Morgunblaðið - 30.03.1993, Blaðsíða 20

20
MORGUNBLAÐIÐ ÞRIÐJUDAGUR 30. MARZ 1993
Umhverfisviðurkenning Iðnlána-
sjóðs.
Umhverfis-
viðurkenn-
ing Iðnlána-
sjóðs veitt
Á ÁRSFUNDI Iðnlánasjóðs nk.
fimmtudag, 1. apríl, kemur í
ljós hvaða fyrirtæki fær um-
hverfisviðurkenningu sjóðsins
í ár. Dómnefnd skipuð fuiltrú-
um frá Vinnueftirliti ríkisins,
umhverfisráðuneyti og Iðn-
lánasjóði hefur lokið störfum
og verður niðurstaða hennar
kynnt á ársfundinum.
Umhverfisviðurkenning Iðnl-
ánasjóðs er listaverk eftir mynd-
listarmanninn Magnús Tómasson.
Viðurkenning er veitt árlega fyrir-
tæki sem skarar fram úr í öryggis-
málum starfsfólks og verndun
umhverfis. Jóhanna Sigurðardóttir
félagsmálaráðherra mun afhenda
viðurkenninguna í fjarveru Eiðs
Guðnasonar umhverfisráðherra.
(Fréttatilkynning)
r- <—
VORVÖRUR
Blóma- og
grænmetisfræ,
sáðpakkar og
allar gerðir potta.
Gróðurmold í
þriggja til
þrjúhundruð lítra
umbúðum.
® FRJÓhf
HEILDVERSLUN
Fosshálsi 13-15.
Sími: 67 78 60
Fax: 67 78 63

Arsreikningur Landsbanka Islands vegna síðasta árs staðfestur
Vaxtamunur lækkaði frá
Ársreikningar undirritaðir
JÓN Sigurðsson, viðskiptaráðherra, undirritar ársreikning Landsbanka íslands. AÐrir á myndinni eru,
frá vinstri, Anna Margrét Guðmundsdóttir, varamaður í bankaráði, Björgvin Vilmundarson, formaður
bankasljórnar, Halldór Steingrímsson, forstöðumaður reikningshalds bankans, og bankaráðsmennirnir
Kjartan Gunnarsson Lúðvík Jósepsson og Kristín Sigurðardóttir.
FJARMUNATEKJUR Lands-
banka íslands, sem eru að
stærstum hluta vaxtatekjur af
útlánum, lækkuðu milli ár-
anna 1991 og 1992 um rúma
þijá milljarða króna og fjár-
magnsgjöld bankans, sem eru
fyrst og fremst vaxtagjöld
vegna innlána, lækkuðu um
tæpa þijá milljarða króna, að
því er fram kemur í frétt frá
Landsbankanum vegna árs-
reiknings 1992. Minnkandi
velta milli ára stafar annars
vegar af minni verðbólgu 1992
en árið áður og hins vegar af
minni umsvifum vegna sam-
dráttar í efnahagslífi lands-
manna. Vaxtamunur bankans
lækkaði úr 3,9% árið 1991 í
3,5% á árinu 1992 og eiginfjár-
hlutfall er 9,3% eftir þær ráð-
stafanir sem ríkisstjórnin
ákvað að grípa til til að styrkja
stöðu hans.
Hér á eftir birtist í heild frétt
Landsbankans:
Fjármunatekjur lækka
Jón Sigurðsson viðskiptaráðherra,
staðfesti í dag með undirskrift sinni
á fundi bankaráðs Landsbanka ís-
lands, ársreikning bankans vegna
ársins 1992.
Ársreikningurinn ber merki þeirra
ráðstafana sem gripið var til vegna
hækkunar á sérstöku framlagi í af-
skriftareikning útlána bankans.
Fjármunatekjur, sem eru að
stærstu leyti vaxtatekjur af útlánum
í samstæðureikningi Landsbankans,
lækka á árinu 1992 í 10.574 milljón-
ir króna úr 13.687 milljónum kr. á
árinu 1991. Fjármagnsgjöld, sem eru
fyrst og fremst vaxtagjöld vegna
innlána, lækka á sama tímabili í
6.895 milljónir kr. úr 9.846 milljón-
um kr. Veltulækkun þessi á milli ára
stafar annars vegar af lægri verð-
bólgu árið 1992 og hins vegar af
minni umsvifum vegna samdráttar í
efnahagslífi landsins. Vaxtamunur
Landsbankans var 3.525 milljónir
króna á árinu 1992 samanborið við
3.703 milljónir króna 1991. Vaxta-
munur Landsbankans var 3,5% á
árinu 1992 og hafði lækkað úr 3,9%
frá árinu áður. Þessi vaxtamunur er
reiknaður áður en afskriftir útlána
voru dregnar frá.
Aðrar rekstrartekjur, þar sem
þyngst vega þóknanir og þjónustu-
tekjur, hækkuðu í 2.496 milljónir
króna á árinu 1992, úr 2.257 milljón-
um króna á árinu 1991 eða um
10,6%. Önnur rekstrargjöld, þ.e.
launakostnaður og annar rekstrar-
kostnaður að meðtöldum afskriftum
rekstrarfjármuna að upphæð 301
m.kr. á árinu 1992, hækkaði í 4.824
milljónir króna úr 4.703 milljónum
króna á árinu 1991 eða um 2,6%.
Hagnaður af reglulegri starfsemi
Landsbankans fyrir skatta var 66
milljónir króna á árinu 1992 saman-
borið við 294 milljónir króna 1991.
Eftir skatta var um að ræða 11 millj-
óna króna hagnað á árinu 1992, en
104 milljónir króna 1991.
Framlag í afskriftareikning útlána
var 1.288 milljónir króna á árinu
1992 samanborið við 1.022 milljónir
króna á árinu 1991. Við framlag
ársins 1992 bætist sérstakt framlag
á árinu að upphæð 2.800 milljónir
króna. Að teknu tilliti til skattaáhrifa
verður bókfært tap ársins 1992,
2.733 milljónir króna.
Eftir þessi háu framlög í afskrifta-
reikning útlána og endanlega afskrif-
uð útlán á árinu að upphæð 1.373-
milljónir króna, voru alls 5.347 millj-
ónir króna á afskriftareikningi útlána
í árslok 1992, samanborið við 2.595
milljónir króna í árslok 1991. Ekki
er hér um endanlega afskrift útlána
að ræða heldur eru þetta eðlileg og
nauðsynleg varúðarsjónarmið í sam-
ræmi við viðurkenndar reiknings-
halds- og matsreglur. Orsakanna er
að leita í vaxandi erfiðleikum í at-
vinnulífi landsmanna á síðustu árum,
sem hefur leitt til þess að fjárhags-
staða fjölmargra viðskiptamanna
hefur versnað verulega.
Landsbanki íslands greiddi alls
553 milljónir króna í opinber gjöld
og skatta á árinu 1992. Samtals
voru 1.828 starfsmönnum greidd ein-
hver laun á árinu 1992, alls að upp-
hæð 2.494 milljónir króna, að með-
töldum launatengdum gjöldum.
Stöðugildi við bankastörf voru alls
1.061 hinn 1. janúar 1993 samanbor-
ið við 1.121 hinn 1. janúar 1992, sem
er fækkun um 60 stöður á árinu eða
5,4%.
Stefnt er að enn frekari fækkun
á yfirstandandi ári eins og þegar
hefur komið fram.
Áhrif af rekstri dótturfélaga hafa
verið færð í samstæðureikningsskil-
unum. Þar er um að ræða Landsbréf
hf., Lind hf., Hömlur hf., Rekstrarfé-
lagið hf., Veðdeild Landsbanka ís-
lands og Stofniánadeild samvinnufé-
laga.
Niðurstöðutala efnahagsreiknings
bankans var 105.355 milljónir króna
í árslok 1992 samanborið við 105.395
milljónir króna í árslok 1991. Vegna
áðurgreinds sérstaks framlags í af-
skriftareikning útlána lækkaði eigið
fé bankans úr 6.235 milljónum króna
í árslok 1991 í 3.614 milljónir któna
í árslok 1992.
Til þess að bankinn uppfylli lög-
boðnar lágmarkskröfur um eigið fé,
hefur ríkisstjórnin gripið til sérstakra
ráðstafana með eftirfarandi hætti.
Landsbankinn fékk víkjandi lán
frá Seðlabanka íslands að upphæð
1.253 milljónir króna fyrir árslok
1992. Áður en lokið var við gerð
ársreikningsins ákvað Alþingi með
lögum að heimila ríkisstjóm Islands
að auka eigið fé Landsbanka íslands
um allt að 2.000 milljónir króna og
gera bankanum kleift að taka víkj-
andi lán, að fjárhæð allt að 1.000
milljónir króna, til viðbótar framan-
greindu 1.253 milljónir króna víkj-
andi láni. Verður sú heimild nýtt til
fulls.
Eftir þessar ráðstafanir verður
eiginfjárhlutfall Landsbanka íslands
9,3% miðað vð árslok 1992.
Selma Dóra Þorsteinsdóttir
form. Fóstrufélagsins látin
Guðmundur Guðmunds-
son frá Móum látinn
Guðmundur Guðmundsson skip-
stjóri frá Móum á Kjalarnesi, Unn-
arbraut 14, Seltjarnarnesi, lést
laugardaginn 27. mars sl. í Landa-
kotsspítala, eftir skamma sjúkra-
húsvist að lokinni skurðaðgerð.
Guðmundur var 75 ára að aldri,
fæddur 16. apríl 1917. Foreldrar
hans voru Guðmundur Guðmundsson
skipstjóri og síðar bóndi á Móum og
kona hans, Kristín Teitsdóttir.
Sjómennska á togurum varð
snemma starfsvettvangur Guðmund-
ar. Á þeim var hann um langt ára-
bil. Hann lauk Stýrimannaskólanum
1941. Öll heimsstyijaldarárin var
hann í siglingum sem háseti, stýri-
maður og skipstjóri og hóf skipstjóra-
feril sinn á gömlu togurunum. Þegar
nýsköpunartogaramir komu til sög-
unnar eftir stríð varð hann skipstjóri
á togaranum Garðari Þorsteinssyni
frá Hafnarfirði uns togarinn var seld-
ur norður til Siglufjarðar 1951.
Nokkru seinna varð Guðmundur
verkstjóri í frystihúsi ísbjamarins á
Seltjamarnesi. Þar urðu starfsárin
rúmlega 20. Við sameiningu Isbjarn-
arins og Granda hætti Guðmundur
störfum þar og gerðist útgerðarstjóri
rannsóknarskipa Hafrannsókna-
stofnunar. Lét hann af störfum þar
fyrir nokkmm árum.
Eiginkona Guðmundar, Sigríður
Ólafsdóttir, lifír mann sinn. Þeim
varð fjögurra barna auðið.
SELMA Dóra Þorsteinsdóttir, for-
maður Fóstrufélags íslands, lést
í Landspítalanum laugardaginn
27. mars, á fertugasta aldursári.
Selma Dóra fæddist að Vogi í
Presthólahreppi, N-Þingeyjarsýslu,
27. júní 1953. Hún útskrifaðist frá
Fósturskóla íslands 1976 og stund-
aði framhaldsnám í stjórnpn við
sama skóla 1983-84 en hún vann
að undirbúningi og skipulagi þess
náms. Hún stundaði framhaldsnám
við Barnevemsakdemiet í Ósló
1984-86 og vann við kennslu og
fyrirlestrahald í Noregi 1986-87.
Selma Dóra vann á ýmsum dag-
vistarstofnunum hjá Dagvist barna
í Reykjavík. Hún var fóstra og leik-
skólastjóri á leikskólanum Ösp, leik-
skólastjóri í Völvuborg og forstöðu-
maður á Völvukoti, leikskólastjóri í
Hálsaborg og verkefnastjóri hjá Dag-
vist barna.
Selma Dóra var í ritnefnd Fóstru-
félags íslands 1976-78. Árið 1980
var hún kosin í stjórn félagsins, var
varaformaður 1981-82 og formaður
1982—83. Hún varð aftur formaður
félagsins 1987-88. Árið 1988 var
Fóstrufélaginu breytt úr fagfélagi í
stéttarfélag og gegndi Selma Dóra
formennsku í félaginu síðan.
Hún tók þátt í ýmsum nefndar-
störfum sem vörðuðu málefni leik-
skólabama, meðal annars sat hún í
nefnd sem samdi lagafrumvarp um
leikskóla sem Alþingi samþykkti sem
lög árið 1991. Þá var hún fulltrúi
Fóstrufélagsins í nefnd sem samdi
tillögu að reglugerð við þau lög. Jafn-
framt var hún fulltrúi félagsins í
Fósturskólanefnd sem íjallaði um
framtíðarskipan fóstrumenntunar-
innar.
Stjórn Fóstrufélags íslands hefur
ákveðið að stofna sjóð til minningar
um Selmu Dóru Þorsteinsdóttur og
er markmið sjóðsins að styrkja fræði-
legar rannsóknir tengdar leikskó-
lauppeldi og menntun.
Eftirlifandi eiginmaður Selmu
Dóru er Guðjón Ágústsson múrara-
meistari. Þau eignuðust tvö börn.