sem hlýtur
að teljast eitt óræktarlegasta svæði
Bandaríkjanna og þótt víðar væri
leitað.
Talsmenn 2,5 milljóna Bandaríkja-
manna af arabískum uppruna óttast
aukna fordóma í sinn garð nú þegar
flest bendir til að egypskir og palest-
ínskir innflytjendur beri ábyrgð á
dauða sex manna og um 50 milljarða
króna tjóni í „versta hryðjuverki í
sögu Bandaríkjanna," svo vitnað sé
í leiðara The New York Times. Marg-
ir múslimar óttast einnig að almenn-
ingsálitið setji þá alla undir sama
hatt og áhangendur Rahmans.
Moska hans er þó aðeins einn af 400
bænastöðum múslima á New York-
svæðinu en múhameðstrú er í ör-
ustum vexti allra trúarbragða í
Bandaríkjunum og á sér nú fjórar
milljónir áhangenda.
----♦ ♦ ♦---
New York Post
Murdoch tek-
ur við aftur
Ncw York. Reuter.
FJÖLMIÐLAJÖFURINN Rupert
Murdoch hefur samþykkt að taka
aftur við stjórn dagblaðsins New
York Post af auðkýfingnum Abe
Hirschfeld. Murdoch sem fæddist í
Astralíu en er nú bandarískur ríkis-
borgari og átti New York Post á
árunum 1977-88. Hann neyddisttil
að selja blaðið vegna reglna sem
banna að einstaklingar eða fyrir-
tæki eigi bæði dagblöð og sjón-
varpsstöðvar á sama markaðs-
svæði. Murdoch á sjónvarpsstöð í
New York. Samkomulagið er með
fýrirvara um að bandarísk yfírvöld
veiti Murdoch varanlega undan-
þágu til að reka blaðið og er al-
mennt talið að svo verði.
Casey, fyrrv. biskup
Barnið get-
ið í aftur-
sæti bílsins
Dyflinni. Reuter.
BRESKA dagblaðið Sunday
Times birti á sunnudag út-
drátt úr opinskáum ævi-
minningum Annie Murphy,
bandarísku konunnar sem
átti í ástarsambandi við
írska biskupinn Eamonn
Casey. I bókinni skýrir hún
meðal annars frá því að bisk-
upinn hafi barnað hana í
aftursæti sportbíls í kola-
námu í grennd við Dyflinni.
í bókinni, sem heitir „Forbidd-
en Fruit“ (Forboðinn ávöxtur),
segir að lögreglumenn hafi næst-
um komið að þeim við samfarirn-
ar. „Ég hef aldrei kynnst jafn
fimum manni í slíkum þrengsl-
um,“ segir Murphy.
Cásey er 65 ára og sagði af
sér í maí eftir að skýrt var frá
því að hann hefði átt í ástarsam-
bandi við Murphy á áttunda ára-
tugnum og barnað hana. Honum
er eignaður átján ára sonur henn-
ar, Peter.
Murphy skýrir ennfremur frá
fyrstu nóttinni sem þau sænguðu
saman. „Ég kynntist þarna miklu
hungri. Þetta var írsk hungurs-
neyð holdsins."
FERMINGARVÖRUR
Allar fermingarvörur,
afskorin blóm og
blómaskreytingar
BLÓMIÐ
Grensásvegi 16,Reykjavík,sími811330
ORÐSENDING FRÁ LÍFEYRISSJÓÐi VERZLUNARMANNA
ERT ÞÚ AÐ GLATA LÍFEYRISRÉTTINDUM?
Lífeyrissjóður verzlunarmanna hefur sent sjóðfélögum yfirlit yfir móttekin iðgjöld á
tímabilinu 1. september 1992 til 28. febrúar 1993. Ekki er óeðlilegt að greiðslur fyr-
ir mánuðina desember 1992 til febrúar 1993 vanti inn á yfirlitið.
Hafir þú ekki fengið yfirlit, en dregið hafi verið af launum þinum í Lífeyrissjóð
verzlunarmanna, eða ef launaseðlum ber ekki saman við yfirlitið, þá vinsamleg-
ast hafið samband við innheimtudeild sjóðsins hið allra fyrsta og eigi siðar en
1. maí n.k.
Verði vanskil á greiðslum iðgjalda í lífeyrissjóð geta dýrmæt réttindi glatast:
ELLILÍFEYRIR - ÖRORKULÍFEYRIR - MAKALÍFEYRIR - BARNALÍFEYRIR
GÆTTU RÉTTAR ÞÍNS!
í lögum um ábyrgðarsjóð launa segir meðal annars:
Til þess að iðgjöld launþega njóti ábyrgðar ábyrgðarsjóðs launa vegna gjald-
þrota skulu launþegar innan 60 daga frá dagsetningu yfirlits ganga úr skugga
um skil vinnuveitenda til viðkomandi lífeyrissjóðs. Séu vanskil á iðgjöldum
skal launþegi innan sömu tímamarka leggja lífeyrissjóði til afrit launaseðla
fyrir það tímabil sem er í vanskilum. Komi athugasemd ekki fram frá launþega
er viðkomandi lífeyrissjóður einungis ábyrgur fyrir réttindum á grundvelli ið-
gjalda þessara að því marki sem þau fást greidd, enda hafi lífeyrissjóðnum
ekki verið kunnugt um iðgjaldakröfuna.
LÍFEYRISSJÓDUR VERZLUNARMANNA
HÚSI VERSLUNARINNAR, 4. HÆÐ, 103 REYKJAVÍK,
SÍMI (91) 814033, TELEFAX (91) 685092.